رواية مديري القاسي الفصل الرابع عشر 14 - بقلم دنيا محمد

اسلام بغضب: انتي تخرسي خالص وتجيبي شنطتك دي وتعالي ورايا. فريدة بعصبية: لا انا مش هاجي معاك. وبصت لرحيم: طلقني منو ي رحيم ومتنساش اني بحبك. اسلام ضر'بها بالقلم. اسلام بعصبية: كلمتي تتنفذ ولما اقول تعالي ورايا يبقي تتحركي واياكي اسمعك بتنطقي بكلمة مع رحيم ولا تهلفطي بكلام زي ده ويلا اخلصي. فريدة بصت ليهم كلهم بدموع وراحت تاخد شنطتها واسلام سحبها ومشي. هدي بغضب: انت جوزت بنتي غصب عنها ولواحد زي ده ونا سكتالك.

وقاطعها رحيم ببرود: سكتالي اه وهتعملي اي. هدي بجنون: لا. ولا حاطة وراحت علي السفرة واخدت سكي'نة من طبق الفاكهة. هدي بجنون: هقت'لك انت السبب ف كل الي احنا فيه وبنتي غلطانه انها حبت واحد زيك. ولسه هتضر'ب رحيم بالسك'ينة مسك رحيم ايديها جامد ووقع من ايديها السكي'نة. رحيم بزعيق: انتي شكلك اتجننتي بقا بس متقلقيش انا هحبسك ف بيتك ومخلكيش تعرفي تخرجي منو لحد ما تمو'تي.

وع فكرة انا مش مستغربك اذا كان امي نفسها كانت نفسها تقت'لني انتي هيبقي فيكي خير ليا. وضحك بسخرية. ونده الحرس. الحارس: أؤمر ي رحيم باشا. رحيم ببرود: هتاخد الست دي وتوديها ع شقة الي انت عارف مكانها وتوقف عليها حراس ومتخليهاش تخرج واوعاك تهرب عايز عينيك تبقي عليها. الحارس: امرك ياباشا. والحارس راح يمسك هدي وهي عمالة تحاول تفك نفسها منو. هدي بغضب: هقتل'ك ي رحيم هقتل'ك. رحيم بص عليها ببرود.

نغم بخوف: انا مش فاهمة اي كل الكره ده ازاي دول اهلك انت متستاهلش كده. رحيم بصلها بوجع وطلع على جناحه. عند اسلام وفريدة. اسلام بقرف: هتدخلي دلوقتي المطبخ وتحضري ليا اكل وبعد الاكل ده هتنضفي البيت كلو والاوضة بتاعتنا. فريدة بسخرية: انت بتحلم انا عمري ما انضف حاجة ازاي اصلا عايش ف بيت كبير زي ده ومش جايب خدامين ولا انت واخد على الوساخة. اسلام

شدها من شعرها بقوة وقال: بصي بقا عشان نبقي ع نور كده كلامي لو متسمعش وروحتي تعملي الي قولت عليه متلوميش غير نفسك غوري اعملي الاكل. وزقها ودخل الحمام ياخد دش وفريدة حاولت تفتح باب الشقة بس اسلام قافلة بالمفتاح ومعاه المفتاح ف الحمام ف لقت ان مفيش حل غير انها هتسمع كلامو. وراحت تعمل الي قالها عليه وشوية وطلع اسلام بقرف: الواحد مقروف ياكل من ايدك بس هنقول اي بقا. فريدة بغيظ: لو مش عاجبك اطبخ لنفسك. اسلام قرب منها

وهمس جنب ودنها بتحذير: لسانك لو طول تاني هخليكي تكرهي نفسك. فريدة بصتلو بقرف ومشيت. اسلام ببرود: استني مكانك اكل ونتى هتقفي لحد ما اخلص الاكل. فريدة نفخت بضيق. اسلام مهتمش واكل وخلص وفريدة دخلت الحمام واخدت دش طلعت وهي لابسة بيجامة نص كم وشورت يصل لبعد الركبة بشوية. اسلام شافها وكان بيبصلها باعجاب بس محاولش يبين لانه مقرر انه هيعدلها. فريدة بضيق: هتخمد فين؟ اسلام بسخرية: هيكون فين ع سرير. فريدة بتسأول: ونت؟

