رواية مهرة الجاسر الفصل الخامس عشر 15 - بقلم جوري محمد

مهره... مشيت هي وجاسر وراحوا المطار. وهناك كان في طياره خاصه مستنيهم وركبوا. جاسر: ثلث ساعه بالضبط و هنوصل. مهره: بجد يا جاسر؟ أنا فرحانه قوي، أول مره أركب طياره. جاسر: أنت تؤمري وتحلمي وأنا أنفذ على طول. وقرب منها وباسها بوسه طويلة قوي. مهره: جاسر، حد يشوفنا. جاسر: وأنا أعمل لك إيه؟ أنت السبب، عاملة لي فراغ عاطفي. مهره: فراغ ولا فراخ يا ولدي؟ جاسر: أنت بتهزري؟ مهره: آه هههههه. جاسر: يلا يا أختي خلينا ننز.

مهره: أختي؟ أختي؟ إيه؟ أنت نسيت أنا مراتك. جاسر: على الورق يا حبيبتي. مهره: هو يعني ما يبقاش جواز إلا بقله أدب؟ جاسر: ظربها على راسها. انزلي. كانت في عربيه مستنياهم. وبعد كده العربيه مشيت بيهم وراحوا على شاطئ. وكان في يخت واقف. مهره: إيه ده يا جاسر؟ جاسر: ده هنلف به البحر يا مهره. هاوديك مكان جميل جدا. مهره: ماشي، أنا باحبك قوي يا جاسر. وركبو الياخت. واتحرك جاسر لحد ما وصلوا في نص البحر.

جاسر: يلا بقى يا مهره علشان أعلمك تعوم. مهره: جايبني نص البحر عشان أتعلم أعوم؟ جاسر: يلا بقى يا حبيبتي، ما تخافيش. والبسي المايوه. مهره: لا، ما أنا عاملة حسابي. لبست مهره شورت وتيشرت كت. جاسر: إيه ده يا مهره؟ هتنزلي بهدومك؟ مهره: أيوه، وده وحش؟ هتعلمني ولا مش هتعلمني؟ نزلوا. ومهره ماسكه. جاسر: فكّي إيدك شوية. أنت بتعملي إيه؟ مهره: بعوم. جاسر: ده عوم ده؟ عوم كلابي هههههه. مهره: ماشي، ماشي. أمال أنت جايبني ليه؟

مش عشان تعلمني؟ بدأ جاسر يعلم مهره العموم. مهره: يا جاسر، ما تستغلش الموقف. يلا يا عم، طلعني. جاسر: ضحك. يلا يا ستي. يلا بقى عشان نحضر الغداء. مهره: أنت لسه عايزني أعمل لك أكل تاني؟ لا يا عم، أنا مش هاكل، مش مستغنية عن نفسي. جاسر: لا ما تخافيش، أنا اللي هعمل الأكل. أنا هاكلك مكرونة وفراخ بالطريقة الإيطالية. مهره: بجد؟ جاسر عمل الأكل. جاسر: يلا نعمل السلطة. مهره: ماشي. قاعدة بتعمل في السلطة.

وجاسر جاء وراها مسك السكينة معاها. جاسر: السلطة ما بتتقطعش كده، بتتقطع كده. مهره: ضحكت. ماشي، بس عديني. جاسر: لا، خليك واقفه شوية. مهره: بتلف. جاسر، ما تستغلش المواقف. جاسر: يا بنتي، والله جوزك. مهره: يا عم، أوع. جاسر: ماشي يا عم صبحي. مهره: عمك صبحي مين؟ جاسر: واحدة بتقول لجوزها يا عم، يبقى أكيد عم صبحي. مهره: هههههه ظريف. جاسر: طب يلا بقى يا حبيبتي عشان تاكلي. مهره: النهارده كان يوم جميل قوي.

جاسر: طب يلا عشان نروح. وركوب الطيارة وبعد كده وصلوا البيت. واخدوا وشاور واقعد شويه وراحوا يناموا. جاسر: مهره، أنت بتبعدي عني ليه؟ هو أنت مش بتحبيني؟ مهره: لا، باحبك. جاسر: طب ليه خايفة؟ مهره: خايفة من المستقبل. جاسر: المستقبل نبنيه سوا إن شاء الله. مهره: خايفة إنك تيجي في يوم تسيبني. أنت عارف أنت متجوز مين؟

أنا مهره اللي اشتغلت ميكانيكي وكانت بتلعب كورة على رهانات. مهره اللي تعبت عشان تربي أختها. يعني طول عمري لوحدي. ودلوقتي أنت معي، شايفة السعادة ولمسها بيدي. لقيت حد أعتمد عليه. خايفة كل ده يروح وأرجع تاني لوحدي.

