تحميل رواية «ملاك الزين» PDF

الصباح كانوا متجمعين في مكتب اللواء عشان المهمة الجديدة.

اللواء: أنا جمعتكم النهاردة عشان أنتوا من أكفأ الظباط هنا ومش هقدر أعتمد على حد غيركم.

زين: وإحنا إن شاء الله نبقى عند حسن ظنك.

اللواء: إحنا عايزين نقبض على الراجل ده، عنده أكبر عصابة سلاح ومخدرات، وأنتوا لازم تجيبوا عنه أدلة تثبت كده، لإن الشخص ده ذكي ومحدش قدر يمسك عليه حاجة قبل كده، ومعروف عنه إنه زير نساء وبيسهر كتير.

زين: إحنا ممكن نعمل أصدقاءه في النايت كلاب وإن شاء الله نقدر نمسك عليه دليل.

اللواء: إحنا هنعمل كده بس بطريقة مختلفة، فرح وملك هينزلوا النايت كلاب وهيحاولوا يوقعوه، وأنتوا تبقوا مراقبين كل حاجة، وبعدين في دواء اسمه دواء الصراحة يتحط في المشروب ويتسجل كل حاجة، وبكده هنبقى ماسكين عليه دليل.

زين: بس كيف هيروحوا النايت كلاب وهما متحجبين؟ مش هينفع يروحوا بالحجاب.

اللواء: ملك وفرح، أنتوا دلوقتي في إيدكم نجاح العملية دي لإني مش هقدر أوثق في حد من بره، معلش ممكن تقلعه الحجاب.

ملك: أنا أقسمت إني أعمل أي حاجة عشان أقضي على الفساد اللي في البلد حتى لو الثمن حياتي، ولو على الحجاب فأنا هلبس بروكه عشان شعري ما يبانش.

اللواء: كده كل حاجة تمام، واعملي اللي أنتي شايفاه صح، تقدروا تتفضلوا دلوقتي.

زين: تعالى على مكتبي عشان نتفق على الخطة.

كلهم راحوا على مكتب زين واتفقوا على الخطة وإنهم هينفذوها بالليل، وقال للبنات إنهم هيبقوا مراقبينهم وعطاهم سماعات عشان يقدر يسمع اللي بيحصل.

بالليل كانت البنات جاهزين، ملك كانت لابسة فستان أحمر ضيق من فوق ويصل عند الركبة ولابسة بوت لحد الركبة وبروكه ووضعت مكياج وكانت زي القمر، وفرح لبست فستان أزرق طويل ضيق وصندل كعب ووضعت مكياج وكانت زي القمر.

وصلوا البنات وكان زين ومازن مستنيينهم.

مازن: أول ما شاف فرح: إيه اللي أنتي عاملة ده؟ أنا يستحيل أخليكي تدخلي مكان زي ده.

فرح: يا ميزو اهدى عشان المهمة، وبعدين ما أنت هتبقى معايا، ما تخفش ومحدش يقدر يقرب مني.

مازن: أما نشوف آخرتها.

زين كان متنح في ملك وسارحين في عيون بعض، فاقوا على صوت مازن: مش يلا بقى ولا إيه ولا هنقضيها بص في عيون بعض؟

ملك: اتحرجت وقالت: يلا.

زين في ودن مازن: عاجبك كده أحرجتها؟

مازن: مش أنت اللي عامل لي روميو؟ امشي ندخل وراهم.

دخلوا وهما قاعدين على ترابيزة والبنات على ترابيزة، وفجأة وصل الشخص اللي هما مستنيينه وقعد يبص على ملك وفرح وراح ليهم: ينفع أقعد معاكم؟

فرح: يا حلاوة يا ولاد، الجمال ده كله هيقعد معانا.

ملك: اتفضل طبعًا، صحبتي بتهزر.

جون: أنا اسمي جون، وأنتي أيتها الجميلة. كان يقصد على ملك.

ملك: أنا مليكة ودي صحبتي جاسيكا.

جون: اسمك جميل وأنتي أجمل. ومسك يدها وقبلها.

مليكة: شكرًا مستر جون.

جون: نادي لي جون فقط.

مليكة: حاضر. وقعد يشرب وملك وفرح عاملين نفسهم بيشربوا.

جاسيكا: مستر جون نود أن نتعرف عليك أكثر، تعالى نكمل الحفلة في شقتنا.

جون: أكيد ما عندي مانع.

مليكة: هتروح بالجاردات دي كلها؟ أنا بخاف من شكلهم كبار أوي.

جون: لا يا عزيزتي، سأذهب أنا فقط وسأتركهم كما تشائين.

مليكة: شكرًا مستر جون، تعالى سوف نذهب بسيارتي.

زين ومازن كانوا مراقبين كل حاجة وذهبوا لشقة زين.

مليكة: اتفضل جون، اعتبره بيتك، سوف أجلب الكاسات كي نحتفل بهذه الصداقة.

جون: اتفضلي. ذهبت جابت الكأس ووضعت له الدواء، وكان زين ومازن في الأوضة يراقبون كل شيء.

مليكة: اتفضل مستر جون. وشرب وبعدين ابتدأ الدواء يأتي مفعوله.

مليكة: ماذا تشتغل سيد جون؟ وكانت مشغلة التسجيل.

جون: أنا السيد جون، أكبر رجل سلاح ومخدرات في مصر.

وقعدت مليكة تسأله وهو يجاوب لحد ما سجلت الدليل، وطلع زين ومازن وحطوا الكلبشات في إيديه وأخدوه على الحبس.

زين: تقدروا تروحوا يا ملك أنتي وفرح دلوقتي، وإحنا هناخده على القسم وهنعطي الأدلة للواء.

ملك: تمام عن إذنك، بس فين فرح؟

عند مازن وفرح.

مازن: إيه اللي أنتي كنتي بتقوليه دي؟

فرح: قلت إيه أنا؟

مازن: على أساس مش عارفة يا حلاوة يا ولاد.

فرح: أنت بتغير يا بطة؟ يا حبيبي أنت أحلى حاجة في حياتي، ده كان لزوم الخطة مش أكتر.

مازن: وحتى لو ما تتكلميش كده مع راجل غيري.

فرح: ماشي يا حبيبي، يلا باي بقى عشان ملك مستنياني.

مازن: خدي بالك من نفسك وأول ما توصلي رني عليا.

فرح: ماشي، سلاموز بقى.

مازن: سلام يا قلبي.

مشيت ملك وفرح روحوا على البيت، ومازن وزين راحوا القسم وسلموا الأدلة للواء.

اللواء: أنا مبسوط منكم أوي وأنا كنت واثق أنكم قد الثقة.

زين: دايمًا يا رب يا فندم عند الثقة، نستأذن إحنا بقى عشان تعبنا خالص اليوم ده.

اللواء: اتفضلوا، روحوا. وكل واحد نام من كتر تعب اليوم.

في الصباح، رنت فرح على ملك.

فرح: صباح الخس الك أنتِ وبس.

ملك: صباح التوت أنا بحبك موت.

فرح: مش هتصدقي يا ملوكة، عندي ليكي مفاجأة هتحبيها قوي.

ملك: مفاجأة إيه؟ قولي بسرعة يا فروحتي.

فرح: المقابل.

ملك: مادية قوي، هجيبلك مصاصة فراولة.

فرح: أشطا يا معلم، المفاجأة بقى معتز أخويا نازل من تركيا.

ملك: وأخيرًا! واحشني قوي ابن الإيه، بس لما يرجع هنعمل فيه زي زمان.

(معتز أخو فرح، يمتلك عيون زيتوني وشعر أسود وبشرة قمحية وجسم رياضي، عنده 24 سنة، وهو أخو ملك في الرضاعة).

ملك: الطيارة بتاعته امتى؟

فرح: على الساعة 3:00.

ملك: إيه رأيك نستناه في المطار ونعملها مفاجأة؟

فرح: أشطا يا معلم، هجهز واستناكي تعدي عليّ.

عدى الوقت، وملك وفرح جهزوا وراحوا المطار يستقبلوا معتز.

فرح: أول ما شافت معتز جريت أخدته في حضنها، وحشني قوي.

معتز: وإنتِ كمان يا قلب أخوكي، كبرتِ وبقيتِ عروسة يا حبيبتي، وحشاني خالص. أوعي بقى أسلم على ملك.

معتز: أخبارك يا ملك؟ وحشاني خالص.

ملك: وإنت كمان يا أبيه وحشني كده النجوم اللي في السماء.

في الوقت ده، مازن وزين كانوا في المطار بيستقبلوا صديقهم، وشافوا ملك وفرح. زين الدنيا اسودت في وشه أول ما شاف ملك في حضن معتز. ومازن قال لفرح: إنتِ بتعملي إيه هنا؟ لسه فرح هترد كان زين نزل ضرب في معتز، ومازن بيحاول يبعده عن معتز بس مش قادر.

فرح: سيبه يا زين لو سمحت، ده أخويا.

زين: (وما زال يضرب في معتز) حتى لو أخوكي، كيف يتجرأ ويحضن حاجة تخص زين!

