رواية مديري القاسي الفصل الخامس 5 - بقلم دنيا محمد

فجأة باب المكتب اتفتح ودخلت فريدة بعصبية. فريدة بعصبية مفرطة: عايزة أفهم إيه اللي بيحصل هنا. رحيم بغضب: إنتي إزاي تدخلي كده، محدش عرفك ولا علمك الذوق إنك تخبطي؟ فريدة بشر: طبعًا ما إنت مقضيها إنت وهي، لأ وكمان في المكتب. رحيم بعصبية اتقدم ناحيتها وضربها بالقلم على وشها. فريدة بصدمة: إنت إزاي تتجرأ وتضربني كده؟ رحيم بعصبية: لأنك واحدة مش محترمة، ونغم دي مراتي وفرحنا كمان يومين. فريدة بصت بقرف لنغم: بس أنا بقا خطيبتك.

رحيم بضحك شديد: كنتي ي حلوة، وبعدين كذا مرة أقولك، كنت خاطبك غصب وشفقة إنك مكنتش حيلتك حاجة إنتي وأمك، بس ظاهر الدلع والمعاملة الطيبة أثرت فيكي وخليتك تتعدي حدودك. وأكمل بغضب عارم: اسمعي بقا يابت كويس. نغم مراتي، ولو عملتي أي حاجة يا فريدة عمري ما هسيبها، لأني بحبها وأوي كمان، وأنا عمري ما حبيتك. وشدها من دراعها وطلعها برة بقرف. نغم كانت حاطة وشها في الأرض ودموعها نازلة. رحيم بحنية: أهدي ي حبيبتي، مالك؟

نغم بدموع: أنا مش هينفع أعيش مع ناس بتكرهني وممكن تأذيني، وهي بتحبك، فخلاص طلقني وارجعلها. رحيم بصوت عالي نسبيًا: نغم الكلمة دي متتكررش تاني عشان متتصرفيش تصرف ميعجبكيش، وقولت كذا مرة إنها مش بتحبني ولا أنا بحبها، هي بتعمل كل ده عشان الفلوس، كلها تبقى ليها، وأنا بحبك إنتي يا نغم. نغم بحب ودموع: وأنا كمان بحبك ومش عايزة أشوف فيك حاجة وحشة. رحيم خدها في حضنه بحب

وطبطب عليها بحنية مفرطة: خلاص ي حبيبتي، كده كده فرحنا بعد يومين، يعني هنتجوز ونسافر نبعد، نقضي شهر العسل بتاعنا. نغم بحب وخجل حضنته بشدة. *** عند كريم صاحب رحيم. كريم كان في كافيه بيشرب قهوته ومشغول بتليفونه. وفجأة بنت رقيقة وقفت قدامه بخوف. كريم بص لها كانت بنت شعرها أسود حرير وعيونها بني بتلمع بالدموع وبشرتها بيضاء وقصيرة، جسمها ممشوق وكانت جميلة جدًا. كريم باستغراب: فيه حاجة ي آنسة؟

حور بخوف: أنا بس طالبة منك طلب صغير. كريم بص لها وقال: اتفضلي. حور بخوف شديد: عايزة إنت تحميني. كريم بص لها باستغراب وقال: أحميكي من إيه؟ حور بعياط: بابا بيدور عليا، عايز يجوزني لواحد أكبر مني بكتير. كريم بهدوء وتفاهم: طب اهدي واحكيلي الحوار. حور بشهقات: ماما ميتة وبابا بيعاملني وحش وبيضربني جامد. كريم لاحظ علامات في دراعها

لأنها لابسة نص كم وكملت: ومن يومين قالي إنه هيجوزني لواحد عجوز عشان هو دفع فيا كتير وبابا صرف الفلوس ولازم أتجوزه، وإلا هيحبسني، وأنا هربت لأن انهرده بليل كانوا هيكتبوا كتابي. كريم بصدمة إن فيه أب يعمل كده في بنته: أنا مش مصدق، إزاي يعني أب يعمل كده في بنته؟ حور بعياط: أرجوك، هما زمانهم بيدوروا عليا، احميني منهم ونبي. كريم بتهدئة: طيب خلاص، اهدي بس وأنا هاخدك تقعدي في بيت. حور بخوف: لأ، مش هينفع أقعد معاك.