جاسر: أنا باحبك يا مهره، بأعشقك. حبيتك وأنتي مهره القديمة، ما كنتش شفت سحر عنيك ولا شفت مهره الضعيفة. حبيتك زي ما كنتي، يعني حبيت روحك، ما حبتش شكلك. يعني تتأكدي إن لو فاتت سنين كتير وكبرنا سوا، هتفضلي أنت عشق الروح. لجاسر، عمري ما هقدر أعيش من غيرك يا مهره. أنا اتجوزتك عشان يبقى عندي عيلة. ممكن أتزوج أي حد، بس أنا حبيت إنك تكوني بدايه الخيط اللي هجمع بيه حياتي ويبقى عندي عيلة كبيرة، أولاد كثير وأنت أمهم. وأنا مش مستعجل. وخلينا نقرب من بعض الأول وتبقى في ثقة جامدة، بعد كده نبدأ حياتنا سوا.

واخدها في حضنه وناموا. وعدى أسبوع والخدم رجعوا الفيلا. وجاسر نزل الشركة. ومهره قاعدة زهقانه. لا، أنا ما أخدتش على القاعدة كده. أنا لازما أكلمه عشان أنزل الشغل. أنا هقوم أروح له الشركة مفاجأة. مهره راحت الشركة. الكل فرحان بها وسلموا عليها. منى: ازيك يا مدام مهره؟ عاملة إيه؟ مهره: المدام؟ أنا مهره بس. منى: يا مهره هانم، إحنا كنا زملاء، ودلوقتي الوضع يختلف. أنتي مرات صاحب الشركة. مهره: لا، أنا مهره. فين جاسر؟

منى: هو عنده اجتماع وقرب يخلص. مهره: طب أنا هاستنى جوه، بس ما تقولوش. مني: ماشي، هههههه. جاسر خلص الاجتماع دخل على المكتب بتاعه. ومهره قاعدة ولابسة طرحه. جاسر: إيه ده؟ حياتي، الطرحة مخلياك قمرين. مهره: عجبتك بجد يا جاسر؟ جاسر: قمر. قرب عليها وشالها وقعدها على المكتب. جاسر: جاي بقى ليه؟ مهره: علشان أنت وحشتني، وكمان عشان أنا زهقت من قعدة البيت. جاسر أخدها في حضنه وراح بايسها بوسه طويلة وهي لسه قاعدة على المكتب.

ودخلت مني. منى: أنا آسفة والله يا جاسر بيه، بس أنا اتلخبطت. جاسر: لا عادي، أنا كنت بعدلها الطرحة. مهره: أيوه، هو كده بالضبط هههههه. جاسر: شفت عملت إيه؟ بقيت مرهق على آخر الزمن، عملت لي فراغ عاطفي. جاسر: يلا بقى يا حبيبتي علشان نتغدى بره. وجاسر مشي هو ومهره. مهره: بتلف وبتدي مني بوسه على الهوا. جاسر: طب احدفينا بواحده يا عم. يا بنتي، والله جوزك. مهره: ما أنا عارفة. وراحوا اتغدوا وروحوا البيت. بقيت اليوم سوا.

وثاني يوم جاسر راح الشركة. وهي قاعدة فتحت الدولاب وقعدت تقيس في الفساتين القصيره والعريانه اللي جاسر جايبها. وهي متطمنه إن جاسر مش في البيت. مهره: يا خرابي، الفستان ده عريان خالص. وسابت شعرها وحطت مكياج وقعدت تصور نفسها. هي معجبه بنفسها. مهره: طب والله يا بنت يا مهره، حلوة. إيه يا بنت؟ ده انت قمر. وترفع شعرها بتعمل تسريحات مختلفة وتتصور. فجأة دخل جاسر. لا هدوم كثير واقعة في الارض. وهي بتلف ولقيته قدامها.

جاسر: مهره، إيه اللي أنت عامله ده؟ مهره: أنت إيه اللي جابك دلوقتي؟ جاسر: اسكتي يا مهره. قرب عليها وباسها وراح شايلها وهي مستسلمه. وقال لها: أنا باحبك يا مهره. وأصبحت مهره زوجته رسمي. واللحظه دي هي بدايه حياتهم الزوجيه. مهره: هو حصل إزاي؟ جاسر: إيه ده؟ أنت عايزه تعرفي إزاي؟ تعالي أقول لك. مهره: لا لا، أنا ما أقصدش. جاسر: لا والله، لازم أقول لك. ونسبهم شويه نرجع لهم بعدين. ثاني يوم صحيت مهره.

جاسر: صباحية مباركة يا حبيبتي. مهره: اتكسفت وسكتت. جاسر: قومي بقى خذي شاور عشان أنا عملت لك مفاجأة. مهره: ماشي، طب اخرج بره عشان أقوم. جاسر: ماشي، هاسبقك على تحت. خلصت مهره ونزلت لقيت جاسر محضر الفطار لها وحاطط لها المربى اللي بتحبها ورد وعامل لها النسكافيه، مشغل موسيقى حلوة. مهره: كل ده لي يا جاسر؟ جاسر: ليكي يا حبيبتي. المفاجاه الثانية إننا هنروح على اليخت ونقضي أسبوع هنا. مهره: بجد يا جاسر؟ أنا باحبك قوي قوي قوي.

جاسر: مش بالكلام، أنا عايز فعل يا مهره. مهره طلعت تجري وهو وراها. وشالها وطلع على أوضتهم.