ملك: إنت كيف تمد إيدك عليه ده أخويا، ومش مسمحلكش تدخل في حياتي كده.

زين: أخوكي إزاي؟

فرح: أختها في الرضاعة، مامة ملك كانت بتسيبها عندنا وماما كانت بترضعها معايا.

زين: أنا آسف يا أستاذ معتز، ما كنتش أعرف.

معتز: (وهو بيمسك وشه بوجع) إنت إيدك تقيلة قوي.

زين: (حس بحرج من تسرعه) أنا آسف مرة تانية، يا ريت تسامحني.

مازن: (عشان يلطف الجو) أهلًا وسهلًا أستاذ معتز، بس فرح ما قالتليش قبل كده إن عندها إخوات أولاد.

فرح: ما حصلش فرصة وإنت ما سألتش.

مازن: عادي يا حبيبتي ولا يهمك، إيه رأيكم ناكل بره ونتعرف على الأستاذ معتز أكتر؟

معتز: لأ أنا كلت كتير قوي، مش عايز آكل تاني.

زين: اقبل الدعوة عشان أتأكد إنك سامحتني.

معتز: ماشي يا سيدي، ولو إنك بوظت برستيجي بس أنا مسامحك، وهنتغدى بره بس على حسابكم.

زين: أكيد طبعًا، اتفضلوا.

ذهبوا إلى المطعم وطلبوا الطعام وابتدوا ياكلوا، وزين ما شالش عينه من على ملك، ومازن كذلك الأمر.

معتز: راعوا مشاعري أنا سنجل وسطيكم وإنتوا سرحانين في العيون كده.

ملك: (انحرجت) أحم، أنا شبعت هطلع أشم شوية هوا.

طلعت ملك وزين طلع وراها.

زين: أنا آسف يا ملك ما كانش المفروض أعمل كده.

ملك: ممكن أفهم إيه اللي إنت عملته ده؟

زين: هتصدقيني لو قلتلك أنا مش عارف؟ أنا فجأة لقيت نفسي بضربه وما حسيتش بحاجة تانية غير إني عايز أضربه.

ملك: بس إنت ما لكش الحق، وأنا مش مسمحاك.

زين: خلاص بقى، مدام إنتِ مش هتصالحيني أشوف واحدة تانية أديها الشوكولاتة والمصاصة دي.

ملك: إيه يا عم إنت الكلام أخد وعطا، هات الشوكولاتة.

زين: مسمحاني الأول؟

ملك: خلاص مسمحاك بس ما تعملش كده تاني.

زين: حاضر يا ملوكتي، أحلى شوكولاتة لأحلى ملك في الدنيا.

ملك: والمصاصة؟

زين: خدي أهي ما يغلوش عليكي.

ملك: شكرًا يا زينو، إنت أحسن صديق عندي.

زين: وإنتِ أغلى حاجة عندي، تعالي بقى ندخل نقعد معاهم جوه.

ملك: يلا.

دخلوا جوه وقعدوا معاهم.

فرح: أنا عايزة أعمل حفلة بمناسبة رجوع معتز حبيبي.

مازن: مين يا عنيا؟ إياكِ أسمعك تقولي لحد حبيبي غيري سامعة!

فرح: إيه يا حبيبي ده أخويا.

مازن: وحتى لو، ما تقوليش ليه.

معتز: بتغيري يا بطة؟ دي أختي يا أهبل.

فرح: خلاص اهدوا إنتوا الاتنين.

ملك: تمام الحفلة هتبقى امتى؟

فرح: بالليل هيبقى حلو.

ملك: هنلحق نجهز كل حاجة؟

فرح: لو مشينا دلوقتي هنلحق نجهز كل حاجة.

ملك: ماشي تمام، يلا نمشي عشان نلحق. يلا يا معتز.

فرح: وإنتوا مش محتاجين عزومة.

ذهبوا ملك وفرح ومازن لبيت فرح، وملك أخبرت أمها أنها سوف تبقى مع فرح، وأخبرتهم بالحفلة.

خبطوا على الباب وفتحت أم فرح.

معتز: وحشاني يا ست الكل.

الأم: وإنت كمان يا ابني واحشني قوي.

معتز: بابا عامل إيه؟ واحشني.

الأب: الحمد لله يا ابني، وإنت كمان واحشني.

فرح: كفاية عشق ممنوع بقى، ويلا نبدأ في تجهيزات الحفلة.

الأب: حفلة إيه دي؟

فرح: حفلة برجوع أخوي حبيبي، وهنعزم فيها الناس القريبة بس.

وابتدوا في تجهيزات الحفلة، وبعد عدة ساعات انتهوا من التزيين وبدأوا يجهزوا نفسهم.

ابتدوا يجهزوا نفسهم. فرح لبست فستان فيروزي ضيق من فوق وينزل باتساع، ولبست طرحة سودة وشوز اسود ومكياج خفيف، وكانت زي القمر.

وملك لبست فستان بنفسجي وطرحة بيضاء وشوز ابيض ومكياج خفيف، وكانت جميلة بمعنى الكلمة.

معتز كان لابس بدلة سوداء وقميص ابيض وجزمة سوداء.

نزلوا وابتدوا في استقبال الضيوف، وفجأة ملك وفرح بصوا على الباب وكان زين ومازن، كانوا لابسين بدل سوداء.

مازن: إيه يا بت الحلاوة دي! في يوم هتموتيني من كتر جمالك.

فرح: بعد الشر عليك يا ميزو.

مازن: طب مفيش كلمة حلوة ليا؟

فرح: تؤتؤ.

مازن: خلاص ماشي، أنا هروح أشوف البنت اللي هناك دي بتشاورلي، يمكن تقولي كلام حلو.

فرح: تروح فين يا عنيا؟ ده أنا أموتك وأموتها.

مازن: يا حبيبتي أنا بهزر، محدش يملى عيني غيرك يا قلبي انتي.

فرح: بس بقى بتكسفني الأَه.

مازن: أموت أنا في الفراولة يا ناس.

فرح: تعالى بس نشوف الضيوف.

مازن: يلا يا حبيبتي.

عند زين وملك:

زين: انتي طالعة حلوة أوي يا ملوكتي.

ملك: شكرًا، ده من ذوقك.

زين: انتي فصيلة أوي يا بت، أقولك حلوة تقولي شكرًا.

ملك: ده اللي عندي.

زين: عبو شكلك باردة.

ملك: بتقول حاجة يا زين؟

زين: بقول تعالي نستقبل الضيوف مع فرح.

ملك: تمام ماشي.

ابتدت الحفلة، ومازن مسك المايك وقال: "الأغنية دي بهديها لحبيبة قلبي"، أغنية "من أول دقيقة"، وراح عند فرح ونزل على ركبته وقال: "تسمحيلي بالرقصة دي؟".

فرح: هزت راسها، ومازن مسك إيدها وابتدوا يرقصوا.

"بغير من عيني وأنا شايفك وده اللي وصلت ليه

لو أسمع اسمي بشفايفك بقولك قرريه

وعمري ما هقدر أوصفلك بحبك قد إيه"

زين راح لملك وقال: "تسمحيلي بالرقصة دي؟".

ملك: كانت هترفض بس جه معتز وقاله: "أكيد طبعًا هترقص، دي راقصة محترفة".

زين: دي ما اعتقدش.

ملك: ومالك متأكد أوي كده؟

زين: أثبتيلي العكس.

ملك: ماشي موافقة، لو كسبت هتجيبيلي شيكولاته ومصاصة فراولة.

زين: بكلم طفلة أنا، موافق. ولو كسبت أنا...

ملك: اللي انت عايزه، مش يمكن نطلع تعادل؟

معتز: أنا هبقى الحكم وهتابع تحركاتكم وأشوف مين أحسن.

ملك وزين في صوت واحد: أوكي. وابتدوا يرقصوا.

"من أول دقيقة لحبك قلبي مال، عرفت بمية طريقة تغير حال بحال

بتوه بين الحقيقة يا عمري والخيال"

خلصت الأغنية وكلهم بيسقفولهم بحرارة.

زين وملك راحوا عند معتز: "هاه مين فينا اللي كسب؟".

معتز: بصراحة انتوا الاتنين أحلى من بعض، انتوا كابلز يجنن.

ملك: كنت قولت أنا، كان هيجيبيلي شيكولاته، كده ضيعتهم عليا.

معتز: أكدب يعني؟

زين: خلاص يا ستي هجبلك شيكولاته من غير حاجة، انتي فعلًا كان رقصك حلو، ما تزعليش. بكرة الشيكولاته والمصاص يكون عندك.

ملك: شكرًا، انت أحلى زينو في الدنيا. وحضنته من الفرحة، وبعدين استوعبت اللي هي عملته وانحرجت أوي.

ملك: أنا آسفة ما كانش قصدي.

زين: عادي ولا يهمك، ده إحنا نفرحك على طول بقى.

ملك: قالت: "عن إذنك"، وسابته ومشيت.

