رواية ملجأي الفصل الثاني عشر 12 - بقلم ايه سلامه الجابري

في البيت.. أحمد: أنا هستناكي هنا لما تجهزي نفسك. قمر: ماشي. بعد شوية طلعت قمر وكانت لابسة دريس لونه بيبي بلون. منال: أي القمر ده، شكلك جميل جدا. قمر: بجد؟ منال: آه جدا. أحمد بنظرة إعجاب: يلا يا قمر عشان نمشي. قمر: ماشي، يلا يا منال. في الفيلا... مامت قمر: عمر. عمر: نعم. مامت قمر: إنت مخبي عليا حاجة صح؟ عمر: لا، لا، هخبي ليه. مامت قمر: أوعي تكون اتجوزت عليا. عمر بضحكة: ليه كدا بس؟ مامت قمر: أمال مالك متغير ليه؟

عمر: مفيش، بس شوية وهتعرفي. مامت قمر: يبقي متجوز وهتجيبلي مراتك التانية، كان قلبي حاسس. عمر: شكل الدراما الهندية أثرت عليكي جامد، استهدي بالله وهتعرفي. مامت قمر: يعني مش بتخون؟ عمر: مقدرش. بعد شوية أحمد وقمر ومنال وصلوا. قمر: الله، بجد ده بيتنا؟ أحمد: آه. قمر: أنا خايفة أوي. أحمد: من إيه؟ قمر: خايفة لماما متعرفنيش. أحمد مسك إيديها: متقلقيش، هتعرفك، ودلوقتي هتشوفي. قمر بإبتسامة: ماشي.

البواب: أستاذ أحمد جيه ومعاه ضيوف يا أستاذ عمر. عمر: تمام. مامت قمر: ضيوف مين يا عمر؟ عمر: شوية وهتعرفي. أحمد وقمر ومنال دخلوا الفيلا. عمر: اتفضلوا. قمر: ماماماما. مامت قمر وهي بتعيط وبتبص لعمر وبتقول: هي صح؟ عمر: آه، بنتنا رجعت. مامت قمر خدتها بالحضن. كنت عارفة إنك عايشة، كنت عارفة يا نور عيني، متسيبنيش تاني، أنا اتعذبت من غيرك. قمر وهي بتعيط: يعني عرفتيني؟ مامتها: في حد ينسى روحه؟ أحمد: ليه العياط ده كله؟ افرحوا.

وفجأة مدحت دخل. مدحت: ازيك يا عمر يا خويا، عامل إيه؟ عمر: الحمد لله. مدحت بإستغراب: مين دول يا عمر؟ عمر بفرحة: بنتي رجعت يا مدحت، بنتي رجعت. مدحت بضحكة خبث: إيه ده بجد؟ متأكد إنها بنتك؟ ممكن متكونش هي، ممكن تكون حد تاني. عمر: لا هي يا مدحت، ومعايا الورقة اللي كانت معاها. مدحت: أنا بجد فرحت من قلبي، تعالي يا بنت أخويا سلمي عليا. قمر وهي بتسلم: إزيك يا عمو. مدحت مسك إيديها جامد وكان عاوز يكسرها. الله يسلمك يا حبيبتي.

قمر: آه إيدي يا عمو. مدحت: معلشي يا بنتي مقصدش. مدحت: أنا همشي بقا وأسيبكوا عشان اللحظة السعيدة دي. عمر: ما تقعد معانا، إنت مش حد غريب يا خوي. مدحت: وقت تاني بقا. مدحت: عن إذنكوا. عمر: مع السلامة، وخلي بالك من نفسك. مدحت: الو يا زفتة، مش إنتي كنتي بتقولي هتجيبيها، أمال إيه اللي حصل؟ مديرة الملجأ: بدور عليها، متقلقش. مدحت: الهانم رجعت لأبوها وشوفتهم. مديرة الملجأ بتوتر: ها، بتقول إيه؟ بتهزر؟

مدحت: وأنا من إمتي بهزر، لازم نخطفها. مديرة الملجأ: إزاي بس، إنت بتقول إيه؟ مدحت: لازم أخلص منها بأي طريقة، إنتي فاهمة؟ مدحت: أسبوع كدا ونتفق هنعمل إيه، ومتتهربيش عشان مخلصش. مديرة الملجأ بخوف: ماشي. أحمد: بتكلم مين يا عمي؟ مدحت بتوتر: ها، هكون بكلم مين يا بني، بكلم صاحبي. مدحت: أمال إنت مش مع عمك ليه؟ أحمد: كنت جاي أسلم عليك وأشوفك عاوز حاجة. مدحت بضحكة خباثة: فيك الخير يابني، عاوز سلامتك.

مدحت: أنا ماشي دلوقتي وروح لعمك عشان ميقلقش عليك. أحمد: ماشي. أحمد: شكلك يا عمي مخبي حاجة علينا، وقريب هعرف بطريقتي. قمر: كنت فين يا أحمد؟ تعالي اقعد معانا. أحمد: كنت بكلم عمي مدحت. قمر: أنا حاسة إنه مش طيب يا أحمد، وأنا خايفة. أحمد: متخافيش، طول ما أنا جنبك. أحمد: أنا بحبك يا قمر وعاوز اتجوزك. قمر: ها؟ أحمد: ها إيه؟ قمر بإبتسامة: وأنا كمان. أحمد: إنتي بتحبيني بجد؟ قمر: آه.

أحمد: تب أنا هطلب إيدك من عمي دلوقتي ونخليها فرحتين. قمر بفرحة: ماشي. أحمد: عمي. عمر: إيوا يا أحمد. أحمد: أنا عاوز أطلب إيد قمر. عمر بفرحة: إيه رأيك يا قمر؟ قمر بإبتسامة: اللي تشوفه يا بابا. عمر: وأنا موافق يا بني، والخطوبة الأسبوع الجاي.