رواية مديري القاسي الفصل السادس عشر 16 - بقلم دنيا محمد

تاني يوم صحي رحيم بنشاط وابتسامة على وشه إن كل حاجة كانت غلط. في حياته راحت. دخل رحيم الحمام وشوية وطلع. نغم صحيت من نومها. نغم بابتسامة: صباح الخير. رحيم بابتسامة: صباح النور يا روح. نغم ورحيم جهزوا عشان ينزلوا يفطروا. رحيم للخادمة: روحي اندهي ميرال هانم تنزل تفطر. الخدامة باحترام: أمرك يا بيه. في أوضة ميرال كانت لبست بيجامة لونها فيروزي وشكلها كان قمر والباب خبط. راحت ميرال تفتح.

الخدامة بابتسامة: رحيم بيه بيقول لحضرتك الفطار جاهز. ميرال بهدوء: تمام نازلة. مشيت الخادمة ونزلت ميرال. رحيم بحب: صباح الخير يا ميرال. ميرال بابتسامة جميلة: صباح النور يا رحيم. رحيم بحب: هتبدأي كلية من الأسبوع الجاي. ميرال بفرحة: شكراً أوي يا رحيم ربنا يخليك ليا. رحيم بحب: يا حبيبتي انتي ربنا يخليكي ليا والحمد لله إني شفتك بعد العمر ده كله. ميرال ابتسمت له وبصت لنغم. ميرال: عاملة إيه يا نونو؟

نغم بحب: الحمد لله يا حبيبتي أخبارك إنتي. ميرال بابتسامة: كويسة وأخبار النونو إيه؟ نغم بضحك: تاعبني بيضربني في بطني ساعات. ميرال بضحك: لا لا اخص عليه ده شكله كده شقي زي رحيم. وكلهم ضحكوا في سعادة. نغم بهدوء: بقولك يا رحيم. رحيم: نعم يا حبيبتي. نغم: بقالنا كتير مسألناش على حور وكريم ولا فريدة ولا أمي عايزة أروح أشوفهم. رحيم بابتسامة لأنه عارف مهما حصل قلبها طيب وبتسامح.

رحيم بحب: حاضر يا حبيبتي هاخدك النهاردة ونطمن على مامتك وبعدها نروح لحور وكريم ولو على إسلام وفريدة هتصل بيهم ونطمن ونبقى نروح لهم أي وقت. نغم: ماشي يا حبيبي. وبليل جهزوا عشان يروحوا لمامت نغم. ميرال بكسوف: جماعة أنا مكسوفة مامتك متعرفنيش يا نغم فـ هكسف أروح معاكم. رحيم بهزار: انتي هبلة يابنت انتي أختي يعني من عيلتي بطلي هبل والبسي يلا دنا حتى جيبالك لبس جديد هياكلك حتة. ميرال حضنت رحيم بحب.

نغم بحب: يا حبيبتي أمي دي طيبة أوي ومش بتركز في التفاصيل دي وصدقيني هي أصلاً هتحبك وإنتي هتحبيها. ميرال بابتسامة: تمام يا نغوم. وبعد وقت وصلوا بيت مامت نغم ورنت نغم الجرس ومفتحتش. فضلت ترن بقلق. نغم بدموع: رحيم ماما مش بتفتح حاول تعمل أي حاجة. رحيم كسر الباب وكانت راجية واقعة على الأرض. نغم بصريخ: رحيم شيلها وديها أوضتها لحد ما أطلب دكتور. وطلبوا الدكتور وجه.

الدكتور بهدوء: متقلقوش يا جماعة هي بس الضغط عليها فاغمي عليها بس هي اتحسنت. نغم بدموع: يعني هي فاقت؟ الدكتور: أيوه يا مدام ملوش لزوم القلق ده كله هي كويسة الحمد لله. رحيم وصل الدكتور ودخل الأوضة معاهم. راجية بحب: عاملة إيه يا نغم. نغم بعياط: كده يا ماما مش قولتلك خدي بالك من ضغطك. راجية بتعب: معلش يا بنتي بعد كده هاخد بالي المهم طمنيني وحملك عامل إيه. نغم بحب: الحمد لله يا ماما بخير.

ميرال بابتسامة: ألف سلامة عليكي يا طنط. راجية بابتسامة: الله يسلمك يابنتي. وقالت لرحيم: مين دي يا ابني؟ رحيم بحب: دي أختي يا ماما. راجية بصدمة: إزاي أنا مكنتش أعرف إن ليك أخت. تنهد رحيم وحكالها كل حاجة. راجية بحب: انتي من دلوقتي تقوليلي يا ماما زي رحيم ونغم كده. ميرال بحب: تمام يا ماما. نغم بحب: تعالي اقعدي عندنا في البيت يا ماما. راجية برفض: لا يا بنتي ميصحش طبعاً. رحيم بهدوء: لا يصح وهتيجي وهتعيشي معانا على طول.

