رواية ملكت الأسد الجزء الثاني الفصل الثامن والعشرون 28 - بقلم فاطمة حسن

آخر الليل فريده كانت قاعدة ع أعصابها ومستغرابه أيهم مجاش ليه. فريده: ي ويلك مني لو كنت عندها ي أيهم. الصبح كانت فريده لسه صاحيه وحاولت تكلم أيهم مكنتش بيرد. عند ياسين، كان قالب الدنيا ع جوري وبيدور عليها ف كل مكان، وكل واحد بيدور من ناحية في العيله. عند جوري، فتحت عينها بنوم لاقت نفسها نايمه في اوضه. جوري اتعدلت بتعب وبتمسك دماغها. جوري رحت نحيت الباب تحاول تفتحه وهي مش فاهمه بيحصل أي.

جوري بتعب: افتحوا الباب. أنا بعمل اي هنا. شوي والباب اتفتح ودخل من وائل. وائل: اتمني يكون المكان عجبك. جوري رجعت لورا بخوف: انت. انت اتجننت. خليني امشي من هنا احسنلك. وائل قرب منها ومسكها بغضب من وشها: هتعملي اي بق. انتي هنا تحت ايدي وممكن اعمل فيكي اي حاجه واولها. وائل قرب منها وحاول يبوسها. جوري كانت بتحاول تبعد وهي بتتضرب فيه. وائل زقها ع السرير وقال: انا سبتك بمزاجي. شوفتي بق انك تحت رحمتي. جوري فضلت تعيط.

وائل: انا مش هتأخر عليكي. هعمل حاجه هتفرحنا احنا الاتنين. وبعدين خرج ونزل تحت. تحت وائل طلع الفون واتصل ع... عند يونس كان مش عارف يعمل اي وحاسس بعجز وهو بيسال أبوه في جديد ولا لاء. ياسين بغضب: يعني. يعني اي مش عارفين توصلوا لي حاجه. انا عايز بنتي تكون عندي حالاً انتو فاهمين. اسد: بردك مفيش فايدة. حازم بق يتحرك بضيق: في حاجه بتحصل مش طبيعية. حادثة يونس ودلوقتي خطف جوري. ودا غير المصيبة اللي بتحصل في شركة اسير.

مراد: قصدك أن في حد ورا كل دا. طب مين وليه لحد دلوقتي محدش اتصل يطلب فلوس ولا أي حاجه. ياسين قاعد بتعب وهو بيبص ع فريده اللي بتعيط. في الوقت دا دخل شباب العيله وكلهم معرفوش يوصلوا لحاجه. في بيت اسد كانوا كلهم قاعدين. ندي بخوف: اي هنفضل قاعدين كدا. طب حتي نكون معهم. ملك بتعب: اسد مش عايزنا هناك ورفض نروح. ولولا إصرار فريده أنها هتفضل هناك كان بعتها هنا. زهره: إن شاء الله هيعرفوا يجبوها وهتكون كويسه.

روح حاطه أيدها ع ندي: خير ي حبيبتي. عند فريده بدأت تقلق فريده اتصلت ع اسير. وبعد شوي اسير رد عليها. اسير: الو ي انكل. فريده: اي ي حبيبتي. في حاجه. فريده بتوتر: أيهم مرجعش من امبارح ي انكل ومش بيرد عليا. هو معك مش كدا. اسير: اه ي حبيبتي اطمني بس عندنا مشاكل في الشغل علشان كدا فضلنا سهرانين. انا هخلي يكلمك. معلش ي فريده لازم اقفل سلام. فريده قفلت معه. عند أسير قرب من أيهم: كلم مراتك وطمنها مش ناقصه فريده تعرف.

أيهم هز رأسه بهدوء وخرج يكلمها. عند سيف كان قاعد في الفيلا بيبص قدامه بشرود وهو مقرار أنه مش يروح المستشفى دي تاني. سيف لنفسه: بتحبه وفي بينهم علاقه. أولاً دي حاجه ملكش دعوه بيها. سيف فاق ع صوت الفون. سيف طنش مره واتنين والتلفون قاعد يرن. سيف بضيق: الو. الناحية التانية وائل: معقول ي سيف دا انا برن عليك من بدري ولا الضرب اللي اخدته أثر ع ودانك. سيف بضيق: عايز اي ي وائل.

