رواية مجنونة في فرنسا الفصل السادس 6 - بقلم ريتاج محمد

وبعديها وصل عمر. ليلي قبل ما تطلع: عمر ياخويا ياجدع يا.. عمر بمقاطعة: حاضر حاضر والله هشوفلك شغل. ليلي بحب أخويا: والله العظيم أنت اللي في الحتة الشمال. عمر: طب يلا اطلعي ياختي واقفلي على نفسك ومتفتحيش لحد. ليلي: أيوة بقى غيرة الأخوات شغالة. عمر: طب اطلعي يلا بدل ما أديك على قفاك. وزقها بخفة. ليلي وهي طالعة: طالعة أهو متزقنيش. ده صح هات رقمك. عمر: خدي ياختي على الله تتهدي بس ٠١٠********.

وليلي طلعت وغيرت هدومها ونامت. تاني يوم. صحت ليلي وغيرت هدومها وأكلت واتصلت على عمر: الو يحبيب اختك ياجدع يابن الأصو.. عمر بمقاطعة: لقيتلك شغل ياختي. ليلي: الحقني بيه بسرعة لحسن عليا إيجار متأخر من الشهر اللي فات. عمر: طيب البس وانزل هتلاقيني تحت. ليلي: اشطا. ودخلت لبست ونزلت لقت عمر ساند على عربية رينج روفر. قربت على العربية وهي بتخبط براحة عليها بإيدها الاتنين بضحك: أيوة بقى يامليونير يابن الغنية.

ده الغنى جاب أخره. عمر وهو بيخمس في وشها بهزار: الله أكبر يا شيخة دي هتولع. ليلي: إيه يا عم ده مش حسد افتكرًا ده قر. عمر: طب يلا ياختي يام قر عشان نتزفت نمشي. ليلي: اشي. ركبوا العربية وهو وداها عالشركة. وصلوا وليلي وقفت كده وبهزار: مش بقولك الغنى جاب آخره. أكيد لو دخلت هلاقي مزز صح. عمر: يا شيخة بقى وربنا حياتي هتولع بسببك. ليلي: طب يلا بس مش وقت كلام. ومدت إيدها. عمر باستغراب: إيه في إيه. ليلي بحب أخويا:

بص بعيدًا عن كل ده انجشني. عمر: يلا يا ليلي ونبي مناقصة. هي الموظفين يقولوا إيه. ليلي: وأنا مالي بقى. وبعدين مش هتنجشني طب مخصماك. عمر بضحك: وابعد عني أنا مش طيقاك. ليلي وهي بتطبله: وسبني مش عايزة أبقى معاك. متورنيش وشك تاني. آه ده صح مشخصماتاه لازم مكلموش. ودخلت وسابته. ودخلت عند موظفة الاستقبال: لو سمحتي. الموظفة: أفندم تؤمري بحاجة. ليلي: في مكتب عمر الكلب. الموظفة بدهشة: أفندم. ليلي بتعمل لكلامها:

أقصد يعني فين مكتب مستر عمر. الموظفة: الدور الأخير هتلاقيه جنب مكتب مستر مهاب. ليلي: يعني يا أذكى أخواتك أنا معرفش فين مكتب عمر هعرف فين مكتب مهاب. الموظفة: اممم تمام المكتب اللي على اليمين. حاجة تانية. ليلي وهي ماشية: لا شكرا. وراحت ركبت الأسانسير. لقت واحد ركب معاها. ليلي بصوت واطي: مكانتش ناقصة هي. الراجل: أفندم. ليلي بابتسامة صفرا: لا ولا حاجة. الراجل: امم بس أنا أول مرة يعني أشوف قمر بيطلع بالنهار. ليلي بتناحة:

ميرسي بس حتى لو مكنتش قلت أنا عارفة إني قمر. الراجل بخبث: طبعًا من حق الجميل يتغر. ما جمالك مقوي قلبك بقى. ليلي باستفزاز: طب اكتم يا جميل بدل ما أطبق الأسانسير ده فوق دماغ اللي خلفوك. الراجل بتناحة عصبت ليلي: وماله أي حاجة من تحت إيديكي قمر. ده أنا لو هموت على إيديكي راضي. وساعتها الأسانسير اتفتح. وجة صوت متعب: ده أنت اللي هتموت تحت إيدي يا حبيب أمك. ونزل فيه ضرب.