رواية ملاك الجاسر الفصل الرابع 4 - بقلم لولو وائل

فتحت داليا الظرف. داليا بصدمة: ينهار أسود. أنا لازم أكلم ملاك بسرعة. حاولت داليا الاتصال بملاك ولكن كان هاتفها مغلق. عند ملاك. وصلت ملاك الشركة وهي تشعر بخوف شديد، لا تعرف سببه. ملاك: يارب استرها يارب. أنا خايفة أوي يارب. المقابلة تمشي. دخلت ملاك الشركة وأنبهرت بجمالها، كانت بالنسبة لها ليست شركة بل قصر كبير، كانت شديدة الجمال تشبه قصور الملوك. ملاك: بسم الله ما شاء الله. بجد جميلة أوي. ولا كأني دخلت الجنة برجلي.

ظنت ملاك أنها دخلت الجنة، لكنها لا تعرف أن باب الجحيم قد فتح أمامها وليست الجنة. ملاك: بس برضو الخوف عندي مهداش. معرفش لي. ربنا يستر. في قصر الهواري. داليا: أنا لازم ألحق ملاك قبل ما جاسر يشوفها. ربنا يستر يارب. ذهبت داليا مسرعة إلى السيارة وكانت تقود بسرعة جنونية حتى تصل في الوقت القياسي. في الشركة. ملاك: السلام عليكم. أستاذ جاسر موجود؟ ندي: أيوه مين حضرتك؟ ملاك: أنا كان عندي معاد معاه بخصوص شغل.

ندي: طب خليكي ثواني. ذهبت ندى إلى جاسر، الذي كان مندمج في العمل، ودقت على الباب. جاسر: ادخل. ندي: جاسر بيه، في واحدة بتقول إنها معاها معاد مع حضرتك. جاسر: آه، دخليها. ندي: أمر. ملاك: يارب بقى فك التوتر ده. ندي: اتفضلي يا آنسة. ملاك: شكراً. عند دخول ملاك، كانت قد وصلت داليا إلى الشركة. داليا: ندى، كان في بنت كان عندها معاد مع جاسر، دخلت ولا مجتش؟ ندي: لسه داخلة حالاً.

داليا: ينهار أسود، ملحقتش أمنعها. بس لازم أدخل عشان أمنع اللي هيحصل. بس مش هقدر لوحدي. هروح ليوسف. داليا: ندى، يوسف في مكتبه؟ ندي: آه. داليا: ماشي، شكراً. دخلت ملاك لمكتب جاسر، ولكن جاسر كان ينظر في الأوراق ولم يرفع نظره إليها. ملاك: السلام عليكم. جاسر: اتفضلي يا... ملاك: أهلاً بحضرتك. أنا... جاسر بصدمة: انتي! ملاك: هو حضرتك تعرفني؟ جاسر بغضب: انتي إزاي لسه عايشة؟ أنا مش هسيبك إلا لما أقتلك وأعذبك.

وانقض جاسر على ملاك وكان يخنقها بيده حتى كادت أن تموت. دخلت داليا إلى مكتب يوسف. داليا: يوسف، الحقيني. يوسف: داليا، في إيه؟ داليا: تعالي معايا وهتعرف. أخذت داليا يوسف وذهبت إلى مكتب جاسر، ورأت ما كانت تتوقعه. حاولت أن تفلت ملاك من يد جاسر ولم تعرف أن تفعل شيئاً. وكان يوسف يقف بصدمة مما كان يراه. داليا: الحقها يا يوسف، البت هتموت في إيده. دخل يوسف وأفلت ملاك من يد جاسر، ولكن لم تقدر أن تتنفس وفقدت الوعي. داليا: ملاك!

وأخذت ملاك وذهبت إلى المستشفى. الدكتور: مين اللي عمل فيها كده؟ داليا: محدش يا دكتور. الدكتور: إزاي؟ البنت كانت ممكن تموت لو اتخنقت أكتر من كده. أنا لازم أبلغ البوليس. داليا: لا، مفيش حاجة. دي مشاكل عائلية. الدكتور: ماشي، بس لما البنت تفوق لازم أعرف منها اللي حصل. داليا: ماشي. يوسف: أنا مش فاهم حاجة. جاسر بغضب: داليا، انتي تعرفيها منين ومن إمتى؟ انطقي. داليا: انت ليك عين تتكلم بعد اللي عملته فيها؟

حرام عليك. هي عملتلك إيه؟ دي مش روفان، دي ملاك. جاسر: انتي متعرفيش شكل روفان. داليا: لا، أعرف. شوفت صورها. جاسر بغضب: إزاي هي لسه عايشة؟ أنا لازم أخلص منها، لازم أنتقم منها. داليا: انت رايح فين؟ دي مش روفان والله، دي ملاك. روفان ماتت. إزاي واحدة ماتت محروقة تعيش تاني؟ افهم بقى. ترك جاسر المستشفى وخرج واتبعه يوسف. يوسف: إيه اللي انت عملته في البت ده؟ هي عملتلك إيه؟ جاسر: مش قادر أصدق إنها مش روفان. دي شبهها أوي أوي.

يوسف: انت لازم تعتذر لها. هي ملهاش ذنب في اللي عملته روفان. جاسر: عندك حق. استعادت ملاك وعيها، وعندما فتحت عينيها وجدت داليا أمامها. داليا: حمد الله على سلامتك. ملاك: الله يسلمك. أنا فين؟ وعندما تذكرت ما حدث. ملاك بدموع: مقصدش ده. كان بيخنقني بإيده. إزاي؟ مقصديش. داليا: انتي متعرفيش حاجة يا ملاك، بس ارجوكي سامحيني. ملاك: أسامح واحد كان عايز يموتني؟ طب إزاي؟ داليا: بصي يا ملاك...

لم تكمل كلمها، وجدت الشرطة تدلف إلى الغرفة. الشرطي: حضرتك، أنسة ملاك، مالك؟ ملاك: آه، أنا. الشرطي: جالنا بلاغ إن كان في حد بيحاول يقتلك. وفي هذه اللحظة دخل جاسر ويوسف الغرفة. عندما يوسف رأى الضابط توتر. الشرطي: حضرتك تقدري تتكلمي من غير خوف واحنا هنقبض عليه. داليا: مفيش حاجة. قطعتها ملاك. ملاك: لا يا داليا، أنا مش هكدب. أنا هقول الحقيقة. ملاك: اللي حصل...