رواية ليلتي الفصل الرابع 4 - بقلم سلمى ابراهيم

رضوى.. أنا مليش دعوة بعلي. انتي هنا تسمعي كلامي وبس. ليلي بدأت تعيط. ليلي.. بس أنا عمري ما روقت أي حاجة. ومش بعرف أشيل حاجات لوحدي. لين بحدة.. اسمعي الكلام يا بت انتي. بدل والله هرميكي في الشارع تاني. ليلي.. حاضر. وراحت بدأت تشيل الحاجات وعملت كل اللي قالولها عليه. في الجيم. يحي.. مجبتش ليلي معاك يا علي؟ علي.. قالت هتقعد مع لين وأمي. يحي.. لين؟ هي لين جت؟ علي.. أه جت مع أمي. يحي.. وانت سبت ليلي معاها؟

ربنا يستر عليها. علي.. شيل يا واد وانت ساكت. خلصت ليلي وقعدت عالكرسي بتعب شديد ودموعها نازلة أوي. لين.. بقولك إيه يا ليلي. قومي يلا عشان أحطلك ميكب. ليلي.. مش عاوزة حاجة. وع فكرة لما علي يجي أنا هقوله ع اللي انتو عملتوه فيا دا. رضوى ولين بصوا لبعض بقلق. لين.. لو قولتي له هو اللي هيمشيكي. ليلي بخوف.. بجد؟ دخل علي من الباب وكانوا رضوى ولين قلقانين منها تقوله. علي.. سلام عليكم. الكل.. وعليكم السلام. علي.. مالكم؟ في إيه؟

ليلي.. علي أنا عاوزة أقولك ع حاجة. علي.. إيه يا ليلي؟ قولولي. بصت ليلي ليهم وخافت شوية. ليلي.. متسبنيش معاهم تاني يا علي. أنا عاوزة أجي معاك الجيم على طول. لين راحت مسكتها. لين.. يحبيبتي منا لعبت معاكي وهزرنا عادي يعني. علي مسك ليلي من إيديها. علي.. تعالي يا ليلي معايا. واخدها ودخل الأوضة وقفل الباب من جوه. لين.. شوفتي يا خالتي. رضوى.. بصراحة البت صعبت عليا. دي شكلها كانت في عز وكده. لين.. انتي هتشليني يا خالة.

رضوى.. أنا عاوزاكي تشيليها من دماغك خالص وتركزي مع مروان. لين.. هففففف. دخل علي وكانت ليلي عمالة تعيط أوي. علي.. ممكن تبطلي عياط بقى. ليلي.. أنا مش عارفة أنا خايفة أقولك. علي.. لا متخافيش من حاجة. ليلي.. لين قالتلي إن لو قولتي له هتطردني برا البيت. علي.. وانتي صدقتيها؟ دا أنا بحبك يا ليلي وعمري ما عمل فيكي كدا. قوليلي بس عملوا فيكي إيه. ليلي.. خلوني أروق البيت وأشيل الحاجات بتاعة لين كلها أدخلها الأوضة.

علي وجز ع سنانه بعصبية. علي.. اممم. طب تعالي بقى عشان تشوفي وأنا باخدلك حقك منهم. ليلي.. لا بلاش عشان ميزعلوش مني. علي.. يزعلو بقى عادي. أهم حاجة ميعملوش معاكي كدا تاني. انتي شكلك ملكيش في التنضيف ولا الكلام ده خالص. ليلي.. أنا أمي كان عندها خدمات كتير هما اللي بيعملوا كل حاجة. علي.. هي مامتك كان عندها فلوس كتير وكده. ليلي.. أه. بس هي دلوقتي نايمة في المستشفى. أنا نفسي أشوفها أوي. علي أخدها في حضنه بهدوء.

علي.. متزعليش يا ليلي. أنا هدورلك عليها. ليلي.. بجد يا علي. علي.. أوعد هعمل كل اللي عليا وهدور عليها. يلا بقى عشان آخدلك حقك منهم. ليلي بفرحة.. يلا. مسك علي إيديها وخرجوا من الأوضة وبص ليهم بغل شوية. علي.. لين. انتي ضيفة عندنا هنا صح. لين.. أنا ضيفة يا علي. علي.. أه. أي حد مش مقيم هنا في البيت طبعًا تبقي ضيفة ولا إيه. لين.. ماشي. عاوز إيه يعني.

علي.. ليلي هنا بقى من أصحاب البيت. يعني مينفعش حضرتك تشغليها خدامة عندك. سامعاني يا أمي. رضوى.. يا ابني إحنا بس قولنا. علي.. أمي. أنا طول عمري شايفك ست الكل وليكي أكبر غلاوة في قلبي. بلاش تخليني آخد عنك فكرة وحشة. سكتت رضوى وحست إنها فعلاً غلطت. علي.. محدش ليه دعوة بليلي خالص. سامعيني. يلا يا ليلي روحي البسي عشان هنروح ننقل ورقك من المدرسة لمدرسة هنا جنب البيت وكمان صاحبي خلص كل ورقك إنك بنت عمي.

ليلي.. طب أنا هلبس إيه. علي.. البسي الفستان بتاعك اللي أنا كنت جبتك بيه. وأنا هجيبلك لبس معايا كمان. أخدها وخرجوا هما الاتنين وخلص لها كل حاجة وفسحها كتير ووداها الملاهي. علي.. كده يبقى إنتي اسمك إيه. ليلي.. ليلي أيمن محمود السباعي. علي.. شاطرة. وانتي بنت عمي. ليلي.. هو انت من عيلة السباعي. علي.. أه. وانتي كنتي من عيلة إيه. ليلي.. من عيلة هواري. علي.. دي عيلة كبيرة أوي وغنية. ليلي.. أه. علي.. استني هجيبلك آيس كريم.

وسابها ومشي. بتلف ليلي وشها لقت كمال واقف من بعيد بيبص عليها. كمال لنفسه.. أه هي. وفضل يقرب عليها. ليلي خافت جدا وقامت جريت وكمال جري وراها. رجع علي ومعاه الآيس كريم وملقهاش. علي وقلبه كان هيتخلع من الخوف عليها وبصوت عالي. علي.. ليلي.