زين: في نفسه: "ياه لو تعرفي أنا بحبك قد إيه، بس خايف يكون حب من طرف واحد وقلبي يتكسر".

خلصت الحفلة وكل واحد روح على بيته وناموا.

صحي زين في الصبح وهو مقرر إنه يقول لملك على مشاعره. رن على ملك.

زين: ممكن يا ملك نتقابل؟ عايز أكلمك في موضوع.

ملك: تمام مفيش مشكلة، نتقابل فين؟

زين: أنا هاجي أخدك بالليل الساعة تمانية، والمكان خليه مفاجأة.

ملك: تمام موافقة.

زين: هبعتلك هدية، ممكن تقبليها لو سمحتي؟

ملك: بس بمناسبة إيه الهدية؟

زين: من غير مناسبة، حبيت أهدي صديقتي هدية، أتمنى تقبليها.

ملك: بس مش هينفع.

زين: عشان خاطري يا ملوكتي.

ملك: خلاص تمام.

قفلت ملك مع زين وراحت تكلم فرح.

ملك: صباح الأناناس على أحلى نسناسة.

فرح: صباح الليمون على أحلى عيون.

ملك: فروحتي بصراحة عايزة أحكيلك حاجة وآخد رأيك فيها.

فرح: احكي يا قلبي.

ملك: (حكت لها كل اللي قاله زين).

فرح: أنا أفتكر إنه هيصارحك بمشاعره أكيد.

ملك: تفتكري يا فروحتي؟

فرح: أكيد يا قلبي، بس اتقلي شوية يا بت.

ملك: ما أنا شايفة تقلك مع مازن أوي!

فرح: بيضحك عليا بكلمتين.

ملك: ما أنا عارفكي يا أختشي، هو انتي هتقوليلي!

فرح: أما نشوفك يا ست ملك.

ملك: عيب يا بت، ده أنا ملك والأجر على الله.

فرح: هنشوف يا حبيبتي.

ملك: إشي هقفل أنا دلوقتي وهبقى أكلمك.

فرح: تمام بس احكيلي اللي هيحصل.

ملك: تمام سلاموززز يا فروحتي.

فرح: سلاموز يا قلب فرح.

عند ملك، جرس الباب رن، راحت فتحت لقت عامل التوصيل.

الشخص: لو سمحتي، انتي الآنسة ملك؟

ملك: أيوه أنا.

الشخص: اتفضلي البوكس ده ليكي وامضي هنا.

ملك: تمام.

مضت وأخذت البوكس ودخلت أوضتها. فتحت البوكس كان فيه فستان أحمر طويل، ضيق من فوق ومنفوش من تحت، وكان فيه طرحة سودة وشوكولاتة. لقت ملك رسالة فتحتها كان مضمونها: "أتمنى تلبسي الفستان ده بالليل، والشوكولاتة دي اللي وعدتك إني أجيبها، وهستناكي على الساعة تمانية تحت البيت متتأخريش".

سابت الرسالة ومسكت الفستان، الوقت مر وملك جهزت نفسها وحطت مكياج خفيف ونزلت لقت زين مستنيها عند العربية.

زين: بسم الله ما شاء الله، ملاك في هيئة بشر، جميلة جداً يا ملوكتي.

ملك: شكراً من ذوقك، وشكراً على الفستان حلو أوي.

زين: تؤ تؤ، الفستان بقى حلو لما لبستيه.

ملك: مش هنمشي ولا إيه؟

زين: أكيد طبعاً، اتفضلي.

فتح ليها باب العربية، ركبت وهو ركب.

زين: ممكن أعمل حاجة؟

ملك: إيه؟

زين: أنا هغمي عنيكي بشريط ده لحد ما نوصل عشان المفاجأة.

ملك: أنت هتخطفني ولا إيه؟ أنا عايزة ماما!

زين: (ضحك عليها) متخافيش مش هخطفك.

ملك: والله يا باشا أعضائي بايظة، مفيش حاجة سليمة.

زين: بس يا مجنونة.

غمى لها عينيها ومشي، بعد شوية وقت.

ملك: إحنا مش هنوصل ولا إيه؟

زين: إحنا خلاص وصلنا أهو.

نزل زين وفتح الباب لملك ومسك إيدها وقال: جاهزة؟

ملك: أيوه جاهزة.

شال الشريط من على عيونها وملك وقفت متنحة، كان المكان على البحر وفيه ترابيزة متزينة بالورد وعليها جميع الأكل اللي ملك بتحبه.

ملك: الله المفاجأة حلوة أوي، شكراً بجد يا زين.

زين: مش أجمل منك، ربنا يقدرني وأسعدك دايماً. تعالي ناكل.

ملك: إيه ده! كل الأكل اللي بحبه، عرفته إزاي؟

زين: بصراحة كلمت أحمد وهو قالي.

قعدوا يأكلوا وخلصوا أكل، وزين قام وقف وملك كمان.

زين: (نزل على ركبته وقال) ملك، أنا بحبك، أنا عديت مراحل الحب بكتير، أنا بعشقك يا ملك.

وطلع خاتم من جيبه وقال: تقبلي تكوني شريكة حياتي ونصفي التاني؟

ملك: (هزت راسها).

زين لبسها الخاتم وقام شالها ولف بيها.

زين: طب مش هتقوليلي بحبك؟

ملك: تؤتؤ.

زين: طب أنا زعلان منك ومش هكلمك.

ملك: أنت زعلت يا بيضة؟ زين، أنا أنا بحب بحبك، وبتمنى تكون أنت اللي ربنا كاتبه لي أكمل حياتي معاه.

زين: وأنا بحبك يا ملوكتي، تعالي نرقص.

ملك: فين الموسيقى؟

زين: استني دقيقة.

راح جاب سماعة وشغل أغنية "سمعني نبضك"، وقعدوا يرقصوا على الأغنية لحد ما خلصت.

ملك: ياه أنا مبسوطة أوي يا زين.

زين: ربنا يقدرني وأجعلك دايماً مبسوطة يا حبيبتي.

ملك: أنا اتأخرت أوي لازم نمشي.

زين: تمام يا حبيبتي يلا أوصلك.

ركبوا العربية ووصلوا البيت.

ملك: تصبح على خير يا حبيبي.

زين: وأنتي بخير يا ملوكتي، أبقى خديلي معاد من أحمد عشان آجي أطلبك رسمي.

ملك: ماشي يا زينو، سلام.

زين: سلام.

فضل واقف بالعربية لحد ما ملك اختفت وبعدين مشي روح بيته.

طلعت ملك البيت وفتحت لها أمها، ملك مسكت أمها وقعدت تلف بيها.

الأم: سيبيني يا مجنونة هقع.

ملك: مبسوطة أوي يا ماما، زين اعترفلي بحبه وهييجي يتقدملي رسمي ولبسني الخاتم ده بصي.

الأم: وأنتي كيف تخرجي مع زين من غير ما تقوليلي؟

ملك: ما هو يا ماما بصراحة، ومفاجأة لقت أحمد طالع، قالت: أنا قلت لأبيه أحمد إني طالعة مع زين.

أحمد: إمتى الكلام ده؟ أنتي قولتيلي؟

ملك: (قاعدة تأشر له إنه يقول قالته).

أحمد: آه افتكرت، هي قالتلي إنها طالعة مع زين.

الأم: تاني مرة متخرجيش غير لما تقوليلي.

ملك: حاضر يا ماما، زين طلب مني آخد معاد منكم عشان ييجي يتقدم ليا.

الأم: قوليله بكرة الساعة 9:00.

ملك: حاضر يا ماما، تصبحوا على خير.

الأم: وأنتي من أهله.

دخلت ملك رنت على زين.

ملك: وصلت البيت يا زين.

زين: آه يا حبيبتي لسه واصل.

ملك: ماشي يا حبيبي، ماما قالت تقدر تيجي تتقدم بكرة الساعة 9:00. تمام يا قلبي هكون على الوقت.

ملك: تمام، تصبح على جنة.

زين: وأنت من أهلها يا روحي.

عند زين في الصبح كان في المكتب وتليفونه رن.

زين: ألو.

الضابط: يا زين باشا، المجرم اللي اسمه جون هرب من عربية الترحيلات، وكان في عربية مستنياه وولع في عربية الشرطة والعساكر اتصابت.

زين: أنتوا فين طيب؟

الضابط: على الطريق الرئيسي.

زين: تمام، أنا هطلب الإسعاف وهاجي.

طلب الإسعاف وراح لقى عربية الشرطة مولعة والعساكر في اللي متصاب واللي اتوفى. تم نقلهم على المستشفى وزين اطمن عليهم ورجع القسم تاني. رن على مازن وملك وفرح وقالهم لازم يجوا فورًا. بعد شوية وقت وصلوا.

ملك: خير يا زين، في حاجة حصلت؟

زين: جون هرب، وأكيد مش هيسيبكم في حالكم. هو شافكم أنتي وفرح وأكيد هيحاول ينتقم منكم.

ملك: بس قدر يهرب كيف؟ أكيد حد ساعده.

