رواية ملكت الأسد الجزء الثاني الفصل السابع والخمسون 57 - بقلم فاطمة حسن

تمارا اتصلت ع ادم بخوف. "ادم الحقني" عند ادم كان قاعد في البيت وكله تفكيره في لين لحد ما الفون رن. ادم قام بسرعه. "حصل اي" تمارا بعياط. "لين اختفت ي ادم. معرفش حصل اي هي كانت معايا ومره واحده اختفت" ادم سحب مفاتيحه وقال بسرعه. "أنتي فين دلوقتي" تمارا بدموع. "في مول****" ادم خرج بسرعه وركب العربية وطلع ع المول وبعد شوي وصل. ادم اتصل ع امه. "ماما انتي فين" تمارا. "خليك عند الباب الرئيسي أنا هجيلك"

ادم قرب منها بسرعه اول ما شافها. "حصل اي" تمارا قالتله اللي حصل. ادم. "روحي انتي أنا هتصرف" واتحرك بسرعه من غير ما يسمع ردها. وراح دخل اوضة المراقبة وبدأ يعيد الكاميرات وفضل يبص عليها بتركيز لكن مفيش أي ظهور ليها. ادم شد ع ايده بغضب واتحرك ع بيت اهلها بسرعه وهو بيتنفس بقوه لحد ما وصل في وقت قياسي. ادم خبط ع الباب بعنف لحد ما محمد فتح بقلق. ادم بغضب. "هي فين .بنتك فين" محمد. "اي. هي مش كانت معاك .عملت اي في بنتي انطق"

ادم بصله وراح يتحرك ع برا لكن محمد وقف قدامه. "فين بنتي عملت فيها أي . دي تمثيليه جديده منك صح انطق أكيد عملت حاجه فيها" ادم بعنف. "أنا هعمل فعلاً لو طلع اللي في دماغي صح .بنتك هربت وفي حد ساعدها ولو الحد دا اللي في دماغي بنتك مش هتعيش يوم واحد .ادعي ربنا أن اللي حصل يكون غير كدا" ونزل ع تحت وركب العربيه وطلع ع بيت.... عند تمارا كانت بتعيط في حضن اياد. اياد. "اهدي طيب مش قادر افهم منك حاجه" تمارا بعياط اكتر.

"بقولك اختفت ي اياد . دي حامل افرض حصلها حاجه افرض كانت اتخطفت" اياد بهدوء. "أنا هكلم ادم دلوقتي ونتصرف بس اهدي" عند ادم كان وصل بيت كريم. وراح خبط ع باب شقته واول ما كريم فتح راح ادم ضربه بوكس قوي خلاه وقع ع الأرض. كريم بص عليه بغضب. ادم مسكه من هدومه. "هي فين . انطق" كريم زقه. "انت مجنون. انت شخص همجي وحيوان" ادم مسكه بقوه. "لو مقولتش هي فين أنا هعرفك أنا همجي ازاي" كريم. "انت بتتكلم عن مين انا مش فاهم حاجه" ادم.

"فين لين" كريم بص عليه بسخرية. "وانا المفروض اعرف فين مراتك معقول دا كلام . روح دور عليها في مكان تاني لأنك عمرك ما هتلاقيها في مكان قريب مني أبدا" وراح نزل ايده بغضب. "اتفضل برا بدل ما اطلبلك البوليس" ادم بتحذير. "لو ليك علاقة حتي لو من بعيد بموضوع دا هتشوف عذابي" عند مراد وزهره. كانت نايمه في حضنه وهي بترسم دوائر واهميه. زهره بعند. "هنزل علطول معك ي مراد مستحيل أسيبك تنزل من غيري"

مراد كان مغمض عينه بستمتع وبعدين قلدها. "مراد احنا أصحاب بس . انت زي اخويا. بكرهك ي مراد ومش بحبك" زهره ضحكت غصب عنها. "مش فاكره اني قولت كدا" مراد وهو بيقربها اكتر. "أحسن مش عايزك تفتكري غير انك بتحبني وبس" زهره بسته وقامت بسرعه. "يلا علشان ننزل . علشان اشوف اقول أي لطنط بعد اللي حصل" مراد بلا مبالاة مصتنعه. "قوليها كان في واحده حلوة أوي بتبص ع جوزي" زهره بتحذير. "مراد" مراد قام وقرب منها.

"بس جوزي حبيبي بيموت فيا أنا" زهره بتهديد. "دا اللي لازم يحصل . أحسنلك تفضل كدا" ودخلت الحمام تاخد دش. عند مالك صحي ع صوت الفون رح بص جانبه لاقه نور مش موجوده. مالك بنوم. "الو ي بابا" اياد..... مالك اتعدل. "ودا حصل امتي . وادم فين دلوقتي" اياد..... مالك. "مسافة السكة وهكون عندك" مالك قفل مع أبوه وقام بسرعه لاقه نور خرجه من الحمام. مالك. "حبيبتي البسي هنرجع البيت" نور. "حصل حاجة ولا أي" مالك.

