رواية مابين الالف والكاف الفصل الحادي والعشرون 21 - بقلم سمر احمد

فتشوا خديجة ولقيوا في جيب عبايتها خاتم ألماس. الظابط باستحقار: وعاملة فيها الطاهرة الشريفة؟ خديجة بصدمة: والله ما أخذت حاجة. وما أعرف ده جه ودخل جيبي ازاي. الظابط بتريقة: يا عيني. أصلة مشى لوحده لحد جيبك. عارف، عارف. *** مرات العم: خدي الهدوم دي اغسليها. ولو في حاجة عايزة تتخيط خيطيها. وهنا وطت خديجة عشان تاخد الهدوم، ومن غير ما تاخد بالها حطتلها روز (مرات عم ياسو) خاتم في جيب عبايتها. *** معتز: أكيد فيه سوء تفاهم.

مرات العم: خدوا الحرامية دي من بيتي. الظابط: خدوها. معتز: لا يا حضرة الظابط. مستحيل أمي تعمل كدا. الظابط: الكلام ده تقوله هي في التحقيق. معتز: أنا جاي معاكم. مرات العم: رايح فين هو بمزاجك؟ أنت وراك لسه شغل كتير. بصت خديجة لمعتز: خليك يبني واعمل كل اللي تقدر عليه. وطول ما أنت بخير أنا بخير. معتز بص لروز بغضب: هتطلعي يا أمي متقلقيش. هتطلعي.

عدت أيام وبالرغم من إنها كانت صعبة على الكل، وعلى خديجة اللي المفروض إنها مرمية في السجن. وكل كام يوم كان معتز بيروحلها من ورا روز وحسام ويطمنها ويهون عليها بأن خلاص هانت. واستحملوا إهانة روز وحسام لحد ما الشهر خلص. بعد ما خلص بيوم، دخل معتز المطبخ عمل لنفسه قهوة وقعد على الانتريه حاطط رجل على رجل. معتز: ياسو هاتي زين وتعالي. علاء، آن كلكم تعالوا. وحشتنا اللمة الحلوة. حسام بعصبية: أنت اتجننت؟

قوم اقف ونزل رجلك يا حيواااااان! معتز ببرود: اتعدل وأنت بتكلمني. حسام: لااااء دا الظاهر إنك نسيت نفسك. معتز: والله الظاهر إن الكبر هو اللي أثر على مخك. روز: أنت إزاي تكلم سيدك بالطريقة دي؟ ياسو بضحكة: سيييييييييده؟ لاء ما خلاص عصر سي السيد خلص. روز: أنتِ الظاهر عايزة تعقلي. رفعت روز إيدها وجت تضرب ياسمين. مسكها معتز. معتز: هنشوف مين فيكم اللي عايز يعقل. اتفضل يا حضرة الظابط. بتتهجم على مراتي وبتضربها في بيتها.

حسام: بيت مين يا أبو بيت؟ دا بيتي أنا وهما مجرد شوية خدم عندي. معتز باستهزاء: بيتك إيه؟ أنت هتكدب كمان قدام حضرة الظابط؟ سجل عندك يا حضرة الضابط. الظابط: قدامي على القسم. روز: والله ده بيتنا. اعمل حاجة يا حسام. حسام: أه دا بيتنا ومعانا الأوراق اللي تثبت ده. هما اتنازلوا عن كل حاجة برضاهم. معتز بضحكة: وريها لحضرة الظابط. الظابط: أه عايز أشوفها. طلع حسام يجيب الأوراق اللي بتثبت ملكية البيت وغيره.

حسام: اتفضل يا حضرة الظابط خدها. الظابط وفتحها وبص لحسام. الظابط: أنت متأكد إن دي هي أوراق الملكية؟ حسام: أه. الظابط وهو هيموت من الضحك: