رواية ملكت الأسد الجزء الثاني الفصل الثامن والخمسون 58 - بقلم فاطمة حسن

عند ادم كأن وصل العياده ودخل. الدكتور بسخرية. أهلاً مستر ادم، اتفضل. ادم بحده. بلاش طريقة كلامك دي معايا أحسنلك. كريم بهدوء. وأنا بتكلم إزاي بقى؟ ادم بغضب. انت عارف بتتكلم إزاي كويس. كريم ببرود. تقدر تمشي ومتجيش هنا تاني يا أستاذ ادم. لو أنا مش الدكتور الوحيد، مش فاهم إيه السر إنك تيجي هنا. ادم بحقد. لأنك أكتر واحد بكرهه. كريم ابتسم بهدوء. شعور متبادل يا أستاذ ادم. بس برضه إيه السر إنك اخترتني أنا بالذات؟ ادم بهدوء.

يمكن ده يساعدني لما أجي لأكتر واحد بكرهه إني أبدأ أتخلص من الكره ده. كريم ابتسم بهدوء. بس المشكلة مش فيا أنا، سواء اتعاملت معايا أو لأ، المشكلة فيك انت. يمكن في سبب لطريقتك معايا، لكن إيه سبب تعاملك مع لين؟ هي عملت إيه لكل ده؟ ادم قام بغضب. اسمها مدام ادم، اسمها ميجيش على لسانك انت فاهم. كريم.

اللي أعرفه إن اسمها لين محمد، وموضوع إنها المدام، الموضوع ده ممكن ميفضلش كتير. وانت جي علشان كده لأنها مش بتحبك وعايزك تتعالج لأنك مريض ومهووس. كريم كان بيبص على ادم بتحدي وقال. مش كده؟ ادم بدأ يتنفس بسرعة وغضب. كريم قام. برافو، بقت تقدر تتحكم في إيدك دي حاجة حلوة. عقبال ما تشغل دماغك بقى وتستخدمها قبل دراعك. ادم بص عليه بحقد ورح يمشي. كريم ببرود.

بلاش تتأخر على معاد الجلسة الجاية لأن دي تعتبر دردشة. وبعدين ابتسم بسماجة. ادم شتم بصوت واطي وبعدين خرج وركب العربية وطلع على الفيلا. وبعد شوية وصلوا، لاقهم قاعدين سوا. تمارا بحب. تعالى ي حبيبي. فريدة كلمتني من شوية وقالت لي إن ليلي حامل. ادم ابتسم بهدوء. وهي عاملة إيه؟ تمارا. فريدة قالت لي إنها كويسة بس خايفة شوية إنها مش هتعرف تتعامل معاهم سوا. بكره هنروح نطمن عليها. ادم هز رأسه وقال. بعد إذنكم. تمارا.

خليك ي حبيبي قاعد معانا. ادم برفض. معلش ي ماما تعبان شوية. ادم انسحب بهدوء تحت نظراتهم. تمارا بصت على إياد اللي كان ساكت. لازم نعمل حاجة. إياد. وإحنا في إيدينا إيه مثلاً؟ ابنك دلوقتي مش عايز غير لين، تقدري تقولي لي دي هنجيبها إزاي؟ تمارا سكت بحزن. بعد شوية نزل مالك ونور. مالك بسها. إحنا رايحين عند الدكتورة. محتاجين حاجة؟

تمارا ابتسمت بهدوء. لا ي حبيبي ربنا معكم. مالك ونور خرجوا ركبوا العربية وطلعوا على الدكتورة. مالك طول الطريق كان بيبص على نور براحة. لحد ما وصلوا. مالك ونور دخلوا عند الدكتورة وبدأت تكشف عليها. الدكتورة ابتسمت براحة. كل حاجة كويسة جداً الحمد لله، المدام والبيبي كويسين جداً. وبعدين بصت لمالك. لسه مصرين متعرفوش نوع البيبي؟

مالك بص على نور برجاء. لكن نور ابتسمت بهدوء. أيوه. الدكتورة هزت رأسها بهدوء وبعدين مالك أخد نور وخرج وهو مضايق وركبوا العربية. نور بصت على مالك اللي مضايق. كل مرة هنيجي هنا هتطلع مضايق كده؟ مالك بضيق. مش فاهم إيه سر إصرارك على كده. ما تخلينا نعرف. نور حركت إيدها على بطنها بحب. أنا عارفة، مش محتاجة إني أعرف. مالك بسخرية. وحضرتك عارفة إزاي إن شاء الله؟

