رواية ليل وزين الفصل الحادي والعشرون 21 - بقلم اميرة جمال

تاليااااا كان صوت زين اللي سمع الفيلا كلها. زين: حبيبي. أول ما شافها زين ضربها بالقلم. تاليا: بتضربني يا زين؟ زين: أنا مالي، ما أعرفش مكانها. تاليا: روحي حتى المستشفى ليه يا تاليا؟ زين: كنت بزور ليل. تاليا: طلعي لها الصورة اللي نادين لقتها. زين: ودي إيه؟ تاليا: هدية الزيارة. ضربها قلم تاني. زين: اتكلمي كويس. جرى عليه مراد عشان يهديه. تاليا: بتضربني عشان الزبالة بتاعتك دي؟

زين: اخرسي، دي أحسن منك مية مرة، انتي اللي زبالة. تاليا: عشان ضحكت عليا يا زين بتقول كده؟ بدأت ملامح زين ترتخي ويحس بالندم عشان اللي عمله. تاليا فهمت من ملامح زين شعوره بالندم وحست بانتصار وقالت تكمل عليه... تاليا: انت دمرت حياتي يا زين، يا ريتك كنت سبتني انتحر أحسن من اللي عملته ده، وتبقا فضيحة يا زين. وبدأت تنزل دموع تماسيح. زين: خلاص يا تاليا، أنا ما قولتتش إني هسيبك. تاليا: جاي تتهمني في ليل؟ طيب هي راحت فين؟

زين: بتسألني أنا؟ تاليا: ممكن تكون خرجت مع حد. زين: انتي تقصدي إيه؟ وبعدين إيه الصور دي أصلاً؟ إزاي اتصورت؟ تاليا: ما أعرفش. زين: يعني إيه ما تعرفيش؟ مش انتي اللي جبتيلها الصور دي؟ تاليا: الصور دي اتبعتتلي بس ما أعرفش من مين. زين: وجبتيها لليل ليه؟ تاليا: عشان انت اتأخرت عليا وما كنتش بترد، خوفت تسيبني عشان كده روحت لها. زين: عشان تخربي حياتي؟ تاليا: لا، عشان تصعب عليا. شوفت وصلتني لإيه. وبدأت تعيط تاني.

زين: أهدي يا تاليا، أنا مش هسيبك. تاليا: بجد يا زين؟ ممكن تتجوزني دلوقتي؟ زين: دلوقتي إيه؟ هروح أشوف ليل فين. تاليا: أنا حياتي تدمرت. زين: قولتلك خلاص يا تاليا. تاليا: لو ما جوزتنيش دلوقتي هموت نفسي. وأخدت سكينة ومسكتها. زين: أهدي يا تاليا، انتي اتجننتي؟ تاليا: أه، اتجننت. حياتي اتدمرت بسببك يا زين. زين: طيب خلاص موافق. تاليا: يعني أجيب المأذون؟ زين: هاته. وفعلاً ليل اتصلت بحد والمأذون وصل الفيلا.

المأذون: اتفضلوا عشان نكتب الكتاب. كان كلام المأذون وهو مجهز كل حاجة. ندى: دقيقة، ماتتجوزهاش يا زين. ده كان صوت ندى اللي وقف إمضاء زين. تاليا: اطلعوا بره يابتاعة انتي، خدوه. ده كان صوت تاليا وهي بتوجه كلامها لواحد من الحرس بتوعها عشان ياخدوا ندى. زين بعصبية: سيبوها. وقفت قدام ندى. زين: انتي ندى؟ ندى: صحاه. زين: مش عايزاني أتجوز تاليا ليه؟ تاليا: انت هتسمع للجربوعة دي يا زين؟ بقولكم خدوه.

اتكلمت وهي بتوجه كلامها للحرس. زين للحرس: لو حد قربلها هدّفنكم. وما أسمعش صوتك يا تاليا، مفهوم؟ تاليا خافت من صوته وسكتت. زين: اتكلمي يا ندى. ندى: انت ما لمستش تاليا، انت ما عملتش حاجة. زين: بالراحة كده وفهميني.

بدأت تحكيله اللي حصل وتمثيل تاليا أنها هتنتحر والمخدر اللي كان في العصير وأنها أجبرتها تصورهم مع بعض عشان يطلق ليل لما يعرف اللي حصل ويضطر يتجوز تاليا وهي تاخد فلوسه كلها وأنها خلت تامر يضحك عليها ويخدرها هي كمان ويهرب بعدها وهي مش عارفة توصله وكل دي أوامر تاليا. زين كانت عينه كلها شرار وهو بيسمع الكلام ده ومجرد ما ندى خلصت كلامها كان ماسك تاليا من شعرها بعنف. تاليا: إيه شعري يا زين، ماتصدقهاش دي كدابة.

زين: انتي اللي رخيصة وأنا كنت غبي. الكل كان شايف إنك شيطانه إلا أنا. وضربها قلم وقعت على الأرض. وشاورت للحرس بسرعة عشان يمسكوا زين، لكن زين ومراد اتفادوهم وضربوهم. زين قال لمراد يحبس تاليا مع ليلى في المخزن وخدوا ندى معاهم واتحركوا في المستشفى. *** نادين: إيه، عملتوا إيه؟ مراد: مافيش، لسه ما وصلناش لحاجة. نادين: وتاليا؟ مراد: ما تعرفش عنها حاجة. نادين: ومين دي؟

مراد: دي ندى، عرفتنا حاجات مهمة وكويسة. خليها معاكي وحافظي عليها. نادين: هي تخصك ولا إيه يا مراد؟ قالت كلامها بعصبية. مراد: ههههه، يا مجنونة، مش بحب غيرك بس ندى أمانة. ندى: أنا آسفة، سببتلكم مشاكل، أنا همشي. نادين لحقتها: لا لا، أنا اللي آسفة بس هو اللي بيستفزني. ندى بابتسامة: ربنا يخليكم لبعض. مراد: يا رب. نادين بصت للأرض بكسوف. مراد: أموت أنا في اللي بيتكسف ده. مراد بعيونه: شوف زين خرج هناك وأنا هاخد ندى معايا.

نادين: إيه، خرج يا أختي؟ وطلع يجري. نادين ضحكت على جنانه وأخدت ندى ودخلت عند فاطمة اللي كانت لسه بتفوق. *** زين: بيهازيك يا سيادة المقدم. حسن: الحمد لله، خير يا زين. زين: قلقتني، مش لاقي مراتى. حسن: إزاي ده؟ زين: حكاله اللي حصل. حسن: إيه، عرفك؟ يمكن تاليا بتكدب، هاتها عندي وأنا هخليها تنطق. زين: لا، حسن، ماشوفتش في عيونها الكدب، وهي مش هتستفيد حاجة بخطفها، هي ورتلها الصور وخلاص.

حسن: طيب مش ممكن تكون ليل اتصدمت من الصور فمشت لوحدها؟ زين: لا، أنا لقيت الحارس مربوط وكمان قال فيه ناس ضربوه وخطفوا ليل. حسن: ما قولتليش على ده. زين: اعذرني، مش عارف إيه اللي قولته وإيه ما قولتهوش. حسن: ولا يهمك، أنا هشوفها عند قرايبها أو لو فيه حد من أصحابه. زين: مالهاش حد. حسن: برضو نعمل اللي علينا وإن شاء الله خير. زين: يا رب.

حسن: عايزك تركز مع تليفونك، ممكن يكونوا عايزين فلوس ولا حاجة، وخليك جنب تليفون الفيلا برضو. زين: حاضر. حسن: هروح الفيلا عشان لو اتصلوا. زين: تمام كده.