رواية ملكت الأسد الجزء الثاني الفصل 105 - بقلم فاطمة حسن

اياد قام وطلع ع فوق بغضب. فتح الباب تاني. بس وقف مصدوم وهو شايفها نايمة بلبسها دا. ندي لنفسها: يارب تتصرفي صح ي تمارا ومتمشيش ورا مشاعرك. ندي طلعت ودخلت أوضتها وقربت من حازم اللي نايم بعمق. ندي بهدوء: اسفه بس تمارا عمرها ما هتكون زيي ابدا. عند إياد. اياد دخل وقفل الباب بهدوء وقرب منها. اياد فضل يحرك أيده ع وشها. تمارا بدأت تتحرك بضيق. تمارا فتحت عينها بنوم لاقت حد قاعد قدامها.

تمارا كانت هتصوت لكن اياد حط ايده ع بوقها. اياد وهو بيفتح النور: اهدي دا أنا. اهدي. تمارا شالت أيده من ع بوقها بتوتر: ان. انت ك.كنت بتعمل أي. اياد مردش عليها وكان لسه بيبص عليها. تمارا بسرعه سحبت الملايه عليها وكانت رايحة تقوم. اياد مسك أيدها: رايحة فين. تمارا وهي بتحاول تسحب أيدها: هغير هدومي. بعد اذنك سيب ايدي. اياد شدها مرة واحدة راحت وقعت في حضنه: هتغيري ليه. تمارا

بتوتر وهي بتحاول تبعد: كده. ابعد بعد اذنك مينفعش كده. اياد وهو بيتكلم بدون وعي: خليكي كده شكلك حلو أوي. تمارا بتوهان: ها. اياد بدأ يحرك أيده ع جسمها. تمارا لما لقاها سكتت. اياد بسها وهو بيحاول ينزل القميص من عليها بس. تمارا فاقت وزقت اياد بسرعة. تمارا لفت الملاية ع جسمها جامد. اياد بصلها بضيق: في أي. تمارا: لاا. لاا اللي بتفكر فيه دا مش هيحصل تاني. تمارا قامت بسرعة وجابت هدوم ودخلت الحمام.

اياد فضل قاعد بيحاول يهدي نفسه من شكلها. تمارا خرجت بعد ما لبست هدومها. اياد بص ع هدومها بغضب لأنها كانت طويلة ومقفولة. اياد حاول يهدي نفسه: ممكن افهم أي اللي قولتيلي لماما دا وبعدين قام وقرب منها. واي هدومك دي انتي نسيتي اني جوزك ولاا أي. تمارا وهي بتبعد: هو دا اللي عندي لحد ما يحصل الطلاق واظن براحتي البس اللي يعجبني. بعد اذنك علشان عايزة أنام. تمارا راحت ونامت من غير ما يرد عليها.

إياد فضل يبصلها بغضب وصدمة من رد فعلها. اياد فتح الباب بغضب ونزل تحت. تمارا فتحت عينها وبصت عليه بسخرية. ورجعت تنام تاني. تحت اياد خرج الجنينة. وفضل رايح جاي بغضب. عند اسر وحور. حور قربت علشان تشوف أي دا. لكن أسر اخدها بسرعة ف حضنه وبدأ يبوسها بشغف. اسر شالها وحطها ع السرير وبعدين. تاني يوم الصبح. عند منه وايهاب. كان ايهاب بيجهز لأنهم المفروض يروحوا يجيبوا الشبكة.

ايهاب نزل وهو بيبص ع الفلوس اللي معاه بعد ما باع العربية. لاقه كريمه ومنه اللي منزلة عينها ف الأرض جاهزين. ايهاب بهدوء: يلاا. كريمه بفرحة: يلاا ي حبيبي. يلا. ايهاب اخدهم ورحوا يشوفوا الشبكة. ف الطريق. كريمه: امال العربية بتاعتك فين. ايهاب: فيها شوية مشاكل. بعد شوي وصلوا. ودخلوا المحل. كريمه بحب: شوفي أي اللي عجبك ي حبيبتي. ايهاب بسخرية: شوفي ي عروسة. منه عينها دمعت بس مسحتها بسرعة واتكملت: شوفي انتي ي ماما معلش.

كريمه كانت هترد بس ايهاب قال بضيق علشان كان قرفان: أنا هختار خلاص. كريمه: بس. ايهاب: خلاص ي ماما. بعد ما أيهاب اختار الشبكة مشيوا. بعد شوي وصلوا. ايهاب بهدوء: أنا لازم أمشي علشان الشغل. كريمه هزت رأسها بهدوء: ربنا معاك ي حبيبي. ايهاب مشي علطول وطلع ع المطعم. عند كريمه ومنه. كريمه: تعالي ي حبيبتي مالك مش فرحانة ليه. منه: م. م. مفيش.

