رواية ملكت الأسد الجزء الثاني الفصل الرابع 4 - بقلم فاطمة حسن

أيهم حاول يتكلم بقوه. قصدي واضح ي فريده. فريده بعدم تصديق. انت عايز تسبني؟ انت عايز تعمل كده بجد؟ أيهم بجمود. ده اختيارك ي فريده. انتي اللي وصلتي لي كده. فريده قربت بدموع. أيهم انت عارف اني بحبك مستحيل تكون مصدق إني مش عايزك. أيهم بهدوء مصطنع. طالما بتحبني وزعلانه أوي. هكلم خالو دلوقتي ونحدد معاد الفرح اللي هو هيكون آخر الأسبوع ده. يا كده يا كل واحد يروح لحاله. فريدة. انت بتهددني؟

بتحاول تلوي دراعي لأنك عارف إنك بتحبني. أيهم. افهمي زي ما تفهمي. أنا مش هتنازل عن حقي تاني ي فريده. ولو انتي بتعملي كل ده ومستغلة إني مش هقدر ابعد عنك، ف أحب أقولك إن المرة دي غير. فريده بعصبية وغيره وهي بتفتكر كلام زهره. كل حاجة اتغيرت لما جيت مع الهانم مش كده؟ شوفت إنك خلاص مش هتقدر تكمل معايا صح؟ أيهم بغضب.

خدي بالك انتي بتقولي إيه وخلي بالك من صوتك ي فريده. ولو مش عاجبك كلامي أوي كده، كل واحد يروح لحاله. لأني خلاص مش هوقف حياتي عليكي. فريده بدموع بسبب كلامه. وأنا مش موافقة. ولو فاكر إني هوافق على أي حاجة لأني بحبك تكون غلطان. أيهم بص لها بحزن ومرة واحدة قال. انتي طالق ي فريده. فريده أول ما سمعت كده طلعت تجري على بره وأيهم قعد بتعب. تحت فريده ركبت العربية وهي بتعيط. السواق. حضرتك كويسة ي هانم؟

فريده وهي بتحاول تبطل عياط. اطلع على البيت. السواق. تحت أمرك. ... عند أدم. كان ركب العربية وطلع بيها بغضب عكس البنت اللي لمّت الحاجة من الأرض بكسوف. واحد من الموظفين. معلش ي آنسة هو أكيد مش قاصده. تلاقي مضايق شوية. هزت رأسها بحرج ومشيت. ... عند يونس. كان مستني ليلي تخرج من الكلية لحد ما ظهرت وهي وواحد. ليلي سلمت عليه وقبل ما تركب العربية لاقت يونس ظهر قدامها. ليلي بتوتر بسبب أنه ظهر مرة واحدة. يونس بتعمل إيه هنا؟

يونس بجمود. كنت قريب من هنا قولت أطمن عليكي وأوصلك. يلا. ليلي. أن... يونس قطعها. يلا ي ليلي. ومرة واحدة مسكها من إيدها وراح ناحية العربية. ليلي فضلت تبص حواليها بكسوف. وأول ما ركبوا العربية. يونس. اللي خايفة منه مشي. ليلي بتوتر. مش فاهمة قصدك على مين؟ يونس بغضب. اللي كنتي خارجة معااا... ليلي بغضب هي كمان. يونس خد بالك من كلامك ده. ده مجرد زميل ليا عادي وأنا عارفة حدودي كويس. مش هستناك تعرفني صح؟

وراحت تفتح الباب. راح يونس مسكها وطلع بغضب. ليلي. يونس نزلني بدل ما أصوت. يونس كان بيسوق بهدوء. ليلي بغضب. يونس بقولك نزلني. ... عند جوري. كانت في المستشفى. جوري للممرضة. ده كمان ربع ساعة وياريت تفضل جنبه. وخرجت من الأوضة لاقت. أنس بتوتر. آ.آسف ع.ع اللي.ح.حصل امبارح. جوري ابتسمت بهدوء. مفيش حاجة. ثم اتكلمت وهي بتمد إيدها. أنا جوري. أنس سلم عليها وسحب إيده بسرعة. أنا أنس. جوري. اتشرفت بيك. بعد إذنك.

ومشيت. وأنس فضل يبص في أثرها بهدوء. ... عند فريده. كانت وصلت ودخلت البيت وهي منهارة. لاقت مامتها. فريده مالك؟ فريده طلعت فوق على طول. وفريدة أمها وراها. فريده دفنت وشها في السرير وفضلت تعيط. فريده مامتها. مالك ي حبيبتي؟ حصل إيه؟ فهمني. فريده كانت بتعيط وبس. أمها. اهدي ي حبيبتي. حصل إيه؟ فريده بعياط. أيهم طلقني ي ماما. فريده بصت بصدمة. إيه؟ حصل إيه علشان يعمل كده؟ فريده رجعت تعيط. مش بيحبني. سابني علشانها.

