رواية مرات ياسين الزين الفصل السابع 7 - بقلم نسمة مالك

معتز: سنين يا ليلى، سنين وأنا بحلم بطعم شفايفك. ليلى صامتة، بل مغيبة. تنظر له بخجل وذهول ومشاعر مختلطة. وضع جبهته على جبهتها وأكمل بأنفاس لاهثة: معتز: النهارده يا ليلى، هكتب عليكي. النهارده مش بكرة. استعدي، هتكوني في بيتي النهارده. ليلى بصدمة: النهارده إيه يا معتز؟ أنت بتهزر؟ لا طبعاً، أنا مش مستعدة ولا فكرت إننا نتجوز دلوقتي خالص. أقل ما فيها كام شهر.

معتز بإصرار: ولا كام يوم. نتجوز يا ليلى، واستعدي براحتك. بس وإنتي في بيتي ومراتي، وأنا مش هضغط عليكي. هسيبك براحتك تاخدي عليا الأول. مش هلمسك إلا وإنتي راضية. شهقت هي بخجل وتفاجئ. ليلى بهمس: معتز، عيب. مينفعش كده. معتز برجاء: أرجوكي، واقفي. أرجوكي يا ليلى. وأوعدك مش هتندمي. أنا هكلم عم إبراهيم، اتفق معاه وإن شاء الله هيوافق. وأبعت أجيب أهلي من الشرقية، ونكون عندكوا قبل صلاة العشا. قَبّل يدها بعمق وعشق شديد وأكمل:

معتز: بس إنتي حني عليا، وبلي ريقي يا عيون معتز. ليلى: معتز، أنت كده بتوترني. طيب بابا ممكن مش يوافق؟ أو ماما هتعمل إيه ساعتها؟ معتز بعشق: إنتي بس حني وتكرمي عليا ووافقي. وأنا مستعد أبوس إيدهم ورجليهم كمان لحد ما يوافقوا. ليلى بفرحة: للدرجاتي يا معتز عايزني أبقى مراتك؟ حرك رأسه بالإيجاب. خفضت هي عينيها وهمست بخجل: ليلى: أنا موافقة يا معتز، بس بشرط.

همهمت قائلة: توعدني مش.. مش.. مش هنتم جوازنا إلا لما آخد عليك. أوعدني يا معتز. معتز بفرحة غامرة: أوعدك يا قلب معتز وعيون معتز. ربنا يقدرني وأسعدك يا ليلى يا حب عمري. التصق بها مرة أخرى وأكمل بعبث: معتز: إنتي كده حنيتي عليا ووافقتي. بلي ريقي بقى. ليلى بعدم فهم: حاضر. أمسكت كوباً من العصير الموضوع أمامهما وأعطته له وأكملت: ليلى: اتفضل اشرب العصير. جذبها داخل حضنه أكثر وهمست هي بخجل: ليلى: إيه يا معتز؟ فيه إيه؟

معتز بهيام: عارفة إنتي قولتي كام معتز؟ عارفة نطقك لاسمى بيعمل فيا إيه؟ غمز لها بإحدى عينيه وأكمل بوقاحة: معتز: وبعدين أنا مش عايز أبل ريقي بالعصير، أنا عايزه كده. أنهى حديثه وغمر شفتيها مرة أخرى بقبلة أكثر عمقاً وعشقاً. *** ياسين وتمارا. تائه هو بين شفتيها الوردية، يتنقل بينهم بلهفة شديدة. لف يده حول خصرها لصقها بصدره أكثر، ليعمق أكثر بقبلته. ارتخى وتهاوى جسدها بين يديه. قاطعه نعيمه.

ياسين بقلق: تمارا، حبيبتي، فوقي. يا نهار أبيض، أنت دوختي من بوسة. فوقي أبوس إيدك، عمتك ممكن تدخل في أي لحظة. فوقي يا قلبي، أنا آسف يا حبيبتي. تمارا بهيام: آآآه يا سُّو، أنت لسه هنا. تحسست وجهه بأناملها وأكملت: تمارا: يعني دا مش حلم؟ صمتت قليلاً وأكملت دون وعي: تمارا: إحنا فين؟ ومين عمتي اللي تدخل؟ نظرت له ببراءة وأكملت: تمارا: أنا مين؟ ياسين بفزع: يا نهار أبيض. أبوس إيدك يا حبيبتي، صحصحي كده. اشربي المية دي حبيبتي.