كريمه بحب: حبيبتي ايهاب خلاص كلها كام يوم ويكون جوزك. واكيد نسي فريده. لو هو دا اللي مزعلك شيلي الموضوع دا من دماغك ايهاب خلاص بقى ليكي. منه هزت رأسها بهدوء واول ما كريمه خرجت فضلت تعيط بوجع. عند سامح. سامح بحقد: هاا أي الجديد. سامح: طب اعمل اللي قولتلك عليه ويوم الفرح أنا هعرف أنا هعمل إيه. سامح: ايوه متأكد. طالما جي وضربني كده أنا هعرفه هو والهانم اللي عاملة فيها محترمة وخليها تجلي زي الكلبه.

سامح بخبثه: لاا اطمن هشوفك معايا. يلا سلام. سامح ابتسم بخبثه. عند أسر وحور. حور صحيت من النوم بكسل. لاقت اسر بيبص عليها. حور بكسوف: ص. صباح الخير. أسر بحب: صباح النور. عاملة أي. حور بكسوف: ك. كويسة. اسر قرب منها وبسها بحب. حور بكسوف وهي بتبعد: اسر كفاية خليني أقوم. أسر بعند: لاا دا أنا مصدقت. حرام عليكي. حور وهي بتبعد بضحك: اسر خلاص بق. اسر قام بضيق: خليكي هنا هنزل أجيبلك الفطار.

ثم أكمل بتحذير: هنزل أجيبلك الفطار تفضلي زي ما انتي كده متتحركيش من مكانك فاهمه زي ما انتي. حور بكسوف: اسر خلاص. بطل بق. اسر نزل يعمل الفطار. حور بصت ع اسر واول ما نزل قامت بسرعة وهي لفة الملاية ع جسمها علشان تلبس. حور مسكت قميص اسر علشان تلبسه بس لقت الروج عليه. حور قعدت ع السرير بصدمة وهي ماسكة القميص ف أيدها. وافتكرت البرفيوم لما حضنت اسر. حور عينها اتملت دموع وفضلت تعيط بوجع أنه ازاي عمل كده. تحت.

اسر كان بيعمل الفطار بسرعة علشان يطلع لحور. بعد شوي اسر خلص. وطلع ع فوق بسرعة وهو فرحان لكن لما دخل وشاف حور كده خاف. اسر حط الاكل بسرعة وقرب منها بخوف: مالك ي قلبي انتي كويسة. في حاجة وجعاكي. حور كانت بتعيط بس. اسر بدأ يفقد أعصابه وهو مش فاهم حصل أي. اسر مسكها من أيدها بخوف: حور ردي مالك تعبانة أجيبلك دكتور. حور رفعت القميص وهي بتقول: أي دا هااا. حور بعيط: ازاي قدرت تكون ف حضن واحدة غيري وتيجي تنام ف حضني ازاي هااا.

اسر: انتي بتقولي أي واحدة مين. حور بغضب: أي اللي جاب الروج دا ع قميص ولا البرفيوم الحريمي اللي في القميص. انت ازاي عملت كده. اسر بص ع القميص بستغراب بيحاول يفهم ازاي دا حصل. لحد ما افتكر لما يارا وقعت في حضنه. حور بدموع: طبعاا معندكش حاجة تقولها مش كده. عمري ما تخيلتك كده. توقعت انك هتفهمني لكن انت. اسر كان بين نارين نار الغضب من كلامها وتفكيرها ونار الخوف عليها والحزن وهو شايف شكلها.

أسر قرب منها وسحبها وهي بتترعش من كتر العياط. اسر بحب وهو بيمسح دموعها: اهدي واسمعني. انتي معقول فاكرة اني هقدر المس حد غيرك حتى لو انتي كنتي رافضاني من غير سبب. حور كانت لسه بتعيط. اسر: اللي ع القميص دا بسبب يارا. حور رفعت عينها بسرعة وبصتله. اسر كمل وقالها كل حاجة. وبس هو دا اللي حصل ولو تحبي أكلمها تسأليها. حور فضلت تبص عليه بتوتر. اسر حطها ع السرير وقام جاب الفون واتصل على يارا. بعد دقايق ردت.

اسر بهدوء: عاملة إيه النهاردة ي يارا بقيتي أحسن. يارا وهي بتحاول تعرف حصل حاجة ولا لاء: الحمد لله كويسة. ثم أكملت بخبثه: ماله صوتك. اسر صوته كان عادي: مفيش. أنا حبيت أطمن عليكي بعد ما أغمي عليكي. ثم أكمل وهو بيبص ع حور: ف قولت أكلمك لما لقيت الروج بتاعك في القميص بتاعي النهاردة. يارا افتكرت أنه اتخانق مع حور: ااه. سوري ي اسر. اوعي تقولي أن حصل مشكلة بينك وبين حور بسبب كده.