نور. مامته طبيعي أعرف وأحس بيه. مالك. مممم. معنى كلامك إنه ولد. نور ابتسمت بهدوء وهي بتهز رأسها. مالك. ولو طلعت بنت؟ نور هزت رأسها برفض. مالك هز رأسه بيأس منها. قربنا نعرف ي نور. بعد شوية وصلوا وطمنوا تمارا وإياد على البيبي ودخلوا أوضتهم بعد ما اطمنوا على حمزة. مالك قلع قميصه بهدوء ورح نام على السرير بتعب. نور بصت عليه. انت كويس؟ مالك هز رأسه. صداع بسيط. مفيش حاجة. نور قربت منه بسرعة. صداع؟ صداع ليه تاني؟

مالك حاسس بإيه؟ مالك ضحك بهدوء. مالك يا نور ي حبيبتي إيه؟ صداع وهيروح دلوقتي. الموضوع مش مستاهل الخوف ده. نور حركت إيدها في شعره بتوتر. يمكن قلقت زيادة معلش. مالك بسها بحب. بلاش توتر يا فاضي ي حبيبتي. أنا كويس. قومي غيري هدومك يلا. نور هزت رأسها وقامت غيرت هدومها وبعدين قربت منه وبدأت تعمله مساج بهدوء. مالك غمض عينه بستمتع. نور. كده أحسن. مالك هز رأسه وهو لسه مغمض عينه. .....

عند فريدة وأيهم. فريدة قفلت مع يونس وهي بتبتسم بحزن. أيهم بسها. سرحتي في إيه ي حبيبتي؟ فريدة دفنت نفسها في حضنه. لـ ليلي حامل. يونس كان بيقولي. أيهم فرح وقال بوقاحة. لازم أكلمه يخف على البنت شوية، هي لحقت؟ فريدة فضلت ساكتة في حضنه. أيهم بعدها باستغراب. مالك ي حبيبتي؟ فريدة بدموع. أنا وحشة أوي ي أيهم، وحشة أوي. أنا أنا بحسد ليلي، وصلت إني أحسدها. أيهم حضنها بهدوء. إحنا قولنا إيه ي حبيبتي؟

دي حاجة بتاعت ربنا وإحنا الحمد لله معندناش مشكلة، ف ليه كل القلق ده؟

فريدة بدموع. عايزة أولاد ي أيهم، نفسي يكون عندي ولد. أنا بكبر وكل ما أكبر فرصة حملي بتقل، وانت أنا بظلمك انت كمان، ليك الحق إنك تكون أب. أيهم مسح على وشه علشان يحاول يهدي لأنه عارف إن ده غضب عنها. فريدة ي حبيبتي، مش كل شوية هنتكلم في دي حاجة بتاعت ربنا. وبعدين انتي بتقولي الكلام ده إنك ظلماني، انتي معندكيش مشكلة، يعني العيب مش فيكي، ليه مش قادرة تصدقي؟ ليه مش فاهم؟

أيهم بسها بحب. فريدة بلاش كده. بلاش تفكري في الموضوع ده أكتر من كده وتنكدوا علينا، في موضوع ممكن يحصل في أي وقت ي حبيبتي. اتفقنا؟ فريدة بصتله بحزن. أيهم مسح دموعها. اتفقنا ي فريدة. فريدة هزت رأسها بهدوء. أيهم بحب. إيه رأيك بكرة نروح نشوف يونس وليلي ونفضل طول اليوم معاهم وبعدها نخرج نروح أي مكان؟ فريدة دخلت في حضنه بهدوء. أنا بحبك أوي ي أيهم. أيهم. وأنا بموت فيكي ي روح أيهم. .....

عند انس وجوري. كانت حياتهم كانت ماشية. انس وجوري كان حبهم كل يوم بيزيد، وأغلب كان معظم وقتهم يا في الشغل يا برا خارجين سوا. .... تاني يوم الصبح. كانت ليلي ويونس خارجين من عند الدكتورة. ليلي كانت ساكتة وبتبص قدامها بصمت. يونس كان بيبص عليها من وقت للتاني. إيه هتفضلي ساكتة كده؟

انتي محسساني إني عملت كده غصب عنك. ليلي بصت عليه بغضب ورحت بصت من الإزاز. يونس سحب إيدها بهدوء. ي حبيبتي ده نصيب ربنا عايز كده، وخلاص اللي حصل حصل ف ملهوش لازمة الزعل ده. ليلي بتعب دموع. بس أنا مش هقدر ي يونس صدقني مش هقدر. يونس سكت شوية وبعدين قال بصعوبة. تحبي ننزلوا؟

ليلي بصت عليه بصمت. يونس بهدوء. لو دي رغبتك أنا معنديش مانع. ليلي هزت رأسها برفض وهي بتمسح دموعها. لا. لا ي يونس مستحيل أعمل كده في ابني، مستحيل أقتله. يونس ابتسم براحة وبسها من رأسها بهدوء. اطمني ي حبيبتي كلنا معاكي. ......

