تحميل رواية ليان الزعيم بقلم ايه عيد pdf

حازم بصلها بحب: تصدقي إني كنت زعلان بجد.

ميار بابتسامة وهي لافة شاش على رأسها: بجد؟

حازم حضنها: حسيت إنك بجد روحتِ مني وكان هيجرالي حاجة، بس الحمد لله. لولا الكاميرات اللي أسر حطها في القصر مكنتش عرفت.

فلاش باك.

الصبح حازم كان قاعد وبيراقب أوضة تولين من اللابتوب.

فجأة شافها طلعت من الأوضة واستخبت في مكان وبدأت تراقب أوضته هو وميار.

ميار كانت طالعة من الأوضة بس حازم وقفها.

حازم بسرعة: استني يا ميار.

ميار بصتله: نعم.

حازم راقب تولين أكتر ولاحظ إنها عمالة تبص على الأوضة وبعدين السلم.

حازم قام وقرب من ميار وجاب مخدة.

حازم: خدي حطي دي واخبيها تحت هدومك من ناحية بطنك.

ميار باستغراب: ليه؟

حازم حكالها وقالها إنه شاكك تولين تعمل حاجة وتوقعها من على السلم.

ميار أخدت المخدة وخبتها كويس.

وبالفعل طلعت وكانت شايفة تولين بطرف عينيها، مسكت بطنها كويس.

وحازم كان مراقب كل حاجة من اللابتوب.

تولين وقعت ميار... وميار فضلت ماسكة بطنها بكل قوة، بس رأسها اتفتحت وده كان سبب الدم.

حازم أخدها وراح بيها على المستشفى، وهناك الدكتور قدر يعالجها بسرعة. وحازم فهمه الكلام اللي المفروض يقوله لما أسر وتولين وكمال يوصلوا.

وبالفعل الدكتور سمع كلامه وحازم خرج ميار بسرعة وجابها بيته ورجع المستشفى تاني بسرعة.

وطبعاً أميرة عارفة كل حاجة، وأسر برضه، بس ليان متعرفش لا هي ولا سميرة.

باك.

ميار بزعل: بس أنا دماغي اتفتحت.

حازم ابتسم عليها: أنا آسف يا عمري، معلش.

ميار بحزن: كنت خايفة على ابننا أوي يا حازم.

حازم بضحك: هو راجل زي أبوه، وأكيد هيستحمل.

ميار ضحكت، وبعدين بصتله باستغراب.

ميار: طب ليه مكشفتهاش أنت وأسر لحد دلوقتي؟

حازم: عشان لسة في حد وراها، نعرف الحقيقة كلها وبعدين كل حاجة هتبان.

ميار حضنته وبابتسامة: طب أنا جعانة.

حازم بضحك: صبرني يا رب.

في القصر وتحديدًا في أوضة أسر.

قعد على السرير وحط إيده على رأسه.

ليان قربت منه وحطت إيدها على كتفه.

ليان بحزن: متزعلش يا أسر.

أسر بصلها شوية وبعدين شدها من إيدها وقعدها على رجله.

ليان اتصدمت.

أسر بابتسامة: وحشتيني أوي.

ليان بصتله باستغراب وصدمة. حطت إيدها على جبينه.

ليان باستغراب: أنت سخن.

أسر مسك إيدها وباسها: أنا كويس يا قلب أسر.

ليان استغربت أكتر: بس أنا...

أسر قاطعها بقبلة قوية على شفتيها، وليان فتحت عينها بصدمة.

أسر بعد عنها.

ليان بعصبية: أنت مجنون.

أسر بهدوء: مجنون فيكي.

ليان سكتت بتوتر وهي بتاخد نفسها.

ليان بتوتر: هو أنت مكنتش زعلان؟

أسر بابتسامة: ليه؟

ليان باستغراب: ميار.

أسر بهدوء: ميار دلوقتي قاعدة مع حازم في بيتهم.

ليان بصدمة: إيه!

أسر حكالها على كل حاجة.

ليان بعفوية: يعني أنت كده مش هتتجوز تولين؟

أسر دفن وشه في رقبتها: وهو أنا أقدر أقرب من اللي خطفت قلبي.

ليان: طب واللي في بطنها.

أسر بصلها: مش ابني، ده ابن تامر.

ليان بصدمة: يعني هي وتامر في ما بينهم علاقة.

أسر: اممم.

ليان بضيق: بس برضه، أنت زعقتلي يوم عيد ميلادك وأنا مليش ذنب.

أسر بصلها شوية، وبعدين اتكلم.

أسر بندم: أنا عارف إني غلطت وكان لازم أحكيلك ومتتعصبش عليكي. أنا عارف إني كلمتك كتير بطريقة مش كويسة، بس أنا مش عارف جرالي إيه! افتكرت اللي حصل في الماضي واتجننت، رغم إنك ملكيش ذنب ومتعرفيش حاجة وإنك كمان عشتي طفولة وحشة. أنا آسف سامحيني. أنا مش طالب منك غير فرصة، فرصة واحدة وهصلح كل حاجة.

ليان بصتله بحزن والدموع بدأت تتجمع في عينيها.

وأسر مستني منها الحكم.

ليان بحزن: فرصة يا أسر، فرصة.

بس صدقني دي هتبقى آخر فرصة، ومتستناش مني إني أبقى عليك.

اسر حضنها بقوة: هتبقى فرصة حياتي، ومستحيل أضيعها من إيدي.

ليان حضنته بس وهي مترددة.

اسر بصلها: أنا آسف.

ليان ابتسمتله بطيبة.

اسر بابتسامة: طب بما إنك عرفتي كل حاجة، يبقى لازم تمشي معايا في الخطة.

ليان: حاضر.

اسر بصلها كتير.

ليان باستغراب: في إيه تاني؟

اسر بحب: وحشتيني أوي، اشتقت ليكي ولتصرفاتك وطفولتك... واشتقت لكلامنا.

اسر قرب منها ودفن وشه في رقبتها: بحبك.

ليان: اسر.

اسر بهمس: محتاجك.

اسر بدأ يطبع علامات ملكيته عليها.

وليان سمحتله بس وهي بدون تعابير على وشها.

ملامحها كلها برود وحزن وزعل وألم، وكأنها بتقول إنها مهما عدت أيام أو سنين، مش هتقدر تنسى اللي حصل، حتى لو كان خطة، بس أثر عليها.

اسر بعد وبصلها وشاف عينها اللي مليانة حزن.

اسر: ليان.

ليان بصتله: نعم.

اسر: سامحيني.

ليان ابتسمت وقرب وطبع قبلة على خده بلطف.

اسر ابتسم بهدوء، وبعدين شالها وحطها على السرير، وقرب منها وووووووو.

في أوضة تولين، قعدت على السرير مرتاحة.

