رواية ملكت الأسد الجزء الثاني الفصل 130 - بقلم فاطمة حسن

تمارا بقوة. أنا بس مش عايزة أولاد منك إنت. إياد سكت وهو بيفهم هي بتقول إيه. تمارا وهي بتقوم. زي ما سمعت. أنا مش عايزة أطفال منك إنت. مش عايزة حاجة تربطني بيك يا إياد. إياد بضيق. تمارا دا مش هزار. بلاش يكون هزارك سخيف كده. تمارا بسخرية. هزار إيه؟ دي الحقيقة يا إياد. الحقيقة إني مش عايزك. إياد قرب منها بغضب ومسكها من إيدها. إنتي في إيه الصبح؟ مالك؟ تمارا سحبت إيدها بغضب.

مالي إني زهقت منك خلاص. مش قادرة أمثل أكتر من كده. زهقت. إياد بصدمة. تمثلي؟ تمارا بقوة مزيفة. آه أمثل. زهقت. أنا بطلت أحبك يا إياد من زمان. من لما اتجوزتك وشوفتك على حقيقتك. بس كنت بحاول أعيش معاك لإني عارفة إن إياد باشا العظيم مش هيسبني. تمارا مسكت شريط برشام. كنت باخد منوم ومهدئات عشان أستحملك. إنت فاكر إني ممكن أروح معاك مكان تاني ونكون لوحدنا؟

دا أنا معرفش إزاي فضلت عايشة لحد ما رجعنا. ومصدقت الشهر الزفت دا يحصل. بس تعرفي، الحاجة الوحيدة الحلوة اللي فيه إنك مقربتش مني لإني بقرف منك. إياد كان بيسمع بصدمة وهو مش فاهم حصل إيه. ليه كل دا؟ وبدأ يفتكر لما كانت بتنام كتير. معقول عشان كده؟ ولما قالت يبطل يلمسها عشان يقربوا من بعض؟ كان كدب برضو؟ تمارا كانت بتحاول تكتم دموعها.

بس يا إياد باشا، حبني بس. اهو أنا برفض يا إياد ومش بحبك ومش عايزة أكون معاك تاني. طلقني. خلينا أعيش حياتي مع حد أحبه. إياد بص لها. كانت عينه حمرا من كتر ما هو متعصب وحبس دموعه. إياد قرب منها واتكلم بعد تصدق. تمارا قولي إنك بتهزري وأنا مش هعمل حاجة وهسمحلك على هزار دا. تمارا بوجع قلب. طلقني و خليك راجل. أكيد مش هتكون راضي إن يكون على ذمتك واحدة مش بتحبك. أنا مش بحبك يا إياد.

إياد مرة واحدة زقها على السرير بغضب وفضل يلف في الأوضة. إ. إنتي. إنتي إزاي كده؟ ليه كل دا؟ ها؟ عشان مكنتش بحبك؟ محدش مسؤول عن مشاعره. لكن أنا حبيتك بجد وكنت بحاول أعمل أي حاجة. ليه عملتي كل دا؟ ليه يا تمارا؟ ليه؟ تمارا بلا مبالاة مصطنعة. أنا معملتش حاجة. ومحدش قالك تحبني. ممكن بقى نطلق وكل واحد يشوف حاله وأنا أعيش مع واحد يحبني. وانت... ثم أكملت بسخرية. مظنش إنك ممكن تلاقي حد يحبك.

إياد مجرد ما قالت سيرة رجل غيره قرب منها بغضب ومسكها من شعرها بغضب. إنتي لو عملتي إيه مستحيل تكوني لحد غيري. وكل حاجة وكل حرف هندمك عليه. تمارا. إبعد عني يا حيوان. بكرهك. بكرهك ومش طايقاك. إنت إيه معندكش دم؟ إياد ضربها قلم. اخرسي. عند إيهاب ومنه. إيهاب خرج من الأوضة. هو مفتح عين وقافل التاني. لقى منه قاعدة بتاكل. إيهاب. صباح الخير. منه بتوتر. صباح النور. إيهاب بص على الأكل. ماما اللي عملت الفطار مش كده؟

منه وهي بتاكل بتوتر. آه. هي عملته ونزلت. إيهاب رجع راسه لورا وغمض عينه بهدوء. منه بتوتر. ه.. هو إنت يعني هتطلقني إمتى؟ إنت قولتلي يومين ومتكلمتش تاني. إيهاب فتح عينه بهدوء. إنتي شايفة إن وقت مناسب لكلامك دا؟ ولا حتى وضع مناسب؟ منه قامت بخوف. يعني إيه؟ كنت بتكدب عليا مش كده؟ إيهاب قام وقال بكذب. لا طبعاً. كنت هطلقك. لكن دلوقتي إنتي حامل. ثم أكمل بهدوء. حامل في ابني. المفروض أعمل إيه؟ منه وهي بتحط إيدها على بطنها.

يعني إيه؟ إيهاب. يعني أكيد مش هعوز ابني يبعد عني. ثم أكمل بهدوء وحب. بصي صدقيني أنا مش هيكون ليا عودة بيكي خالص يا منه ومش هقرب منك. بس خليكي هنا. منه رجعت لورا وقالت بدموع. لا. أنا مش عايزة أفضل معاك. إيهاب لف وقال بقوة مزيفة. خلاص. قدامك خيارين. يا تفضلي لحد ما تولدي وساعتها تسيبي ابني وتمشي. ودا براحتك. لأن مستحيل أخلي ابني أو بنتي يبعدوا عني. أو... إيهاب غمض عينه بتوتر. يا تنزلي الطفل من دلوقتي.

منه حطت إيدها على بوقها. إ. إنت بتقول إيه؟ إيهاب. اللي سمعتيه. منه مشيت من قدامه وقبل ما تدخل الأوضة قالت بدموع. عمرك ما هتتغير. أنا بقيت أندم إن يوم حبيتك. منه دخلت وقفللت الباب بمفتاح وفضلت تعيط. إيهاب برا مسح على وشه بتعب. وطلع التلفون واتصل على مدير الشركة اللي كان دايما بيكلم إيهاب لما كان في المصحة. إيهاب. ألو. المدير... إيهاب. أنا عايز أقدم استقالتي. المدير... إيهاب بأسف. لظروف خاصة يا فندم. المدير... إيهاب.

سلام. إيهاب مسح على وشه بتعب. عند ياسين وفريدة. كانت فريدة نايمة وياسين قاعد بيشرب القهوة بتاعته لحد ما الفون رن. ياسين دخل البلكونة يرد. ياسين. في إيه؟ ... ياسين بغضب. يعني إيه؟ مقالش حاجة؟ ... ياسين بضيق. اتصرف وكلمه تاني وشوف في إيه. ... ياسين بضيق. قابله في أي مكان أو حتى رحلو البيت وخلي حد يراقب البيت ويكون وراها زي ما قولتلك على طول. خصوصاً الفترة دي. مش عايزها تغيب عن عينك. إنت فاهم؟ ... ياسين لف بضيق.

لاق فريدة بتبص عليه.