رواية مصائر مجهولة الفصل الخامس 5 - بقلم سما محمد

عمر شاف صدمة عمره وقال: فريدة؟ زين بص له وهو بيحاول يبتسم ومن جواه عاوز ياكله. عمر: إزاي انتوا مخطوبين وعايشين سوا؟ زين: إحنا ولاد عم وده بيت العيلة وبيتنا كلنا، وشوية وهتتعرف على عيلتنا. عمر بحزن: ماشي. ملك: أنا هطلع في الصالة حبة عشان زهقت. طلعت ملك لقت زين وفريدة قاعدين ومعاهم واحد مش تعرفه، فقالت: إيه يا جماعة قاعدين هنا ليه؟ عمر بص لقى واحدة عسولة خالص وسرح حبة فيها. زين لاحظ نظرات عمر، فـ

قال في سره: طب كويس أوي كدة أنا فهمت أنا هعمل إيه. زين قال لملك: تعالي يا ملك اقعدي معانا، ده عمر صاحبي. وبص لعمر وقال: دي ملك بنت عمي. ملك: أه، أهلاً وسهلاً بيك. عمر: أهلاً بيكي. ملك راحت تقعد جمب فريدة. زين بخبث: سمعت إنك من أوائل دفعتك. عمر: الحمد لله، ده من فضل ربنا. ملك قالت: ما شاء الله، ربنا يبارك. حضرتك في كلية إيه؟ عمر: أنا في طب أسنان. ملك بصوت واطي: حسبي الله. عمر: بتقولي حاجة؟

ملك: لا، مبقولش. بس معنى كدة إنك مع فريدة. عمر: أه، إحنا في كلية واحدة. زين جاتله فكرة وقال لفريدة: فريدة تعالي جوا عاوزك. فريدة وزين دخلوا جوا. زين قالها: بصي، أنا هوفق راسين في الحلال وهجوز الاتنين اللي برا، وأهو كدة الواد جرحه يلم. فريدة: تصدق فكرة حلوة. زين: ادعي إنها تكمل. عمر: وإنتي في كلية إيه؟ ملك: السن. عمر: ما شاء الله. طب وتخصصتي إيه؟ ملك: تركي. عمر: أنا بحب التركي جداً. ملك: فعلاً هي لغة جميلة.

عمر بابتسامة: هو انتي كنتي بتقولي حسبي الله ليه لما عرفتي إني في طب أسنان؟ ملك: هو انت سمعتني؟ عمر ضحك وقال: صراحة أه. ملك: الصراحة بخاف من دكاترة الأسنان ومتعقده منهم. عمر: ليه كدة؟ إحنا مبنعضش والله. ملك: لا يا عم، انتوا فظاع أوي، ولولا إن فريدة بنت عمي كان زماني خايفة منها. عمر ضحك وقال: يعني انتي دلوقتي خايفة مني؟ ملك: لـ حد كبير.

عمر ضحك عليها: مش تخافي لما أجيب العدة بتاعتي أبقى خافي براحتك، إنما دلوقتي أنا مسالم. ملك: ليه حاسة إنك بتتريق عليا؟ عمر: خلاص أنا سكتت أهو ومش هتريق خالص. ملك: شاطر. أنا هدخل أنا أناديهم. عمر كان عاوز يقولها: افضلي قاعدة معايا شوية، بس أتردد وقال: ماشي. ملك قامت وراحت تناديهم: فريدة. فريدة: نعم. ملك: انتوا اتأخرتوا كدة ليه؟ تعالوا اقعدوا معانا، وشوفي جدو يجي يقعد معانا كدة. فريدة: ماشي، اقعدي مع عمر عقبال ما أجي.

