رواية ليان الزعيم الفصل العاشر 10 - بقلم ايه عيد

ليان بصدمة ودموع: يعني إيه؟ أسر لف وشه الناحية التانية وبحدة: يعني اللي سمعتيه. ليان بدموع: يعني أنت اتجوزتني شفقة عليا ولا إيه بالظبط؟ أسر ببرود: أنا قلت اللي عندي. ليان قامت من على السرير ووقفت وراه وهي بتمسح دموعها بكف إيدها: أنت أكيد زعلان مني أو مضايق. أكيد بتهزر. أسر بصّلها بحدة: أنا مش بتاع هزار، ويستحسن تفهمي بسرعة ومتضيعيش وقتي. ليان حضنته. ليان بحزن: أنا عملت حاجة طيب زعلتك مني؟

أسر بعدها عنه وبحدة: أنا مشغول، مش فاضي للكلام ده. ولف عشان يمشي. ليان مسكت فيه: أسر استنى. أسر اتعصب ووقعها على السرير واتجه ناحية الباب وسابها في صدمتها وخرج. ليان بتبكي، واتحرجت إنها اتسرعت ولمحتله بمشاعرها. تحت في الصالة. أسر كان نازل مش طايق نفسه لدرجة إن جدته ندهت عليه كتير ومردش. طلع بره القصر وشاف حازم. أسر: جبتهم؟ حازم: موجودين يا باشا. وذهبوا للمخزن اللي كان سري في القصر ومحدش يعرف عنه حاجة. ونزلوا لتحت.

مسعود كان مضروب في وشه بطريقة جنونية. ورحاب قاعدة على الأرض وخايفة تطلع صوت عشان ميضربوهاش هي كمان. وكانت رجالة أسر معاهم. دخل أسر وحازم. أسر قعد على الكرسي قدام رحاب بكل هيبته وطلع سيجارة ونفث الدخان. أسر بنظرة مخيفة: قوللي بقى كنتي عايزة ليان ليه؟ رحاب بخوف: ما قلتلك يا باشا عشان نطمن عليها. أسر أخرج مسدسه وحطه على الطاولة اللي جنبه بكل هدوء.

رحاب خافت وقالت بسرعة: عشان ناخدها معانا. وفي حد من أهل بيتك هو اللي قالنا على الخطة عشان نعرفها إن والدك هو اللي حطها في الملجأ عشان تسيبك وتيجي معايا. أسر بصوته الرجولي: ومين الشخص ده؟ رحاب بسرعة: والله ما عرف يا باشا، بس هي ست وبتكلمني برقم مجهول. أسر وجه كلامه لحازم اللي واقف وراه: تليفونها فين؟ حازم جاب التليفون. أسر فتحه وشاف آخر رقم. أسر عرف الرقم أول ما شافه وعرف إنها سيا.

بص لرحاب بنظرة مرعبة: يا ترى هعمل فيكي إيه دلوقتي؟ رحاب بدموع: أبو*س رجلك يا بيه ارحمني، صدقني مش هخليك تسمع باسمي. أنا همشي وأسيب البلد خالص. أسر بحدة: بس انتي لازم تشربي من نفس الكأس. أسر قام وقف وبصلها بشر: وبنفس الطريقة اللي كنتي بتعمليها في الملجأ، إحنا هنعملها معاكي. بس هنزود الـ "باور" حبتين. وخرج ورحاب بتصرخ وتترجاه. وطبعًا محدش هيسمعها فوق لأن المكان عازل للصوت. أسر دخل القصر وهو متعصب وشاف سيا.

أسر بحدة لسيا: ورايا على مكتبي. سيا خافت وراحت وراه. في الوقت ده كانت نازلة ليا على السلم وشافت أسر داخل على المكتب وسيا وراه. واتضايقت. (ما أنتِ متعرفيش اللي فيها 😁) داخل المكتب. سيا بتوتر: فيه إيه يا أسر؟ أسر بنظرة هدوء ما قبل العاصفة: فين تلفونك؟ سيا بخوف: أهو. أخده منها وطلع من جيبه تليفون رحاب واتصل على الرقم الأخير. وبالفعل رن تليفون سيا. اللي اترعبت. أسر بصّلها بحدة: رقمك بيعمل إيه عند مشرفة الملجأ؟

سيا بخوف: أسر أنا... أسر صرخ فيها: انطقيييي! سيا اترعبت: كنت عايزها تاخد ليان من هنا. أسر قرب منها وبحدة: وإنتي فاكرة إني كنت هسمحلها بكده؟ سيا بدموع وكذب: أنا بحبك يا أسر وكنت عايزها تبعد عنك بس... أسر بسخرية: تؤ تؤ تؤ. إنتي بتحبي أملاكي. ابقي انطقيها صح. خبط الباب وأسر سمح بالدخول. ودخلت أميرة وكريمة. أميرة: فيه إيه يا أسر؟ كريمة قربت من بنتها: أنت كنت عايز من سيا إيه؟ أسر: أهي عندك اسأليها.