اسر بهدوء: لاا اطمني. أنا لازم أقفل. بعد إذنك. اسر قفل بهدوء وبص ع حور وبعدين دخل الحمام من غير ما يتكلم معها ولا كلمة. عند ياسين وفريدة. كان ياسين بيلبس علشان يروح الشركة. فريده كانت قاعدة تبص عليه بتوتر. عايزة تسأله ع الشغل بس خايفة بعد اللي حصل امبارح. فريده بتوتر: ه. هو. أنا مش هجي معاك. ياسين بهدوء: لاا انتي أجازة النهارده. فريده قامت بسرعة: بس أنا عايزة أجي.

ياسين بهدوء: الشغل النهارده هيكون زيادة وأنا عندي شغل في كام موقع. فريده قالت بحزن: ا. انت بتعمل كده علشان اللي حصل امبارح مش كده. ياسين: لاا ي فريده. ويا ريت تبطلي تفكري فيا كده لاني مش وحش أوي كده. وعندك ملفات اشتغلي عليها لاني هاخدها منك بكرة وأي غلط فيهم اعتبري نفسك مرفوضة. فريده ابتسمت بسرعة: لاا اطمن. ياسين قرب منها وبسها من راسها تحت توترها ومشي. فريده فضلت واقفة تبص عليه وبعدين راحت تشتغل على الملفات. تحت.

ياسين نزل لاقهم قاعدين. ياسين: صباح الخير. ملك واسد بحب: صباح النور ي حبيبي. ملك: يلاا علشان الفطار جاهز. ياسين بهدوء: معلش ي ماما. عندي شغل مهم بعد إذنك. ياسين خرج علطول تحت أنظار اسد. اسد: هطلع أشوف فريده. اسد طلع ع فوق علطول. وخبط ع الباب. فريده فتحت الباب بسرعة. اسد دخل وبص ع الأوراق اللي ع السرير بهدوء: تعالي ي فريده. فريده قعدت جنب اسد. اسد بحب: حصل حاجة بينك وبين ياسين. فريده قالتله على اللي حصل امبارح.

اسد اتكلم بهدوء: ياسين بيحاول معاكي وبيحاول معاكي حاولي انتي كمان وانسي الماضي ي فريده. فريده: بحاول ي انكل. اللي عمله ياسين كان صعب كان. اسد قطعها بحب: كان ي فريده كان اللي حصل حصل. خلينا في دلوقتي. فريده فضلت تفكر في الكلام. اسد قام وبسها من راسها: فكري كويس. عند إياد وتمارا. اياد قام ع صوت ندي. ندي: انت أي اللي منومك هنا. اياد بص حوليه واكتشف أنه نام ف الجنينة. اياد قام بتعب: شكلي راحت عليا نومة. ندي

وهي بتحاول تكتم ضحكتها: معلش ي حبيبي اطلع ع أوضتك غير هدومك. اياد هز رأسه وطلع ع فوق. وفتح الباب لآقه تمارا واقفة قدام المرايا بتجهز. اياد. وحضرتك رايحة فين تمارا بسماجة: الشغل مع بابا. إياد قفل الباب. إياد: ومين سمحلك. ولا حضرتك نسيتي إنك متجوزة. تمارا: إنكل وطنط هما اللي طلبوا وأنا وفقت. بعد إذنك. إياد كان واقف يبص عليها وهو هيموت من العصبية والجنون بسبب كلامها وتصرفاتها. تحت. تمارا قعدت تفطر مع ندي وحازم.

ندي فضلت تبص على تمارا بخبث. بعد شوية نزل إياد. وقعد معاهم وقال: أنا همشي أنا وتمارا. كلهم بصوا على إياد بصدمة. عند روح ومراد. روح قامت لاقت نفسها في حضن مراد ومراد نايم. روح بحب فضلت تحرك إيدها على وشه. مراد فتح عينه بكسل ورح ابتسم أول ما شافها. مراد وهو بيدفن رأسه في رقبتها. روح فضلت تلعب في شعره. روح: مش كفاية كده. وتروح الشركة. مراد: لا. الشركة فيها ناس كتير تعرف تتصرف وأنا مش موجود. لكن انتي مش هقدر أسيبك لوحدك.

روح ابتسمت بهدوء وغمضت عينها. عند حازم وندي. كلهم بصوا على إياد بصدمة. تمارا بصت على إياد بغضب وقامت مرة واحدة. تمارا: وأنا مش همشي. وأظن إحنا اتكلمنا في الموضوع ده. ندي اتكلمت وقالت: خليك ي حبيبي. هتمشي ليه. دا حتى تمارا مش عايزة تمشي. انت عايز تمشي ليه. حازم: أنا كمان رأيي من رأي تمارا. تمارا فضلت تبص على إياد بتحدي. راح

إياد قال بتحدي هو كمان: مالكم يا جماعة. أنا أكيد مش قصدي أسيب البيت على طول. بس زي ما انتوا عارفين عريس جديد وعايز أكون مع مراتي لوحدنا. ولأني مش هقدر أسافر الفترة دي حبيت بس نفضل كام يوم لوحدنا. إياد بص على تمارا اللي وشها قلب الألوان بخبث.