رواية مهرة الجاسر الفصل الرابع عشر 14 - بقلم جوري محمد

قفلت الباب بالمفتاح وغيرت ودخلت تنام وهي بتضحك على اللي عملته في جاسر. لقيت الباب اتفتح. جاسر بيضحك: كنت عارف إنك هتعملي كده وعشان كده جهزت معايا المفتاح الثاني. مهره: بص يا جاسر، أنا عارفة انت عايز تعمل إيه بس ده بعدك. أنا الدكتور قال إن لازم أقعد سنة وبعد كده أتجوّز، بس عشان أخلص من فهد وافقت أتجوّز دلوقتي، إنما أي حاجة تانية لا طبعاً، ده أنا أموت. جاسر: دكتور مين اللي قال لك كده يا مهره؟

أنا سألت الدكتور والدكتور ما قاليش كده. مهره: أصل هو اتكسف منك. جاسر: وما اتكسفش منك؟ مهره: أصل هو واخد على الستات. قرب جاسر منها. مهره: انت بتقرب ليه؟ جاسر: يا مهره أنا مش هاذيك. بصي يا مهره يا حبيبتي أنا خايف عليكي. مهره: من إيه بقى؟

جاسر: بصي بقى يا ستي، أنا هاقول لك. هنا الكهرباء بايظة، أحيانًا بتعلق. كان فيه حرامي مرة بيعدي من على السور والحرس ضربوه بالنار راح مات. وأنا اكتشفت إنه ما بيطلعش إلا والنور قاطع. حرامي بقى. مهره: هههههه عايزني أصدق كلامك ده؟ مهره: أنا مش عايزة أقول لك بس هاقول. ماما الله يرحمها وصتني إن أنا لما أتجوّز يفضل على الورق لمدة 4 شهور. جاسر: نعم يا أختي! مهره: أيوه كده. هو ده اللي أنا أقصده. إن إحنا نبقى أخوات.

مهره: انت عارف لازم نحترم وصية الميت. جاسر: أصدق أنا بقى. اشمعنى سهر اتجوزت وحامل وما قالتش ليوسف الوصية دي؟ مهره: عشان سهر كانت ساعتها صغيرة وأنا نسيت أقولها. جاسر: عشان كده. لا معاكي حق يا مهره، لازم نحترم وصية الميت. بس فيه مشكلة. مهره: إيه هي بقى؟ جاسر: أصل لازم نهتم بوصية الميت. مهره: طب ماشي. إيه المشكلة بقى؟

جاسر: أصل بابا الله يرحمه وصاني إني لما أتجوّز إن الليلة الأولى في جوازي تتم على أكمل وجه بكل تفاصيلها. فاهمة بقى. مهره: انت والله أبوك قليل الأدب. إزاي يوصي وصية زي دي؟ جاسر: أعمل إيه بقى يا مهره. مهره: لا مش مشكلة بجد. الحل.. يا عم السرير كبير. انت تنام في الطرف ده وأنا أنام في الطرف التاني. شفت حليتها إزاي؟ يلا بقى ننام. جاسر: يلا يا أختي. نايم وكل شوية يقرب من مهره وراح واخدها في حضنه.

مهره: إحنا ما اتفقناش على كده. جاسر: نامي يا مهره. اسكتي عشان ما أنفذ الوصية كاملة بكل تفاصيلها. نامت وهي ساكتة. جاسر: هتتعبيني معايا يا مهره. بتصحى تلاقي جاسر قاعد يبصلها. جاسر: صباح الخير يا حياتي. مهره: صباح النور يا جاسر. جاسر: يلا عشان نفطر. مهره: أنا هقوم آخد شاور. جاسر مسك إيديها وباسها. مهره: ليه كده بقى؟ جاسر باسها من بقها. مهره: بلاش قلة أدب. جاسر: انتي شفتي قلة أدب؟ لسه هيكمل كلامهم.

جريت على الحمام أخدت شاور ولقيته بيعمل قهوة. مهره: اعمل حسابي معاك. جاسر: ماشي يا حبيبتي. تشربي قهوتك وتشوفي هتعملي إيه غداء النهارده. مهره: ملك مبتسم كده. أنا ما بعرفش أعمل أي حاجة في المطبخ. جاسر: يا سلام يا حبيبتي. الخدم في إجازة لمدة أسبوع وأنا ما بحبش آكل برة. مهره: كنت عارفة إنك تتجوزني عشان تقرفنا. جاسر: عندك اللحمة في الثلاجة. عايز آكل أكل حلو زي اللي خالتي أم مصطفى عملته. فاهمة يا مهره؟

جاسر: ولا ننفذ الوصية بتاعة بابا. اختاري انتي. مهره: لا، هااعمل الأكل. يلا بقى اخرج بره. جاسر: يا بنتي نفذ الوصية. أسهل وأحلى. كده كده الوصية هتتنفذ. مهره: لما يجي وقتها يحلها ألف حلال. جاسر: هههه ماشي يا مهره. اتصلت مهره بسهر. سهر: صباحية مباركة يا عروسة. مهره: صباح النور. سهر: إيه يا مهره، فيه حاجة؟ مهره: لا. بوصي انتي مش قلتي إن يوسف حضر لك الفطار في الصباحية؟ سهر: أيوه يا حبيبتي. جاسر محضرليش الفطار.

سهر: ليه يا مهره؟ عملتي إيه؟ مهره: والله ما عملت حاجة. أنا دخلت نمت. سهر: ما هو عشان كده يا مهره. نمت نمت. مهره: أيوه زي كل يوم. صليت العشاء ونمت. سهر: معاها حق يا مهره. ده كويس والله. مهره: بس يا بنت. المهم هو عايزني أعمل غداء. وانتي عارفة أنا مش باعرف أعمل أكل. سهر: قولي لي عندك إيه؟ مهره: فيه لحمة ومكرونة.

سهر: اسلقي اللحمة يا مهره وحمريها. واعملي المكرونة عادية. يعني أبسط حاجة يا ستي. وربنا يستر عليه وهو بياكل. اتصلي بالإسعاف احتياطي. هههههه. سلام يا قمر. سلام يا رخم. مهره بتعمل الأكل. هي قالت هنحمر اللحمة الأول ولا أسلقها؟ يلا هو ونصيبه بقى. جاسر: عملت الغداء؟ مهره: هتاكل صوابعك وراه. وحطيت الأكل. جاسر: إيه دي يا مهره؟ مهره: مكرونة. ودي لحمة محمرة. ما تاخدش بالشكل، كل ما تخافش. وبدأ جاسر ياكل وهو ساكت وبياكل.

مهره: عجبك الأكل؟ جاسر: اه. كلي يا مهره. حط الأكل في بقه. مهره: إيه القرف ده؟ استغفر الله العظيم. انت بتاكل إزاي؟ الأكل وحش قوي. جاسر: أعمل إيه يا مهره؟ قلت لك ننفذ الوصية. وانت قلت الأكل. قومي يا مهره هاتي حتة جبنة أحسن. مهره: ماشي. جاسر: ولا أقول لك. اطلعي غيري هدومك عشان نروح البحر. تحبي تروحي فين؟ الغردقة ولا العين السخنة؟ مهره: اسكندرية. جاسر: انتي هبلة يا مهره؟ بقول لك إيه الغردقة. يلا يا مهره البسي.