تولين ببرود وراحة: يااااه، أخيرًا خلصت منها، دي كانت مستفزة... أمال فين تامر؟ عايزة أفرحه بالخبر ده.

مسكت تليفونها وقعدت تتصل عليه كتير بس مردش.

تولين: يوه يا تامر، لما أعوزك مش بلاقيك... حتى اللي اسمها ليان دي رجعت، مش مهم، كدا كدا اسر هيطلقها ويتجوزني أنا.

الباب خبط.

ودخل كمال.

تولين بز"هق: أوووف، في إيه تاني؟

كمال: متعرفيش تامر فين؟

تولين: لا معرفش، كلمته ومردش.

كمال باستغراب: غريبة، أصله مش باين من الصبح.

تولين: يمكن عنده شغل... وبعدين أنت بتسأل عليه ليه؟ أوعى تكون صدقت إنه ابنك وبتطمن عليه؟

كمال: لا ياختي، بس أنا ليا عنده فلوس وعايزهم.

تولين: آه قول كدا بقى من الأول... طب اطلع برا بقى، أهو أنت ملقتوش هنا، يلا برا.

كمال طلع بضيق.

في الصباح وتحديداً في أوضة اسر وليان.

ليان صحيت وهي في حضن اسر، فتحت عينها وقامت قعدت على السرير، وكانت لابسة قميص اسر الأبيض.

بصت على اسر شوية: هو إيه اللي أنا عملته ده صح؟ هو أنا كان لازم أديه فرصة؟

اسر صحي وبدأ يفتح عيونه.

قام قعد ومسك إيدها.

اسر بابتسامة: صباح الخير.

ليان بتوتر: ص... صباح النور.

اسر باستغراب: انتي كويسة؟

ليان: آآه.

اسر بصلها شوية وبعدين: تمام، بس أنا عارف إنك بتسألي نفسك انتي كان لازم تديني فرصة ولا لأ؟ بس صدقيني أنا مش هخليكي تفقدي ثقتك فيا تاني.

ليان قربت منه وحضنته بحب.

اسر بادلها الحضن بقوة.

اسر بابتسامة خبيثة: طب أنا عايزك.

ليان بعدت عنه وبصتله: عايزني في إيه؟

اسر غم"زلها.

ليان قامت من جنبه بسرعة وهي بتجري على الحمام: أنت مبتشبعش.

اسر وهو بيقوم وبيجري وراها وبيبتسم بخبث: استني بس، ما انتي اللي بعدتي عني كتير.

عند ميار وحازم.

كانوا قاعدين على السفرة وميار عمالة تاكل أكلها وأكل حازم.

حازم بقلة حيلة: يا حبيبتي، انتي وكلتي أكلي.

ميار بزعل: يعني مستخسر فيا الأكل يا حازم؟

حازم بتبرير: لا والله يا حبيبتي، بس أنا مش عارف الأكل ده كله بيروح فين، وأنتي عاملة زي العصاية كدا.

ميار بضيق: يعني انت خايف لوزني يزيد؟

حازم مسك إيدها بحب: زيدي زي ما انتي عايزة، وأنا أطول أصلاً إنك تزيدي في الوزن شوية، على الأقل تبقي ملبن... هو الوزن الزايد وحش يعني؟

ميار بحزن: يعني أنا مش حلوة كدا؟

حازم بجنون: يا نهارييييي، أنا هو"لع في نفسي...

انا طالع اشوف شغلي

ميار بدموع :بس انا دماغي وجعاني

حازم قرب منها وبا*س راسها :حقك عليا يا قلبي

ميار بضحك :علي فكرة انا بضحك عليك

حازم ابتسم عليها وقعد معاها تاني

@@@@@@@@@@@@@@@@@@@@@@

في القصر

اسر نزل ومعاه ليان

لقي العيلة متجمعة وسميرة قاعدة حزينة واميرة بتهون عليها

اميرة بصت لاسر، واسر بصلها

اميرة قربت من ليان وحضنتها :حشتيني يا بنتي

ليان بابتسامة :وانتي كمان

تولين قربت من اسر وهي بتبص لليان من فوق لتحت :اسر حبيبي، هنتجوز امتا؟!

سميرة بغضب :انتي اتجننتي، البنت لسة دافن*نيها امبارح وانتي عايزة تتجوزي

اسر بص لتولين نظرة غريبة : عيوني، هنتجوز قريب اوي

تولين بغرور وهي بتشاور علي ليان :طب ودي

ليان بصت لاسر

اسر :هتفضل علي زمتي

تولين باستغراب وعصبية :ليه؟!

ليان في سرها : هنبدا المسرحية

ليان بدلع : اصل انا حامل ياحبيبتي

تولين بصدمة وغضب :ايه؟! مين دي ال حامل، انتي اتجننتي

ليان بعصبية :انتي ال اتجننتي عشان تكلميني كدا

اسر بص لتولين : حامل مني من شهر ونص

تولين وقفت بصدمة وهي متوتر

ليان حطت ايدها علي بطنها : يعني انا حامل في ولي العهد

اميرة قربت وحضنتها :الف مبروك يا حبيبتي

تولين بعصبية :لااااا ا انتي كدابة، ا انا ال حامل م مش انتي

ليان قربت من اسر بدلع وحضنته : نفسي في حاجة مسكرة يا حبيبي

اسر ابتسم علي تمثيلها : عيوني

سميرة بسعادة :بجد يا ليان يعني هتجيبي ابن حفيدي اخيرا

اسر : وكل املاكي هتبقي باسمه هو وليان

تولين بصت لاسر بصدمة :ط طب وابنك ال في بطني

اسر برفعة حاجب ونظرة مخيفة : نزليه

تولين بصدمة وخوف :ا ايه؟! ل لا طبعا دا ابني

ليان بدلع : بس غير شرعي، انما انا ال معايا كل الحقوق

تولين بخوف وهي لوحدها وسطيهم وتامر مش موجود : ب بس انت قولت هتتجوزني

اسر شد ليان من خصر*ها :اتجوزك وانا معايا ال مكفياني

تولين بتوتر :د دا ابنك يا اسر

اسر قرب منها وبنظرة مخيفة وبهدوء :قصدك ابن تامر

تولين وكمال اتصدموا وخافوا..... وسميرة مصدومة

@@@@@@@@@@@@@@@@@@@@@

•

اسر بنبرة مخيفة: قصدك ابن تامر؟

تولين خافت واترعبت، وكمال واقف بعيد مصدوم.

تولين برعب: ا ا انت ب بتقول ا إيه؟

اسر بنظرة مخيفة: قصدي! هعرفك قصدي دلوقتي.

مسكها من دراعها بقوة وطلع بيها خارج القصر.

رماها على الارض وبص لحارسه.

اسر بحدة: ارميها في المخزن، وبعدين تجيب المحروس.

الحارس: أمرك يا اسر بيه.

الحارس بيمسك تولين.

تولين بدموع وخوف: لا يا اسر، ولله أنا مليش دعوة تامر هو السبب، أنا مليش دعوة.

اسر مردش عليها، والحارس أخدها على المخزن.

وبعدين وقفت عربية قدام القصر، ونزل حازم وميار.

ميار جريت على اسر وحضنته: وحشتني يا اسر أوي.

اسر بادلها الحضن: آسف عشان رأسك.

ميار بهزار: لا عادي، دا حتى حازم بقى بيهتم بيا أوي.

اسر بابتسامة: آه قولي كدا بقى، لزقتيه جمبك؟

حازم: لزقت مين! دي واكلة حقي.

ميار بتضربه في كتفه.

ميار بحدة: حازم.

حازم بص لها بابتسامة: عيون حازم.

بيدخلوا جوا القصر.

داخل القصر بتدخل ميار، وسميرة بتبقى مصدومة.

سميرة بصدمة: بسم الله الرحمن الرحيم، هـ هو أنا بحلم ولّا بجد؟

ميار قربت منها بضحك ومسكت ايدها: لا حقيقة يا تيتة.

سميرة بتبعد ايدها بسرعة وخوف: يلهوي انتوا بتلمسونا كمان!

الكل ضحك.

أميرة بضحك: هما مين دول؟

سميرة بخوف: اللهم احفظنا.

اسر بيحكي لجدته كل حاجة.

سميرة بدموع: يعني افتكرتوا تقولولي دلوقتي، دا أنا كنت خايفة على ميار وزعلت عليها أوي.

ميار بضحك: ما عشان أشوف غلاوتي عندك بقى.

سميرة ضربتها على كتفها: بس يا بكاشة.

اسر لاحظ إن كمال مش موجود، وبص لحازم وحازم فهمه علطول وحازم راح أوضة كمال.

اسر قرب من ليان وحضنها.

سميرة: طب هي ليان حامل بجد؟

اسر بابتسامة خبيثة: لا... بس قريب هتشيل ولي العهد.

ليان بتتكسف.

اسر: بحبك يا أحلى حاجة في حياتي.

ليان ابتسمت بخجل وسكتت.

جه حازم ومعاه كمال، كمال جري على اسر.

كمال بدموع: سامحني يا بني ولله هما اللي ضحكوا عليا.

اسر بنظرة مخيفة: ضحكوا عليك! ليه عيل صغير؟

سميرة بدموع: أنا كنت فاكرة إنك اتغيرت لكن انت زي ما انت.

كمال سكت باحراج وخوف.

اسر بحدة: طول حياتك أناني، ومعاك الفلوس بس برضه بتجري ورا الجنيه.

أميرة: عمرك ما عملتنا كويس، رغم إن إحنا كنا أحن ناس عليك.

ميار بحزن: فادتك بإيه الفلوس! ما هي بتروح وتيجي.

ليان بدموع: ضيعتني بسبب طمعك.

كمال: سـ سامحوني، أنا آسف.

اسر بحدة: يا ترى أعمل فيك إيه بقى!

كمال بص له بخوف.

سميرة بدموع: لا يا اسر دا مهما كان أبوك.

أميرة بحدة: اسر مش هيأذيك بس تمشي من هنا ومنشوفش وشك.

كمال بسرعة: ماشي، أنا هطلع من هنا ومش هتشوفوني تاني.

وبيخرج بسرعة من القصر.

ميار بصدمة: دا حتى محاولش إنه يندم على أغلاطه شوية.

أميرة: اللي فيه طبع عمره ما بيغيره.

كل دا وسميرة بتعيط.

عند تامر.

كان قاعد ومتبهدل وعاصم قاعد جنبه.

فجأة الباب بيتفتح، وبيدخل حازم ووراه رجالة اسر وماسكين تولين.

رمي تولين على الأرض اللي جريت على تامر بدموع وخوف.

تامر بعصبية: طلّعونيييي من هنا، أنا عملت إيه؟

حازم ببرود: وطّي صوتك.

عاصم بغضب: أنا مش هسكت وهدفعكم كلكم التمن.

تولين بدموع وخوف: عرفوا كل حاجة يا تامر.

تامر بتوتر: عرفوا إيه؟

تولين بخوف: عـ عرفوا كـ كل حاجة، إنـ إنك مـ مش ابن كمال.... وعرفوا اللي في بطني ابن مين.

تامر وعاصم اتصدموا.

عاصم بعصبية: حتة خطة صغيرة مقدرتوش تعملوها.

حازم ببرود: تقدروا بقى تونسوا بعض.

وخرج هو والرجالة وقفلوا الباب.

تامر جري على الباب بسرعة بس ملحقش يهرب.

تولين بدموع: هنعمل إيه؟

تامر قرب منها بغضب وهوب ضربها كف قوي على وشها.

تولين بصدمة: بتضربني يا تامر!

تامر بغضب: أكيد بسببك، يمكن شكوا فيكي لما وقعتي ميار، انتي اللي غبية ومبتفهميش.

تولين بعصبية ودموع: أنا، وأنا مالي انت السبب انت اللي كنت بتغير من اسر وعايزنا نلعب عليه.... بس هو اللي علم عليك.

تامر مسك شعرها بقوة وبغضب: اخرسييييي، متتكلميش معايا كدا أنا أحسن منه.... انتي السبب ما انتي اللي ماشية ورا كيد الحريم بتاعك على طول.

تولين بألم: اااه ابعد عني، شعريييي.

عاصم بغضب: بس، اسكتووووا بقى.... انتوا مبتزهقوش.

تامر بص لتولين بغضب: اعملي حسابك أنا أول ما أطلع من هنا هخلص عليكي.

تولين بصدمة: دا أنا حامل في ابنك يا تامر.

تامر بعصبية: ميهمنيش، كل اللي يهمني إني أخلص منك.

تولين بتقع في الارض وهي بتبكي بصدمة وخوف.

في القصر.

في أوضة اسر وليان.

اسر كان قاعد على الكنبة بيفكر، ليان بتقرب منه وبتقعد على رجله.

ليان: مالك!

اسر بص لها بابتسامة: مفيش.

ليان: بس أنا حاسة إنك مضايق.

اسر: أحيانا بقول لنفسي لو مظهرتيش في حياتي كنت عملت إيه، كنت عشت إزاي.... مش قادر أنسى نظرتك ليا في أول يوم شفتك فيه عينيكي خلتني أحس بحاجة غريبة.... ليان أنا بعشقك.

ليان بابتسامة: وأنا بحبك.

اسر حضنها.

وبعدين بعد وبصلها: طب إيه؟

ليان باستغراب: إيه!