فريده قامت بتوتر. اهدي. أنا هكلم بابا دلوقتي هو هيتصرف. فريده كلمت ياسين وقالتله اللي حصل. ... عند مالك. كان قاعد مخنوق ومش عارف يشتغل لحد ما دخلت نور. ده الورق اللي حضرتك طلبته. مالك كان سرحان أصلًا. نور. ي فندم. مالك بص لها. في حاجة؟ نور. الورق. مالك. حطي هنا. نور حطت الورق وبصت على مالك بتركيز شوية. مالك. في حاجة؟ نور بكسوف. أبدا. وخرجت بسرعة. ... عند زهره وأياد. كانوا بيدربوا سوا. أياد كان بيبص على زهره بفخر.

برافو عليكي ي حبيبتي. زهره ابتسمت ورجعت تكمل تاني. أياد مرة اتخيل حاجة وحاول يشيلها من دماغه بسرعة. أياد لنفسه. مستحيل ي أياد. مستحيل تعمل نفس اللي حصل زمان. ... عند يونس وليلي. كان وصل. هادي وواقف العربية بهدوء. تحت أنظار ليلي. يونس بهدوء. آسف. مكنتش قصدي أتعصب عليكي أو أوصلك إنك مش محترمة. بس أنا اتضايقت لما شوفتك واقفة مع كده. وبعدين هو انتي تعرفي هو كويس ولا لأ؟ افرض طلع مش كويس ليه تحطي نفسك في دايرة دي؟ ليلي.

انت عايز توصل لإيه بالظبط؟ يونس. مش عايز أوصل لحاجة صدقني. كل الفكرة إني خايف عليكي ومش عايز حد يتكلم أو إنك تحطي نفسك في دايرة إنه ممكن يطلع مش كويس. حتى لو هو مبين إنه كويس جدًا. ممكن بلاش علاقة مع أي ولد صدقني لمصلحتك. ليلي... يونس طلع بهدوء وبعد شوية وصلها البيت ومشي على طول. ... عند ياسين. كان وصل البيت على طول بعد ما فريده اتكلمت معاه. ياسين بغضب وهو شايف فريده بشكل ده. حصل إيه يعني؟ فريده بتوتر.

ياسين اهدى علشان نعرف نحل المشكلة دي. فريده فضلت قاعدة جنب بنتها لحد ما راحت في النوم. ياسين خرج وهو وفريده بعد ما اطمنوا عليها. ياسين اتصل على أسير وبلغه باللي حصل وطلب منه يجي هو وأيهم. فريده بصت على ياسين بتوتر. هيتحصل إيه دلوقتي؟ ياسين حاول يهدي نفسه. مش هيرجع لها لو عمل أي. طالما الأستاذ اتصرف من دماغه ووصلها للشكل ده. ياسين سابها ونزل بغضب. فريده اتصلت على أسد. الو ي أنكل. عند أسد.

كان قاعد هو وملك بهدوء لحد ما الفون رن. أسد. إزيك ي حبيبتي؟ فريده بتوتر. الحمد لله ي أنكل. أنكل حصل مشكلة هنا بين أيهم وفريده وأيهم طلقها. أسد قام بصدمة. إيه؟ فريده. أنكل أنا عايزك تجي لأن ياسين متضايق جدًا وممكن تحصل مشاكل أكتر وخصوصًا أنه مش عايزهم يرجعوا لبعض تاني. أسد. متخافيش مش هتأخر عليكم. سلام. ملك. في حاجة؟ أسد بغضب. الغبي اللي اسمه أيهم طلق فريده. ملك بصدمة. إيه؟ معقول أيهم يعمل كده؟

مستحيل. انت عارف أنه بيحب فريده جدًا. أسد. نكمل كلام بعدين ي ملك. أسد طلع فوق ولبس ونزل على طول. ... عند ياسين. وصل أسير ومع أيهم اللي كان ساكت ومضايق. ياسين بغضب. ممكن أفهم حصل إيه؟ أيهم. أنا وفريده مش هنقدر نكمل مع بعض خلاص. أسير. ممكن تفهمنا حصل إيه؟ لأننا لحد دلوقتي منعرفش المشكلة سببها إيه. أيهم. مفيش مشكلة ولا حاجة. إحنا فهمنا ده متأخر. وأظن إحنا كبار وحرين ونعرف نمشي حياتنا. ياسين اتعصب أكتر منه.

كويس فعلًا إنك عارف إنك كبير. واللي حصل أحسن فعلًا لأن بنتي تستاهل حد أحسن منك. دلوقتي تجيب المأذون ويتم الطلاق رسمي. أسير. ياسين مش كده. اهدى شوية. أيهم كتم دموعه. اللي تشوفه. في الوقت ده دخل أسد. ممكن أفهم إيه اللي بيحصل هنا وعايزين مأذون ليه؟ أسير. اتفضل ي عمي. ياسين. الأستاذ طلق فريده والبنت منهارة فوق. ولما أسأل الأستاذ حصل إيه يقولي إحنا حرين وكبار وإن كده أحسن. أسد بجمود.

مفيش طلاق رسمي يحصل دلوقتي لحد ما أنا أقول. ياسين بغضب. إزاي يعني؟ أسد قام. ده اللي عندي. واللي قولته ي ياسين هيمشي. مفيش طلاق هيحصل دلوقتي. وبعدين بص على أيهم. تعال ورايا. عايزك. أسد اتحرك وأيهم وراه وخرجوا ركبوا العربية سوا. أسد. ردتها.