مازن: يعني دلوقتي هو حر وممكن ينتقم في أي لحظة؟

زين: ما أنا جامعكم عشان نشوف حل، وملك وفرح ماينزلوش من البيت لحد ما نمسكه.

ملك: بس يا زين احنا مش هنتخبى منه، احنا هنشوف خطة نحاول نمسكه بيها بس مش هنتخبى.

زين: يا حبيبتي أنا خايف عليكي مش هقدر أخاطر بحياتك.

ملك: طول ما أنت معايا مش بخاف من حاجة.

زين: ماشي يا قلبي. اسمع يا مازن، واحد من الظباط قدر ياخد رقم العربية اللي هرب بيها، عايزك تجيبلي كل المعلومات عنها.

مازن: في ظرف ساعة هجيبهم لك.

زين: تمام، واحنا هنستناك ما تتأخرش.

مازن: تمام.

فرح: استنى هاجي معاك.

مازن: خليكي، وأنا مش هتأخر.

فرح: لا أنا هاجي معاك.

مازن: تعالي طيب.

مشي فرح ومازن.

زين: أنا آسف يا روحي مش هقدر أجي أتقدملك النهارده، بس أوعدك نخلص من اللي اسمه جون ده، وأنا وكل حاجة هترجع طبيعية، ما تزعليش مني.

ملك: لا يا حبيبي مش زعلان. لو مش النهارده بكرة. المهم أنت أكلت؟

زين: أنا مش جعان.

ملك: إزاي بس مش جعان؟ أنا هروح أجيب أكل من المطعم القريب هنا وناكل أنا وأنت ومش عايزة أي اعتراض.

زين: خلاص يا حبيبتي تمام.

ملك: مش هتأخر.

راحت ملك تجيب الأكل وهي راجعة لقت واحد مغمى عليه في الشارع، جريت عليه وحاولت تفوقه وبعدين حد رش حاجة على وشها، اغمى عليها.

الشخص: قوم بقى وهات في العربية بسرعة قبل ما حد ياخد باله.

قام الشخص وشال ملك وحطها في العربية ومشي.

عند زين.

جه مازن وفرح.

مازن: أهي يا زين كل المعلومات عن العربية دي.

فرح: أمال ملك فين؟

زين: خرجت تجيب أكل.

لسه ما كملش الكلمة واحد من الظباط قال:

الظابط: الحق يا زين باشا في ناس خطفوا حضرت الظابط ملك.

زين: امتى الكلام ده؟ ولما شوفتهم ما وقفتهمش ليه؟

الظابط: أنا لما شوفتهم كانوا بيعدوا يا حضرت الظابط.

زين: ما قدرتش تشوف رقم العربية أو أي حاجة توصلنا ليهم؟

الظابط: أيوه افتكرت رقم العربية *****.

مازن: ده رقم العربية اللي معاك صح؟

زين: بص في الورق.

وقال:

زين: هو نفس الرقم.

مازن: أنا أعرف حد ممكن يعرفلنا العربية دي موجودة فين.

زين: تمام، روح بسرعة وأنا هروح أشوف كاميرات المراقبة اللي في المطعم يمكن جابت حاجة.

مازن: تمام.

عند ملك ابتدت تفوق.

ملك: آه أنا فين؟

لقت روحها مربوطة في كرسي وفي شخص قدامها بس مش باين من الضلمة.

ملك: أنت مين وأنا فين ومربوطة ليه كده؟

جون: اهدي يا ملك ولا أقولك يا مليكة.

ملك: زين! هو أنت؟ زين هيموتك.

جون: أنتي في أرض جون عزيزتي، زين مش هيقدر يوصلك.

ملك: زين هيوصلني وفكني أحسن لك.

جون: تعجبيني كثيرًا يا عزيزتي، وأنتِ شرسة. مافيش مانع استمتع شوية وبعدين أموتك؛ لأن تمن الخيانة عند جون هي الموت.

عند مازن رن على زين وقاله على ملك في بيت قديم قريب من الغابة.

زين: تمام أنا هروح دلوقتي وأنت هات القوة وتعالى ورايا.

مازن: تمام بس خد بالك من نفسك.

اتجه زين إلى المكان.

عند ملك.

جون: لا تخافي يا عزيزتي أنا مش هاذيكي.

ملك: نجوم السما أقربلك مني.

جون: يبقى هستخدم معاكي العنف.

في الوقت ده كان زين وصل وبيحاول يتخلص من الحراسة اللي بره. وبعد وقت وصل مازن والقوة وابتدوا يهجموا مع زين. خلصوا على الحراس اللي بره ودخلوا البيت، وكل ما حد يشوفوه يضربوا عليه نار لحد ما سمعوا صوت ملك وهي بتصرخ جوه. زين جري على الصوت وصل عند ملك لقى جون بيحاول يقرب منها، بعد عنها ونزل فيه ضرب، وجون بيسد له الضربات وفجأة جون مسك المسدس ووجهه ناحية ملك وقال:

جون: إذا ما كنتش ليا مش هتبقى لحد غيري.

وفجأة سمع صوت ضرب نار.

زين: ملك!

زين: ملك حبيبتي، انتي كويسة؟ حصلك حاجة؟

ملك: متخفش، أنا كويسة.

زين: (حضنها جامد وقال) أنا بحبك يا ملك، أوعي تبعدي عني في يوم، أنا من غيرك ولا حاجة.

ملك: وأنا بحبك أوي، ومش هسيبك أبدًا.

مازن: طب على الأقل اشكروني عشان أنقذتكم، لولا الطلقة اللي أنا ضربتها على المجرم كان زمانك ميت دلوقتي.

زين: فصيل أوي يا واد أنت، عمومًا شكرًا يا سيدي.

مازن: العفو يا أخويا، أروح أخد المجرم أنا وفرح على المستشفى وأنت هات ملك وتعالى ورايا.

زين: أوعى تنسى تكلبشه، لأحسن يهرب، ده حسابه كبر أوي.

مازن: متقلقش أنت.

نادى مازن واحد من الظباط وشال معاه جون وراح بيه على المستشفى، وزين أخذ ملك وروحها على البيت.

في الطريق، زين: أنت كويسة؟ حد جه جنبك؟ اتكلمي يا حبيبتي ساكتة ليه؟

ملك: متخفش، أنا كويسة، أنا مش عارفة لو مكنتش وصلت كان عمل فيا إيه، أنا كنت خايفة أوي.

زين: متخافيش يا حبيبتي، طول ما أنا جنبك محدش يقدر يأذيكي، وبعدين أنتِ نسيتي إنك ظابط ولا إيه؟ اجمدي بقى، أمال داخلة كيف كلية شرطة؟

ملك: دخلتها من كلية صيدلة. (ضحكت)

زين: أيوه كده، خلي الدنيا تنور.

ملك: بس بقى، بتكسفني.

زين: إيه ده، الفراولة طلعت في وشك.

ملك: زين، الله بس بقى.

زين: خلاص يا حبيبتي بس، وأنتِ فراولة كده بتبقي عايزة تتكال، متخليهمش يظهروا تاني، أنا مش مسؤول بعد كده.

ملك: أنا مالي، مش أنت اللي بتكسفني؟

زين: حد يتكسف من حبيبه برضه؟ وعن قريب هبقى جوزك.

ملك: بس احنا وصلنا، نزلني بقى، أكيد ماما قلقانة عليا أوي.

زين: ماشي، توهي في الموضوع براحتك، مصيرك تقعي تحت إيدي وساعتها مش هرحمك.

ملك: هتنزل معايا؟

زين: لا، هروح عند مازن، أبقي سلمي على ماما واعتذري لها إني مش هقدر أجي النهاردة، بس إن شاء الله بكرة أجي.

ملك: تمام يا حبيبي، باي.

زين: باي باي.

مشي زين بالعربية راح عند مازن لقاه واقف قدام الأوضة.

زين: ها يا مازن، حالته إيه؟

مازن: بيطلعوا له الرصاصة، لسه محدش طلع من عنده.

اتفتح باب العمليات والدكتور طلع.

الدكتور: مين تبع المريض؟

مازن: ده مجرم، حالته إيه دلوقتي؟

الدكتور: إحنا عملنا اللي علينا بس الرصاصة كانت قريبة من القلب ومقدرناش ننقذه، البقاء لله.

مشي الدكتور.

زين: ربنا رحمه مني، أنا كنت هوريه الموت وميطولوش.

مازن: يلا، ربنا خد حقك من غير ما تلوث إيدك فيه، خلينا نمشي.

طلع زين ومازن.

زين: أنا بكرة هتقدم لملك، عايزك تبقى معايا يا صاحبي.

مازن: ألف مبروك، أكيد طبعًا هبقى معاك.

زين: أنا بفكر أعمل الخطوبة بعد يومين.

مازن: ربنا يتمملك على خير.

زين: أنت لسه معملتش الخطوبة؟ إيه رأيك نعملها أنا وأنت في يوم واحد؟ وأكيد البنات هيفرحوا.

مازن: فكرة حلوة أوي، أكلم أبو فرح ونتفق معاه.