وائل ببرود: اصل جوري عندي من امبارح والصراحة مش قادر امسك نفسي اكتر من كدا. ف لو عايز تشوف هيحصل اي العنوان ***** متتاخرش علشان تحلق المشهد من أوله. وااه ياريت تجي لوحدك دا احسنلك واحسنلها. وقفل. سيف قام بصدمه وطلع ع فوق علطول لبس واخد حاجه ونزل ركب العربيه وطلع بسرعه. عند وائل كان قاعد بيضحك. واحد من الرجاله بتوتر: يعني ما كان بلاش اللي انت عملتو دا. ما انت عارف دي بنت مين دي باشا وكدا ممكن يحصل قلق.

وائل بسخرية: لاا اطمن. سيف دا أجبن واحد ممكن تشوفه. وكان لازم يجي ويشوف اي اللي هيحصل علشان يعرف أنا مين كويس. اطلع جبها من فوق بس براحه. الرجل طلع وجاب جوري ونزل بيها وهي بتحاول تسحب أيدها بغضب. جوري: ابعد عني ي حيوان ابعد. الرجل زقها قدام وائل اللي قاعد ببرود: عملك مفاجأة لكن اي تحفه هتخليني استمتع بيكي اكتر. وبعد نص ساعة. كان انس وصل المكان هو بيبص حوليه المكان شبه مهجور.

انس دخل الفيلا الوحيدة واول ما خبط الباب اتفتح. انس دخل بتوتر لاقه وائل قاعد في وشه وجوري واحد مسكها. وائل بص لي الرجل رح سبها. جوري جريت ع انس بخوف: خرجني من هنا. انس هز رأسه وهو بيكلمها بصوت واطي: متخافيش هخرجك ومش هخلي حاجه تحصلك. وائل: خلصنا حب. انس: انت عايزني أنا مش كدا. علشان كدا جبتني هنا أنا اهو خليها تمشي. وائل ضحك: انا عايزك علشان احرق قلبك واعرفك أن عمر ما حد هيقدر ياخد حاجه بتاعتي وخصوصاً لو عايزها.

جوري مسكت في انس بخوف: دا مجنون. عند أيهم كان بيكلم فريده. أيهم بهدوء: سوري مخدتش بالي انك اتصلتي. فريده: محصلش حاجه. هو حصل مشكله تاني في الشغل. أيهم: لاا دا شغل قديم كان لازم يخلص. فريده: هترجع امتي. أيهم وهو بيمسح ع شعره: مش عارف بس مش هتأخر. سلام. أيهم قفل: ربنا يستر ي فريده. عند نور كانت في الشركه وطول الوقت بتحاول تتصل ع مالك مفيش فايدة. نور بخوف: يمكن اللي اسمه ادم دا عمل مشكله جديده. ربنا يسترها. عند لين

كانت قاعده مع كريم اللي بيبص عليها بتركيز. كريم: طب تحبي نروح ناكل بدل الصمت دا. لين بصت عليه بضيق وكانت هتقوم رح منعها. كريم: خلاص استني. أنا آسف. عارف انك المفروض تاخدي وقتك لحد ما يكون عندك استعداد تتكلمي بس احنا بقالنا ساعتين وانتي ساكته وانا قولتك اني مش هقدر اعمل حاجه او اساعدك غير لو عايزه دا.

لين اخدت نفس وبدأت تتكلم: ك. كان اصعب انسان اشوفه في حياتي. كنت بحس أنه بيعقبني علشان مش بحبه. تقريبا كان العقاب اسهل من أنه يحاول يخلني احبه. قدر يستخدم نفوذه وفلوسه علشان اتجوزه. مكنتش مديني فرصه لحاجه غير واحد خبط فيا ومره واحده عايز يصحبني وبعدين عايز يتجوزني. كاني اتخلقت علشان امشي ع مزاجه. مش انا بس الدنيا كلها.