ملك: طيب. الجد قاعد بيفكر في أحوال العيلة، فـ دخلت فريدة عليه وقالت: جدو. الجد: تعالي يا حبيبتي. فريدة: صاحب زين برا، ينفع تيجي تسلم عليه وتقعد معانا حبة. الجد: ماشي، أنا جاي. وراح الجد مع فريدة وطلعوا في الصالة وزين قعد معاهم. الجد بص لعمر: إزيك يا كتكوت يا صغير انت. عمر ضحك وقاله: الحمد لله يا جدو، انت عامل إيه؟ الجد: أنا كويس. عمر بص لملك وقالها بصوت واطي: أنا كتكوت صغير؟

ملك: احم، هو احنا عند جدو كلنا لسة كتاكيت، وبما إنك صاحب زين فـ انت كتكوت معانا. عمر ضحك وقال: ماشي يا كتكوته. ملك: ظريف أوي، ما شاء الله عليك، يعني دكتور أسنان وظريف كدة. عمر: هرد عليكي حاضر، بس لما يمشوا يا ملوكة. الجد: في حاجة يا كتاكيت؟ ملك: لا يا جدو، مفيش حاجة. الجد: طيب، بما إن في كتكوت جديد معانا، هاتوا الكوتشينة وهنلعب الشايب. ملك: هروح أجيب الكوتشينة يا جدو يا جامد. الجد: يا ويله اللي هيقع في إيد جدو.

زين ضحك وقال: لا كدة نبدأ نخاف بقي. ضحكوا كلهم. وملك جابت الكوتشينة وقالت: يلا نبدأ. قسموا الورق وكل واحد بيطلع الورق اللي زي بعض. فريدة بصت لجدها وقالت: شد مني يا جدو. الجد: اديني شديت. زين: تعالي أشد منك بقي. الجد: ماشي. عمر: دلوقتي أنا هشد من زين، صح؟ زين: أه. ملك في سرها: الإلهي، انت كشرت كدة ليه؟ يبقى لبسته تستاهل. ملك جت تشد منه، فضلت تدقق عشان مش يطلع الشايب. عمر: إيه يابنتي اسحبي. ملك: طيب، استنى.

سحبت وطلعت ورقة عادية، وكملوا اللفات وكل واحد بيسحب من التاني لحد ما ملك قالت وهي بتضحك: لبسته وفرحانة فيك. عمر: ماشي يا أختي، افرحي. الجد: يلا بقي عشان نشوف هنحكم عليك بإيه. زين قال بمكر: عن نفسي أنا هسأل وهو يجاوب. عمر: ربنا يستر. زين: حاجة اتأكدت منها دلوقتي؟ عمر قال وهو عينه على ملك ومش عارف ليه هو مشدودلها كدة وقال: إن ربنا قادر يجبر بقلبك ويداوي جروحك من غير ما تحس، وكمان يعوضك عن كل اللي فات.

زين ابتسم بخبث بعد ما وصل للي هوا عاوزه، فقال: الله الله يا مبدع. عمر بعد عينه عن ملك اللي اتكسفت واتوترت جامد. الجد قال: هقول حكمي دلوقتي. عمر: مش خايف غير منك يا جدو. الجد: يا ابني أنا راجل غلبان، مش بتاع الكلام ده. عمر: طبعاً يا جدو، طبعاً. الجد: بص بقي، انت من النهاردة هتبقى حفيدي وزي العيال دي بالظبط، وواجب عليك تيجي تزورنا كل شوية.

عمر: والله يا جدو انت عسل، وعنيا ليك، هجيلك كل يوم لو حابب، وأنا اتشرف إني أبقى حفيدك. زين بص لفريدة وقال: جدو بيلعبها صح. فريدة: وجدو عرف إزاي. زين: جدك عارف كل حاجة هنا وبيفهمها وهي طايرة. الجد: بتقول حاجة يا زين؟ زين: لا يا جدو، بقول إن الحكم جميل وكدة. الجد: ماشي. ملك قالت: يلا يا فريدة، دورك. فريدة: اعترف لنا بحاجة كدة محدش يعرفها. عمر: إن شاء الله هخطب قريب، والبنت انتوا تعرفوها. ملك زعلت إنه هيخطب،

وقالت لنفسها: أزعل نفسي ليه؟ أنا لسة عارفاه النهارده، وبعدين أنا مالي وماله. ملك قالتلهم: طب أنا هطلع أجيب حاجة وأجي. عمر: طب استني، مش عاوزة تعرفي هي مين؟ ملك بصتله وقالت: مين؟ عمر قال: البنت هي...