رواية ملجأي الفصل الثالث عشر 13 - بقلم ايه سلامه الجابري

احمد: بجد هنبقي لبعض يا قمر؟ قمر: أيوا احمد: تعرفي إني بحبك من زمان أوي. قمر: بجد؟ احمد: أه. تعرفي أول ما اتولدتي شيلتك بين إيديا حسيت إن الدنيا فرحتلي وحبيتك من أول يوم شوفتك فيه. هتقولي إني كنت صغير ساعتها، بس حقيقي قلبي دق أول ما شوفتك. أنا بتمنى إننا نكون بعض للأبد. قمر: وأنا كمان بتمنى إننا نكون مع بعض، وأوعى تسيبني يا احمد. احمد: عمري ما هسيبك. احمد: أنا همشي أنا بقا أروح الشركة. قمر: ماشي، ربنا يوفقك.

قمر: نعم يا ماما؟ أم قمر: تعالي أما أوريكي أوضتك، هتعجبك أوي. قمر: الله، حلوة أوي الأوضة دي. أم قمر: أنا مرضيتش أشيل أي حاجة عشان كان قلبي حاسس إنك هترجعي، والحمد لله شوفتك قبل ما أموت. قمر حضنتها: ربنا يخليكي ليا يا ماما ولا يحرمني منك. أم قمر: إحنا قلبناها عياط ليه كدا؟ يلا نجهز نفسنا عشان نشتري فستان الخطوبة. قمر بضحكة: ماشي. مدحت في الملجأ. المديرة: إنت إزاي تيجي هنا؟

هتودينا في داهية لو أبو قمر جه هنا وشافك، اتأكد إنه هيقتلنا. مدحت مسك إيديها جامد: لازم نخلص من المصيبة. قمر خطوبتها الأسبوع الجاي. المديرة: سيب إيدي، هو كدا اسمه كلام. مدحت: هتحضري الخطوبة. المديرة: بتقول إيه؟ إنت عاوز أبوها يقتلني؟ مستحيل. مدحت: بقولك هتروحي، بس هتغيري شكلك ده وهتشربيها من اللي هديهولك ده، اتفضلي. المديرة: إيه ده؟ مدحت: ده مخدر. المديرة: تمام، بس لازم تساعدني. مدحت: ماشي، بس اعملي اللي بقولك عليه.

المديرة: تمام، هتديني كام؟ لإن هخاطر بنفسي. مدحت: اللي إنتي عاوزاه، بس لازم نخلص منها. المديرة: اعتبر إن الموضوع خلص. بعد أسبوع. أم قمر: قمر! إيه الجمال ده؟ أجمل عروسة شوفته. منال: فعلاً والله، أجمل عروسة. قمر: بجد؟ بس أنا خايفة أوي. أم قمر: خايفة من إيه؟ قمر: مش عارفة. مدحت طلع فوق عشان يشوف قمر. مدحت بخبث: إيه القمر ده يا حبيبتي؟ قمر: شكراً يا عمو. مدحت: طب يلا كلنا ننزل تحت ونسيب العروسة.

أم قمر: فعلاً عندك حق، يلا يا منال. أم قمر: لو عاوزتي حاجة يا قمر ناديلي، إحنا مستنيينك تحت. قمر: ماشي يا ماما. مدحت: يلا بقا يا جماعة، متوتروهاش وننزل. العريس يقول علينا إيه؟ قمر: مدحت، إنت رايح فين؟ مدحت: ها؟ أنا رايح أتصل بشريكي في الشغل وجايلكوا أهو. مدحت: ألو، إنتي فين؟ أنا مستنيكي، أنا فاتحلك الباب، ادخلي على طول. بعد شوية. المديرة: هي فين؟ مدحت: فوق، اطلعي على السلالم هتلاقي أوضتها على إيدك اليمين.

المديرة: إنت هتسيبني أطلع لوحدي؟ افرض حد شافني. مدحت: متقلقيش، أنا مظبط كل حاجة. المديرة: ماشي، أول ما أخلص هتصل عليكم. مدحت: ماشي، اطلعي يلا، وأنا هروح لعمر والضيوف. قمر بتبص في المراية. قمر: أنا في حلم ولا حقيقة؟ معقول كدا خلاص الهم والحزن راحوا؟ فجأة حد دخل الأوضة. قمر: ماما؟ إنتي جيتي؟ قمر: إنتي مين؟ المديرة: إيه معرفتنيش يا قمر؟ ههههه. قمر: هو إنتي؟ إنتي عاوزة إيه تاني؟ مش كفاية؟ المديرة: لا لا، متقوليش كدا.

قمر: ابعدي عني! الحقوني! الحقوني! المديرة: مفيش حد سامعك غيري يا روحي. وفجأة المديرة خدرتها.