لين مسحت دموعها: تعرف انا كنت بكره نفسي كل ما يقرب مني وكنت بكون عايزة اقت*ل نفسي. لكن بخاف كل مرة بخاف. لين فضلت تعيط. كريم كان كور ايده بغضب لكن حاول يقول بهدوء: لين خلاص نكمل بكرا. لين بعياط: لاا. تعرف بعد كل دا لما شوفت اخوه اد اي طيب وكويس عنه وكان حنين وحسيت اني اتمنت اخوه هو اللي يكون مكانه ندمت وحسيت اني واحده مش كويسه. حتى بعد كل اللي عمله. وائل قرب منها. لكن مره واحده انس طلع مسدس ورفعه نحيت وائل.

انس: خلينا نخرج. الرجاله اتجمعت. وائل بسخرية: نزل اللعبه دي ي شاطر. ولا فاكرني هخاف من واحد زيك. م م. مش ب.ي.يعرف يقول كلمتين ع بعض. وقاعد يضحك وهو بيقلد طريقه كلام انس. وائل: شكل الاكتئاب والتوحد اللي كنت فيه لسه ماثر عليك. انس شور بمسدس وضرب رصاصة بس مجتش فيه. وائل بص بعينه لوحد ومره كان ضرب ايد انس رح المسدس وقع. الرجاله فضلت تتضرب فيه وجوري بتحاول تبعدهم. وائل شد جوري وكان عايز يطلع بيها ع فوق.

انس قام بصعوبة هو بيحاول يضربهم لحد ما اخير الباب اتفتح بقوه ودخل ياسين وايهاب وورا الباقي. الشباب صوبت المسدسات نحيت رجاله وائل. وائل طلع المسدس وحطه ع دماغها. وائل: خليكم مكانكم. جوري بدموع: بابا. ياسين بدأ يقرب وهو بيقول: انت مش هتعرف تخرج من هنا ورجالتك زي ما انت شايف ف سيبها وأنا ممكن افكر أسامحك. وائل بخوف: خليك مكانك بقولك. ياسين كان ببقرب بجمود: وأنا قولتلك سيبها حالاً.

وائل كان واقف قدام السلم رح زقها ع ياسين وطلع ع فوق وهو بيشور بمسدس. وائل: خليكم مكانكم. وطلع ع فوق بسرعه. ياسين شور لي اتنين يطلعوا ورا والباقين اخدو رجاله وائل وخرجوا. ياسين حضن جوري براحه: انتي كويسه حصلك حاجه. جوري هزت رأسها برفض وبعدين افتكرت رحت قالت بصدمه: انس. جوري بصت ع انس اللي كان مرمي ع الارض وايهاب بيحاول يقومه وطلعت تجري عليه. جوري: انس. انس انت كويس. انس مكنتش بيرد.

جوري بعياط: لازم يروح المستشفى دلوقتي حالا ي بابا. مالك ومراد قربوا وشالو وخرجوا برا. وحطوا في العربيه وطلعوا بسرعه. في الطريق ياسين اطمن أنهم قدروا يمسكوا وائل. كلهم طلعوا ع المستشفى وانس دخل الطوارئ علطول. ياسين كان واخد جوري في حضنه وبعدين قال: روحي انتي ي حبيبتي. واحنا هنفضل معاكي. جوري هزت رأسها برفض وهي لسه في حضنه. جوري: قولت روحي يللا. أيهم وصلها واطمنهم وبعدين روح لفريده. كفايه كدا.

أيهم هز رأسه بتعب واخد جوري ومشي. منه دخلت: فين انس. فين ابني. ياسين بهدوء: اطمني الدكتور طمنا هو كويس. أنا مش عارف اشكركم ازاي ع اللي ابنك عاملو معايا ومع بنتي. الله واعلم لو ابنك مدخلش اي اللي كان هيحصل. ايهاب بهدوء: متقولش كدا. جوري زي بنتي بردك. فلاش باك انس لخدامه اول: اول ماما تجي. ت.تاخد الورقة دي. ومشي بسرعه وبعد نص ساعة كانت منه وصلت. الخدامه: منه هانم. انس بيه قالي اديكي الورقة دي اول ما توصلي.

منه فتحت الورقه وقراتها بصدمه. منه جريت ع فريده. مكنتش بترد منه بخوف. ردي بقا يا فريده ردي. منه فضلت تتصل تاني لحد ما اخيرا ردت. فريده: اسمعني انس راح المكان اللي فيه جوري والعنوان *****. خلي ياسين يتصرف بسرعة وأنا هبلغ إيهاب. منه كلمت إيهاب وقالتله اللي حصل وقالها تفضل مكانها وهو هيتصرف. عند أيهم. وصل جوري البيت واطمن عليها ومشي بتعب. بعد شوية وصل بيته.

أيهم طلع ع فوق، لاقى فريدة ماسكة الفون ولبسة شورت جينز قصيرة ورجليها كلها باينة. أيهم غمض عينه بضيق لما لقى نفسه ركز معاها. فريده قامت وقربت منه. أكيد تعبان أوي. تحب أحضرك الحمام؟ أيهم هز رأسه وراح ع السرير وراح في النوم. عند جوري. كانت بتعيط في حضن فريدة وهي بتقولها ع اللي حصل. فريده بعياط. الحمد لله ي حبيبتي إنك كويسة ورجعتي بالف سلامة. يلا نطلع، لازم تستريحي. جوري بعياط. وانس ي ماما؟

فريده. اطمني ي حبيبتي هيكون كويس. يلا. جوري طلعت مع فريده وسبوا وراهم يونس وليلي. ليلي بتوتر. يونس انت كويس؟ يونس بضعف. ولا عرفت أعمل حاجة. كنت قاعد، لا حول لي ولا قوة. إزاي هعيش كدا؟ مش قادر أحمي أخواتي ولا حتى نفسي. ليلي مسكت وشه وقالت بهدوء. يونس، الحادثة اللي حصلت حصلت بعربية مين؟ مش زهرة صح؟ والعربية دي احنا مش ركبناها صدفة، مش كدا؟

يعني ربنا اختارك انت ي يونس. ربنا عايز كدا. الله أعلم الحكمة فين، بس احنا مش علينا غير نقول الحمد لله. ف أرجوك بطل تلوم نفسك كل شوية. جوري عارفة إنك بتحبها وبتخاف عليها ومستعد تخسر حياتك عشانها، وإنك لو تقدر تعمل حاجة كنت عملتها. ف كفاية كدا، وأنت إن شاء الله تعمل العملية وترجع لنا. ليلي حضنت يونس بحب. إحنا بنحبك أوي ي يونس. عند مالك. رح الشغل بتعب. لاقى نور قاعدة ع مكتبها.

نور وقفت أول ما شافته. رح مالك سحبها من أيدها ودخل المكتب. مالك قاعد واخدها في حضنه وفضل ساكت. نور بكسوف. مالك مينفعش كدا. مالك بتعب. تعبان أوي. فضلنا طول الليل ندور ع جوري وكنا عايشين في قلق، وماما تعبانة بسبب أدم، حتى هو كمان مش شايف نفسه غلطان ورفض يرجع البيت. مشاكل من كل ناحية. نور مسحت ع شعره. طب بلاش شغل، روح البيت استريح أحسن. مالك وهو بيدفن رأسه في حضنها أكتر. أنا مستريح هنا أكتر. نور قامت بتوتر. مالك.

مالك مسح ع وشه وقال بضيق. روحي ع مكتبك. نور بصت عليه وخرجت بتوتر. مالك بدأ يشتغل. تاني يوم الصبح. كانت جوري مع فريده في المستشفى. جوري وهي بتبص ع انس. هو لسه مقومش؟ منه. الدكتور ي حبيبتي اللي بيحطله بنج علشان يفضل نايم. قال إن كدا أحسن. جوري كانت بتبص عليه بقلق. منه سحبت فريده وخرجت. منه. شوفتي اللي بيحصل؟ فريده بستغراب. بيحصل إيه؟ منه. الولاد بتحب بعض. انتي مش شايفة قلق جوري؟

ثم أكملت وهي بتضغط ع ايد فريده بحب. لما انس يقوم بسلامة إحنا لازم نيجي ونتكلم مع ياسين. إيه رأيك؟ فريده بهدوء. نتكلم بعدين ي منه. خلينا ندخل نطمن عليهم. منه منعتها. خلينا هنا شوية. انس هيفوق دلوقتي، خليهم يتكلموا شوية. فريده بصت عليها بتوتر. جوا. جوري كانت ماسكة ايد انس هي وبتبص عليه بهدوء لحد ما بدأ يفتح عينه بتعب. جوري حضنت انس بسرعة وقالت بدموع. انت كويس صح؟ انس اتوجع من حركاتها وحاول يتعدل معرفش.

