رواية مابين الالف والكاف الفصل التاسع 9 - بقلم سمر احمد

دينا: أنا مرات معتز، وادي ورقة جوازنا. معتز: إنتي كدابة، جواز إيه ده محصلش. والله ما حصل، إنتي بتقولي إيه؟ وهاتي الورقة دي، دي أكيد مزورة. (فتح الورقة) معتز: إيه ده بس، الورقة مش مزورة. ياسو: إنت اتجوزتها يا معتز؟ رد عليا، اتجوزتها؟ معتز: والله معرف، دا كله حصل إزاي. أنا هقتلها وأشرب من دمها. دينا: أه، وبالمرة اقتل ابنك اللي في بطني. الأم: ابنه؟ ابنه إزاي؟! دينا: أيوه ابنه، وادي التحليل أهو.

(فتحت أنا التحليل واتصدمت) معتز: إطلعي برااا، برا! إنتي أكيد عملتي كدا في اليوم المشؤوم. ياسو: يوم إيه؟ وهنا حكالها معتز، وحكى للكل كل حاجة، وإنه خاف يقول لياسو وتزعل منه. وهنا بدأت تفتكر دينا اللي حصل. **فلاش باك** بعد ما معتز كلم دينا وقالها إنه خلاص هيكمل مع ياسو، راحت لجدو.

دينا: إنت عارف إني مكنتش بحب حفيدك، وإنت اللي أقنعتني إني أقرب منه بسبب شبهي من ملاك، ملاك اللي هو أصلاً لحد دلوقتي ميعرفش إنك عارف بالموضوع ده. قولتلي هديكي فلوس وإنك هتجوزه ياسمين لحد ما تاخدي اللي إنتي عايزاه، وبعدها تخليه يطلقها ويتجوزني. إنت اللي سلطتني عليه. الجد: حصل إيه بس؟ دينا: حفيدك خلاص قرر يكمل مع ياسمين وسابني. حفيدك حبها، وأنا الوحيدة اللي خسرت. وأنا مش هخسر لوحدي يا حمزواي. الجد (بخوف)

: لا، مخسرتيش حاجة. (ماهو طبعاً خاف تروح تقول لمعتز ويتفضح سره) أنا عندي خطة. دينا: خطة إيه؟ الجد: حطي معتز قدام الأمر الواقع، وأنا أقنعه إنه يتجوزك وقتها. دينا: إزاي؟

الجد: بصي، إنتي هتكلميه وتقوليله إنك في مصيبة. وأما يجيلك، لازم تقنعيه يروح معاكي الكازينو، ولازم تقنعيه كمان إنه يسكر. بس أهم حاجة إنتي متشربيش. وأنا هتفق مع جرسون هناك يحطله برشامة تخليه تايه. وادي صورة الجرسون. وأول ما يسكر، تاخديه وتطلعي أقرب شقة. وطبعاً إنتي عارفة الباقي. وهنا جت فكرة تانية لدينا عشان تضمن كل حاجة، وجهزت ورقة جواز وخلته يمضي وهو مش واعي. وطبعاً هو مش هيقدر ينكر لأنه مش هيكون فاكر أصلًا. **باك**

ياسو: أكيد استغليتيه وهو سكران، يا حيوانة. دينا: والله بقا استغليته، مستغليتهوش، النتيجة واحدة. أنا طالعة أرتاح عشان الواد تاعبني. ياسو: طالعة فين؟ ده هجيبك من شعرك وهمسح بيكي بلاط البيت كله. دينا: لو حد بس حاول يقربلي، هجبلكم الصحافة هنا وهفضحك يا معتز يا حمزواي. سلامات، أنا طالعة. *** برا الشركة محمد: عايزك في موضوع. الشخص: إنت مين؟ محمد: أنا حسام، أخو مجدي اللي قتلته إنت وحمزواي. محمد: إنت بتخرف تقول إيه؟

حسام: عايز تشوف التخريف على أصوله؟ وطلعه مسجل صوت وكمان فيديو وحمزواي بيعترف عليه. محمد: إنت عملت كدا إزاي؟ وجبت ده منين؟ حسام: إنت تيجي معايا من سكات، ولا... (وشاورله بالفلاشة) مشيوا هما الاتنين وقعدوا في كافيه. محمد: طلباتك. حسام: أول حاجة، تقولي بنت أخويا فين وإزاي حمزواي خد فلوسه. والتانية، أكيد إنت معاك ورق يثبت ده كله، ماهو أكيد لازم تأمن نفسك.

محمد: بنت أخوك عايشة، وحمزواي يوم جوازها مضى على تنازل من غير ما ياخد باله في ورق كتب الكتاب. والورق هو... (ملحقش يكمل كلامه بسبب الرصاصة اللي صابته في راسه) حسام: حمزواي الكلب. وجت النيابة وبدأت تحقق معاه، وبعدها قالوله روح. وهو مروح كان مبسوط وحس إنه خلاص بدأ يقرب من الحقيقة، وخلى حد يعرف كل المعلومات عن بيت حمزواي. *** في الشارع الشخص (مخاطب القمر) : ماشية لوحدك ليه؟

القمر: لو مغورتيش من وشي دلوقتي، هيعمل منك بطاطس محمرة. الشخص: أنا راضي. القمر: إنت مش عارف إنت بتكلم مين. أنا لو جدي عرف إنك بس حاولت تضايقني، هيشرب من دمك. الشخص: ليه جدك يطلع مين؟ القمر: أنا آن أحمد حمزواي الدسوقي. وهنا اتصدم علاء لما سمع الاسم وعرف إن جدها هو اللي قتل عمه، وإنه مش هيلاقي فرصة أحسن من دي. علاء: خلاص يا قمر، متزعليش. أنا بس كنت حابب أتعرف براحتي. سلام.

بس قرر إنه يراقبها ويعلقها بيه عشان ينتقم من حمزواي بيها. وكل يوم بقا يستناها كأنه ماشي صدفة. وفي يوم: علاء: بقولك إيه، متجيبي رقمك. على فكرة أنا مش زي باقي الشباب، إنتي خطفتي قلبي من أول نظرة وعايز أتعرف عليكي ومش هتندمي و... آن: (أدته رقمها لأنها أعجبت بيه، ماهو جاي من أمريكا وشعره أصفر وعيونه خضرا وقمر وكمان شيك وباين عليه جنتل مان) وبقا يتكلموا ليل ونهار. *** ياسو: ماما، أنا ماشية كليتي، عايزة مني حاجة؟

خديجة: وهتسيبني مع العقربة دي؟ ياسو: معلش يا ماما، استحمليها لحد أما معتز يشوفلها صرفة. خرجت ياسو، وأول ما خرجت ووقفت على الطريق لحد ما السواق يجيب العربية. صوت: الحقوووووووووني... ااااااااااااه... سيبوني إنتو ميييي......