اسر بابتسامة خبيثة: مش ناوية بقى على ولي العهد؟

ليان اتكسفت وكانت هتقوم بسرعة، بس اسر شدها وقربها منه أكتر.

اسر بخبث: مش النهاردة.

وشالها وحطها على السرير.

ليان بتوتر: طب خليها وقت تاني أنا تعبانة.

اسر دفن وشه في رقبتها وطبع علامات ملكيته.

ليان بتوهان: ا اسر.

اسر بعد وبصلها: قلب اسر.

ليان بارتباك: ا أنا مش عارفة.

اسر مسك ايدها: ثقي فيا.

وبعدين مسك وشها بإيده وقرب منها وطبع قبلة قوية على شفتيها.

واسر بدأ يزيل ملابسها ببطء و...

في الصباح.

صحي اسر وكان عاري الصدر، وليان في حضنه ومتغطية.

اسر قرب وباس رأسها.

ليان فتحت عينها.

اسر بابتسامة: صباح الخير.

ليان: صباح النور.

اسر بحب: بعشقك.

ليان ابتسمتله بحب: وأنا كمان.

اسر: قد إيه؟

ليان فكرت: اممم قد العالم دا كله.

اسر بضحك: بجد.

ليان بحب: أنا مليش غيرك يا اسر، فاكيد هحبك انت.

اسر قرب وباس جبينها: وأنا بحبك يا قلب اسر.

ليان بصتله: مش هتسيبني، صح؟

اسر: وقتها أكون بسيب روحي.

ليان حضنته.... واسر بادلها الحضن.

ليان حاولت تبعد بس اسر ماسك فيها.

ليان: اسرررر.

اسر بابتسامة وهو حاضنها: امممم.

ليان: عايزة آخد شاور.

اسر قرب منها أكتر: بس أنا لسه مشبعتش.

ليان: وانت من امتى بتشبع.

اسر بخبث: يبقى أعمل اللي عايزة.

وقرب منها و...

تحت في الصالة.

الكل كان متجمع على السفرة ومبسوط.

نزل اسر وهو ماسك ايد ليان.

وقعدوا على السفرة.

أميرة بابتسامة: صباح الخير.

ليان: صباح النور.

ميار: يا جماعة أنا عايزة أطلع رحلة بقى.

حازم وهو بياكل: حاضر يا حبيبتي بعد ما تولدي.

ميار بعند: لا مليش دعوة أنا عايزة أطلع رحلة.

اسر لحازم: ربنا يعينك عليها.

ليان بطفولية: بصراحة أنا كمان نفسي أروح رحلة.

اسر بابتسامة: عيوني، اطلبي اللي عايزاه وهيتنفذ.

ميار نغزت حازم: اتعلم شوية.

حازم بضحك: حاضر هبقى أخلي اسر يديني كورسات في الرومانسية.

سميرة ضحكت عليهم.

والكل بدأ ياكل وهو مبسوط ومرتاح.

............. بعد مدة الكل خلص أكله واسر وحازم قاموا وخرجوا.

في المخزن.

الباب اتفتح.

وتامر وعاصم وتولين قاموا بسرعة وخوف.

دخل اسر وحازم ووراه الرجالة.

جريت عليه تولين: و والنبي يا اسر سامحني، أنا حامل....

كله بسبب تامر أنا مليش دعوة هما السبب سيبني أرجوك أنا معملتش حاجة.

اسر بحدة: وميار اللي وقعتيها.

تولين بخوف وكذب: لأ لأ مش أنا ده كمال هو اللي عمل كده في بنته.

اسر زقها بقوة ووقعت على الأرض.

اسر نزل لمستواها وبحدة: مش هبلة زيك اللي تضحك عليا وتقرب من أهل بيتي وتأذيهم.

تولين: سامحني يا اسر.

اسر بغضب: اسمي متتنتقش تاني على لسانك.

تولين بتتخض وتخاف منه.

اسر بيبص بنظرة مخيفة على تامر وبيقوم وبيِقرب منه.

اسر بسخرية: إنما انت بقى يا ابن أبويا هعلمك الأدب كويس أوي.

تامر بعصبية وخوف: أنا معملتش حاجة متنساش إني أخوك.

حازم ضحك: ده انت صدقت الكدبة ولا إيه.

اسر ابتسم بشر: بس انت طلعت مش أخويا.

تامر بتوتر: متنساش إنك كاتبلي شركة من الشركات.

اسر بابتسامة خبيثة: ليه هو أنا عبيط عشان أكتبلك ممتلكاتي.

تامر اتصدم.

اسر: دي كانت لعبة عشان أعرف ماضيك من غير ما تحس.

اسر بص لعاصم بطرف عينيه وبعدين قرب منه.

اسر بحدة: إنما انت بقى معرفش إيه علاقاتك بيا لإن عمري ما كان عندي أعداء أغبياء كده.

عاصم بكره: عشان بكرهك يا اسر، انت واخد مني السوء وأنا حالي اتبهدل من وقت ما انت دخلت عالم التجارة.

اسر بسخرية: غيور يعني.

عاصم بيتجنن وبيطلع مسدس كان مخبيه في جيبه الخلفي.

ورفعه على اسر وضرب رصاصة عليه ووووووو.

عاصم بيضرب رصاصة على أسر، لكن أسر بيتفاداها وبتيجي في تولين.

تولين بتتصدم وبتبص على بطنها اللي بتنزف، وبعدين بصت على تامر اللي واقف مصدوم. وفجأة بتقع على الأرض وبتفقد النفس.

تامر واقف مفكرش حتى يروح يبص عليها كويس أو يشوف هيا لسة عايشة ولا لأ.

أسر بحركة سريعة قدر ياخد المسدس من إيد عاصم ورفعه في وشه.

أسر ببرود: أنا كنت عارف من البداية إنك معاك واحد احتياطي. أمّال الكاميرات اللي هنا لازمتها إيه؟

عاصم بقى واقف خايف ومرعوب.

أسر وهو باصص لعاصم وموجه كلامه لحازم: خد تامر في المخزن التاني وظبطه.

حازم بابتسامة شر وهو باصص لتامر: أوامرك يا زعيم.

وأخد تامر هو والرجالة. بس قاطعه أسر.

أسر: وخد معاك دي كمان.

وهو بيشاور على جثة تولين.

الرجالة قربوا منها وشالوها وخرجوا.

تامر بخوف وصرخة: انتوا هتعملوا فيا إيه؟ سيبوني. أنا مليش دعوة عاصم هو السبب.

حازم بشر: هنصيف يا عنيا.

وخرج هو والرجالة من المخزن، واتبقى أسر وعاصم اللي واقف خايف.

