رواية ليست لي بقلم الاء محمد حجازي | كاملة
قيّم الرواية:
لا توجد تقييمات بعد
من أحداث الرواية
إنت مجنون يا تميم؟ رايح تحب واحدة متجوزة؟ لا وكمان الأنيل من كده إنها متجوزة ابن خالك؟ إزاي سمحت لنفسك بحاجة زي دي؟ قالها معتز صاحبي وهو واقف قدامي، صوته عالي وعينه مليانة ذهول. ما رديتش. ما كانش عندي رد ينفع يتقال. كنت واقف ساكت، باصص في الفراغ، كأني بحاول ألاقي في الهوا تفسير لحاجة ملهاش تفسير. أنا نفسي سألت السؤال ده ميت مرة. إزاي؟ إمتى؟ وفين كنت وأنا بضيّع نفسي بالشكل ده؟ بس الحقيقة كانت أبسط وأقسى من أي تبرير. غصب عني. الكلمة دي كانت بتلف في دماغي من غير ما تطلع. غصب عني حبيتها. غصب عني فضلت موجودة جوايا، حتى بعد ما بقت مرات غيري. رفع معتز صوته تاني: إنت ساكت ليه؟ بتفكر؟ ولا عاجبك اللي إنت فيه؟ لفيت له بهدوء، هدوء واحد مستسلم مش واحد قوي: إنت أكتر واحد عارف يا معتز. سكت، فكمّلت وأنا صوتي واطي: عارف إني كنت بحبها قد إيه. الكلام خرج تقيل، تقيل...
