رواية مهرة الجاسر الفصل الثاني 2 - بقلم جوري محمد

بدأت مهره تروح الورشة تاني وبتذاكر في البيت وأصحابها بيجيبوا لها المراجع والمحاضرات. بدأت الامتحانات وسهر بتمتحن وخلصت الامتحانات وجاءت النتيجة. مهره: طبعًا زي كل سنة امتياز. صاحبة مهره: يا بنتي كفايه غرور. مهره: غرور إيه دي الثقة في الله. خلصت الجامعة وسهر ما جابتش مجموع ودخلت تجارة ومرام صاحبتها تجارة إنجلش. سهر: انت زعلانه مني يا مهره؟ مهره: لا مش زعلانه، انت أكيد الظروف قصرت معاكي شوية.

مهره: ما تزعليش بس شد حيلك في اللي جاي. مهره كان نفسها تتعين في الجامعة معيدة بس طبعًا. صاحبة مهره: معلش يا مهره بقى انت عارفه. مهره: طبعًا عارفة الكوسة والمحسوبية. يلا مش مشكلة. وهنا البنت اللي اتعينت معيدة. البنت: هاي يا مهره، جبتي تقدير كام؟ مهره: بالله عليكي يا قمر، المادة 23 في قانون الجنايات بتقول إيه؟ البنت: سكتت ومش عارفة ترد.

مهره: أنا هقول لك بتقول إيه. بتقول لما حد ياخد منك حاجة وأنت مش عارف ترجعها علشان الكوسة تروح ورا. وراحت ضرباها بالقلم بس عشان تبرد نارك. وسابته ومشت. صاحبة مهره: يخرب بيتك! انتي عارفة دي بنت مين؟ مهره: بنت مين؟ إن شاء الله يكون رئيس الجامعة. اللي حصل حصل وأخذنا الشهادة واستلمنا النتيجة وها نعلقها على الحيط.

عدت الأيام ومهره فتحت مكتب في الحارة عندها بتدافع فيه عن أي مظلوم لأنها بتكره الظلم. طبعًا القضايا دي بتترفع عنها بفلوس رمزية. وبتشتغل في الورشة. وسهر بتدي دروس ابتدائي عشان تساعد في مصاريف الجامعة بتاعتها. مهره: صباح الفل يا عم حسين. عامل إيه؟ عم حسين: تعبان والله يا مهره يا ابني. أنا حاسس إني تعبان وأنا هاسيب لك الورشة تشتغل فيها واللي يطلع نقسمه بالنصف. مهره: ليه كده يا عم حسين؟ ده انت الخير والبركة.

عم حسين: بس أنا مش هكذب عليك، أنا تعبان فعلاً. وادي انت شايف أنا ما خلفتش أولاد، علشان كده الورشة هاسيبها لك. مهره: ربنا يديك طول العمر يا راجل يا طيب. وبدأت مهره فعلاً في الشغل هي والولد سيكا اللي هو معاها في كل حتة بينضف لها المكتب وبيروح معاه الورشة. مهره: انت جيتي يا سهر؟ سهر: يعني هيكون مين؟ حطينا الأكل عشان جعانة. إيه يا ستي فول برده؟ عارفة يا بنت يا سهر أنا نفسي في بطة مع شوية محشي. إنما الفول نفسي أنساه شوية.

سهر: وهنعمل إيه طيب؟ مصروف الشهر قرب يخلص. ما أنا جبت منه المذكرات. مهره: لو ربنا كرمني بقضية حلوة أديك فلوسها تجيبي لنا بطة. سهر: كلي يا أختي كلي. ههههه. مهره: اعملي لنا الشاي وهاتي على المكتب. سهر: ماشي يا أختي. ومشيت مهره على المكتب وشربت الشاي. عدت عليها مرام. مهره: خدي يا مرام، مالك يا بنت كده؟ مرام: لا ما فيش حاجة. مهره: هو اللي بيخش تجارة إنجلش بيتغير كده؟ مرام: لا مش فاضية بس. مهره: طب يا أختي مع السلامة.

سيكا: يا ست مهره. مهره: يا ابني قلت لك لما أكون في المكتب قل لي يا أستاذة. سيكا: أصل في عربية في الورشة. احنا طلعنا قرشين حلوين منها. مهره: اسبقني وأنا هلبس وأجي. وراحت مهره على العربية. مهره: إيه ده؟ إيه يا باشا العربية فيها إيه؟ الراجل: شغلها وانت ساكت. عطرت في المكان ده. مهره: طب بالراحة علينا يا باشا. صاحب العربية: أوعى تاخد منها حاجة. مهره: انت بتسرقنا؟ طب يلا بقى جري عربيتك من هنا. ما لهاش تصليح عندي.