زين: يلا نمشي، أنا تعبت أوي النهاردة، أشوفك بكرة.

مازن: تمام، سلام يا صاحبي.

زين: سلام.

روحوا وكل واحد راح ينام، جه تاني يوم كانت فرح بتجهز نفسها وفرح معاها من الصبح.

ملك: ها يا فرح، شكلي حلو؟

كانت ملك لابسة فستان كاشميري وطرحة بنفسجي واكتفت بملمع شفاه وكانت زي القمر.

فرح: حلو أوي يا قلبي.

عند زين كان لابس بدلة بيج وجزمة سودا وساعة سودا واتجه إلى بيت ملك وكان معه مازن. وصلوا وخبطوا على الباب، فتحت لهم أم ملك وأحمد واستقبلتهم ودخلوا الصالون.

زين: أمال ملك فين؟

مازن: مستعجل ليه يا عريس؟ أصبر شوية.

زين: لم دورك يا مازن، أنت مشوفتش نفسك كنت عامل كيف ساعة ما اتقدمت لملك؟

مازن: ودي حاجة تتنسي برضه؟

الأم: خلاص بقى يا مازن، دقيقة يا بني أندهالك.

دخلت أم ملك ندهتها من جوه وأدتها الصينية تقدمها، طلعت ملك وهي راسها في الأرض، قدمت العصير وقعدت جنب فرح.

زين: من ساعة ما دخلت مشلش عينه من عليها.

مازن: (همس لزين) كفاية كده، هتاكل البنت بعينيك.

زين: بص لأم ملك واتكلم: أنا طالب أيد ملك.

أحمد: إحنا مش هنلاقي أحسن منك لأختي، بس رأي ملك، ها يا ملك موافقة على زين؟

ملك: (باصة لتحت ابتسمت وهزت راسها).

زين: نقرا الفاتحة.

قرأوا الفاتحة وأم ملك ضربت زغروطة.

الأم: لووولوووووووي، مبروك يا حبيبتي.

زين: أنا عايز نعمل الخطوبة بعد يومين، وخطوبة مازن هتبقى معايا.

أحمد: بس مش بدري كده، ملك مش هتلحق تجهز نفسها.

زين: أنا هجهز كل حاجة متخافش.

أحمد: تمام على بركة الله.

زين: بكرة البنات ينزلوا يشتروا الفساتين واللي هما محتاجينه.

أحمد: إن شاء الله.

زين: تمام نستأذن إحنا بقى.

الأم: خليك يا بني لسه بدري.

زين: معلش يا طنط عشان نلحق نجهز كل حاجة.

الأم: طنط إيه بقى، قولي يا ماما لو مش هيضايقك يا بني، إحنا بقينا أهل.

زين: حاضر يا ماما، أستأذن أنا بقى.

الأم: إذنك معاك يا حبيبي.

مشي زين وملك قالت: يا ماما أنا جعانة وعايزة آكل، بقالي كتير مكلتش.

الأم: همك على بطنك، مش من شوية واكلة؟

ملك: أديكي قولتي من شوية، يلا جهزي العشا وأنا هغير وأجي.

الأم: أنا مش عارفة هتفتحي بيت كيف أنتي.

ملك: بالمفتاح يا ماما، أنا مش عارفة أنتي بتسألي أسئلة غير منطقية.

الأم: أنا بسأل أسئلة غير منطقية؟ روحي يا ملك يا بنتي حسبي الله ونعم الوكيل فيكِ، هتيجي في يوم تجيبي لي جلطة.

ملك: بعد الشر عليكي يا ست الكل، جهزي الأكل بقى.

الأم: (مسكت أبو وردة وهو حدفته في وش ملك).

ملك: رمية موفقة يا ست ماما، يلا بقى جهزي العشا.

الأم: منك لله يا ملك، لو خلفت قرد كان هينفعني.

ملك: هو إيه يا ماما حكاية الحيوانات معاكي، على طول بتشبهيني بيهم؟

الأم: عشان الحيوانات كانت هتنفعني عنك.

ملك: طب أنا غيرت هدومي وأنتي لسه مجهزتيش العشا، أعمل إيه أنا دلوقتي؟

الأم: تعالي جهزي معايا السفرة.

ملك: أنا عروسة معملش حاجة عشان بشرتي تبقى حلوة.

الأم: أنتي هتعيشي الدور من دلوقتي؟ قومي بدال أبو وردة يسلم عليكي، قال عروسة.

ملك: وعلى إيه الطيب أحسن، هاتي يا ست ماما.

جهزوا السفرة وقعدوا ياكلوا وملك ندهت على أحمد وقعدوا ياكلوا في جو لا يخلو من الضحك. ملك خلصت وقالت: أقوم أنام بقى.

الأم: تنامي دلوقتي؟ ولا عايزة تهربي من المواعين؟

ملك: عرفتي إزاي؟ أقصد لا يا ماما أنا عايزة أنام عشان بكرة هنروح نشتري الفساتين.

الأم: ماشي يا ملك، روحي نامي.

ملك: تصبحي على خير يا ست الكل، وأنت يا أحمد تصبح على خير.

الأم: وأنتي من أهله.

في الصباح، جهزت ملك وفرح، وجاء مازن وزين وأخذوهما إلى المول ليشتريا الفساتين.

زين: اختاري يا حبيبتي أنتي وفرح الفساتين، وأنا وزين هنجيب البدل ونيجي، مش هنتأخر عشان نروح نجيب الشبكة.

ملك: ماشي يا حبيبي، بس متتأخرش.

راح زين ومازن جابوا البدل ورجعوا، البنات كانوا لسه مخلصوش.

زين: إيه يا حبيبتي، خلصتي؟

ملك: مش عارفه أختار، الفساتين أحلى من بعض، اختار أنت.

زين: حاضر يا حبيبتي.

مازن: وأنتِ اخترتِ حاجة ولا أختارلك أنا؟

فرح: لا، أنا هختار لنفسي.

مازن: أنتِ هتنبهري بذوقي.

فرح: خلاص اختار أنت، أما نشوف.

زين: اختار لملك فستان سواريه منفوش من تحت وبأكمام شفافة، شكله حلو أوي، حلو ده يا ملك؟

ملك: حلو أوي، مكنتش أعرف إن ذوقك حلو كده.

ومازن اختار فستان سواريه منفوش من تحت بأكمام شفافة، وكان شكله حلو أوي.

مازن: ها يا فرح، حلو ذوقي ولا إيه؟

فرح: مش بطال.

مازن: خلاص اختاري أنتِ.

فرح: لا يا حبيبي، ذوقك حلو أوي، أنا هاخده.

اشتروا الفساتين وطلعوا على محل الدهب ودخلوا.

الصائغ: أهلًا وسهلًا حضرة الظابط زين، تأمر بحاجة؟

زين: عايزين نشتري شبكة.

الصائغ: تحت أمرك، فيه تشكيلة نازلة جديد حلوة أوي. اتفضل أهي، اختاري يا آنسة.

ابتدت ملك وفرح يختاروا الشبكة.

ملك: شاورت على خاتم رقيق أوي وقالت: أنا هاخد ده.

الصائغ: ذوقك حلو.

ملك: شكرًا.

فرح: شاورت على واحد يشبه بتاع ملك: وأنا هاخد ده.

الصائغ: تمام، ذوقكم راقي جدًا.

حاسبوا الصايغ ومشوا.

زين: تعالوا نتغدّى بره، إيه رأيكم؟

ملك: تمام، معندناش مانع.

فرح: يالا أنا جعانة أوي.

مازن: يالا بدل ما تأكليني.

فرح: بقى كده! ماشي.

مازن: يا حبيبتي أنا بهزر، تعالي يالا أوديكي أحسن مطعم.

ذهبوا إلى المطعم وطلبوا الأكل، وابتدوا يأكلوا في جو مليء بالمرح والضحك، وخلصوا وحاسبوا وروحوا.

زين: أنا همشي يا حبيبتي، وبكره الميكب آرتيست هتكون عندك.

ملك: ماشي يا حبيبي.

مشي زين، وملك طلعت بيتها ونامت عشان بكره اليوم هيبقَى طويل عليهم، لازم تبقى فايقة.

تاني يوم الصبح، فرح وملك كانوا في أوضة في الفندق، وكانوا بيجهزوا والميكب آرتيست معاهم.

كانت ملك لابسة فستان فيروزي، وكانت تضع مكياج خفيف، وكانت زي القمر بفستانها.

وفرح كانت لابسة فستان نبيتي ومكياج خفيف، وكانت حلوة أوي.

ومازن وزين كانوا لابسين بدل سودة.

عند ملك وفرح، الباب خبط وكان زين ومازن.

زين: أول ما شاف ملك تنح من كتر جمالها: هتموتيني في يوم من جمالك، دي طالعة حلوة أوي يا حبيبتي.

ملك: وأنت كمان طالع حلو أوي يا حبيبي.

