رواية منتقبة اثرت قلبي الفصل العاشر 10 - بقلم اسماء السيد

خلصو لبس أسماء كانت لابسة فستان لونه أزرق ونقاب وخمار أوف وايت وكانت رقيقة قوي. أحلام كانت لابسة فستان كشمير وخمار من نفس اللون بس درجة أفتح وكانت أميرة. وهنا كانت لابسة فستان بنفسجي وطرحة أوف وايت وكوتشي أبيض، كانت قمر. أميرة كانت لابسة فستان أبيض وفيه ورد نبيتي وطرحة نبيتي وكانت روعة. ومعاهم مكة، وكانت لابسة فستان كحلي ونقاب وخمار كشمير، وكانوا كلهم حلوين. عند الشباب.

فادي لابس بدلة زرقاء وقميص أبيض وكوتشي أبيض، كان عسل قوي. وشادي كان لابس بدلة سوداء وقميص أبيض وكوتشي أبيض، وكان قمر. وكان معاهم عامر، ولابس بدلة سودا وقميص أبيض وببيونة نبيتي وكوتشي أبيض. وعدي كان لابس بدلة بنفسج وقميص أوف وايت وكوتشي أبيض. وأحمد "السينجل" لابس بدلة كحلي، قمر قوي. الشباب راحوا يجيبوا البنات. فادي رن على أسماء عشان يطلعوا البنات. طلعوا كلهم ووقفوا متنحين. وكل واحد بيبص لمراته، وأحمد بيبص لمكة.

كل واحد أخد مراته معاه. أحمد ومكة ركبوا مع فادي. وصلوا القاعة وكل توينز ماشي مع بعض. فادي، أسماء. شادي، أحلام. عامر، أميرة. عدي، وهنا. وأحمد داخل مع مكة. فادي وشادي راحوا على المأذون عشان يكتبوا الكتاب، وكان شادي الأول. خلص المأذون وقال "بارك الله لكما وبارك عليكما وجمع بينكما في خير". شادي جرى على أحلام وشالها ولف بيها، وأحلام كانت هتموت من الكسوف. شادي: ألف مبروك يا أميرتي. أحلام: الله يبارك فيك.

شادي: بحبك بحبك قوي. أحلام خبت وشها فيه: وأنا بحبك. شادي فرح وأخدها وراحوا مكانهم. دور فادي. فادي واقف قدام أسماء: أسماء موافقة تبقي على اسمي لآخر العمر؟ موافقة تكوني سندي في الدنيا ورفيقتي في الجنة؟ موافقة نصلي ونقيم الليل سوا؟ موافقة تكوني زوجتي المصون؟ موافقة تكوني أم ولادي؟ ها موافقة يا أسماء؟ أسماء بفرحة كبيرة: أيوا مواااافقة. بدأ المأذون خلص وقال "بارك الله لكما وجمع بينكما في خير". عقبال السناجل.

فادي بص لأسماء، راح وباسها من راسها وأخدها وقعدوا مكانهم. أسماء كانت مفكرة إنه هيحضنها وحمدت ربنا إنه معملش كده. فضلوا شوية في القاعة يهزروا ويضحكوا ويتصوروا. أحمد بيجيب عصير وخبط في حد. بيبص كانت مكة: انتي تاني يا شبر ونص. مكة: أنا آسفة مش قصدي. أحمد: ولا يهمك، رايحة فين؟ مكة: هجيب شاحن. أحمد: خليكي، هجيب لك. أحمد راجع جاب لها وجه، أدهولها. مكة: شكراً. ومشت. أحمد: امتى بقى؟ فادي وشادي وعامر وعدي وأحمد بيتصوروا سوا.

وأسماء وأميرة وأحلام وهنا ومكة بيتصوروا سوا. وبعدين كل واحد أخد مراته يتصور معاها. خلصوا والشباب قرروا يطلعوا يسهروا برا كل واحد ومراته. فادي أخد أسماء مكان بعيد وقالها تغمض ومتفتحش. وكان مكان عالي. وصلوا. فادي نزل أسماء. فتحي. أسماء فتحت لقت الورد على الأرض وترابيزة عليها شمع وجو رومانسي. أسماء انبسطت. فادي: إيه رأيك؟ أسماء: الله يا فادي جميل قوي. فادي حضنها جامد

ولف بيها أكتر من مرة وقال: بحبك بحبك قوي قوي بحبكككككككككك. أسماء: وأنا بحبك قوي قوي. فادي: أكيد استغربتي إزاي محضنتكيش بعد كتب الكتاب؟ بصي يا حوريتي، مكنتش عايز الناس تشوف مراتي حبيبتي وأنا شايلها. أسماء: أنا حمدت ربنا إنك عملت كده أصلاً. فادي: يلا نقعد. وقعدها على الكرسي. وفضلوا يتكلموا. نسيبهم بقى. عند شادي. أخد أحلام مطعم كان حاجز له بس كان متزين بطريقة جميلة قوي وعجب أحلام. شادي: عجبك؟ أحلام بفرحة: قوي.

شادي حضنها ولف بيها، وبعدين قعدوا. أحلام: أنا زعلانة منك. شادي: ليه؟ أحلام: عشان شلتني في القاعة وخليت الناس تتفرج عليا. شادي: أنا آسف جداً، بس أنا كنت فرحان ونفسي أحضنك في الحلال، آسف. أحلام: مش تتأسف خلاص، أنا بهزر يا حبيبي. شادي: يا آي. أحلام: يا شادي. شادي: غلسة. أحلام بتضحك وفضلوا يتكلموا ويهزروا. عدي وصل هنا وعامر وصل أميرة وروحوا بيتهم. أهل أسماء وأهل أحلام مروحين سوا. أسماء راكبة مع فادي وأحلام مع شادي.

بعد فترة من الزمن وصلوا. الشباب مع بعض. شادي: الدراسة هتبدأ كمان أسبوع، انتوا هتسكنوا برضه؟ أحلام شاكت ومش بتتكلم. ردت أسماء: آه هنسكن. أحلام: أنا همشي. شادي: هوصلك. أحلام: لا شكراً. ومشت. شادي راح وراها. أحلام ماشية ودموعها نازلة. شادي: أحلام أنا آسف، سامحيني غصب عني يا أحلام، فكرة بعدك بتموتني. واخدها في حضنه. أحلام: وأنا كمان آسفة. شادي: أجيب لك شوكولاتة ونوتيلا إيه رأيك؟ أحلام: وشيبسي وكانز ومصاصة.

شادي ضحك جامد: متجوز طفلة والله. أحلام: إيه مش عاجبك؟ شادي: عاجبني ونص يا قلبي. أحلام انكسفت وسكتت. شادي بضحك: آه اضحكي اضحكي. أحلام: يلا يا رخمة. شادي: روح قلب الرخمة. وراحوا الماركت. عند فادي. قاعد مع أسماء و...