جوري بدموع. أنا خوفت عليك أوي. كنت مرعوبة يحصلك حاجة. انس رفع ايده وحطها عليها بهدوء. أنا كويس. مفيش حاجة. جوري بعدت عنه بكسوف وانس فضل يبص عليها. عند أيهم. أيهم بتعب. سوري ي رزان تعبان شوية وعندي شوية مشاكل. مش هينفع نتقابل. أيهم. مش محتاجة إنك تيجي ي رزان. أنا هستريح شوية وهكون أحسن. أيهم مرة واحدة سمع صوت فريده بتصوت. أيهم قام بسرعة وفتح باب الحمام لاقاها واقعة ع الأرض. حصل إيه؟

فريده بدموع ووجع. معرفش. كنت خارجة ومرة واحدة اتلوت ووقعت. رجلي وجعني أوي. أيهم شالها وخرج بيها وراح حطها ع السرير ومسكها تاني. لسه وجعاكي؟ فريده هزت رأسها بوجع. أيهم. خليني أطلب الدكتور. نطمن عليها. فريده بتعب. لا، مش محتاجة. ورحت تقوم مقدرتش تقف عليها. أيهم قاعدها. خليني أطلب الدكتور أحسن. فريده بكسوف. جبلي هدومي ي أيهم. أيهم ركز دلوقتي واخد باله إنها مش حاطة حاجة غير فوطة عليها. أيهم جبلها هدومها وسبها وخرج.

وفريده بدأت تلبس بوجع لحد ما الدكتور جي وقالها إنها لازم تفضل يومين من غير حركة وكتب ع مرهم. بعد يومين. كان انس خرج من المستشفى والعيلة كلها بتروح تشوفه. وأغلب الوقت جوري معااه، ودا كان مخلي فريده متوترة وخايفة. عند مراد. كان قاعد في الشركة لحد ما السكرتيرة. مراد بيه. زهرة هانم عايزة تقابل حضرتك. مراد بهدوء. دخليها. شوية وزهرة دخلت بتوتر. مراد. في حاجة ي زهرة؟

زهرة قعدت بتوتر. ابدا. أصلي بحاول أكلمك وانت مش بترد، ف كنت عايزة أطمن عليك. مراد بهدوء. آه سوري. أصلي مشغول في الشغل. ما انتي عارفة إن أدم مش بيجي الشركة بعد اللي حصل. زهرة هزت رأسها بتوتر. أيوه. طب أسيبك شكلك مشغول. زهرة قامت لكن مراد منعها لما قال. قولتي لبابا ليه؟ أنا كلمتك وقولتلك بلاش حد يعرف حاجة. زهرة اتوترت واتسكفت. مراد بغضب. تعرفي إنك سبب كل المصايب اللي بتحصل؟

أول حاجة خليتي يونس وليلي يعملوا حادثة، وبعدين عملتي مشاكل بين بابا وأدم، ودلوقتي إيه؟ عايزة تخلصي عليا؟ انتي عاملة زي اللعنة ع أي حد. زهرة كانت بتسمعه بصمت. مراد بغضب. مش عايزك تقربي مني أو من أخواتي تاني. كفاية اللي حصل بسببك لحد دلوقتي. زهرة فتحت الباب وخرجت بسرعة ومراد قاعد ع الكرسي بغضب. عند آدم. كان مش بيخرج من الشقة ومكنش بيكلم حد لحد ما الباب خبط.