كريم بسيطرة عليها: متخافيش، أنا مش هقعد معاكي ومش هعملك حاجة، أنا ليا شقة تانية غيرها بقعد فيها لوحدي. حور بابتسامة جميلة سحرت كريم بيها: شكرًا أوي، مش عارفة أرد الجميل ده إزاي. كريم بابتسامة: متعمليش أي حاجة. وسأل بفضول: عندك كام سنة؟ حور ببراءة جميلة: عندي ١٨ سنة. كريم بضحك: يااه، صغنونة بس عسل. حور بتذمر طفولي: أنا مش طفلة، وطلعت بطاقة واهي. وطلعت البطاقة من جيبها ورتهاله، شاف شكلها واسمها كامل، كانت اسمها

(حور إسماعيل أحمد إبراهيم) كريم بابتسامة جميلة: اسمك حلو وإنتي جميلة أصلًا، ما شاء الله. حور بكسوف: شكرًا. *** بليل في بيت رحيم. سوسن كانت قاعدة على الانتريه وبتشرب قهوتها. رحيم دخل البيت وقال: سلام عليكم. سوسن بقرف: عليكم السلام. رحيم مهتمش لنظراتها ليه. سوسن بغيظ: إيه اللي حصل مع فريدة انهاردة ده؟ بتقولي إنها دخلت عليك المكتب، كانت معاك اللي هي نغم دي ومقربين من بعض؟

رحيم بهدوء: قولي لبنت أختك بقا إن فكرة إنها تنقل الكلام وتتكلم علينا كتير دي مش حلوة، وهي كده بتدمر نفسها، لأني مش هسكتلها أكتر من كده. سوسن بتحذير: إنت أصلًا متقدرش تقرب لفريدة، لأن إنت عارف إني غضبي وحش. رحيم ببرود: وأنا غضبي أوحش والله، وبلاش تخليني أتعامل معاكي بأسلوب ما يعجبكيش يا سوسن هانم، وفريدة أصلًا بهدلتها انهاردة، ولا هي محكتش إني أدتها قلم يظبطها؟

وضحك بسخرية وقام: أنا أصلًا كلكم متهمنييش، فرحي بعد يومين ومشغول وهاخد نغم نسافر شهر نريح أعصابنا ونقضي شهر العسل. سوسن بغضب: ده عسل أسود، ومصيرك تعرف إن البت دي طمعانة فيك. رحيم بضحك: بجد والله؟ أومال أختك وبنتها كانوا إيه دول؟ كانوا ناقص ييجوا يباتوا معايا ويمسكوا فلوسي بدالي. متتكلميش بس عن نغم بطريقة دي. وطلع أوضته بدون ما يسمع ردها. سوسن: ماشي، والله هخليها تشوف العذاب ألوان، الجربوعة دي.

عند نغم كانت بتحضر حاجات فرحها ومشغولة، دخلت مامتها بحنان. أم نغم: ألف مبروك ي حبيبتي، كبرتي وبقيتي عروسة، ومش أي عروسة، عروسة قمر وجميلة. نغم باست راس أمها بحب: ربنا يخليكي ليا يا أمي، بجد أنا من غيرك ولا حاجة. أم نغم بحب: متقوليش كده يابنتي، دانتي ست البنات كلهم. نغم بحب حضنت أمها. نغم بحب شديد: ماما عايزة أنام في حضنك انهاردة. أم نغم بحنان: طبعًا يابنتي. وناموا سوا في حضن بعض. وفي الصباح.