صاحب العربية: انت عارف انت بتكلم مين؟ مهره: هتكون مين؟ بلوة اتحدفت علينا. وسابته ومشيت. صاحب العربية: أنا هعرفك انت بتكلم مين يا حيوان. ماشي، أنا هاخليك تندم على طريقة كلامك معايا. هاعرفك مين هو جاسر الدمنهوري. اتصل والبودي جارد جابوا له عربية والونش شد العربية. جاسر: عايز أعرف الحيوان اللي شغال في الورشة دي كل حاجة عنه. تكون عندي بكرة الصبح. عايز كل تحركاته. وسيبناهم ونروح عند مرام ومهره.

مرام: راجعة بتعيط. قبلتها مهره. مهره: بتعيطي ليه؟ مرام: أنا ضعت يا مهره. مهره: إيه اللي حصل يا مرام؟ مرام: بتحكي لها إزاي هي سلمت نفسها لكريم الدمنهوري من غير جواز وهي دلوقتي حامل وهو مش راضي يعترف باللي في بطنها وضربها وخرجها ورماها بره الشقة اللي كانوا بيتقابلوا فيها. مهره: ضربها؟ انت عملت كده ليه؟ أبوك وأمك ميستاهلوش منك كده. وبعد كده مهره حضنتها. مهره: هاقف جنبك وأتصرف. هو يبقى مين بقى؟ كلميني عنه.

قالت لها كريم الدمنهوري وأخوه جاسر الدمنهوري. مهره: يعني ناس جامدين من اللي بيبص لنا من فوق. ربنا يعيني وأقدر أجيب لك حقك. وطلعت مهره غيرت هدومها ولبست بدلة نسائية وراحت على شركة جاسر وطلبت تقابله بصفة إنها محامية. ودخلت المكتب. السكرتيرة: معاكي ميعاد؟ مهره: لا ما عنديش. السكرتيرة: يبقى مش هتنفع تقابلي جاسر بيه. مهره: لا، قولي له الأستاذة مهره عايزة تقابلك عشان الانتخابات. السكرتيرة: ماشي، هاقول له.

السكرتيرة: يا فندم، فيه أستاذة مهره المحامية عايزة تقابلك حضرتك، بتقول عشان خاطر الانتخابات. جاسر: دخليها. دخلت مهره. مهره: السلام عليكم يا جاسر بيه. جاسر: اتفضلي اقعدي. تشربي حاجة؟ مهره: قهوة مضبوط. وقعدت مهره بكل ثقة وقالت له على موضوع مرام. جاسر: انتي بتقولي إيه؟ مستحيل الكلام اللي انت بتقوليه ده. مهره: هات أخوك وأنا مستنية. وفعلاً كريم جاء ومهره واجهته بالكلام. ما قدرش ينكر. جاسر: أنا مش عارف انتي هتكبر إمتى؟

انت عايز تدمرني. مهره: قمت. أنا قلت اللي عندي. أخوك يجي يتقدم للبنت، وإلا حسن الجرائد تشم خبر إن راجل العدالة بيكذب عليهم عشان الانتخابات. جاسر: انتي بتقولي إيه؟ أنا بأقول لك هنستناك بكرة تيجي تتقدم للبنت والعنوان في ورق أهو وده تليفوني. اتصل بي عشان أكد عليكم الميعاد. وسبتهم ومشيت.

جاسر: انت السبب. خليت واحدة زبالة زي دي تتحكم فينا. جهز نفسك يا أستاذ. خلال أسبوع الفرح هيتم عشان البنت حامل. وبعد كده عايز تكمل تكمل، عايز تطلقها طلقها. ماشي. وفعلاً جاء اليوم واتصل عشان يأكد الميعاد وحضر كريم وجاسر. ومهره قاعدة. واقروا الفاتحة واتفقوا على الفرح. وجاسر انشغل بفرح أخوه ونسي الميكانيكي اللي هو طبعًا مهره. وزاد كرهه على مهره المحامية. جاء يوم الفرح. سهر: البسي فستان. مهره: فستان يا حبيبتي؟

ما بقتش أعرف ألبس فساتين خلاص. سهر: يا مهره بلاش لبس الصبيان ده بقى. نفسي أحس إنك أختي مش أخويا. ههه. مهره: لا، خدي انتي الفلوس وهاتي الفستان اللي هتحضري بيه، ومالكيش دعوة بي. سهر: يا مهره عشان خاطري. مهره: عشان خاطري أنا يا سهر. ما تتعبنيش معاكي.

وراحت سهر مع مرام البيوتي سنتر. وسهر ومرام طالعين زي القمر. وراحوا على الفرح اللي معمول في الفيلا بتاعة جاسر. وكله حضر فرحان ومبسوط. وكريم أول ما شاف مرام لاقيها جميلة جداً وكان فرحان. وبدأ الفرح ومهره ماشية هي وسهر. سهر: تعالي تعالي يا مهره بيسلموا عليهم. مهره: ماشي يا ستي يلا. وسلموا عليها ومشوا. ومسافرة مرام مع كريم فرنسا يقضوا شهر العسل.

الراجل اللي كلفه جاسر يعمل تقرير عن الميكانيكي اكتشف إن الميكانيكي ومهره المحامية شخص واحد. جاسر: حسابك ثقل معايا قوي يا مهره.