أسر مرة واحدة، هوب، ضرب رصاصة على رجل عاصم اللي وقع في الأرض بيصرخ.

عاصم بألم: آآآه. سيبني يا أسر ارحمني.

أسر نزل لمستواه بشر ونبرة مخيفة: بس أنا مبعرفش الرحمة. خصوصًا مع أعدائي.

عاصم بدموع: بس أنا مأذيتكش. تامر وتولين اللي عملوا كده.

أسر بنظرة مخيفة: بس أنت غلطت. غلطت لما قابلت مراتي قدام الجامعة وبصتلها نظرة مش كويسة. وأنا زعلت وزعلي بيبقى أوسخ مما تتخيل.

عاصم خاف واترعب.

عاصم برعب: أنت كنت عارف؟

أسر قام وقف وحط إيده في جيبه وببرود: أمّال فاكريني هخليها تروح أي حتة من غير ما أراقبها وأتطمن عليها.

عاصم بغضب وألم: اخرج من هنا يا أسر. أنا في ناس ورايا. لو مخرجتش من هنا مش هيرحموك.

أسر بحدة: وأنا مبخافش منك. ولا من اللي وراك.

عاصم بابتسامة مستفزة: بس أنا قلتلهم على نقطة ضعفك.

أسر بص له برفعة حاجب.

عاصم بابتسامة خبيثة: ليان.

أسر اتحول وعروقه ظهرت وعيونه احمرت. ومرة واحدة أسر ضربه بالبوكس في وشه بقوة.

وبعدين نزل لمستواه ومسكه من شعره.

أسر بنبرة مرعبة: دي مش نقطة ضعف بالعكس دي قوة. عشان لو حد لمس شعرة منها.

وأكمل بنبرة عالية: هحرقك أنت واللي وراك وكل اللي ليه صلة بيك. حتى أهلك مش هرحمهم. وهتشوف أسر السيوفي لما بيتجنن بيجراله إيه.

عاصم اترعب واتوتر: بس أنا مليش أهل.

أسر ابتسم بخبث: ومراتك وابنك دول؟ إيه نسيتهم؟

عاصم اتصدم وخاف.

عاصم بخوف: ابني لا يا أسر. هعمل كل اللي أنت عايزه. بس ارحمني.

أسر قام وقف وقال بشر: أنا هسيبك تجرب الموت بالبطيء.

وبعدين خرج من المخزن.

وعاصم مكنش قادر يقوم من رجله. فجأة باب من وراه اتفتح.

عاصم لف وبص عليه بس مش شايف حاجة من الظلام الخفيف.

وكان سامع صوت بيخوف.

قعد يبص كويس. واتصدم لما لقي أسد قدامه وباصص عليه بنظرة مخيفة وبيستعد للقضاء على فريسته.

عاصم بصرخة وخوف: الحقوني. متسبنيش هنا. حد يلحقني.

فجأة الأسد هاجم عليه بقوة وووو.

في القصر تحديدًا في أوضة ليان وأسر.

ليان كانت واقفة في البلكونة بتفكر.

فجأة لقت حد بيحضنها من ورا. اتخضت وكانت هتلف بس سمعت صوته.

أسر بحب: وحشتيني.

ليان: أسر خضيتيني.

أسر أخرج حاجة من جيبه. ورفع إيده قدامها كانت سلسلة مصنوعة من الألماس.

ليان انبهرت بيها لأن كان تصميمها فريد من نوعه.

أسر بدأ يلبسها السلسلة في رقبتها.

وبعد ما لبسها طبع قبلة صغيرة على رقبتها.

أسر بابتسامة: إيه رأيك؟

ليان بسعادة: حلوة أوي. شكرًا.

أسر لفها ومسك وشها بإيده. وبدأ يقرب منها.

ليان بعدت وشها بتوتر.

أسر باستغراب: في إيه؟

ليان بصتله بارتباك: أسر. هو أنت بتشتغل في الشغل الغير قانوني؟

أسر بص لها وسكت.

ليان بلعت ريقها وبصتله: أنا عارفة. بس أنا مش عايزك تعمل كده. أنت عندك شركات كتير فا مش محتاج إنك تبقى كده.

أسر بهدوء: ده شغل جدي. وهو كان حنين عليا. فا طلب مني أكمل بعديه وأنا مقدرش أرفضله طلب.

ليان مسكت إيده: بس ده غلط يا أسر.

أسر: مقدرش.

ليان بصت له بطفولية: حتى لو عشان خاطري.

أسر ابتسم عليها بهدوء.

ليان قربت أكتر ومسكت ياقة قميصه بخفة: مش عايزة أبو عيالي يكون كده.

أسر بابتسامة: وهو أنتِ حامل؟

ليان بابتسامة: لا بس يعني لما ييجوا.

أسر حاصرها عند سور البلكونة: طب ويا ترى هتجيبيلي كام؟

ليان بتفكير: اممم. اتنين كويس.

أسر برفعة حاجب: اتنين؟ أنا عايز 5 على الأقل.

ليان بضحك: ليه هتعمل بيهم إيه دول؟

أسر بابتسامة دفن وشه في رقبتها: عايز أشم ريحتك فيهم على طول.

ليان لفت إيدها حوالين رقبته بدلع: بس أنا مش هقدر أجيب كل دول.

أسر بص لها بابتسامة: خلاص نخليهم أربعة.

ليان: تلاتة. تلاتة كفاية أوي.

أسر ابتسم ليها.

ليان بتوتر: ها قولت إيه بقى في شغلك التاني؟ أكيد مش هتزعلني صح؟

أسر بابتسامة هادية: حاضر.

ليان بفرحة: يعني بجد هتسمع كلامي وهتسيب الشغل ده؟

أسر حضنها: أعمل أي حاجة عشان خاطرك.

ليان بادلته الحضن بحب.

أسر بعد: هشوف حاجة كده وأرجعلك.

ليان بابتسامة: ماشي. بس هاتلي معاك شوكولاتة.

أسر بابتسامة حب: عيوني.

وبعدين بيخرج من الأوضة. ومن القصر كله.

في مكان مجهول.

كان قاعد تامر على الكرسي مربوط ووشه كله متبهدل.

وحازم عمال يضربه.

تامر مش قادر يتكلم من كتر الضرب.

تليفون حازم اللي على التربيزة اللي جنبه تامر رن وكانت ميار.

تامر بصدمة: هي لسة عايشة؟

حازم ضحك وخد التليفون وبعد شوية.

حازم: أيوا ياحبيبتي.

ميار بزعل: حازم. أنا زعلانة.

حازم: ليه؟ إيه اللي حصل؟

ميار: قاعدة لوحدي وزهقانة.

حازم: أنتِ مش عند مامتك؟

ميار: آه بس ماما وتيتة خرجوا.