وخرج وكان رايح على الشركة. في أوضة ليان. ليان كانت قاعدة على السرير بتكلم صاحبتها نور. نور: إيه يا بنتي من تاني يوم كده تغيب؟ ليان بحزن: حصلت ظروف كده مسمحتش. نور: دي كارما فاكرة إنك غبتي عشان خايفة منه. ليان: وهي مين كارما دي؟ نور: دي متنمرة الفصل. ده أنا فلّت منها بالعافية. الأحسن إنك تبعدي عنها ومترديش عليها. ليان وهي مش مركزة في كلامها: آه ماشي. طب أنا هقفل دلوقتي عشان أذاكر. نور: ماشي، أشوفك بكرة بقى.

وقفلوا معاها وليان قاعدة بحزن وهي بتفتكر اللي أسر عمله. ميار كانت قاعدة مع حازم في الكافيه. وحازم كان سرحان وبيفكر في أسر. ميار: حازم أنت كويس؟ حازم انتبه ليها: ها اه كويس. ميار: سرحان في إيه. أوْعَ تكون بتفكر في بنت غيري. حازم بضحك: يعني لو بفكر في بنت غيرك هتعملي إيه؟ ميار بغيرة: هخلص عليها. حازم بضحك: ومش هتخلصي عليا أنا كمان، زي باقي البنات. ميار: لا هخليك جنبي ومش هسمحلك تبص بره. حازم بضحك: مسيطرة.

ميار بهزار: همشيك مسطرة. حازم مسك إيدها وبحب: أنا بحبك لدرجة إني مش شايف غيرك في حياتي. ميار إنتي بقيتي عيلتي وكل حاجة ليا. إنتي عارفة إني مليش حد ووحيد. إنتي الحاجة الحلوة اللي في حياتي. ميار بحب: أنا هفضل معاك ومش هتخلي عنك. أنت الشخص اللي قدرت تاخد قلبي وعقلي. حازم: بحبك. ميار بعدت إيدها بكسوف: بطل قلة أدب بقى. حازم بضحك: إنتي ليه بالذات بتقلبي لما أقولك بحبك؟ ميار سكتت وهي مبتسمة ومكسوفة.

(يالا الكسوف الذي لا ينتهي 🙂) بليل. الوقت اتأخر وأسر بيضيع وقته في الشغل ومش عايز يرجع البيت. دخل حازم: أنت مش هتروح ولا إيه يا باشا الوقت اتأخر؟ أسر وهو مركز في الورق: شوية كده. حازم: طب أنت أكيد تعبت. سيب الورق وأنا هخلصها. أسر: خلاص يا حازم قلت شوية كده. حازم: براحتك يا باشا. وخرج حازم. وأسرب رجع رأسه لورا بتعب. وبعدين قرر إنه هيروح، ولبس بدلته وطلع. في القصر وتحديدًا في أوضة ليان وأسر.

دخل أسر وشاف ليان نايمة على الكرسي والدموع على وشها. شالها وحطها على السرير. بس هي فتحت عينيها. ليان بحزن: أسر. أسر بعد عنها واتجه للحمام. وليان زعلت. بعد وقت خرج أسر ولابس تيشرت أبيض وبنطلون أسود. لاقها ضامة نفسها ومغطية وشها وصوت عياطها المكتوم مسموع. اتجاه ناحيته عند السرير واستلقى وإيده على راسه. وقلبه واجعه عليها بس مش عايز يعترف لنفسه. في الصباح. بتصحي ليان بعد ما نامت بصعوبة وعينها حمرا. وبتقوم وتدخل الحمام.

وبعد وقت بتطلع وبتلبس لبس المدرسة. بيقوم أسر من النوم وبيروح الحمام. وليان قررت إنها تنسى اللي حصل وتتجاهله. أسر بيطلع بعد مدة ولابس بدلته السودا وساعته وبرفانه. ليان بتحط حاجتها في الشنطة. وبيطلع أسر على بره. وليان بتمشي وراه وهي ساكتة. تحت في الصالة. بينزل أسر وليان على السفرة. والعيلة قاعدة بتاكل. ميار: ليان إنتي كويسة؟ ليان بصتلها: آه. سميرة: متأكدة يا بنتي. إنتي عينك حمرا. ليان بصت لأسر اللي بصّلها.

