رواية ملجأي الفصل الرابع عشر 14 - بقلم ايه سلامه الجابري

عمر: كنت فين يا مدحت؟ مدحت: أنا أنا كنت بشوف قمر خلصت ولا لسة. عمر: ماشي. تليفون مدحت رن. مدحت: عن إذنكم يا جماعة، شريكي في الشركة بيرن عليا. مدحت: ألو، خلصتي زي ما قولتلك. المديرة: آه، متقلقش بس فلوسي توصلني، أنت فاهم. مدحت: حاضر، هتوصلك النهار ده، متقلقيش. أحمد: بتكلم مين يا عمي؟ مدحت: ها، هكون بكلم مين يعني، وكمان جاي تتصنت على عمك. أحمد: هتصنت ليه، أنا كنت جاي أطمن عليكم. مدحت: خلاص اطمنت، ادخل جوه دلوقتي.

أحمد: مالك يا عمي متوتر كدا ليه؟ عامل زي ما يكون قتلت حد. مدحت: لا لا يا ابني، دا الشغل وانت عارف اللي أنا فيه. أحمد: ماشي يا عمي. أحمد: هي قمر اتأخرت كدا ليه؟ كل دا فوق. مدحت: هتلاقيها متوترة يابني. أحمد: أنا هطلع لها. مدحت بخبث: وأنا كمان. أحمد ومدحت طالعين فوق. أحمد: باب الأوضة مفتوح كدا ليه؟ قمررر انتي هنا! أحمد: عمي، قمر فين؟ انت آخر واحد كنت نازل من عندها.

مدحت بتوتر: معرفش يابني، أنا فضلت أتكلم معاها ونزلت على طول، هتلاقيها برا في الجنينة. أحمد: طيب، أنا هنزل أدور عليها، روح دلوقتي لعمي عمر ومامت قمر. مدحت: ماشي يا ابني. عمر: كنت فين يا مدحت؟ وفين أحمد؟ مدحت بخبث: بنتك يا عمر. عمر بتوتر: مالها؟ انطق. مدحت: طلعنا أنا وأحمد عندها في الأوضة ملقنهاش. أم قمر: انت بتقول إيه؟ بنتي قمر ضاعت مني تاني؟ اتصرف يا عمر، بنتنا هتضيع مننا تاني. عمر: أحمد دلوقتي فين يا مدحت؟

مدحت: بيدور عليها في الفيلا كلها والجنينة. أحمد جيه. أحمد: عمي. عمر: لقيتها يابني؟ طمني. أحمد: بدور عليها مش لاقيها، أكيد حد خطفها. مدحت بخبث: ممكن تكون هربت مثلاً. عمر: انت بتقول إيه؟ عمر: إحنا لازم نتصل بالبوليس حالا. أحمد: أنا اتصلت بيهم وجايين في الطريق. وبعد ما البوليس وصل. عزت: أنا الظابط عزت، تلقينا اتصال إن في حالة اختفاء، ممكن تحكوا أي اللي حصل بالظبط. بعد ما الكل حكى. عزت: أستاذ مدحت. مدحت بتوتر: نعم.

عزت: حضرتك انت آخر واحد كنت قاعد مع الآنسة قمر، مكنتش ملاحظ حاجة عليها أي حاجة؟ مدحت: لا يا فندم، ولا أي حاجة. عزت: متقلقش يا أستاذ عمر، إن شاء الله هترجعلك بنتك. مدحت: طيب، أنا هسيبكم بقا. عمر: رايح فين يا مدحت؟ مدحت: هروح الشركة لأني عاوزني، ومتقلقش هدور على قمر. عمر: ماشي يا مدحت. أحمد علامات الشكوك ظهرت عليه. عمر: مالك يا أحمد؟ أحمد: مفيش مفيش، بس متقلقش، أنا اللي هرجع على قمر، عن إذنكم أنا همشي دلوقتي.

في بيت مهجور قمر فاقت. قمر: إيه دا، أنا فين؟ الحقوني. حد سامعني؟ وليه قافلين الباب عليا؟ حرام عليكوا، أنا عملتلكوا إيه؟