رواية مجنونة اخذت قلبي الفصل التاسع 9 - بقلم نور

نور كانت طالعه بس فجأه اتكعبلت وكانت هتقع. نور: عاااا. أدهم قام بسرعه مسكها من خصرها وشدها لحضنه. وفضلوا باصين لبعض. أدهم: خلي بالك من نفسك بعد كده يا حضرت الرائد. وأكمل بسخريه: هو في رائد بيوقع كده. نور بصتله بغيظ وطلعت من المكتب. أدهم بضحك: ولسه يا نور. أم وريتك. بعد وقت نور رجعت الشقه. زينب بحب: تعالي يا نور عاوزه اتكلم معاكي شويه. نور: حاضر يا ماما. زينب أخدت نور ودخلت اوضتها. نور بقلق: في إيه يا ست الكل.

زينب: قولili يا بنتي انتي موافقه على أدهم ولا لا. يعني لو مش موافقه قوللي وأنا مش هجبرك على حاجه. نور باستنكار: يا ست الكل موافقه جداً. وبعدين مش حضرتك كنتي طول الوقت عاوزه أفرح بيكي. عاوزه أفرح بيكي وأهو هخليكي تفرحي بيه. زينب بحب: يا روحي كبرتي يا نور وبقيتي عروسه يا بنتي. نور حضنتها: حبيبتي انتي. يخليكي ليا ويطوللي في عمرك. الباب خبط ومازن دخل. مازن: إيه ده خيانة. زينب بضحك: تعال هنا يا بكاش. مازن بحب: إيه في إيه.

زينب: مش ناوي تفرحنا بيك. مازن بابتسامه: ههههه حاضر إن شاء الله. تعالوا بقا علشان تتعشوا. نور: أمال رزان فين مش شايفاها. زينب: رزان قاعده مع رحمه في الأوضة. نور بعدم فهم: رحمه؟ رحمه مين. زينب: دي بنت طيبة أوي يا نور. مازن خبطها بالعربية وللأسف البنت ملهاش حد. فقرر يجيبها هنا وإحنا نخلي بالنا منها. نور لمازن: أيوه يا عم مازن بتلعب من ورايا. مازن بضحك: ألعب من وراكي إيه يا مجنونة. يلا علشان نطلع. نور: ماشي يلا.

مازن ونور وزينب طلعوا وقعدوا على السفرة. ونور قعدت جنب رحمه ورزان واتعرفت على رحمه. وفضلوا يهزروا ويضحكوا. عند يونس. يونس رجع شقته وهو تعبان. والده يونس: مالك يابني. يونس بحب: مفيش يا ست الكل. تعبان بس من الشغل. والده يونس: طيب ادخل غير هدومك وأنا هعملك أكلي. يونس: لا يا حبيبتي أنا أكلت في الشغل. أهم حاجه انتي أكلتي وأخدتي دواكي زي ما قولتلك. والدته بابتسامه: أيوه يا حبيبي. يونس: ماشي يا حبيبتي روحي ارتاحي.

يونس كان داخل ورجع تاني. يونس: ماما هو في حد سكن في الشقة اللي قصادنا ولا إيه. والدته: أيوه يابني. يونس: تمام. تصبحي على خير. والدته: وانت بخير يابني. في شقة زياد. زياد: يا ماما افهميني. أنا مش عاوز اتجوز بنت أخوكي كارما. ولا حتى عاوز اتجوز غيرها. والده زياد: يا حبيبي علشان خاطري. نفسنا نفرح بيك. زياد: يا ماما كارما زي أختي ومش بعتبرها غير كده. وأنا مش هينفع اتجوزها.

والده زياد بعصبيه: خلاص يا زياد. أنا ووالدتك أخدنا قرار وعطينا كلمة لخالك. وانت هتتجوز كارما الأسبوع الجاي. ومفيش نقاش في الموضوع. زياد بعصبيه: بس أنا مش موافق على الجوازة دي. ومش عيل صغير علشان اتجوز بالطريقة دي. والده بغضب: وأنا قولت كلامي وخلاص. ولو متجوزتش كارما يا زياد. لا انت ابني ولا أعرفك. زياد بصلهم بعصبيه ودخل اوضته. والده زياد: ليه عملت كده بس يا مصطفى.

مصطفى: ابنك مش هيجي غير بكده يا نوال. مكنشي عندي حل تاني. نوال بحزن: بس كده هيتجوز بسبب ضغطنا عليه. ولا هو ولا كارما هيكونوا مبسوطين. مصطفى بحب: ابنك بيحب كارما من زمان يا نوال. بس بيكابر وبيحاول يتجاهل مشاعره. نوال بحزن: ربنا يهديه ويفرح قلبهم. مصطفى: يارب. زياد دخل اوضته وغير هدومه. وفضل يتدرب بقوه وهو متضايق من اللي حصل وقرار اهله. لحد ما تعب وراح نام. في فيلا السيوفي.

أدهم رجع الفيلا لقى حسام قاعد في الجنينة. راح وقعد جنبه. أدهم: مالك يا لاااا. مين مضايقك. حسام بابتسامه: مفيش يا برو. أدهم بشك: من امته وانت بتخبي عليا يا حسام. حسام بحزن: خايف يا أدهم. أول مره اكون خايف كده. أدهم اخده في حضنه وفضل يلعب في شعره. أدهم بحب: خايف من إيه. حسام بحزن: مش عارف. بس حاسس إني مخنوق. أدهم: طيب قوم معايا. حسام: على فين. أدهم: تعال بس. أدهم اخد حسام وراح اوضته. وخلاه ينام على رجله.

أدهم بحزن: أنا عارف إنه مهما عملت مش هقدر آخد مكان بابا وماما. وعارف إنه الفترة دي مقصر أوي معاك وده محسسك إنك لوحدك. أنا أسف. حسام قام وحضنه بقوه: أوعى يا أدهم تقول كده تاني. انت مش بس أخويا. انت صاحبي وأخويا وكل حاجة ليا. كمان انت وفريدة وماما فاطمه وأونكل محمود عمركم ما حسستوني بغياب بابا وماما. ولازم تعرف إني بحبككك أوي. أدهم بص له وابتسم. والاتنين حضنوا بعض. حسام: يلا أنا هسيبك تنام يا عريس. هههه.

أدهم: يا جدع متفكرنيش. حسام بضحك: هههههه عشت يا أدهم باشا وشوفتك عريس. ههههه. أدهم بغيظ: قوم يلاه قوم من هناااا. حسام بضحك: ههههههه حاضر حاضر. وجرى على اوضته. أدهم بحب: مجنون. بس مهما كبر هيفضل ابني اللي ربيته على إيدي. مش بس أخويا. أدهم قام غير هدومه وراح في النوم. في صباح يوم جديد. في شقة يونس. يونس غير هدومه وطلع فطر مع مامته. وعطاها ادويتها. واخد مفاتيح عربيه وطلع من الشقه.

يونس قفل باب الشقه وكان ماشي. بس رجع واتصدم. يونس بصدمه: إنتي نهااااااارك أبوكي أسود.