رواية مصائر مجهولة الفصل الثاني عشر 12 - بقلم سما محمد

ركبوا العربية وفضلوا يتكلموا لحد ما طلع حد قدام العربية مرة واحدة. زين وقف العربية بسرعة وفريدة صوتت. قالها: اهدي، هشوف حصل له إيه. نزل لقاه شاب سايح في دمه، راح نده على حد من الشارع بسرعة يساعده عشان يشيله. خده معاه في العربية. فريدة بخوف: وديه المستشفى بسرعة. بص لفريدة وقال: اهدي، مفيش حاجة. هوديه حالا. ساق العربية بسرعة ووصل المستشفى. الدكتور كشف عليه شوية وقال بسرعة: دخلوه أوضة العمليات بسرعة.

دخلوه وزين وفريدة على أعصابهم. زين هداها وقال: إن شاء الله خير، مش تقلقي. فريدة: أنا خايفة أوي عليه. زين: ربنا يستر. شوية وممرضة طلعت وقالت: المريض نزف كتير ومحتاج دم. زين: طيب شوفي عينة دمي كده واتبرع له. الممرضة: تمام، تعالي معايا. زين راح معاها وخدت عينة منه تفحصها. زين قعد جنب فريدة مستني. الممرضة طلعت بعد حب وقالت له: للأسف العينة مش مطابقة. فريدة بصت وقالت: طب شوفي دمي أنا.

زين بصلها وقال: لا، اهدي، انتي ممكن تتعبي. أنا هحاول أجيب كيس دم من بره. الممرضة: حضرتك مش هتعرف تجيب عينة دمه لأنها نادرة جداً في المستشفيات. خلينا نشوف عينتها بسرعة لأنه في خطر. فريدة: خلاص، أنا جاية معاكي. دخلت معاها وسحبت عينة. زين بصلها وقال: اتأخرت ليه دي؟ فريدة: استني، زمانها جاية. الممرضة طلعت وقالت بفرحة: الحمد لله، العينة مطابقة. تعالي نسحب منك بسرعة. فريدة: ماشي. زين راح معاها وهو خايف عليها أوي.

الممرضة سحبت منها دم كتير أوي وهبطت. راح بسرعة جاب لها عصاير ولبن بكميات كتيرة وقال لها: اشربي بسرعة. فريدة: مش تقلق، أنا كويسة. زين: كويسة إيه؟ انتي بتروحي مني، مش شايفه وشك. اشربي يلا. فريدة: طيب. فضلت تشرب لحد ما هديت حبة والهبوط راح. وفضلوا مستنين الدكتور يطلع من أوضة العمليات. في بيت العيلة الجد بقلق: فريدة وزين اتأخروا جداً. كريمة أم زين ضحكت وقالت: عرسان جداد بقى، سيبهم يا حاج يتفسحوا.

شيرين أم فريدة ضحكت وقالت: عندك حق. وفضلوا يضحكوا سوا. في أوضة ملك بعتلها: كنت مبسوط أوي إننا خرجنا النهارده. ملك: وأنا كمان. _وعد مني هعوضلك اليوم ده بيوم جامد. ملك: الأاه 😂💖 وهتوديني فين بقى؟ _المكان اللي يعجب ملكتي. ملك: احم احم، عيب كده يا أستاذ عمر. _بلاش أدلع مراتي حبيبتي؟ ملك: لا، صراحة ثبتني. _طب مش مراتي الحلوة المفروض تدلع جوزها ولا إيه؟ ملك: ما انت اسمك دلعه يضحك أوي 😂😂😂🤦 _إزاي دي؟

ملك: يعني أقولك يا عومرررري؟ 😂😂😂 _لا لا يا ستي، أنا غلطان إني قولت دلعيني. ملك: الأاه، انت زعلت مني؟ طب أنا آسفة يا عموري. _حلو الدلع ده على فكرة. ملك: خلاص هقولهولك على طول 💖😂 _ماشي، هغير اسمك لـ "ملكتي" من دلوقتي وانتي غيري اسمي. ملك: ماشي يا حب 😂💖 _أكتر حاجة بحبها فيكِ إنك بتقدري تكوني أكتر من شخصية في وقت واحد. ملك: إزاي يعني؟

_يعني بتبقي بنوتة بتتكسف أوي وشوية تبقي واحدة مجنونة وشوية قمة العقل، حبه أحسك صاحبي وحبه أحسك حبيبتي وشوية بحسك أمي اللي بتحن عليا لما أكون متضايق. انتي ميكس حلو لشخصيات كتير وكل واحدة فيهم دخلت قلبي. ملك: احم، أنا مش عارفة أقول إيه. _خدودك بيبقوا قمر وهما محمرين زي الفراولة. ملك اتخضت وقالت: عرفت منين إن خدودي احمرت 🙂 _لأنك لما بتتكسفي بتبقي كده وبيبقي شكلك قمر.

ملك: طب أنا بقول كفاية قلة أدب عشان شوية وخدودي هتولع، تمام. _طيب، مش هتكلم 😂😂😂 ملك: صحيح، قومي اتوضي وصلي قيام الليل وأنا هروح أنا كمان وابقي ادعي لزوجك قرة عينك يا زوجتي المصون 😉💖 ملك: حاضر، وابقي ادعيلي 😂💖 _بدعيلك من يوم ما عرفتك يا "ملكتي". ملك: بقول نقوم نصلي أحسن؟ _يلا، أنا بقول كده بردو 😂💖 في المستشفى الدكتور طلع بعد ساعة وقال: الحمد لله، وقفنا النزيف وحالته دلوقتي بقت مستقرة. زين: الحمد لله. الممرضة

ادت فريدة كيسة وقالت: دي أغراض المريض. فريدة: ماشي. زين قال للدكتور: ينفع ندخل نشوفه؟ الدكتور: آه طبعاً، اتفضلوا. دخلوا يبصوا عليه. فريدة اتصدمت وقالت: إزاي هو شبهي أوي كده؟ زين: مش قادر أصدق صراحة، زي ما يكون فولة وانقسمت نصين. فريدة: أكيد صدفة صح؟ زين: أكيد، يخلق من الشبه أربعين. الممرضة ندهت على فريدة. فريدة طلعت. قالت لها: محتاجين نعرف اسمه بالكامل عشان نسجله. فريدة: ثواني، هشوف كده معاه بطاقة ولا لأ.

فريدة فتحت الكيسة اللي الممرضة ادتهالها لقت محفظته، فتحتها وطلعت البطاقة. بصت واتصدمت وقالت: إيييه؟ إزاي ده يحصل؟