حازم: طب وليان؟

ميار بسرعة: ليان. آه صح هي في أوضتها. خلاص أنا هروح ليها. اقفل أنت بقى.

وقفل في وشه.

حازم بص للسما: يا رب لو كنت بتعاقبني بالبت دي. فا عقلها شوية بقى.

فجأة تليفونه رن تاني وكان أسر.

حازم: أيوا يا أسر.

أسر بجدية: تعالي على المجلس.

حازم بصدمة: مجلس إيه؟

أسر: مجلس شغلنا التاني يا حازم.

حازم: بس هتعمل إيه هناك؟

أسر: هنسحب.

حازم بصدمة: هتسحب من الشغل يا أسر؟

أسر ببرود: آه.

حازم: بس مش هيرحمونا يا أسر. أنت عارف حتى لو أنت الزعيم بس اللي بيدخل في الشغل ده مبيطلعش عايش.

أسر: ميهمنيش. هتيجي ولا لأ؟

حازم بقلة حيلة: وهو أنا أقدر أسيبك يا صاحبي. أنا جاي.

وبيقفل معاه وحازم بيتوتر.

وبيبص لواحد من الرجالة: زود حراسة على القصر ومتخليش حد يطلع منه.

الراجل: تمام يا باشا. بس هنعمل في ده إيه؟

وهو بيشاور على تامر.

حازم: هنعوزه في إيه يعني؟ خلص عليه.

تامر بيخاف.

الراجل: أوامرك يا باشا.

وبيخرج حازم. وتامر بيخاف لما الراجل بيقرب عليه بجهاز غريب.

تامر بخوف وصرخة: لااااااا. ارحموني. أسرررر سامحني يا أسر.

وبيقرب من الراجل وبيبتسم بخبث وبيحط الجهاز على دماغه وبيبعده عن تامر بمسافة بعيدة شوية.

والراجل بيدوس على زرار في إيده وووووو.

في شركة أسر.

في مكان خاص بالاجتماعات لكن في الدور العلوي. بعيد عن كل الموظفين.

على طاولة الاجتماعات الكبيرة. كان أسر قاعد ويترأسهم. وكان قاعدين رجالة في مختلف الأعمار والأحجام والأشكال.

دخل حازم وقعد جمب أسر.

راجل في الستينات، توفيق: في إيه يا زعيم؟ طلبتنا مرة واحدة كده ليه؟

واحد آخر، سعيد: يمكن هيعرفنا على نوع جديد من الشغل.

أسر بهيبة: أنا هعتزل عن لقب الزعيم. وهعتزل عن الشغل كله.

توفيق قام بغضب: إيه؟ ده مين ده اللي يعتزل؟

أسر بحدة: اقعد. وصوتك ميعلاش تاني.

توفيق قعد بغضب وتوتر.

سعيد: بس ده مينفعش يا زعيم. ده أنت بقيت أهم شخصية وسطنا. ومتنساش إن اللي بيدخل الشغل ده مش بيخرج منه سليم.

واحد آخر في الأربعينات، حمدي: رغم صغر سنك بس قدرت تاخد لقب الزعيم.

والكل بيخاف بس من اسمك

عادل: وانت عارف اننا مش بنتطلع حد عايش عشان ميكشفش اسرار شغلنا

اسر بحدة: وانت عارف اني مش هكشف اسرار الشغل، كل واحد يروح لحاله

توفيق بغضب: بس الكلام ده مينفعش علينا يا اسر، انت عارف انك انت اللي بتمشي لنا الشغل وبنكسب بسببك

اسر بحدة: مش هعيد كلامي تاني واقولك وطي صوتك قصادي، واللي عنده حاجة يعملها يوريني رجولته

توفيق قام بعصبية: بقي كده، تمام يا اسر، بس اعرف انك هتندم

وخرج توفيق من المكان، واسر مهتمش بيه

اسر بنظرة مخيفة بص للكل: حد عنده حاجة يقولها

الكل خاف، خصوصا وهما عارفين كويس مين اسر السيوفي

سعيد بتوتر: بما انك قد كلمتك ومش هتضرنا في شغلنا، فا زي ما قولت كل واحد يروح لحاله

اسر ببرود: حلو، كل واحد بقي يشوف طريقه، اتفضلوا

الكل قام وخرج خارج غرفة الاجتماعات ومن الشركة كلها

حازم براحة: أوووف، الحمد لله محصلش حاجة، انا مبسوط من قرارك ده يا اسر

اسر بص له: انت مكنتش حابب الشغل معايا

حازم بسرعة: لا ازاي يا صاحبي، بس انا كنت عارف ان الشغل ده غلط من الأول، واحنا لازم ناكل بفلوس حلال

اسر ساند على راسه على الكرسي: تصدق فعلا اني حاسس اني مرتاح دلوقتي

حازم باستغراب: بس مين اللي قدر يغير كلامك كده ويخليك تسيب شغل السلاح ده

اسر ابتسم لما افتكر: ليان

حازم بذهول: الله أكبر، دي قدرت عليك فعلا

اسر بص له بابتسامة: حبيتها

حازم بضحك: الله على الحب

اسر بص للسقف بابتسامة: وحبها خلاني أحب الحياة

في عربية ماشية على الطريق، كان توفيق راكب ورا والسواق بيسوق

توفيق وهو بيكلم حد على التليفون بغضب: مش هسمح له، بما انه عايز يطلع يبقى يطلع وهو ندمان

الراجل اللي على التليفون:

توفيق بشر: سمعت انه بيحب، والحب هيخليه ضعيف

الراجل:

توفيق: مراته! لا متخطفهاش، اقت*لها على طول

الراجل:

توفيق: نفذ، وخد معاك رجالة كتيرة

وقفل معاه

توفيق بشر: إن ما خليتك تندم على طريقة كلامك معايا يا اسر ميكونش اسمي توفيق، اللي بحطه في دماغي لازم أندمه

في القصر

ليان وميار قاعدين في الأوضة بتاعة اسر

ميار بضحك: أنا دوخت حازم أوي من ساعة الحمل ده

ليان بضحك: طب خلي بالك، ده لو جبتي بنت ممكن يحبها أكتر منك

ميار بصدمة: إيه! لا لا إن شاء الله ولد

ليان: الله أعلم، اشربي بقى العصير ده

ومدت لها كوباية عصير

ميار وهي بتشرب في العصير: أخيرا ارتحنا من اللي اسمها تولين دي

ليان بقرف: دي كانت هم والله

ميار: دي طلعت شر*انية وكانت عايزة تخلص عليا أنا وابني

ليان: أنا مكنتش متخيلة كده بصراحة، دي ناس مبترحممش

ميار: ولا كانت على علاقة بتامر كمان و...

