رواية مهرة الجاسر الفصل الثالث 3 - بقلم جوري محمد

جاسر... بيستحلف لمهره. مهره بترجع لحياتها الطبيعية للشغل. في المكتب، يوسف شغال مع جاسر، وصاحب عمره ودراعه اليمين، وماسك الحملة الانتخابية بتاعته. جاسر: الحق يا يوسف، في صحفي نشر حكاية كريم مع مرام وبيقول إنهم هيطلقوا بعد الانتخابات. يوسف: والله أنا زهقت من كريم وعمايله. شوف لي الصحفي ده مين بالظبط ومين اللي وصل له الحكاية دي. يوسف: ماشي. وبعد تحريات يوسف، اكتشف إن الصحفي ليه علاقة بمهره.

جاسر: مهره، تاني سنتك طين يا مهره. هاخليكي تتمني الموت، مش هتموتي. جاسر ماشي بعربيته وراح عند مهره في المكتب. مهره قاعدة وحاطة رجل على رجل، لابسة شبشب بتاع البيت. جاسر: دخل وبصلها من فوق لتحت وهي لسه حاطة رجل على رجلها. مهره: أهلاً جاسر باشا. جاسر: انتي عايزة إيه بالظبط؟ اللي خلاكي تروحي تقولي لصحفي على حكاية كريم ومرام؟ مهره: استنى استنى، بالراحة بقى كده واتكلم واحدة واحدة عشان أنا أفهم أنت قصدك إيه.

راح جاسر وراها الجرنان. جاسر: اقري براحتك. وقعد على كرسي. مهره: إيه الكلام الفارغ ده؟

أنا ما ليش دعوة بيه. بص يا جاسر، إحنا ما نفضحش نفسنا ونقول الكلام ده. آه نسيت، أصل شرف الناس الغلابة مش مهم عندكم، بس إحنا كل اللي يهمنا شرفنا لأنه الحاجة الوحيدة اللي إحنا بنملكها. وبصفة عامة، إن الكلام ده ما يفرقش معاك في حاجة. كريم ومرام اتجوزوا وهو مش هيطلقها عشان هي حامل في توأم وهو طلع بيحبها. الكلام ده أنا عرفته من مرام لما اتكلمنا. يلا بقى سلام عشان أنا عندي قضايا كتير. جاسر بيبصلها.

جاسر: انتي بتطرديني من المكتب الزبالة ده؟ مهره: الزبالة ده أنت جيت فيه وأخذت ميعاد ودخلت عندي. وأنا بأقول لك وقتك خلص. جاسر مشي وهو متنرفز، مستحلف لها إنه هيرد لها القلم قلمين. سيكا: الحق يا ست مهره، الست أم محمد بتعيط وعايزة تقابلك. مهره: دخلها. أم محمد: الحقيني يا مهره يا بنتي، بعد ما جوزت الولد اللي حيلتي، عايز يطردني من البيت هو ومراته، وبيقول لي روحي اقعدي عند حد من أخواتك.

مهره: تعالي معي يا خالتي، ما تزعليش نفسك. طلعت مهره عند محمد ابنها وخبطت على الباب، ولقيت مراته. مهره: جابتها من شعرها وقالت لها: بتطردي حماتك من البيت؟ العروس: وأنت مالك انت؟ سيبي شعرك. محمد: يا ستي سيبيها. تعال يا حبيبتي.

مهره: بكره زي ما أنت بتطرد أمك، هيجي عيالك هايطردوك من بيتهم. وتبقى تفتكر اللي أنت عملته. ضربته بالقلم. القلم ده عشان يفوقك. والقلم الثاني عشان تدي لمراتك عشان هي تعرف قيمة أمك. ولو جت أمك تشتكي منك تاني هاوريك اللي عمرك ما شفته. هاخليك بقى ما فيش حتة في جسمك سليمة. ما تنساش، أنا معي الحزام الأسود، يعني أعرف أضرب كويس، أخليه يوجع من غير ما يسيب أثر. تحب تجرب؟ واطي على رجل أمك. بوسه. وأنت كمان يا بنت.

وفعلاً محمد ومراته اعتذروا لأم محمد، وبوسوا رجليها. أم محمد: ربنا يخليك يا مهره يا بنتي ويفرحك يا بنت. مهره: اعملي كوبايتين شاي بقى. وشربت مهره الشاي. مهره: دي ست كبيرة، حافظ عليها عشان تدعي لكم بدل ما تدعي عليكم. سلام يا عروسة. خذ بالك من أمك يا محمد. نزلت مهره وراحت على الورشة. وشوية وجاء الولد الصغير ومعه بنت صغيرة، والبنت بتعيط. البنت: يا مهره، أنت ولد ولا بنت؟ مهره: قالت لها: ليه يا أختي؟

البنت: عشان الولد بيقول إنك ولد زيو. وأنا بأقول له مهره بنت وشعرها طويل. وريني شعرك يا مهره. الولد الصغير: يا بنت، دي قرعة من غير شعر. مهره: لا يا عم، بشعر. الولد الصغير: طب وريني كده. شالت مهره الكاب ونزل شعر مهره الحرير الطويل الواصل لحد ركبتها ولونه بني جميل. الولد الصغير: وقف فاتح بقه ومتنح. البنت: بتضحك. مهره بنت وشعرها طويل. أنا هيبقى شعري حلو زيك يا مهره.

والبنت مشيت هي والولد. ومهره لفت شعرها وحطت عليه الكاب تاني. وجاء أسامة. أسامة: يا كابتن مهره، عندنا ماتش حلو قوي. الرهان على الـ 500. مهره: ليه؟ أسامة: 500 كثير قوي يا مهره. مهره: الأجوان أنا اللي باجيبها، يبقى آخذ النص. أسامة: ماشي يا ستي، يلا الماتش بعد ساعة في الملعب. وراحت مهره الملعب وكسبت الماتش. وراحت. مهره: يا سهر، خذي يا بنت 500 اهي. عايزاك بكره تجيبي لنا بط، بس والله نفسي فيه قوي.

سهر: ماشي يا يا ستي، بكره هاروح أجيبه من السوق. هترجعي تلاقيني عامله لك الغدا. رجعت مهره لقت أختها عاملة لها الغداء. مهره: استني يا بنت أما أنادي سيكا ياكل معنا، ما هو يتيم زينا. وجاء سيكا ياكل معاهم. مهره أخذت نصيبها وأكلت حتة، والباقي أخذته في ساندويتش ونزلته لعم عبده الشحات اللي في الشارع. سهر: يا مهره، أنت ما أكلتيش، وأنت اللي كان نفسك فيهم. مهره: يا بنت، حتة كبيرة زي حتة صغيرة. المهم إن إحنا كلنا.

سهر: بصي بقى يا حبيبتي، أنا كنت شايلة لك حتة وشوية محشي، كليها عشان خاطري. مهره: ماشي يا ستي، هاتيهم. وأخذتهم وراحت عند صاحب الورشة. مهره: اتفضل يا عم حسين، صباعين محشي وحتة بطة. أنا عارف إنك من ساعة المرحومة ما ماتت وأنت نفسك في أكلة زي دي. حسين: والله يا مهره يا بنتي، أنتِ بنتي اللي كان نفسي أخلفها، بس ربنا ما أذنَش. مهره: يا عم، يلا، هو أنا مش بنتك زي ما بتقولوا. عدت الأيام. عند أبو مهره إيه اللي حصل له؟

هنعرف في الفصل اللي جاي. إيه اللي هيحصل لمهره؟ هنشوف ده. سلام بقى.