أمسك كوباً من المياه وبدأ يشربها وأكمل بتأنيب لنفسه: ياسين: أنا أستاهل، جدتك حذرتني. بس مكنتش أعرف إنك ميييح أوي كده. لازم أمهد بعد كده. صامتة هي تنظر له بتوهان وعدم وعي. أغمض عينيه بعنف واقترب منها ينظر لشفتيها بتتمعن وأكمل: ياسين: ورييني شفايفك اللي ورمت دي. وضع يده على جبهته وضغط عليها بعنف وحدث نفسه بلوم: ياسين: أعمل فيها إيه دلوقتي بس؟ وهي بقت أحلى كده. تمارا بتوهان حاد: هي شفايفي لسه مكانها أصلاً يا ياسو؟

نظرت له بعبوس وأكملت: تمارا: أنا زعلانة منك. هتكلم إزاي دلوقتي؟ ياسين بجنون: يا نهار أسود، أنا بوستك ولا بنجتك؟ مسك وجهها بين كفيه وأكمل برجاء وتوسل: ياسين: يا حبيبتي، ما إنتي بتتكلمي أهو. أبوس إيدك ركزي. اشتعلت عيناه برغبة حارقة تجاهها وأكمل بأنفاس لاهثة: ياسين: شكلك كدا يجنن وعجبني أوي الصراحة. بس مش في الشركة، مش عايز حد يشوفك كده غيري. حالتك دي ملكي لوحدي يا تي تي. أبوس إيدك فوقي بقى. انتفض على صوت خبط الباب:

ياسين: الباب بيخبط. عدل وضع جلوسها: ياسين: أيوه اقعدي كده وخذي العصير دا اشربيه. تنحنح بصوت قوي: ياسين: احححححم. أيوه ادخل. موظفة: الاجتماع جاهز يا فندم. ياسين بعملية: تمام، أنا جاي حالا. روحي إنتي. *** معتز وليلى. معتز: اححححححم. أيوه ادخل. موظفة: الاجتماع جاهز يا فندم. معتز: طيب روحي إنتي. هبت ليلى واقفة فجأة واتجهت للباب وهمت بالخروج. ركض هو خلفها سريعاً وتحدث بلهفة: معتز: ليلى، رايحة فين؟ استني. إنتي زعلتي مني؟

حقك عليا يا حبيبتي. أرجوكي متزعليش. ليلى بخجل: أنا هروح. واحضر أنت الاجتماع، ورايا حاجات كتير أخلصها على ما تيجي إنت على العشا إن شاء الله. معتز بلهفة: بجد يا ليلى؟ وافقتي؟ ابتسمت له ابتسامة صافية وحركت رأسها بالإيجاب. قَبّل يدها بعمق وأكمل بعشق:

معتز: والله يا حبيبتي ما هتندمي على القرار دا أبداً. ودا وعد مني ليكي، وربنا شاهد عليا. إني أحطك جوه قلبي وعمري ما أزعلك أبداً. أنا هكلم عم إبراهيم حالا وأبعت العربية تجيب أهلي، وهنكون عندكوا قبل العشا بأمر الله. ليلى بفرحة: وأنا هستناك. أنهت حديثها واتجهت للخارج وهو خلفها. تقابلت مع ابنة أخيها، وجهت حديثها لها بهدوء: ليلى: تمارا، يلا بينا حبيبتي. نظرت لها بتتمعن، وجهها متورد بشدة، شارده، تائه.

اقتربت منها وتحدثت بقلق: ليلى: مالك يا تي تي؟ فيكي حاجة؟ وجهت نظرها لياسين وأكملت: ليلى: مالها يا ياسين؟ ياسين بتوتر: اححم، أبداً. هي بس دوخت شوية عشان مأكلتش. أنا شربتها عصير، بس لازم تأكل وترتاح شوية. أكيد تعبّة روحها في المذاكرة. مسك يدها برفق وأكمل: ياسين: هروحها ترتاح شوية، وأجلكم تحضروا إنتوا الاجتماع. ليلى: لا خليك. أنا مروحة هاخدها معايا.

معتز بفرحة: خليك يا ياسين، إحنا هنروحلهم بليل. ليلى وافقت وهنكتب كتبنا النهارده بعد موافقة عم إبراهيم وماما سماسم. ادعيلي يوافقوا هما كمان. ياسين: إن شاء الله يوافقوا يا حبيبي. مبروك يا ليلى. نظر لتمارا بعبوس وأكمل: ياسين: عقبالنا يا تي تي، كبري بسرعة بقى. اقتربت تمارا من ليلى واحتضنتها بحب وتحدثت أخيراً. تمارا بجدية: بجد يا عمتو وافقتي؟ ألف مبروك يا حبيبتي، أنا فرحانة أوي علشانك. ليلى: الله يبارك فيكي يا..

اقتربت من وجهها أكثر تنظر بتمعن لشفتيها وأكملت بغيظ من تحت أسنانها: ليلى: يا قلب عمتك. صمتا قليلاً وكلاهما تنظر للأخرى بتمعن. وبنفس واحد نطقا: ليلى وتمارا: مال شفايفك ياتمارا؟ مال شفايفك يا عمتو؟ ياسين ومعتز: ؟