"مش عارف لين اختفت ولحد دلوقتي مش عارفين كانت اتخطفت ولا هربت . بسرعة لازم نتحرك" وبعد شوي خلصوا وركبوا العربية وطلعوا ع الفيلا. وبعد شوي وصلوا. كان مراد وزهره نزلوا وعرفوا كل حاجة. زهره اول ما عرفت اللي حصل بصت ع مراد وفضلت ساكته. مالك. "ادم مردتش ع الفون" اياد هز رأسه برفض. مالك بص ع نور. "اطلعي انتي ي حبيبتي. زهره روحي معاها" زهره هزت رأسها وطلعوا بهدوء. مالك. "في رأيكم تكون هربت فعلاً"

كلهم بصوا لبعض وفضلوا ساكتين. ادم دخل في الوقت دا بغضب. تمارا جريت عليه بسرعه. "وصلت لحاجة عرفت هي فين" ادم هز رأسه برفض. "مش هسيبها وهدفعها تمن دا غالي أوي" وطلع ع فوق بغضب. تمارا قعدت بتعب وهي مش عارفه ليه بيحصل معاهم كدا. وبعد اسبوعين. ادم طول الوقت بيدور عليها ومش هادي وبقى عصبي بطريقة صعبة. ادم كان قاعد في اوضة وبيشرب سجا*ير لحد ما دخل مراد وبص عليها بتعب. "اي هتفضل حابس نفسك كدا . حرام عليك صحتك"

ادم بص عليه بغضب. "اخرج برا ي مراد مش عايز اشوف حد" مراد قرب منه. "ادم أنا اخوك ومش هقدر اشوفك كدا . لو هي مش عايزة تكمل معاك ف خلاص براحتها ليه بتعمل كدا ف نفسك" ادم بصوت عالي. "لأني بحبها . لأنها شايلة ابني . أنا مش هسيب حاجة بحبها ي مراد انت فاهم . أكيد انت مبسوط دلوقتي. كنت بشوف دايما نظرات الشفقة في عينك ليها . أنها ازاي قاعدة مع اخويا الوحش ادم مش كدا مش بعيد تكون انت اللي عملت كدا" مراد بص عليه بصدمة.

"أنا ي ادم بتقولي أنا الكلام دا . شكلك اتجننت أنا مش هرد عليك لأنك مش في وعيك" وراح خرجت بسرعه ودخل ع اوضه. زهره كانت قاعدة ع السرير بشرود زي حالها طول الاسبوعين اللي فاتوا دول. مراد قرب منها وحضنها بضيق. زهره فاقت من شرودها ع حركة مراد وقالت. "حصل حاجة . شكلك مضايق" مراد قالها اللي حصل. "معقول يفتكر اني ممكن اعمل فيه كدا" زهره بصت عليه بتوتر. "مراد انت فعلاً معملتش كدا يعني قصدي ممكن تكون حبيت تساعدها"

مراد اتعدل بغضب. "انتي اتجننتي ي زهره . ازاي يعني هفكر اعمل كدا . انتي مش شايفة حالات ادم أنا حتي لو عملت كدا كنت مستحيل استحمل أن اخويا يكون كدا" عند مالك ونور. كانت نايمه في حضنه. "في رأيك لين هترجع" مالك وهو بيحرك ايده ع شعرها. "مش عارف . بس ادم شكله هيتجنن لو فضلت مدة أطول من كدا" نور بهدوء. "هو السبب دي نتيجة اللي عمله واللي غلط لازم يستحمل مش كدا" مالك بصلها بهدوء وصمت. نور اتعدلت. "هروح اشوف حمزه"

واتحركت ع برا. عند لين. كانت قاعدة تتفرج ع التلفزيون بصمت لحد ما. "معاد العلاج بتاعك" لين بدأت تاخد العلاج وبعد ما خلصت قالت بخنقة. "زهقت عايزة اخرج بقالي اسبوعين قاعدة هنا اتخنقت" "جوزك قالب الدنيا عليكي لو خرجتي من باب الشقة هتكوني عنده دا عارض مكافأة محدش يحلم بيها" لين. "لسه بيدور" "وهيفضل يدور . هو دلوقتي بيدور ع اتنين" لين بصت ع بطنها وقالت. "عايزة أكلمه" "ليه" لين. "خليني أكلمه" الشخص بهدوء.

"اتفضلي ياريت تخلصي بسرعة وتكسري الخط" لين اخدت الفون ودخلت اوضتها واخدت نفسها بهدوء ورحت رنت. عند ادم اول ما الفون رن رد بسرعه ع أمل يكون حد عرف حاجة عنها. "الو" .... ادم. "الو . الو" لين بصعوبة. "الو ي ادم" ادم نطق بصعوبة. "لي. لين" لين. "بطل تدور ي ادم" ادم ابتسم بسخرية. "هجيبك ي لين لو في آخر الدنيا انتي واللي عمل كدا" لين بدموع.