مازن شاف فرح قال: لو سمحتِ خطيبتي كانت هنا، راحت فين؟

فرح: والله يعني أنت مش عارفني؟

مازن: بهزر يا حبيبتي، حد يقدر ينسى القمر ده؟ طالعة حلوة أوي يا حبيبتي، ربنا يخليكي يا رب يا رب.

فرح: يا رب ويخليك ليا.

مازن: يالا بقى نروح على القاعة، الضيوف مستنيانا.

فرح: يالا يا حبيبي.

واتجهوا إلى القاعة.

زين: حبيبتي يالا عشان نروح القاعة، فرح ومازن مشوا، تعالي عشان منتأخرش على الضيوف.

وصلوا القاعة، كانت متزينة بطريقة جميلة جدًا، وأول ما دخلوا الورد نزل عليهم من فوق، وبعدين قعدوا على المكان المخصص ليهم.

جاءت أم ملك: يالا يا ولاد، جاء ميعاد لبس الدبل.

لبس زين ملك الخاتم وباس إيدها وقال: مبروك عليا أنتِ.

ملك: الله يبارك فيك.

ولبسته الدبلة.

ومازن لبس فرح الخاتم وهي لبسته الدبلة.

وهنا انطلقت الزغاريط وابتدوا يباركوا للعروسين.

اشتغلت الأغاني وبدأوا يرقصوا سلو على أغنية "من أول دقيقة".

"بغير من عيني وأنا شايفك وده اللي وصلت ليه، لو أسمع اسمي بشفايفك بقولك كرريه، وعمري ما هقدر أوصفلك بحبك قد إيه. ارسمني في ليلك نجمة ضيها يلمع في العين، اكتبني في عمرك كلمة يحكوها الناس بعدين، أنا نفسي أعيش في عمري يا حبيبي معاك عمرين. لو تطلبي مني عنيا لو تطلبي عمري كمان، هديكي سنيني الجاية وهكون راضي وفرحان، أنتِ اللي وجودك جنبي حسسني إني أنا إنسان. أنا من أول دقيقة لحبك قلبي مال، عرفت بمية طريقة تغير حال بحال، بتوه بين الحقيقة يا عمري والخيال."

قعدوا يرقصوا لحد ما الأغنية خلصت.

خلصت الحفلة ومازن روح فرح.

مازن: ياه يا فرح أنا مبسوط أوي، عقبال ما تبقي على اسمي يا حبيبتي.

فرح: يا رب يا حبيبي، وأنا كمان مبسوطة.

مازن: دايما يا حبيبتي مبسوطة كده.

فرح: وأنت كمان يا حبيبي.

مازن: طب مفيش بوسة الخطوبة ولا حضن؟

فرح: لا أنا مسمعتش إن فيه كده، أنا أسمع إن فيه كتب الكتاب.

مازن: لا يا حبيبتي فيه، يعني أنا هكدب عليكِ؟

فرح: أنا مقولتش بتكدب، بس أنا مسمعتش إن فيه كده.

مازن: خلاص يا فرح انزلي احنا وصلنا.

فرح: خلاص متزعّلش.

قربت منه، لسه هتبوسه في خده، لف وشه وقبلها بكل حب، بعد عنها وقاله: كده تبقى البوسة يا حبيبتي.

فرح نزلت من العربية من غير ما تبص عليه.

طلعت فرح بيتها ودخلت أوضتها، غيرت ونامت على طول.

ومازن روح بيته هو كمان ونام.

عند زين وملك.

زين: عقبال فرحنا يا حبيبتي.

ملك: يا رب يا حبيبي.

زين: قربي ودنك عايز أقولك حاجة.

ملك: أهو.

زين قبلها بكل حب، وابتعد عنها عندما أحس باحتياجها للهواء.

ملك: أنت قليل الأدب.

زين: أنا عملت حاجة؟

ملك: ولا حاجة، عن إذنك أنا هنزل.

زين مسك إيدها: خلاص متزعليش.

ملك: متعملش كده تاني، وإلا وربنا هزعل منك.

زين: خلاص أنا آسف.

ملك: تمام، تصبح على خير.

زين: خلاص بقى متزعليش، خدي دي.

طلع لها شيكولاتة من جيبه.

ملك: الإله بحبها أوي، أنت مخليها معاك ليه؟

زين: عشان بحب طفلة.

ملك: أنا طفلة؟

زين: وأحلى طفلة كمان.

ملك: تصبح على جنة.

زين: وأنتِ من أهلها يا حبيبتي.

وانتهى اليوم من غير أحداث تانية.

في الصباح، استيقظت بطلتنا وأدت فرضها، ثم خرجت لتجد أمها تُجهز الفطار.

ملك: صباح الخير يا ست ماما، عاملة إيه؟

الأم: الحمد لله يا بنتي.

ملك: أنا بسأل على صحتك، أنا بقولك عاملة إيه أكل؟

الأم: حسبي الله ونعم الوكيل فيكي على الصبح.

ملك: حرام عليكي يا ماما، بتدعي عليا على الصبح.

الأم: كله منك، روحي صحي أخوكي بقى عشان نفطر.

ملك: حاضر يا ماما.

الأم: يارب تعملي حاجة.

ملك: أنا يا ماما بعمل حاجة.

الأم: أنتي ملاك يا حبيبتي، مش بتعملي حاجة وبتقعدي زي النسمة.

ملك: أيون أنا كده، هروح أصحيه بقى.

دخلت لتصحي أحمد، نفخت بالونة ومسكتها وفرقعتها فوق رأس أحمد.

أحمد: آه يا ماما، البيت بيقع.

ملك: ههههههههه هموت مش قادرة ههههههه.

أحمد: حرام عليكي، مش هتكبري أبدًا على الحاجات دي.

ملك: هو أنا كلهم كام يوم وهسيبك، ومش هتلاقي حد يعمل فيك كده، استحملني بقى.

أحمد: ليه يا أختي هتروحي فين؟

ملك: هتجوز يا حبيبي وهسيبلك البيت، بس هعمل في زين.

أحمد: خليه يعلقك، أنا مليش دعوة.

ملك: يعني مش هتقول وحشتني مقالب البت ملك، كانت بتصحيني كل يوم.

أحمد: أنتي بتصحيني، أنتي بتخديني، بس أكيد يا حبيبتي هتوحشيني، هو أنا عندي غيرك أختي حبيبتي.

ملك: وأنت كمان هتوحشني أوي.

أحمد: تعالي في حضني يا حبيبتي.

ملك: إيه يا عم جو العشق الممنوع ده؟

أحمد: طول عمرك فصيلة يا بت أنتي.

ملك: إلا قولي يا أحمد، أنت مش ناوي تعترف بحبك للي بتحبها؟

أحمد: خايف يا ملك متكونش بتحبني، ويكون حب من طرف واحد.

ملك: وأنت هتعرف كيف لو مقولتلهاش؟ قولها يا أحمد، وأكيد هي بتحبك، أنت مز وأي واحدة تتمناك، وغير ده كله أنت أخويا أنا، يعني الناس كلها هتحبك عشان أنا أختك.

أحمد: بلاش غرور، إن شاء الله هحاول أكلمها في الموضوع ده.

ملك: يا لهوتي نسيتني، أنا كنت جاية ليه؟ تعال نفطر اتأخرنا على الشغل.

أحمد: اطلعي أنتِ وأنا هاخد شاور وأحصلك.

بعد وقت، فطرت ملك وراحت عند فرح عشان يروحوا الشغل.

ملك: صباح الأناناس على أحلى نسناسة.

فرح: متأخرة ليه؟

ملك: هي أول مرة يعني؟ احكيلي بس عملتي إيه أنتِ ومازن؟

فرح: قصدك إيه يا بت، أنتِ متغيريش الموضوع.

ملك: يعني مش عارفة؟

فرح: ملك خلاص بقى، يلا على الشغل اتأخرنا.

ملك: يلا بس مش هسيبك غير لما أعرف.

راحوا على الشغل وكل واحدة راحت مكتبها.

في مكتب فرح، الباب انفتح وكان مازن.

فرح: مش في باب يتخبط عليه ولا إيه؟

مازن: ده مكتب خطيبتي، أخبط ليه؟

فرح: مازن إحنا هنا في الشغل، كنت عايز حاجة؟

مازن: جاي بس أشوف خطيبتي وأقعد معاها شوية، بس شكلها مشغولة ومش فاضية تقعد معايا.

فرح: لا يا حبيبي أفضالك، اقعد بقى واحكيلي كنت جاي ليه.

مازن: أصلك امبارح سبتيني من غير ما تتكلمي، قلت أشوفك.

فرح: والله وأنت اللي عملته ينفع؟

مازن: أنا عملت إيه؟

فرح: يعني مش عارف عملت إيه؟

مازن: لا نسيت، فكريني كده.

فرح: خلاص انسى، اطلع بره عشان عندي شغل.

مازن: بس أنا عايز أفتكر.

ويقرب منها وفرح بترجع لورا.

فرح: مازن بس بقى، اطلع بره، حد يدخل.

مازن: وإيه يعني، خطيبتي وهتبقى مراتي.