راجية بحب: ربنا يكرمك يا ابني ويخليك ويخليكم لبعض يا ولاد. وبعد شوية راحوا كلهم لكريم وحور يطمنوا. كريم بحب: عاش من شافك ياخي. رحيم: معلش كنت مشغول في شوية حاجات. كريم بضحك: آه وتنسى صاحب عمرك عيب والله. رحيم: تعالي أحكيلك يا خويا. ورحيم حكاله كل حاجة. كريم بصدمة: طب ليه مقولتليش كنت ساعدتك دانت غبي. رحيم: خلاص بقى يا خويا أنا اتصرفت. كريم بابتسامة: طب الحمد لله. كريم بحب: عاملك مفاجأة. رحيم: إيه هي؟

كريم: هتبقى عم كمان تمن شهور. رحيم بعدم فهم: يعني إيه وبعدها فهم أهااا لا أسد يااض ألف مبروك يا كيمو. كريم بحب: الله يبارك فيك مش هتصدق فرحان قد إيه بجد. رحيم بضحك: أهو ربنا فتح في وشك باب الرزق واتلميت وبقى ليك عيلة. كريم بصوت منخفض عشان حور متسمعهوش: ميرال دي سكرة ربنا يخليها لك. حور بتحذير: كريممم. كريم بخوف مصطنع: أيوه يا حبيبة قلبي. والكل ضحك. وخلص اليوم والكل روح. عند إسلام وفريدة. إسلام رجع من شغله.

إسلام باستغراب: مالك قلبك بوزك ليه كده. فريدة بزعل: هو أنا للدرجادي وحشة ومش كويسة. إسلام بعدم فهم: في إيه مالك. فريدة بعياط: محدش بيسأل عليا ولا بيسلم عليا حتى أنا حاسة إني وحشة أوي ومستاهلش أعيش وسطكم. إسلام شدها لحضنه بحنية. إسلام: متزعليش يا فريدة وبعدين منا جنبك أهو ولا أنا مش مكفيكي. فريدة بشهقات: لا مكفيني بس كان نفسي يبقى ليا أهل ويحبوني. إسلام كان بيبوس راسها. إسلام: خلاص بقى أهدي ومتزعليش.

إسلام قرب وباسها من شفايفها. فريدة بخجل: خلاص في إيه. إسلام بخبث: بصالحك عشان متزعليش. فريدة بكسوف: لا شكراً أنا هروح أحضر لينا الأكل. إسلام: روحي. إسلام ابتسم وبيقول في نفسه: شكلي هحبك ولا إيه. وهما بياكلوا التليفون رن إسلام رد وكان رحيم. إسلام بحب: عامل إيه يااض. رحيم بحب: كويس يا سولم طمني أنت أخبارك. إسلام: تمامم جدا. رحيم بتنهيدة: كويسة معاك ولا لأ. إسلام بعد وراح البلكونة وقال: اتغيرت جدا وحاسس إني هحبها.

رحيم بابتسامة: أنا مفقدتش الأمل إنها تتغير كنت حاسس إنها هتتغير أو بعدت عن أمها. إسلام: ماهي زعلانة لأن لا أمها ولا أي حد سال عليها. رحيم: أنا متصل بيك عشان أطمن عليك وأخلي نغم وميرال يطمنوا عليها. إسلام بتساؤل: ميرال مين. رحيم قص له كل ما حدث. إسلام: ياااه كل ده عموماً ربنا يخليها لك وحافظ عليها بقى وراح يدي التليفون لفريدة. نغم بابتسامة: عاملة إيه يا فريدة.

فريدة بدموع: بخير نغم متزعليش مني عشان خاطري سامحيني على أي حاجة أنا عملتها معاكي. نغم بطيبة: صدقيني والله أنا مسامحاكي وأتمنالك السعادة مع جوزك يا فريدة وربنا يريح بالك. ميرال: عاملة إيه. فريدة: كويسة بس انتي مين. ميرال عرفتها على نفسها وفريدة فهمت من نظرات إسلام. وفريدة كانت مبسوطة بالمكالمة دي وبعدها قفلت وحضنت إسلام وفضلت في حضنه دقايق من غير ما تحس.

فريدة براحة: أنا فرحانة أوي لقيت حد يسأل عليا ويحبني ويسامحني على الماضي. إسلام بحب: متفقديش الأمل لما تلاقي نفسك بتتغيري هتلاقي الكل بيحبك وبيشاركك وهمس لها في ودنها. إسلام: زي أنا حاسس بمشاعر تجاهك. فريدة بصتله بصدمة: بجد. إسلام هز راسه. فريدة كانت مبسوطة دخلت تتوضأ وصلت هي وإسلام صلاة شكر ورضي عن حياتهم وإسلام وفريدة بدأوا حياتهم كأي زوجين وأصبحت فريدة زوجة إسلام قولاً وفعلاً.

عددت الأيام وجه يوم جامعة ميرال قامت وجهزت وأخذت كل ما تحتاج. ورحيم جابلها عربية بمناسبة إنها رجعتلهم وهي اتعلمت السواقة. وهي ماشية قابلت عمر. عمر بإعجاب: مش انتي آنسة ميرال. ميرال: أيوه وحضرتك الظابط. عمر: أيوه اسمي عمر. ميرال بابتسامة: اتشرفت بيك يا أستاذ عمر. عمر: قوليلي عمر عادي. ميرال: تمام معلش لازم أستأذن لأن ده أول يوم كلية ليا. عمر: تمام اتفضلي. مشيت ميرال وعمر قال في نفسه: زي القمر والله.

واستناها لحد ما طلعت. وهي ماشية زميلها كان ماشي وراها ونده عليها. ميرال ببرود: عايز إيه. نادر بخبث: عايزك يا جميل دانت حتى شكلك جديد في الكلية. ميرال زعقت فيه: انت مجنون اتفضل امشي من قدامي. نادر وهو بيمسك إيديها: ولو ممشيتش. وفجأة وجد ضربة في وشه جامد. عمر بغضب: يبقى هتحزن أمك عليك. ميرال بصدمة.