ليان: حاجة دخلت في عيني بس. سميرة: طب ابقي خلي بالك بقى. ليان: حاضر. أسر قام. سميرة: أنت ما أكلتش حاجة يا أسر كمل أكلك. أسر: أكلت. ولف وكان ماشي وقفته سميرة. سميرة: مش هتوصل ليان المدرسة؟ أسر بص لليان: السواق هيوصلها. ومشي. سميرة بصت لليان: هو فيه حاجة ولا إيه؟ سيا بغرور: تلاقيها عصبته ولا حاجة. سميرة بغضب: ملكيش دعوة أنتِ. ليان بتوتر: م مفيش حاجة يا جماعة، يمكن بس عنده اجتماع مهم. ومش مشكلة إن السواق يوصلني يعني.

ميار: خلاص هاجي معاكي انتي على المدرسة وأنا على الكلية. ليان: تمام. وبصت لطبقها بحزن. خارج القصر. أسر كان طالع ومتجه ناحية عربيته. فجأة شاف سامي اللي نزل من عربيته وهو سكران وكان معاه بنت مش تمام. أسر راح عنده بغضب وضربه بالبوكس لدرجة إنه وقع على الأرض. والبنت خافت وهربت. أسر قرب منه بغضب ومسكه من ياقة قميصه وجره جوه القصر. دخل القصر وهو بيجر سامي وراه اللي مرعوب منه. ورماه على الأرض. العيلة شافته واستغربت.

وكريمة وسيا جريوا على سامي. والعيلة كلها راحت الصالة. كريمة جريت على ابنها وبعصبية: فيه إيه ماسكه كده ليه؟! أسر بغضب قرب منه وقومه وضربه بالقلم. أسر بغضب: البيه سكران وجايب بنات معاه القصر. وضربه تاني: جاي يعمل وس*خته هنا. كريمة بخوف وهي بتروح لابنها: خلاص يا أسر مش هيعمل كده تاني آخر مرة. أسر قرب منه ولسه هيضربه. سامي جري ووقف ورا ليان. اللي واقفة مصدومة وخايفة. أسر بص لليان وبغضب: إنتي مش وراكي مدرسة مروحتيش ليه؟

ليان بخوف: أنا كنت رايحة. أسر بصوت عالي: يبقى مستنية إيه؟ ليان اتخضت منه. وميار جريت على ليان: اهو خلاص يا أبيه هنمشي، يلا يا ليان. ومشوا. أسر مسك سامي وبنبرة مليانة شر: أنا لو سمعت بس إنك رجعت للعادة دي تاني متفكرش أنا هعمل فيك. أنا ممكن أخليك عبرة لأي حد. سامي بخوف: حاضر، مش هعمل كده تاني. وخرج أسر وراح الشركة. وكريمة وسيا جروا على سامي اللي وشه اتنفخ.

عدا أسبوع والوضع زي ما هو بين أسر وليان اللي تجاهلته نهائي ومش بتتكلم معاه وهو بدأ يضايق من تجاهلها ليه. وبين حب حازم وميار اللي بالسر. وبين كره سيا ومامتها لليان وخايفين يقولوا الحقيقة لأنهم عارفين إن أسر مش هيسكت ليهم. وسامي اللي من ساعة ما أسر علمه الأدب مبقاش يبص لأي بنت. وكارما اللي كل يوم تتنمر على ليان. وليان ساكتة ومش عايزة تتكلم وفاكرة إن أسر هيزعقلها. في المدرسة. ليان كانت قاعدة وقت البريك في الفصل.

ودخلت عليها كارما وشالتها. كارما قربت منها بخبث: أهلاً بالسنغوريتالي. ليان ساكتة ومنزلة وشها في الأرض بضيق. كارما بشر: هه دي خايفة. هههه إيه ده على فكرة شعرك مش حلو خالص، شعري أحلى منه. بس أنا هظبطلك شعرك. ليان بصتلها. وكارما طلعت مقص من شنطتها وكانت هتقرب من ليان. بس ليان قامت بسرعة وزقتها على الأرض. وكارما اتخبطت في حرف التربيزة ودماغها اتفتحت. ليان واقفة مصدومة وخايفة من اللي عملته.

وأصحاب كارما جريوا على المدير اللي لحق كارما وعالجوا رأسها وبقت سليمة. وأهلها جم في المدرسة وتم استدعاء ليان واتصلوا بـ أسر. في مكتب المدير. والدة كارما بغضب وهي قاعدة: إنتي إزاي تتجرأي وتعملي كده في بنتي. مين أهل البنت دي؟ رامز والد كارما بغضب: أنا مش هسكت، البنت دي لازم تتفصل من المدرسة. المدير: إحنا اتصلنا بالواصي عليها وهو في الطريق. ليان واقفة ومنزلة راسها في الأرض وبتعيط.