"كفاية ي ادم بق كفاية متخلينيش اكرهك اكتر من كدا . خليني بعيد ي ادم يمكن دا يخليني ارجع. انت محتاج تتعالج انت مش طبيعي مستحيل تكون طبيعي وتعمل كل دا . اطمن ي ادم اللي ساعدني مش هيمس شرفك ولا سمعتك حتى لو بكلمة" ثم أكملت. "والجنين" ادم غمض عينه مستني تكمل. لين نطقت بدموع. "ه.ه.وهو" ادم بلع ريقه مستني تكمل. لين. "ه.هو كو.كويس ي ادم . ا.أنا هخلي بالي منه . هعمل كل اللي اقدر عليه علشان يكون كويس"

ادم دموعه نزلت وقال بوجع. "ليه. ليه بتعملي فيا كدا . ارجعي ارجوك أنا اتغيرت ومستعد اعمل كل حاجة واي حاجة تقوليلي عليها بس كفاية" لين مسحت دموعها. "لو رجعت مش هقدر أكمل" وراحت قفلت السكة بسرعة وطلعت الخط. لين دموعها كانت بتنزل بصمت. الشخص بهدوء. "كل حاجة هتخلص شوية وقت . أنا لازم أمشي مش هينفع أفضل هنا كتير . لو احتاجتي أي حاجة كلمني" عند فريده وأيهم. كانوا بيتكلموا ع ادم.

"ليلي كلمتني بتقول أن ادم حالته بقت صعبة خالص . بجد صعبان عليا جدا" أيهم. "ادم مش بيحب لين بس دا متملكها شايفها حاجة بتاعته لازم تكون في ايده طول الوقت طبيعي يحصل كدا معاه غير كدا أنها حامل يعني هو مش هيخسر حاجة واحدة بس" فريده بحزن. "ربنا يرجعها بسلامة هي والولد" أيهم بسها بحب. "ويخليكي جانبي ي فريده طول الوقت" فريده غمضت عينها بهدوء. عند انس وجوري كانت حياتهم مستقرة انس بيثبتلها كل يوم أنه بيحبها.

الشهور كانت بتعدي وكل واحد فيهم حياته كويسة معدا ادم. بقى طول الوقت في الشغل حتي لما يقعد معاهم بيكون سرحان وساكت. ادم مسك الظرف اللي بيجي كل شهر وبص عليه. ادم حط ايده ع صورة السونار بهدوء. ادم مسح دمعة نزلت من عينه وحط الظرف وخرج ركب العربيه وطلع بيها ع .... عند يونس دخل اوضة لاقه ليلي قاعدة بتعيط بصمت. راح قرب منها بسرعة وقلق. "في اي ي حبيبتي حصلك حاجة" ليلي ادته حاجة.

يونس بص ع اللي ف ايده وبعدين بص عليها وقال بصدمة. "حامل" ليلي هزت رأسها بعياط. "دادي اياس لسه صغير دا لسه عنده خمس شهور أنا كنت باخد الحبوب ي يونس ازاي حصل . مش هقدر استحمل اجيب بابي تاني دلوقتي" يونس مكنش عارف يضحك ولا يزعل ع عياطها وخوفها. "بس ي حبيبتي اهدي خلاص محصلش حاجة. دا نصيب" وبعدين اطمني خالص أنا هجبلك بدل المربيه عشره لو عايزه وكمان هفضل معك اغلب الوقت ولو طلب الأمر اشتغل من بيت مفيش مشكله بس اهدي.

يونس مسح دموعها وشربها مياه وحطها ع السرير. اهدي ونامي يلاا. وبكره نروح نطمن ونعمل تحليل علشان نتاكد ماشي. ليلي غمضت عينها بصداع. ممكن يطلع غلطان صح. يونس علشان يطمنها. اه ي حبيبتي بس نامي. يونس قاعد جانبها لحد ما نامت وبعدين نزل تحت. كانت فريده بتلعب مع اياس. يونس قاعد بضبق. فريده. مالك ي حبيبي. يونس. ليلي حامل. فريده بصدمه هي كمان. حامل. يونس ضحك ع رد فعل مامته.

ماما بلاش تعملي كدا قدام ليلي دي أنا طلعت لاقت ليلي بتعيط ومش قادره تستحمل ومش عارفه هتعمل أي معهم. فريده. معلش ي حبيبي الموضوع صعب لأن اياس فعلا لسه صغير. يونس مسح ع شعره بهدوء. عند نور كانت قاعده بتعب. ومالك قاعد جانبها وهو بيحرك ايده ع بطنها بحب. بقتي احسن. نور بهدوء. شوي. مالك بسها بحب. هانت خلاص ي حبيبتي. عند ادم كأن وصل العياده ودخل. الدكتور بسخرية. اهلا مستر ادم اتفضل. ادم بحده.

بلاش طريقه كلامك دي معايا احسنلك. كريم بهدوء. وانا بتكلم ازاي بق.