فجأة بيسمعوا صوت إطلاق نا*ر

ميار وليان بيتخضوا وبيقوموا يفتحوا الباب بيلاقوا أسماء في وشهم

كبيرة الخدم أسماء بخوف: ادخلوا جوه واقفلوا الباب، في ناس مش كويسين هنا

ليان بخوف: وانتِ يا أسماء

أسماء وهي بتبص حواليها: أنا هبقى كويسة هما مش عايزيني أنا... أنا هنزل أستخبي في المطبخ

وبتجري على تحت برعب

ليان بتدخل ميار اللي بتعيط بخوف وبعدين بتقفل الباب كويس

وتروح عند البلكونة وبتقفل بابها كويس وبتدخل هي وميار غرفة الملابس وبيقفلو الباب

ليان بدأت تبكي ومسكت التليفون واتصلت على اسر

اسر: الو

ليان بدموع وخوف: يا اسر، ا ا الحقني

اسر بخضة: في إيه؟

ليان وهي بتطلع الكلام بالعافية: ف في ناس هنا خط*يرة و و و...

اسر بسرعة وغضب: وإيه؟

ليان بدموع: و ومعاهم أسل*حة ومفيش غيري أنا وميار

اسر بخوف عليها وعلى أخته: أ أنا جاي حالا، اقفلي الباب كويس ومتطلعيش غير لما أجي

وبيقفل الخط بسرعة

ليان بتحضن ميار بخوف ودموع

وفجأة...

في الشركة اسر قفل التليفون بسرعة وقام

حازم بقلق: فيه إيه يا اسر

اسر بغضب: حد فيهم عملها وبيحاول يها*جم أهل بيتي، ميار وليا في القصر وفي حد بيها*جمهم

حازم بيقوم بسرعة وهو خايف على ميار

اسر بغضب: قسما برب العزة، إن جرالهم حاجة لأكون مو*لع في اللي عمل كده قدام خلق الله

وخرج بسرعة وأخد سلا*حه معاه، وحازم جري وراه

عند ليان فجأة سمعوا صوت باب الأوضة بيتفتح

وبيدخل رجالة كتير وبيدوروا عليها، كانوا عشر رجالة وملثمين

أحد الرجال وهو ملثم: أكيد هي هنا دور عليها كويس

الراجل التاني: ادخل الأوضة اللي هناك دي ودور فيها

وبقي يتقدم برجله على غرفة الملابس

ليان بتترعب وبتاخد ميار وبتدخل جوه الدولاب بدموع وهما سامعين صوت خطوات رجلهم

ليان بصوت واطي ودموع: أ أرجوكي يا ميار متطلعيش صوت، أ اسر جي

ميار بتعيط بخوف وهي ماسكة بطنها بخوف

فجأة باب غرفة الملابس بيتفتح

ليان بتحط إيدها على بقها بخوف ودموع

الرجالة دخلوا الحمام ودوروا هناك وملقوش حد

واحد من الرجالة بس مد للدولاب وقرب منه بشر

فجأة باب الدولاب بيتفتح وليان وميار بيتخضوا

الراجل مسك ليان من شعرها وشدها خارج الدولاب

ميار بتصر*خ: لاااا سيبوها

أحد الرجال بيحط سلا*حه على رأسها وميار بتخاف وتسكت

الراجل: مسمعش صوتك

ليان بتتأ*لم من شعرها وبتعيط

الراجل بابتسامة: بس هي حلوة أوي، خسارة نخلص عليها بدري

الراجل التاني: اخلص مش وقته لازم نخلص عليها قبل ما الزعيم يوصل هنا ويخلص علينا

ميار بدموع وابتسامة: حتى وهو مش موجود بتخافوا منه، فتخيلوا لما يوصل هيعمل فيكم إيه؟ إحنا اتصلنا عليه وهو زمانه في الطريق بيفكر هيد*فنكم فين

الرجالة بتخاف بطريقة واضحة وبيصصوا لبعض

الراجل بغضب: اخلص، خلص عليها قبل ما يوصل

الراجل اللي ماسك ليان من شعرها بيرفع سلا*حه على رأسها وبيستعد...

وليان مغمضة عينها بخوف ودموع وبصوت واطي: يا اسر

والراجل لسه بيضغط على الز*ناد

فجأة

ليااااااان

بيسمعوا صوت جهوري خارج القصر، بيترعبوا لما بيعرفوا هو صوت مين

وليان بتبتسم وسط دموعها

الراجل بيتجه ناحية باب الأوضة يشوف مين... فجأة بيقع على الأرض ورصا*صة بتستقر في رأسه

الرجالة خافوا واترعبوا

دخل اسر الأوضة بغضب يخوف ووراه حازم والرجالة اللي معاهم أسل*حة خط*يرة

بيبدأوا يطل*قوا عليهم، وليان وميار بيغمضوا عينهم برعب وبيحطوا إيدهم على ودانهم

اسر بيضر*ب بمس*دسه عليهم بغضب

وبيقرب من الراجل اللي كان ماسك شعر ليان وبيضر*ب على رجله المتصا*بة

اسر بغضب: مين اللي بعتك؟

الراجل بخوف: ت توفيق

اسر بيبصله نظرة مرعبة: توفيق، اممم... تمام

وبيقف وبيوجه سلا*حه على رأسه وهو بيقع الراجل

اسر بيقرب من ليان وبيمسك وشها بإيديه الاتنين

ليان بتفتح عيونها بدموع وبتبص له: يا اسر

اسر بقلق عليها: قلب اسر

ليان حضنته بخوف وخبت نفسها جوه حضنه وقعدت تبكي بانهيار

واسر با*س راسها وبقي يمسح على شعرها

حازم قرب من ميار

حازم بخوف: انتي كويسة؟ ابننا كويس... جرالك حاجة

ميار بابتسامة والدموع على خدها: إحنا كويسين، متقلقش يا حبيبي

حازم حضنها بحب

ميار: متقلقش قاعدة لسة على قلبك

حازم بحب: اقعدي زي ما انتي عايزة، على قلبي زي العسل

ميار بادلته الحضن بحب

ليان هديت واسر قام ومسك إيدها وهو حاضنها ومخبي وشها في حضنه عشان متشوفش المنظر اللي برا

وحازم وميار وراهم، وحازم برضه مخبي عين ميار

خرجوا من القصر وركبوا العربية

وانطلقوا

في قصر تاني أفخم بكتير عن اللي قبله

اسر وليان، وحازم وميار دخلوا

ولقوا أميرة وسميرة اللي واقفين قلقانين

أميرة جريت على ميار وليان وحضنتهم

أميرة بقلق: انتوا كويسين؟ جرالكم حاجة...

ميار انتي كويسة وابنك كويس؟

ميار بابتسامة: أنا كويسة يا ماما، بس انتوا عرفتوا إزاي؟

أميرة براحة: أسر اتصل علينا وقالنا اللي حصل، وإننا منرجعش القصر ونروح قصرنا التاني.