عند تمارا وإياد. كانوا بيجهزوا لأنهم رايحين يشوفوا ليلي. تمارا. يلا ي حبيبي. إياد بص في الساعة. معلش ي حبيبتي روحي انتي الأول مع السواق، عندي كام حاجة هخلصهم في الشركة مش هتأخر عليكي. تمارا هزت رأسها. ماشي ي حبيبي سلام. تمارا نزلت ركبت العربية والسواق طلع. إياد بص عليها لحد ما مشيت وركب العربية وطلع هو كمان. ..... عند لين كانت قاعدة بملل وبدأت تحس إنها هتتجنن من القعدة لوحدها. لحد ما الباب اتفتح. الشخص. انتي كويسة؟

لين هزت رأسها بملل. الشخص. جيت أطمن عليكي. وأعرفك إننا هنخرج بكرة. لين بفرحة. أخيراً. وبعدين سكتت شوية. هو. هو ادم بطل يدور عليا؟ الشخص. لأ. بس أنا هتصرف. عندي مشوار دلوقتي ف لازم أمشي دلوقتي وهجيلك تاني. الشخص اتحرك علشان يمشي لكن لين قالت. هو ادم كويس؟ الشخص واقف ومن غير ما يبص عليها. يهمك؟ لين فضلت ساكتة. الشخص. أول ما تعرفي هقولك. لين قعدت مكانها تاني بتفكير هل فعلاً يهمها؟ الشخص نزل ركب العربية وطلع. ......

عند ليلي ويونس كانوا وصلوا الفيلا. فريدة ابتسمت أول ما شافتهم. طمنوني ي حبايبي. يونس وهو بيبص لليلي. الحمد لله ي ماما كل حاجة كويسة وليلي كويسة جدا هي والبيبي. فريدة حضنتها. ألف مبروك ي حبيبتي. ليلي. شكراً ي طنط. في الوقت ده دخلت تمارا. وسلمت عليهم وقعدوا سوا. لحد ما إياد وصل هو وياسين. يونس قام سلم على أيهم وفريدة اللي دخلوا سوا. يونس حضن فريدة بحب. عاملة إيه ي حبيبتي؟

فريدة. الحمد لله ي حبيبي. ألف مبروك ي ليلي. ليلي. الله يبارك فيكي. عقبالك ي حبيبتي. فريدة ابتسمت بحزن. أيهم سحب فريدة من حضن يونس وهو بيقول. قريب إن شاء الله. يونس ضرب أيهم بضيق. بتسحبها كده ليه؟ فريدة قعدت جنب مامتها بيأس منهم. ....

عند جوري وانس. كانوا في المستشفى. وجوري بتشتغل بهدوء لحد مرة واحدة حست إنها دايخة ومش قادرة تقف. جوري سندت على أول حاجة شافت قدامها وفضلت واقفة شوية تحاول تهدأ. لما ما الدوخة هديت. واتحركت لحد ما شافت انس. جوري ابتسمت ليه أول ما شافته لكن مرة واحدة حطت إيدها على رأسها ووقعت في الأرض. انس فتح عينه بصدمة. جوري ورح جري عليها بقلق. جوري. جوري. انس شالها بسرعة وجرى على أوضة الكشف ونورهان ومريم وراهم.

انس حطها على السرير بخوف وجت الدكتورة تكشف عليها. الدكتورة: بعد إذنك يا دكتور. انس خرج وفضل رايح جاي بقلق. وبعد شوية خرجت الدكتورة. انس بسرعة: مالها يا حنان؟ جوري مالها؟ حنان ابتسمت بهدوء: اطمن يا دكتور، ملوش لازمة القلق ده كله. ألف مبروك المدام حامل. انس دخل بسرعة لجوه، لاقاها قاعدة على السرير. انس حضنها بسرعة: ألف مبروك يا حبيبتي. مريم: احم احم. جوري خرجت من حضن انس بكسوف. مريم حضنها: ألف مبروك يا جوري.

