رواية منتقبة اثرت قلبي الفصل التاسع 9 - بقلم اسماء السيد

الكل طلع وسابو شادي واحلام سوا. احلام مكشوفة ومش بتتكلم. شادى: إزيك يا أحلام عاملة إيه؟ احلام وشها بقى طماطم: الحمد لله بخير وحضرتك. شادى بضحك: حضرتك إيه بقى، دا أنا في مقام جوزك. احلام: إيه دا ومين قالك إني هوافق أصلاً؟ شادى: لا بعد أصلاً دي مش عايز أتجوز. احلام بغيظ: ماشي، هقول لبابا إننا مش متفقين، باي. لسه قايمة. شادى: يا بنت المجنونة، أنا بهزر، اقعدي. احلام: نعم عايز إيه؟ شادى: نتكلم جد شوية. احلام: حاضر.

شادى: عندك أي أسئلة اتفضلي. احلام: عندي. حافظ القرآن ولا لأ؟ الصلاة أخبارها إيه؟ بتعامل باباك ومامتك إزاي؟ بتشرب سجاير ولا لأ؟ شادى: الحمد لله خاتم القرآن. الصلاة منتظم الحمد لله. أهلي كل حياتي أصلاً. مبشربش. احلام: حاجة تاني؟ شادى: لا. احلام: عارف كل حاجة. احلام: أنا هطلع. شادى: هتوافقي صح؟ احلام: الله أعلم. شادى: هنشوف. وطلعت احلام. ودخلوا أهل شادي واحلام. أسماء وفادي كانوا قاعدين في البلكونة.

فادى: عايز أكتب الكتاب، إيه رأيك؟ أسماء: لسه بدري يا فادي. فادى: لسه يا أسماء، انتي مش واثقة فيا؟ أسماء: لا مش كدا، أكيد واثقة فيك، بس أنا لسه في أوله وانت في تالتة، يعني لسه بدري. فادى: أنا بقولك نكتب الكتاب مش نتجوز يا أسماء، وبعد ما تخرجي نتجوز وتكملي. أسماء: هفكر ليه وأقولك. فادى بص لها بزعل وحزن: شكلك مش عايزة تدبسي فيا يا أسماء. وسابها ومشي. أسماء زعلت من نفسها أوي ودخلت لأحلام اللي مبسوطة أوي.

أول ما أسماء شفتها حضنتها وعيطت. احلام: في إيه يا أسماء؟ أسماء: فادي طلب نكتب الكتاب وأنا قلت له هفكر، زعل مني أوي. احلام: معاه حق يزعل، لما انتي تبقي مش واثقة فيه وخايفة؟ خايفة يبقى في بينكم رابط يا أسماء، فادي بيحبك وعايزك معاه، أو على الأقل يعرف يتكلم معاكي بحرية، مش يبقى فيه قيود يا قلبي. هو عايزك مراته يا سمكتي، المفروض كنتي وافقتي عشان تبينيله إنك بتحبيه. أسماء: أعمل إيه دلوقتي؟

احلام: هقولك. بصي هبعت لك ف البلكونة واتكلمي معاها. أسماء: ماشى. احلام قالت لفادي يكلم أسماء وهو راح لها. فادي ساكت والحزن باين على وشه. أسماء: فادي بالله عليك متزعلش مني، والله مش قصدي زي ما انت فهمت. فادي أنا بس خايفة من المسئولية اللي هتبقى عليا وكدا، بس مش أكتر. وأنا والله موافقة. فادي مرضيش يزعلها بعد ما شاف دموعها: خلاص يا سمكتي، اللي يريحك هعملهولك. أسماء: كلم بابا واتفق معاه. فادي بفرحة: حاضر يا سمكتي.

أسماء: إيه الدلع دا؟ فادي: براحتك 😁. أسماء: مستفز. وسبته ومشيت وهو فضل يضحك عليها. ودخل للباقي. اتفقوا على كل حاجة. بابا شادي: نأذن احنا يا جماعة، وآخر الأسبوع إن شاء الله الخطوبة. بابا احلام: إن شاء الله. فادي نده أسماء عشان يروّحها. شادي وأهله مشيوا. وفادي راح روّح أسماء وسلم على أهلها. فادي: عمي، أنا عايز أكتب الكتاب آخر الأسبوع لو سمحت عشان أبقى على راحتي مع أسماء.

بابا أسماء: والله دي حاجة براحتكم، لو انتوا موافقين معنديش مانع. فادي: إحنا موافقين. بابا أسماء: على خيره الله، آخر الأسبوع. فادي سلم عليهم وروح بيته وقال لمامته وهي فرحت. نام عشان شغله. تاني يوم فادي قال لصحابه على كتب الكتاب. وشادي قرر يكلم بابا احلام ويكتبوا كتابهم. وبالفعل كلموه وهو وافقوا. عدى الأسبوع مبين حجز القاعة وشراء اللبس. وجه اليوم المنتظر. كتب كتاب أسماء وفادي 'القمرات' واحلام وشادي 'المجانين'.

فادي وشادي صحيوا الصبح وراحوا للبنات خدوهُم على الكوافير. ومشيوا عشان يلبسوا.