فرح: بس لسه مبقتش مراتك، اطلع بقى.

مازن: تؤ تؤ.

فرح: اطلع بقى، ملك شوية وهتيجي.

مازن: لا مش هطلع.

ويقرب من فرح لحد ما خبطت في الحيط وحاوطها بإيديه الاتنين، وفجأة الباب اتفتح وكانت ملك.

ملك: فرح ممكن تعطيني الملف؟ أنا آسفة هاجي في وقت تاني.

فرح: لا يا حبيبتي تعالي، مازن كان ماشي مش كده؟

مازن: أيوة عن إذنكم.

طلع مازن وملك قالت: الله الله يا ست فرح، إيه اللي بيحصل هنا؟

فرح: محصلش حاجة والله.

ملك: فرح التزمي بضوابط الخطوبة.

فرح: حاضر يا فرح.

ملك: يا حبيبتي أنا خايفة عليكي، لما تكتبوا الكتاب ابقي اعملي اللي عايزاه، بس دلوقتي لا.

فرح: فاهماكي يا حبيبتي، وأنا هعمل كده.

ملك: ماشي يا حبيبتي، هروح أشوف زين أنا وأبقى أجيلك.

فرح: ماشي يا قلبي.

راحت ملك عند زين وخبطت، وزين سمح ليها بالدخول.

زين: وأنا بقول المكتب منور ليه؟ عشان حبيبتي فيه.

ملك: منور بيك يا حبيبي.

زين: كنتي جاية في حاجة؟

ملك: لا يا حبيبي مفيش حاجة، بس كنت جاية أطمن عليك.

زين: أنا بخير يا حبيبتي طول ما أنتي بخير.

ملك: دايمًا يا حبيبي بخير.

زين: بس أنتي طالعة حلوة أوي النهارده.

ملك: أنت اللي عنيك حلوة.

زين: بحبك يا ملوكتي.

ملك: وأنا بحبك يا زينو.

زين: تعرفي أنا مش بحب اسم زينو ده، بس منك أنتي بيطلع زي العسل، خلتيني أحبه عشان أنتي بتقوليه.

ملك: ماشي يا حبيبي، همشي أنا بقى عندي شغل.

زين: ماشي يا حبيبتي، ابقي استنيني أوصلك.

عدى وقت وخلصوا شغلهم، وفرح ومازن روحوا.

وملك مستنية زين يروحها.

زين: أنا آسف يا روحي اتأخرت عليكي.

ملك: لا يا حبيبي عادي.

زين: فتحلها باب العربية، اركبي يا حبيبتي.

ركبت ملك ومشيت.

زين: أنا عايز بكرة آخدك أفسحك ونقضي اليوم كله مع بعض.

ملك: ماشي يا حبيبي، هقول لماما وأشوف هتقول إيه.

زين: أنا كلمت أحمد وهو وافق وقال لمامتك وموافقين.

ملك: تمام يا حبيبي، بس توديني الملاهي.

زين: حاضر يا حبيبتي، أي مكان أنتي عايزاه.

ملك: يخليك ليا يا روحي.

زين: ويخليكي ليا يارب، هستناكي الساعة 8 تحت البيت.

ملك: حاضر يا حبيبي، مش هتأخر عليك.

زين: يلا يا حبيبتي انزلي وصلنا، وزي ما قولتلك الساعة 8.

ملك: سلام يا حبيبي.

زين: سلام.

وعدى اليوم من غير أحداث جديدة.

احمد: ملك، انتِ فين يا ملك؟

ملك: خير يا احمد، مش بتنده عليا غير وأنت عايز حاجة.

احمد: أنا برضه؟ المهم شكلي طالع حلو؟

(كان لابس بنطلون جينز وبليزر أسود وتيشرت أبيض.)

ملك: لو أعرف أصفر كنت صفرت، شكلك حلو أوي. رايح تقابل مين على الصبح كده وبالشياكة دي؟

احمد: رايح أقابل جميلة وأعترفلها بحبي.

ملك: أخيرًا يا حبيبي، إن شاء الله هي كمان تبقى بتحبك.

احمد: إن شاء الله.

ملك: طيب أنت هتقابلها فين؟

احمد: أنا شوفتها امبارح وقولتلها أقابلك في الكافيه وهي وافقت.

ملك: روح بقى وأوعى تتأخر، واحكيلي كل حاجة.

احمد: ماشي، سلام.

(مشي احمد وراح الكافيه، كانت جميلة لسه ما جتش. قعد يستناها وبعد وقت اجت جميلة.)

جميلة: أنا آسفة اتأخرت عليك.

احمد: لا عادي، مفيش مشكلة.

جميلة: ها، كنت عايزني في إيه؟

احمد: تشربي إيه الأول؟

جميلة: مفيش داعي.

احمد: لا والله ما ينفع، لازم تشربي حاجة.

جميلة: تمام، اطلبيلي نسكافيه.

احمد: لو سمحت، اتنين نسكافيه.

جميلة: ها، احكيلي بقى طلبت تقابلني ليه؟

احمد: هسألك سؤال وتجاوبيني بصراحة من غير كدب.

جميلة: اتفضل اسأل.

احمد: أنتِ في حد في حياتك؟

جميلة: كيف يعني؟

احمد: يعني بتحبي حد ولا مرتبطة بحد؟

جميلة: لا، بتسأل ليه؟

احمد: جميلة، بصراحة أنا بحبك، من ساعة ما عرفت معنى الحب وأنا بحبك، وكنت خايف أقرب منك تكوني بتحبي حد. وأنا طلبت أشوفك عشان أتكلم معاكي في الأول عشان أشوف شعورك من ناحيتي إيه.

جميلة: بتحبني أنا الحب ده كله؟

احمد: أيوة بحبك، هو أنا هلاقي حد أحسن منك يا جميلتي؟ ها، إيه مشاعرك من ناحيتي؟

(جميلة سكتت وما ردتش.)

احمد: ساكتة ليه؟ اتكلمي، مشاعرك إيه من ناحيتي؟

جميلة: أنا مش مصدقة إنك بتحبني، أنا كنت بقف في الشباك عشان أشوفك وأنت طالع رايح الشغل، واستناك وأنت راجع. مش مصدقة إنك أنت كمان بتحبني، أنا بحبك من زمان أوي يا احمد.

احمد: وأنا بموت فيكي، أنا مبسوط أوي مش لاقي كلام أوصف اللي جوايا. أنا بحبك يا جميلتي.

جميلة: أنا اتأخرت ولازم أروح.

احمد: طيب اديني رقمك عشان أكلمك وأطمن عليكي.

جميلة: 011******

احمد: تمام، تعالي أوصلك بقى.

جميلة: أنا هروح لنفسي، ما تتعبش نفسك.

احمد: تعبك راحة يا جميلتي، وأنا كمان مروّح.

جميلة: تمام.

(بتمشي جميلة مع احمد ويفتح لها العربية، تركب ويتجه إلى البيت.)

(عند ملك رنت على فرح.)

ملك: فروحتي، عاملة إيه؟

فرح: الحمد لله يا ملوكة، وأنتِ أخبارك؟

ملك: دومًا يا حبيبتي، أنا الحمد لله بخير.

فرح: دايماً يا حبيبتي.

ملك: فروحتي، إيه رأيك نطلع أنا وأنتِ؟ بقالنا كتير ما خرجناش مع بعض، تعالي نطلع.

فرح: أول مرة تقولي فكرة حلوة.

ملك: طول عمري يا حبيبتي.

فرح: طيب هنروح فين؟

ملك: نروح الكافيه اللي متعودين نروحُه، وبعدين نروح الملاهي ونقضي اليوم كله نتفسح.

فرح: تمام، أنا هقول لماما وهرن على مازن أقوله.

ملك: أشطا، وأنا أرن على زين وأقول لماما. ما تتأخريش، البسي وانزلي بسرعة، أنا هستناكي.

فرح: أنتِ اللي ما تتأخريش.

(فرح قالت لأمها ووافقت ورنت على مازن وقالت له ووافق وابتدت تجهز نفسها.)

ملك: رنت على زين ما ردش، رنت عليه 3 مرات ما ردش. خلاص بقى هو اللي مش راضي يرد، هروح أقول لماما.

ملك: يا ست ماما.

الأم: عايزة إيه يا آخرة صبري؟

ملك: طالعة أنا وفرح نتفسح اليوم كله وعايزة فلوس.

الأم: أنتِ مش لسه واخدة مني امبارح؟

ملك: خلصوا يا ماما، أول ما أقبض هديهملك.

الأم: أما نشوف، هتدهمني ولا لأ. عايزة كام؟

ملك: يعني هو مبلغ صغير خالص، 500 جنيه بس، وأنا هكمل من اللي معايا.

الأم: ده مبلغ صغير؟ حسبي الله ونعم الوكيل فيكي.

ملك: إيه يا ماما، دانا بنتك الوحيدة بتحاسبيني فيا؟

الأم: يا ريتك ما كنتِ بنتي.

ملك: طيب هاتي 500 جنيه عشان اتأخرت على فرح زمانها مستنياني.