ليان بتبص حواليها: قصرنا التاني!

أسر قرب منها: إحنا مش هنرجع القصر القديم، كفاية اللي حصل فيه، وأكيد يعني واحد زي مش هيبقى عنده قصر واحد بس.

ليان بابتسامة: ده أنت متواضع أوي.

أسر ابتسم عليها.

حازم بصله بجدية: هتعمل إيه؟

أسر فهمه وبصله: جهّز الرجالة.

وجه يلف، ليان مسكت دراعه وحضنته بدموع: لا يا أسر متسبنيش تاني.

أسر بعدها وبصلها بحب: مش هتأخر، وعد.

وقرب وباسها من خدها.

ليان بكسوف وصوت واطي: احم، مش قدامهم.

أسر ضحك عليها.

أميرة بضحك: وهو أسر بيتكسف أصلًا؟

أسر لف وأخد حازم وخرجوا.

في مكان مجهول.

توفيق ماسك التليفون بغضب: إيه! يعني مقدروش عليه، ده انتوا شوية بهايم...

قاطعه الباب وهو بيتكسر بقوة، وكان أسر اللي كسره برجله.

توفيق اترعب ورجع والتصق بالحائط.

أسر دخل ووراه رجّالته.

توفيق بيبص برا بيلاقي رجّالته واقعة في الأرض.

أسر بيقرب منه وبيمسكه من ياقة قميصه.

أسر بنبرة مخيفة: قدرت وعملتها يا توفيق.

توفيق بخوف: أنا معملتش حاجة...

قاطعه أسر: ششش، مش عايز أسمع صوتك.... أنا لسه هلعب معاك، وانت لازم تجرب اللعب مع الزعيم بيبقى عامل إزاي.

توفيق بيخاف ورجالة أسر بيدخلوا وبياخدوا توفيق.

توفيق بخوف: لاااااا أنا معملتش حاجة ابعدووووا عني.

أسر بيمسك تليفونه وبيكلم حازم.

أسر: الرجالة هتجيبه عندك، عايزك تعلمه اللعب معايا بيبقى عامل إزاي.

حازم: أوامرك يا زعيم.

وبيقفل معاه.

في الليل في القصر.

في أوضة أسر وليان.

أسر دخل ولقى ليان مستلقية على الكنبة، ليان أول ما شافته قامت بسرعة قربت منه: أسر انت كويس؟

أسر حط إيده على وشها وابتسم: أنا كويس.

ليان حضنته بخوف.

أسر: عارف إن اللي حصل النهاردة صعب، بس الأيام هتعدي وهننسى.

ليان: أسر أنا بحبك.

أسر بحب: وأنا بعشقك يا قلب أسر.

وقرب منها أكتر وباسها بقوة وشغف على شفايفها.

وليان بادلته.

بعد أسبوعين العيلة استقرت وارتاحت من المشاكل.

في القصر في الصالة.

العيلة قاعدة على الأنتريه بتهزر وبتضحك، وليان قاعدة في حضن أسر وبيضحكوا.

الخادمة جابت العصير وأسر أخد كوباية ومدها لليان.

حازم بضحك: ولله بنتكم دي مكرهاني في اليوم اللي جيت فيه.

ميار بهزار: ولله يا ماما أنا هادية ورايقة خالص، وعاملة دايت.

حازم بسخرية: دايت! ده أنت شوية كده وهتاكليني.

ميار بحدة: حازم.

حازم بتمثيل التوتر: عيون حازم، حب عمري وحتة مني.

ميار بتبتسم برضا.

ليان كانت بتشرب العصير بضحك، فجأة حست بالغثيان وقامت جريت على الحمام بسرعة، وأسر قلق عليها.

أسر للخادمة: اتصلي بالدكتورة.

بعد مدة بتيجي ليان بتعب.

أسر بيقرب منها بقلق: انتي كويسة؟ الدكتورة شوية كده وهتوصل.

ليان بتعب: لا يا أسر أنا كويسة، بس يمكن أكلت حاجة كده ولا كده، مكنتش تتصل بالدكتورة.

أسر بحدة: أنا قلت اللي عندي، يلا اطلعي فوق واستريحي.

ليان بتبصله بقلة حيلة وبتطلع فوق.

في أوضة ليان كانت مستلقية على السرير والدكتورة بتفحصها، وأسر وأميرة وميار واقفين جنبها.

الدكتورة خلصت.

الدكتورة بابتسامة: ألف مبروك المدام حامل.

الكل بيتصدم.

والدكتورة بتقوم وتمشي.

ميار بتقرب وبتحضنها: الله بقينا زي بعض.

أميرة بسعادة: ألف مبروك يا بنتي.

ليان بابتسامة: الله يبارك فيكي.

ميار بفرحة: أنا هروح أفرح تيتة وحازم.

وبتخرج من الأوضة.

أميرة بضحك: أنا هلحقها وأسيبكم تتكلموا.

وبتخرج.

أسر بيقرب من ليان وبيمسك إيدها.

أسر بابتسامة: ألف مبروك.

ليان بتتكسف.

أسر حط إيده على بطنها: لازم تخلي بالك من نفسك، في حتة مني دلوقتي جواكي.

ليان بابتسامة: هحافظ عليها على قد ما أقدر.

أسر بضيق: هو أنا كده مش هقرب منك لمدة تسع شهور؟

ليان بتتكسف: بطل قلة أدب بقى.

أسر بضحك: طب هنسمي بنتنا إيه بقى؟

ليان بضحك: أنت لسه ما خلّيتها بنت.

أسر بابتسامة: أيوا طبعًا، أنا عايز بنوتة عسل كده شبهك.

ليان بزعل: ما أنت ممكن تحبها أكتر مني.

أسر قرب وباس خدها: وهو أنا أقدر أنسى بنتي الأولى.

ليان بكسوف: بنتك!

أسر بحب: أنتي بنتي ومراتي وحب حياتي وكل حاجة ليا.

ليان بصتله بحب: متسبنيش يا أسر.

أسر حط راسه على جبينها: مش هقدر، مش هقدر أسيبك وأنا بتنفس بسببك.

ليان بتبسم وفجأة بتقرب منه وبتبوسه قبلة لطيفة.

أسر بصلها بذهول وابتسامة: شكل الحمل بيأثر أوي.

ليان بكسوف: مش عارفة، مرة واحدة حسيت إني عايزة أعمل كده.

أسر قرب أكتر وطبع قبلة قوية وليان بتنسجم معاه.

أسر بيبعد لما بيحس إنها بحاجة للهواء وبيسند جبينه على جبينها.

أسر: بحبك يا قلب الزعيم.