المدرسة اتقلبت لما دخل شخص مهم ووراه البودي جارد. وكل البنات واقفين على جنب ونفسهم بس في نظرة. والشباب اللي مبهورين من هيبته. دخل المكتب. المدير ووالد كارما وشاهي أول ما شافوه قاموا على طول. رامز بصدمة: أسر بيه. شاهي بصدمة: هو ده أسر السيوفي. كارما اللي عينها منزلتش من عليه بانبهار واعجاب. مفيش غير ليان اللي خافت أول ما عرفت إنه دخل. أسر قلع نظارته وبص لـ ليان. وقعد على الكرسي، وشاور لأهل كارما يقعدوا.

رامز أول ما قعد: أسر بيه متتصورش أنا مبسوط إزاي إني شفتك. شاهي: بجد مش مصدقة إني شفت شخصية مشهورة في المدرسة النهاردة. المدير: أسر بيه يبقى الواصي على ليان. رامز: هي البنت دي تقربلك يا أسر بيه؟ أسر ببرود: مراتي. الكل اتصدم وخصوصًا كارما اللي كانت عايزة توقعه في حبه. رامز بخوف: إحنا آسفين والله يا أسر بيه مكناش نعرف والله. هي بس وقعت بنتي واتصابت.

كارما بحزن مصطنع: أنا معملتش ليها حاجة. جيت أقولها قاعدة لوحدك ليه اتعصبت عليا ووقعتني بهمجية. شاهي: سوري يا أسر بيه بس مراتك ضربت بنتي بطريقة فظيعة أوي. أسر رفع راسه لـ ليان بحدة اللي واقفة ساكتة وخايفة منه وبتبكي. أسر ببرود: نقدر نفض الموضوع هنا ودلوقتي. واللي شايفه إن بنتكم سليمة. وإذا كان على عقاب لـ ليان أنا هعاقبها. شاهي كانت لسه هتتكلم.

جوزها نغزها وقالها بهمس: أنا محتاج أعمل معاه صفقة مهمة فا مش لازم يضايق مننا. شاهي سكتت. كارما بكره: دي لازم تتفصل من هنا. أسر بحدة وهو بيبص لأبوها: أنا قلت اللي عندي. وأظن إن انت مش هتخلي الحكاية توصل لفصل. وانت عارف ليه. رامز بتوتر: ااا أكيد أكيد يا أسر بيه انت تأمر. المدير: يبقى تمام كده يا جماعة طالما الموضوع بقى ودي. أسر قام وبص لـ ليان بحدة ومسك إيدها بقوة واخدها معاه. طلعوا خارج المدرسة وركبوا العربية.

وأسربدأ يسوق بغضب. ليان قاعدة خايفة منه وبتعيط بصوت مكتوم. ليان بدموع: أسر. أسر صرخ فيها: مسمعش صوتككك. كلامنا في البيت. ليان اتخضت من صوته واترعبت. في القصر. العيلة كانت قاعدة في الصالة ما عدا سيا اللي كانت بره. دخلت ليان وهي بتجري وراحت عند سميرة بدموع. سميرة بقلق: فيه إيه يا بنتي مالك؟! دخل أسر وهو متعصب واتجه عند جدته. أسر بحدة لـ ليان: على فوق. ليان بدموع: لا م مش عايزة.

أميرة: فيه إيه يا أسر البنت مالها خايفة كده؟ أسر بص لـ ليان بحدة وقرب منها ومسكها من دراعها واخدها على فوق. أميرة: هو في إيه؟ كريمة بضحك: هههه يمكن عملت حاجة غلط. سميرة بصتلها بقرف: أنا طالعة أشوف مالهم. فوق عند أسر وليان. دخلوا الأوضة وزقه. ليان بدموع: أسر ولله مكنتش أقصد. أسر بحدة: قولتلك أول يوم مش عايز مشاكل. تقومي تفتحي دماغه. ليان وهي مش عارفة تاخد نفسها من الخوف: ه هي ال ك كانت بتتنمر عليا.

أسر بغضب: من أول يوم وأنا بسألك حد ضايقك ولا لأ وإنتي مش بتردي. وأكمل بحدة: بس أنا اللي سبتك ودلعتك زيادة عن اللزوم، وأظن إني لازم أوريكي أنا أقدر أعمل إيه. ليان وهي بترجع لورا بخوف وبتاخد نفسها بالعافية: أسر. م متخوفنيش منك. وفجأة اغمي عليها.