رواية منقذي الفصل السادس 6 - بقلم ملك شكري

فضل يكرر اسمها ولما ملقاش رد راح ناحيتها بسرعه. رفع وشها لقا وشها احمر جامد وشفايفها بتزرق. "ليااان... ليان مالك ليان؟ ليان كانت بتحاول تاخد نفسها ومش عارفه وابتدت تكح جامد جداً. "كححح كحح..م.م..مش ق.ا.د.ر.ه. ا..ت.ن.ف.س." خلصت جملتها وشبهه فقدت الوعي. "ليان ليان." فضل يخبط على وشها براحه. "ل ليان قومي عشان خاطري..انا اسف والله قوميي ياليان." نده على الداده بكل صوته. طلعت الداده تجري شافت ليان بالمنظر ده شهقت بخضه.

"ليان مالك يابنتي؟ شال زين ليان لحد الحمام ورفعها كلها ف حضنه ووقف قدام الحنفيه وب ايده التانيه بيغسل وش ليان وبردو مفيش فايده. خرج بسرعه وحطها على السرير وقعد جمبها وهو على نفس وضعه. "اتصلي بالدكتور بسرعه ياداده." اتصلت الداده بالدكتور وفضل زين يطبطب على ليان وهو خايف جدا عليها. وبعد وقت قصير جيه الدكتور وقال ل زين. "لو سمحت يازين بيه تطلع تستنى برا." "انا لو سمعتك كررت الكلمه دي تاني اترحم على نفسك... اخلص."

خاف الدكتور منه ووقف يكشف عليها وبعد وقت قال. "هي عندها ديق تنفس ودي حاله بتحصلها لو زعلت او عيطت وقت كبير." زين بضيق من نفسه كبير. "تمام..داده خدي الدكتور وصليه." نزلت الداده مع الدكتور وراح زين ناحيه ليان بحزن. قعد جمبها وبتردد كبير. مد ايده طبطب على شعرها. "ا..انا اسف." فاقت ليان. "في اي؟ وبعد شويه افتكرت الي حصل. "ليان انا مكانش قصدي كده والله..وبعدين انتي فهمتي كلامي غلط."

"زين بيه خلاص..محصلش حاجه. انا نسيت..وبعدين انا خلاص همشي ف عادتي." "تمشي فين..ليان مفيش مشي من هنا." "انا فعلا بقيت وجع قلب عليك وتعبت حضرتك زياده..ف لازم امشي." "ليان مش عايز اسمع كلمه امشي دي خالص سمعاني..وبعدين انا لما بتعصب ممكن اقول كلام يدايق الي قدامي وانا مش واخد بالي ف مكانش قصدي اجرحك انتي عمرك ما كنتي وجع قلب ولا هتكوني يا ليان." "احم..ب بس زي ما قولت ل حضرتك مينفعش افضل قاعده هنا."

"انا قولتلك الحل ياليان." "انا مش هتجوز بالطريقه دي... وفوق كل ده اخد واحد غصب عنه انا مش كده." "ليان انا مبعملش حاجه غصب عني..ابداً ده حل انفع ليكي." "وعشان كده انا مش موافقه..عشان حل انفع ليا." "يعني انتي مش موافقه على.حاجه هتنفعك." "لأ مش كده انا مش موافقه على حاجه هتنفعني..لوحدي انا مش انانيه عشان اخد واحد عشان نفسي وبس..طب وحياتك انت فين..خلينا نمشي على كلامك وانا وافقتك واتجوزنا... هتبقا حددت مسيرك بنفسك."

"هيجي ف يوم من الايام تحب بنت وتعجب بيها..وهتندم على اليوم الي عرضت فيه عرض زي ده..وانا مش هقدر اشوف نظره كره او ندم ف عين حد تجاهك." زين اتصدم من تفكيرها..هي متعرفش اي حاجه. "ليان... اسكتي اسكتي خالص... انتي متعرفيش حاجه... و100مره اقولك انا مبعملش حاجه غصب عني." "يعني الطلب ده مش غصب عنك." "لا..لا ياليان انا هبقا مبسوط لما احميكي... صدقيني ثقي فيا مره." "انا لو مكنتش بثق فيك..احم ف.ف حضرتك يعني مكنتش هقعد هنا."

زين ابتسم على كلامها. "خلاص يبقا كتب الكتاب بكره." ليان بصدمه. "نعم."