رواية ليل المستبد الفصل العاشر 10 - بقلم اسماعيل موسى

همس جاسر، وماله الغريب ضيفي. رفعت ليل يدها، أنا مش ضيف حد. الجدع اللي مرمي على الأرض ده محتاج دكتور، حد يشيله معايا. صرخ شديد، رجل جاسر، هو انت فاكر نفسك فين يا جدع انت؟ مالك ومال المرمي على الأرض ولا غيره؟ قالت ليل بصوت مسموع، لو كنت خايف إني أسيب البلد قبل ما أهزم معلمك، تبقى غلطان. راح شديد يرفع عصاه، لكن نظره من جاسر أخرسه. ماله، يا رجالة خدوا فارس على المستشفى. بعد أن تحركت ليل مع الرجالة،

جاسر همس في ودن شديد: عايزك تراقبه وتعرف لي حكايته إيه قبل الصبح ما يصبح. في المشفى، شخص فارس بعدة كسور في عظام الصدر وبعض الجروح. أرادت ليل أن تنتظر معه، لكنه عرفت أن ذلك سيثير الشكوك حولها. دفعت أجرة العلاج والتأمين وخرجت إلى المقهى. كانت شايفة شديد ماشي وراها وعارفه إنه بيراقبها. ممكن تسيب البلد، مش هيقدر يمنعها. لكن... إلى حصل لأهلها، فارس أخوها اللي معرفتش منه غير عينيه، كل ده أشعل نار الانتقام جواها.

قعد شديد في القهوة يبص عليها كأنه مفتخر بمراقبته ليها. هات شيشة يا واد. أصل راجل مش بيشرب شيشة ميبقاش راجل. ركض النادل، أحلى شيشة للمعلم شديد. شورت ليل بيدها، هات شيشة هنا. دخنت بطريقها، علمها لها صديق قديم. تسحب سحبات قصيرة ولا تسمح الدخان إن يدخل صدرها. وبعدين هتخلص من الكلب ده إزاي؟ أنا مش حمل عركة تاني مع جاسر. كتفي مصاب وأعصابي كلها بايظة. مفيش حمام هنا؟ سألت ليل النادل. فيه مبولة جوه هنا. مبولة؟

همست ليل، وأنا هعمل إيه بحمام زي ده؟ دفعت الحساب وخرجت من القهوة. مشيت في طريق النيل وشديد وراها. قبل ما توصل النهر، وقفت وبصت على شديد. كان الطريق خالي إلا منها ومنه. انت ماشي ورايا، عايز إيه يا شديد؟ صرخ شديد بصوت هادر، دا انت عارف اسمي كمان؟ ليل: هو حد ما يعرفش اسم المعلمين الكبار؟ قال شديد، طيب كويس إنك عارف إني معلم كبير؟ عارف، وعيب لما أبهدل معلم كبير هنا في الخلاء زي ما بهدلت معلمك جاسر. بتقول إيه يا جدع انت؟

اندفع شديد بغضب. كانت ليل مستعدة. عندما وصل شديد، انحنت ليل. أخذت حفنة من التراب ضربتها في وجه شديد وعيونه. ثم ضربة مركزة فوق نفوخه شرخت دماغه والعمة طارت بعيد. أنا محدش يمشي ورايا يا شديد غير بمزاجي. ثم كسرت عظمه بالعصا حتى برك على الأرض. غور ارجع لكبيرك. أنا مش ههرب، هوصل مشوار وراجع تاني. أخذت ليل فلوكة أقلتها للبر الشرقي. وهناك مشيت لحد ما وصلت الجبل.

بصت على الجبل الخالي والعكاز في إيدها وصعدت الجبل نحو مغارة المطاريد. في صباح اليوم الثاني، رجعت ليل على البلد وكان معاها رجلين. رجالة شديد كانو مرصوصين على الضفة منتظرين ظهوره. لكن ليل مشيت كأنها مش شايفة حد. راحت على المحطة، جابت شنطتها من الأمانات ورجعت على البلد. وصل الخبر لجاسر إن الغريب رجع ومعاه اتنين من الرجالة الغامضين.

فيه حاجة غريبة في الموضوع يا رجالة، همس جاسر لرجاله. مش معقول شخص غريب يهبط على البلد فجأة كده ويقف قدامي. والعمل إيه يا كبير؟ نصفوه. عايزكم تعملوا كمين وتصفوا الشخص ده الليلة، ميطلعش عليه صبح. ليل رجعت على المستشفى اطمنت على فارس أخوها. وهي خارجة من المستشفى سمعت واحدة بتهمس بصوت واطي. بصت ليل شافت رقيه. سابت الرجالة ومشيت على رقيه. زيك يا ليل، أنا عارفة إنك ليل!! ليل مين يا مجنونة انتي؟

همست رقيه، مش وقت لف ودوران يا ليل. أنا جايه هنا عشان أحذرك. جاسر عامل لك كمين، هيصفوكي الليلة وسط الزراعات. ولو كنتي بتسألي نفسك أنا عملت كده ليه، أقولك. أنا ليا عندك حاجة، خدمة قصاد خدمة. التسجيل اللي معاكي يتحذف يا ليل وبكده نبقى متعادلين. مشيت رقيه اختفت بين الزحام. بصت ليل على واحد من الرجالة اللي معاها. يا رجالة، الوقت حان. انتو عارفين هتعملوا إيه كويس؟ متخافوش عليه. التأخير مش في مصلحتنا.

أخرج واحد من الرجالة مسدس وطبنجة. هبلغ المعلم يوسف وهنكون هنا قبل الليل. لما رجعت رقيه، كان جاسر في انتظارها. أخدها جوه بيتها. عملتي إيه؟ نفذت اللي طلبته مني يا جاسر. ابتسم جاسر بسخرية، حلو أوي. يا رجالة اجمع هنا. اجتمع الرجال حول جاسر. التنفيذ هيكون النهاردة بس مش بالليل. قبل المغرب عند الساقية المهجورة. في وضح النهار يا معلم؟ أيوه، صرخ جاسر. هو حد ليه عندنا حاجة؟

مش عايز أخطاء. لازم يسيح في دمه وأنا هظبطها مع شيخ البلد.