رواية مديري القاسي الفصل الثامن 8 - بقلم دنيا محمد

بليل كان رحيم ونغم بيتمشوا في إحدى مناطق مالديف، وكانوا فرحانين بالجو هناك ومبسوطين ببعض. نغم بحب: عارف يارحيم أنا حقيقي بقيت حابة حياتي ومبسوطة بيها عشان إنت فيها. رحيم باس دماغها: وأنا بحبك وبحب كل حاجة فيكي، اعتقد أصلاً عديت الحب. نغم بحزن: بس مامتك يارحيم مش متقبلاني، وأنا معتبراها زي أمي، نفسي تعتبرني بنتها وتحبني، وحتى فريدة أنا حاسة بذنب إني أخدتك منها. رحيم

حط إيده على بقها وقال: إنتي ماخدتنيش من حد يانغم، أنا أصلاً ما صدقت لقيتك وحبيتك، فريدة دي مبتعرفش تحب، دي بتحب الفلوس، يمكن بتحب الفلوس أكتر من أمها ذات نفسها، وعايزة تفرقنا عن بعض عشان هي اللي تاخد كل الفلوس. نغم بحيرة: مبقتش فاهمة حاجة يارحيم. رحيم بحب: مش لازم توجعي دماغك، وإحنا جايين هنا ننبسط مش نفكر في أي حد. وأكمل: فرح كريم صاحبي وحور الأسبوع الجاي، فهضطر نرجع القاهرة وبعد كده نبقى نسافر تاني نقضي بقيت الشهر.

نغم بفرحة: بجد، ربنا يتمم له خير. *** عند كريم، كان مشغول بتجهيزات القاعة والبدلة. كريم اتصل بحور. حور: بتتصل لي مش كنا ليه خارجين؟ كريم بضحك: كنا مع بعض عشان بنختار الأغاني اللي هتشتغل في الفرح، وما شاء الله أنا اللي اخترتهم كلهم وإنتي قعدتي تقولي حلو. حور بضحك: منا معرفش أغاني كتير يعني. كريم بحب: المهم عايزين ننزل عشان نختار فستان ليكي. حور بهدوء: ماشي، وإنت اخترت بدلتك؟

كريم: لسه ياختي مستنيكي نختار سوا البدلة والفستان. حور بحب: أيوه عشان لو كنت اخترتها وأنا مش معاك كنت هقت'لك. كريم بخوف مصطنع: لا وأنا مش قدك يامز. حور بكسوف: طيب تصبح على خير. كريم بصدمة: خدي هنا يابت الساعة لسه 10 بليل. حور ببراءة: أنا بنام بدري عشان أصحى بدري. كريم بضحك: هتجوز طفلة وربنا. حور بتذمر لطيف: أنا مش طفلة ها. كريم بحب: إنتي طفلتي وحياتي كلها. حور بخجل قفلت في وشه. وكريم ضحك على خجلها. ***

فريدة كانت بتدبر لخطة توقع بين رحيم ونغم. فريدة بشر: أنا لازم أشوف خطة ياماما أوقع بيها الجربوعة دي. هدي بخبث: متقلقيش، أنا مفكرة كده في كذا حاجة هتخليه يطلقها ويرميها برة البيت ده كمان. فريدة بفرحة: بجد إيه هي؟ هدي بخبث: اسمعي... فريدة بحماس: دي هتبقى نار ياماما، وساعتها يتجوزني أنا بقى. هدي بموافقة: طبعاً يابنتي، وساعتها فلوسه كلها تبقى تحت أيدينا. وضحكوا مع بعض على أفكارهم الخبيثة. ***

نغم اتصلت بمامتها تطمن عليها. راجية بحب: وحشتيني يابنتي، قوليلي عاملة إيه مع جوزك؟ نغم بحب لوالدتها: الحمد لله والله ياماما، بجد مش بيسبني لحظة و طول عمري جنبه وبيدافع عني وبيحبني أوي. راجية برضا: ربنا يبارك فيكم ويديمكم لبعض ياحبيبتي ويفرحك. نغم: أهم حاجة بس تاخدي دوا السكر كويس عشان صحتك. راجية: حاضر ياحبيبتي، يلا تصبحي على خير. نغم: وإنتي من أهله. رحيم طلع من الحمام كان بيستحمى وبص بحب لنغم. رحيم: تحبي نتعشى إيه؟

نغم بطفولة: اممم بيتزا بالموتزاريلا. رحيم بعشق: تعرفي إني بموت في الجبنة دي أوي. نغم: وأنا كمان أوي. رحيم اتصل وطلب الأكل، وبعد نص ساعة وصل الأكل. وأكلوا باستمتاع وهما بيتفرجوا على فيلم رومانسي جميل، وفي وسط ما هما بيتفرجوا راخوا في النوم في حضن بعض.