الأم: أمسكي يا آخرة صبرك.

ملك: إذا كنت أنا آخرة صبرك، فده حاجة حلوة أوي.

الأم: لسه هتمسك أبو وردة.

ملك: (طلعت تجري) باي باي يا ست ماما.

(نزلت ملك لقت فرح مستنياها.)

فرح: هو ده اللي "ما تتأخريش"؟ أنتِ اللي اتأخرتي.

ملك: خلاص يا فروحة يا حبيبتي، يالا بدل ما نتأخر.

(راحوا الكافيه ودخلوا قعدوا.)

ملك: ها، يا فرح تطلبي إيه؟

فرح: كابتشينو.

ملك: اتنين كابتشينو لو سمحت.

(فرح قاعدة بتبص حواليها وفجأة تنحت مرة واحدة.)

فرح: ملك، مش زين اللي قاعد على الترابيزة اللي هناك ده ومعاه واحدة كمان؟

ملك: أكيد بتهزري.

فرح: والله ما بهزر، بصي وراكي كده.

(ملك بصت على الترابيزة اللي بتتكلم عليها فرح، لقت زين ومعاه واحدة فعلاً وماسكة إيده. قربت منهم عشان تسمع بيقولوا إيه.)

البنت: والله العظيم أنا لسه بحبك، وأنا بعدت عنك غصب عني.

زين: خلاص ما تعيطيش، امسحي دموعك.

البنت: يعني أنت لسه بتحبني؟

زين: أيوة لسه بحبك، وما حبتش حد غيرك.

ملك: طيب ليه بتكدب عليا وتمثل إنك بتحبني؟

زين: ملك، أنتِ فاهمة غلط، استني أفهمك.

ملك: إيه اللي فاهماه غلط؟ ممكن تقولي أنا سمعاك وأنت بتقولها "بحبك"، إيه اللي فاهماه غلط؟

زين: اديني فرصة وأنا أشرحلك.

ملك: (قلعت الخاتم ورمته في وشه) أنا مش عايزة أشوفك تاني.

(طلعت تجري على بره وفرح وراها.)

البنت: مين دي يا زين؟

زين: اقعدي يا حبيبتي وأنا هفهمك، دي خطيبتي.

زينة: خطيبتي؟

زين: استني هفهمك، أنا كنت خاطبها عشان أنتقم منها، بس أنتِ رجعتي وأنا هنتقم منها بطريقتي.

زينة: يعني أنت مش بتحبها بجد؟

زين: عمري ما حبيت حد غيرك. تعالي أوصلك عشان عندي شغل.

زينة: تمام، يالا.

(عند ملك وصلت البيت ودخلت أوضتها وقفلت الباب على نفسها من غير ما ترد على حد.)

فرح: افتحي يا ملك يا حبيبتي، ردي عليا.

ملك: سيبوني لوحدي.

الأم: مالها يا فرح؟ كانت طالعة مبسوطة، إيه اللي حصل؟

فرح: أصل يا طنط.

(وحكت لها اللي حصل.)

الأم: أنا مش مصدقة إن زين يعمل كده.

فرح: لا صدقي يا طنط، احنا شوفناه بعينينا. افتحي يا ملك ما توجعيش قلبي عليكي.

ملك: سيبوني لوحدي، مش عايزة أكلم حد.

(وقاعدة تعيط.)

تاني يوم تلفون زين رن وكانت زينه.

زينه: صباح الورد يا حبيبي.

زين: صباح النور يا زينه.

زينه: استنيتك امبارح بس انت مجتش.

زين: معلش يا زينه كان عندي شغل كتير وخلصت متاخر.

زينه: طب هتقابلني النهارده.

زين: ان شاء الله يا حبيبتي، عايزه تخرجي تروحي فين.

زينه: تعالي نفطر انا وانت في مطعم، ايه رايك.

زين: زي ما تحبي، اجهزي وانا هعدي عليكي.

زينه: ماشي يا حبيبي.

زين: سلام.

قفل مع زينه ورن علي ملك.

زين: صباح الجمال عليك يا جميل.

ملك: يسعد صباحك حبيبي.

زين: صباحي كمل لما سمعت صوتك.

ملك: حبيبي انت.

زين: ملك، انا دلوقتي هطلع مع زينه هنفطر بره.

ملك: هتطلع مع السحليه دي ليه.

زين: يا حبيبتي عشان الخطه.

ملك: كنت اعتذرت يا حبيبي، انا مش بقدر اشوفك قريب منها ببقى عايزه اجيبها من شعرها.

زين: هحاول اخلص المهمه دي بسرعه اوي وبعدين نتجوز.

ملك: بس بلاش احتكاك بينك وبينها احسن ابوظ لك الدنيا كلها.

زين: حاضر يا حبيبتي، سلام بقا وابقى اكلمك بعد ما اخلص.

ملك: سلام يا حبيبي.

قام زين اخد شور وجهز نفسه وراح عند بيت زينه واتجه للمطعم. بعد وقت وصل المطعم وطلبوا الاكل وابتدوا ياكلوا.

زينه: انا مش عارفه كنت ازاي غبيه كده وسبتك انت وحبيت واحد زي ده، انا اسفه يا زين اوي، انا ندمانه على كل حاجه.

زين: خلاص انسي كل ده، اهم حاجه انك عرفتي غلطك وبلاش نفتح في الماضي.

زينه: حاضر يا حبيبي.

زين: الا قوليلي يا زينه انتي سبتيه ليه.

زينه بتوتر: هو بصراحه يعني، هو طلع حقير وكان عايز يبيعني لواحد مقابل شويه فلوس، وانا سمعته وهربت على طول.

زين: متاكده ان ده السبب.

زينه: ايوه يا حبيبي، هيكون ايه غير كده.

زين: تمام يا حبيبتي، انسي كل حاجه، هتتصلح.

زينه: وانا معاك، مش بخاف من حاجه.

زين: وانا مش عايزك تخافي من حاجه طول ما انا معاكي.

زينه: حاضر يا حبيبي.

زين: تعالي اوصلك البيت بقا وانا هروح الشغل.

زينه: لا متتعبش نفسك، انا هروح المول اشتري شويه هدوم وبعدين هروح.

زين: طيب يا حبيبتي، عايزه حاجه.

زينه: لا يا حبيبي.

زين: سلام بقا.

طلع زين مشي وزينه كمان.

زين: طلعت دلوقتي عينك عليها.

الشخص: تمام يا باشا.

زين: قفل مع الشخص وقال: دلوقتي نعرف كل حاجه.

راح على القسم ودخل مكتبه لقي ملك مستنياه.

زين: حبيبتي انتي هنا.

ملك: ايوه جيت اشوفك عملت ايه.

زين: ماشي اقعدي وانا احكيلك.

حكالها كل حاجه حصلت بس هو ده اللي حصل ودلوقتي هنعرف كل حاجه.

ملك: ان شاء الله عن قريب الدليل هيكون معانا.

زين: ان شاء الله يا روحي.

ملك: طب هروح انا على مكتبي.

زين: خليكي معايا شويه اصلك وحشاني.

ملك: وانت كمان يا حبيبي، بس عندي شغل كتير اوي ولازم اخلصه، ابقى اجي وقت الغداء.

زين: ماشي يا حبيبتي هستناكي.

عد الوقت وجه وقت الغداء وزين وملك بيتغدوا وفجاه تلفون زين رن وكان الشخص اللي بيراقب زينه.

زين: ها عملت ايه.

الشخص: بعد ما سبتك يا باشا ركبت تاكسي وانا فضلت وراها، وبعدين راحت شقه قعدت فيها حوالي تلات ساعات، وبعدين نزلت هيا وواحد وركبت معاه العربيه ووصله بيتها وهو رجع الشقه.

زين: طب متعرفش شكله ايه.

الشخص: انا صورته، صوره هبعتهالك دلوقتي.

زين: ماشي ابعتها بسرعه.

الشخص: تمام.

وقفل وبعت الصوره.

زين: شاف الصوره وقال: كده كل حاجه وضحت.

ملك: في ايه يا زين.

زين: شكوكنا كلها طلعت في محلها، هيا بتقابله اكيد في سبب انها عايزه ترجعلي.

ملك: طب وهنعرف ازاي هما عايزين ايه.

زين: لسه مش عارف، بس هنفضل مراقبينهم لحد ما نوصل لحاجه.

ملك: ان شاء الله عن قريب يا حبيبي.

زين: طول ما انتي معايا كل حاجه هتبقى بخير.

ملك: وانا معاك وعمري ما هسيبك.

زين: ربنا يخليكي ليا وميحرمنيش منك.

ملك: ويخليكي ليا يا حبيبي، همشي انا بقا عشان احمد هيروح يتقدم للبنت اللي بيحبها النهارده.

زين: غريبه مقاليش انه بيحب.

ملك: هو مكانش قايل لحد خالص واعترفله بمشاعره وطلعت هيا كمان بتحبه.

زين: ربنا يتممله على خير.

ملك: يارب يا حبيبي.