اسلام ضحك بسخرية: ع سرير برضو. فريدة بصدمة: مستحيل انام انا ونت في سرير واحد. اسلام بقرف: ريحي نفسك انا عمري ما ابص ليكي وبصي لنفسك ف المراية كويس ونبي قبل ما تتكلمي. وراح اسلام ع سرير ونام وفريدة حزنت على حالها وراحت تنام. عند رحيم ونغم. نغم بحب: رحيم ي حبيبي متزعلش انت عارف انا بحبك قد اي. رحيم بتعب: بكره امي هتوديني مكان اختي وهتاخد الفلوس وتمشي. نغم: وانت هتديها كل الثروة ليها صح.

رحيم بخبث: لا طبعاً ده هيبقي ورق فشنك بس بكره هتعرفي كل حاجة. نغم بستغراب: انت هتعمل اي. رحيم بحب: هتعرفي. نغم حضنتو وقالت: تعرف ي رحيم انت احن انسان عليا بعد امي بتعاملني كاني بنتك مش مراتك. نغم بعشق: عشان انتي بنتي وحبيبتي ومراتي وكل حاجة ليا ومبعرفش انام غير ف حضنك كمان. نغم بصتلو بحب وهو باسها وهي اتجاوبت معاه. تاني يوم. صحي رحيم من نومه ولبس وباس نغم ع خدها ونزل.

رحيم ببرود: هاخدك دلوقتي هتقوليلي ع مكان اختي وهديكي الورق الي يثبت انك ليكي حق ف نص الثروة. سوسن ببرود: تمام يلا. وبعد وقت طويل وصلوا في مكان مش معروف وبعيد وكان واقف على البيت ده حراس. سوسن بأمر: افتح الباب ي مرسي. والحارس فتح باب الشقة ودخلوا. رحيم شاف بنت قاعدة ف ركن وضامة رجليها لصدرها. البنت اول ما شافت سوسن قامت. البنت: ماما انتي غيبتي اوي عن كل مرة. سوسن ببرود: ده اخوكي ي ميرال. ميرال بصدمة: اخويا اي.

سوسن: زي ما سمعتي ده اخوكي وشقيقك. رحيم قرب عليها واخدها ف حضنو بحب. رحيم بدموع: انا اه مشوفتكيش كتير غير اول ما اتولدتي وبعد كده اتقال عنك اشاعات. وبص لامه وسأل ميرال: عندك كام سنة ي حبيبتي. ميرال: عندي 21. رحيم بحب: يعني كبيرة اهو اومال لي شكلك شبه الاطفال كده. وباس خدها بحب. ميرال بتسأول: ازاي بقا انت اخويا. سوسن بسخرية: اصلي فرقتكو عن بعض منا برضو لازم اضمن حقي الاول.

رحيم بزعيق: تقومي تحرميني من اختي وتخليها هنا عايشة لوحدها في وسط اربع كلاب قاعدين برة مفكرتيش لو حد اتهجم عليها كان هيحصلها اي. سوسن بعدم اهتمام: ميهمنيش الي يهمني فلوسي. ميرال بوجع: عادي ي رحيم هي كده كده كانت بتعاملني كاني مش بنتها ف اتعودت ع اني ابقا لوحدي. رحيم بحب: من انهاردة مش هتبقي لوحدك انا معاكي ولسه هاخدك وتشوفي مراتي وهي حامل كمان يعني هتبقي عمتو. ميرال بفرحة: مبروك ي رحيم.

سوسن بغضب: انا عايزة حقي طلاما عرفت مكان اختك يبقي تديني حقي. رحيم بخبث: منا فعلا هديكي حقك. وفجأة البوليس دخل ومسكوا سوسن. سوسن بغضب: اوعوا سيبوني معملتش حاجة. الظابط: انتي عندك قواضي كتيرا ي هانم يعني اعدا'م. سوسن: اية.