وبعدين نورهان وسابهم. انس وهو بيحرك إيده على خدها بحب: مش مصدق نفسي. جوري ابتسمت بتعب. انس شالها: يلا خلينا نروح، شكلك لسه تعبانة. جوري برفض: ا. ا. انس. أنا همشي. شكلي هيكون إيه قدامهم؟ انس برفض: انتي تعبانة قلت. وأنا هعمل إيه بشكلك قدامهم لما يحصلك حاجة؟ انس خرج بيها، نظراتهم. وحطها في العربية وطلع بيها وهو هيطير من الفرح. لحد ما وصلوا. انس شالها ودخل بيها. وطلع بيها لفوق.

انس حطها بحب على السرير: استريحي شوية يا حبيبتي. تحبي أخليهم يعملوا حاجة؟ جوري برفض: لااا، أنا عايزة أنام بس. في الوقت دا دخلت منه. منه: حصل إيه؟ مالها جوري؟ منه قعدت جنبها: الخدامة بلغتني إن انس كان شايلك. انس ابتسم بحب: اطمني يا ماما. هي كويسة أوي. بس حفيدك تعبها شوية. منه قربت منه بسرعة: حامل؟ جوري حامل؟ انس هز رأسه. منه حضنته بحب: ألف مبروك يا حبيبي، ألف مبروك.

وبعدين قربت منها: عايزكِ من النهارده تستريحي. مش عايزكِ تعملي أي حاجة. انس ضحك بهدوء: متخافيش يا ماما. أنا هحط عيني عليها. منه قامت بسرعة: هروح أكلم باباكِ وكمان أعرف فريدة دي هتفرح أوييي. منه خرج، وانس قرب منها وبسها بشغف: ماما فرحانة أوي. من لما دخلتي البيت والفرح كله دخل يا جوري. جوري ابتسمت بحب. انس حضنها بقوة: نامي يلا. تحت منه كلمت إيهاب وبلغته، وحاولت تكلم فريدة لكن مكنتش بترد. .....

بليل كانوا خلصوا قعدة سوا وكل واحد اتحرك على بيته. معدا أيهم اللي أخد فريدة وروحوا يخرجوا. ..... عند مراد رجع البيت بتعب ودخل أوضة علطول، لاقى زهرة قاعدة على السرير. زهرة قامت وبسته علطول: حمدلله على السلامة. مراد هز رأسه بتعب: الله يسلمك. هاخد دش لأني مش قادر. زهرة هزت رأسها ومراد أخد دش، وبعدها بشوي خرج ورح ينام بتعب، لاقى زهرة نايمة في النص. مراد: زهرة اتحركي شوية. زهرة هزت رأسها برفض.

مراد بتعب: زهرة مش وقت هزار. أنا مش قادر. زهرة حركت إيدها على بطنها: شوف بابا بيعمل معانا إيه يا حبيبي. مراد بص عليه بعدم فهم: انتي بتعملي؟ انتي اتجننتي؟ زهرة بصت عليه بضيق: أنا اللي اتجننت يا أبو مخ تخين. مراد بصلها بضيق: زهرة أنا مش فايق دلوقتي. زهرة قامت وقربت منه وقالت بدلع: أصلي النهاردة عرفت إننا هنفرح انكل وطنط. مراد بعدم فهم: هنفرحهم بإيه؟ زهرة بدلع: حفيدهم. مراد بصدمة: حامل؟ زهرة ابتسمت: أخيراً وصلت يا مراد.

مراد: حامل؟ انتي حامل؟ زهرة: انت كويس؟ انت علقت ولا إيه؟ مراد حضنها بقوة: حامل يا زهرة. حامل في ابننا. زهرة ابتسمت بحب: في ابننا يا مراد. مراد حضنها أكتر بحب. مراد سمع صوت العربية: دول أكيد ماما وبابا. يلا خلينا نعرفهم. زهرة هزت رأسها بهدوء ونزلت معاهم. تحت كان واياد وتمارا دخلوا. مراد نزل بفرحة: زهرة حامل. إياد وتمارا بصوا لبعض وابتسموا. تمارا حضنت زهرة: ألف مبروك يا حبيبتي. إياد حضن مراد بهدوء: ألف مبروك.

لحد ما آدم نزل وبص عليهم: في حاجة؟ تمارا بفرحة: زهرة حامل. آدم ابتسم بهدوء: ألف مبروك يا زهرة. زهرة: الله يبارك فيك. آدم قرب من مراد يحضنه لكن مراد بعد عنه بجمود: بعد إذنكم هنطلع نرتاح شوية.