رواية مريضة سرطان الفصل الثالث عشر 13 - بقلم سلمى

في منتصف الليل دخل رجلان. فتحت لهما نعمة الباب وضرباها على رأسها وأخذا ليان وهربا. أفاقت نعمة وهي تصرخ: "يالهوييي... الحقني يا عم إبراهيم البنت اتخطفت يالهوي! صوتها أيقظ عم إبراهيم البواب. إبراهيم: "في إيه يا نعمة بتصوتي ليه؟ نعمة بخوف: "ليان يا عم إبراهيم، اتنين ضربوني على راسي وخدوها." إبراهيم: "يا نهار أبيض، وهما دخلوا منين؟ نعمة بتوتر: "هااا... دخلوا... دخلوا من الشباك."

إبراهيم: "خلاص متقلقيش، أنا هرجع كاميرات المراقبة وهبلغ الشرطة." نعمة بخوف وتوتر واضح: "ش... شرطة؟ إبراهيم: "أيوة الشرطة يا نعمة، مالك؟ نعمة: "لا مفيش، من الخضة بس، مش عارفة ألم أعصابي." إبراهيم: "طب اهدي، وأنا هبلغ مدام فاطمة." أبلغ إبراهيم فاطمة. فاطمة: "يا نهار أزرق! إزاي دا يحصل؟ وانتوا لازمتكم إيه؟ اقفل يا إبراهيم، أنا جاية حالاً." بعد أن أغلقت مع إبراهيم، نظرت سيلا إليها وكأنها تسألها: "في إيه؟

فهمت فاطمة نظرتها. فاطمة: "سيلا، في ناس راحوا وضربوا نعمة وخطّفوا ليان." سيلا، أول ما سمعت كدا، شالت المحاليل من إيديها وقامت وغيرت هدوم المستشفى. انتظرتها فاطمة وأخذتها ورحلت بعد أن دفعت فلوس المستشفى. في نفس الوقت، كان إبراهيم قد أبلغ الشرطة. جاءت الشرطة وبدأوا في الرجوع لكاميرات المراقبة. في هذا الوقت، اختفت نعمة. الكاميرات أظهرت أن الرجلين دخلا من الباب، وليس من الشباك كما قالت نعمة، لكنها لم تظهر من فتح الباب.

فاطمة: "هي نعمة! مفيش غيرها كان في البيت، يابنت الـ***." وصل عاصم وركن عربيته في الجراج ودخل مسرعاً. وجد فاطمة وسيلا في غرفة تفريغ الكاميرات. حكت له فاطمة ما حدث. عاصم: "أنا عارف مين اللي عمل كدا." فاطمة: "طب يلا بينا يا ابني." عاصم، الذي عرف أنها يارا من تهديدها له، وكان يعرف بيتها، أخذ الشرطة وذهبوا إلى بيت يارا. أول ما دخلوا، لم يجدوا أحداً في البيت. عاصم بصوت عالٍ: "يارا!

أنا عارف إنك هنا وعارف إنك سامعاني، عشان دا المكان الوحيد اللي بتحبي تيجي فيه. بالله عليكي متعمليش في بنتي حاجة، دي طفلة، مش ذنبها حاجة." فجأة، سمعوا صوتاً قادماً من سطح البيت. صعدوا بسرعة. أول من صعد كانت سيلا. أول ما رأت المنظر قالت بزعر: "ليااان! نظر الجميع ناحية ليان ويارا. صُدموا من الذي رأوه. وصُدموا أن سيلا استعاد النطق.