آدم قام بسرعة معرفش كان بيفكر في إيه لما افتكر إن دي لين وإنها رجعت أخيراً. آدم فتح الباب وكان مالك. مالك دخل بعد ما زق آدم وفضل يبص ع الشقة اللي مدمرة. إيه اللي عجبك هنا علشان تفضل حابس نفسك فيه؟ آدم بصداع. مالك، أنا مش عايز أتكلم في حاجة. مالك بغضب. ولك إني أتكلم؟ كام مرة أسألك في إيه؟ حصل إيه؟ وادم، وانت مخبي عليا؟ لا، علينا كلنا. إزاي تعمل كدا؟ من امتى وانت بتفكر أو تتصرف كدا؟

وكنا فاكرين إن مراد هو الطايش، طلع إن فيه حد تاني كان لازم ناخد بالنا منه. آدم بغضب. عايز إيه؟ مش سبتها زي ما كنتوا عايزين؟ سيبوني في حالي. مالك. مكنتش عايزك ي ادم. إزاي قدرت تعمل كدا وتخليها معاك وانت عارف إنها مش بتحبك؟ آدم بغضب. كانت هتحبني. أنا هخليها تحبني. مالك بسخرية. اللي قولته بيقول عكس كدا. فوق ي ادم، انت الظالم بلاش تعيش دور الضحية. وسابه ومشي. آدم قاعد بتعب. بعد شهر. محصلش فيه أي تغير.

غير إن مراد مكنش له أي علاقة ب زهرة بعد آخر مرة. وليلي ويونس قربوا من بعض أكتر، لكن يونس كل مرة كان بيبعد عنها ورفض يقرب منها، ودا كان مخليها هتتجنن وبدأت ثقتها في نفسها تقل. أيهم كان مشغول في الشغل وكان نادر لما بيتكلم مع فريده. جوري كانت طول الفترة دي قريبة من انس. وكريم ولين بدأت علاقتهم تتغير وتاخد شكل جديد. وأدم زي ما هو، لسه قاعد في شقته. كله كان بيجهز لفرح مالك ونور.

مالك كان قاعد مش ع بعضه ومش مصدق إن اليوم دا جه أخيراً. مالك فضل يحاول يكلم أدم لكن مفيش فايدة لحد ما جت رسالة. مالك فتحها وسمعها ومرة واحدة الفون كان مليون حتة ومالك عينه احمرت بغضب. وبعد ساعات. بدأ الفرح وكل الناس ورجال الأعمال بقوا موجودين. مالك فضل واقف مستني نور تنزل. لحد ما ظهرت مع حازم ونزلوا بهدوء. مالك خدها وبسها بهدوء ورحوا يرقصوا. مالك لقى أدم بيدخل بهدوء رح ابتسم وكمل رقص.

زهرة كانت واقفة بعيد وهي شايفة مراد بيضحك مع دي ومع دي لحد ما عينهم جت في بعض. مراد بص لها بغضب ومشي وسابها. فريده سحبت أيهم علشان يرقصوا. أيهم كان بيرقص بهدوء وهو بيفكر في تصرفاتها طول الشهر اللي فات، بق حاسس إن فيه حاجة غلط. جوري كانت عينها ع انس اللي حاسة إنه متوتر بسبب الناس. جوري قربت منه ومسكت ايده وقالت. أنا موجودة، اطمن. انس ابتسم بهدوء. تحت أنظار فريده. وبعد ساعات كتير الفرح خلص.

مالك أخد نور طلعوا ع بيتهم وكل واحد رجع بيته. مالك بحب. يلا ي حبيبتي ادخلي غيري. نور اتكسفت وقالت بتوتر. حاضر. نور لفت لمالك. ممكن تفتحلي السوستة؟ مالك قرب منها وفتحها وهو بيحرك ايده ع ضهرها لكن نور اتحركت بسرعة ع الحمام. مالك ابتسم عليها ودخل حمام تاني يغير هو كمان. وبعد شوية خلص وقاعد مستنيها. شوية ونور خرجت بكسوف. مالك قرب منها وحضنها بتملك. مش مصدق إنك هنا معايا. نور غمضت عينها براحة. أنا بحبك أوي ي مالك.

مالك بدأت شفايفه تتحرك ع وشها وبعدين...