رواية مسلم و الاسلام الفصل التاسع 9 - بقلم شهد احمد

بعد ما حفظ مسلم طه أخده ووصلوا الكتاب. الشيخ طه: أخباركم يا ولاد؟ مع الصلاة الأول؟ الأولاد: الحمد لله بنصلي. وبعدها

سمع ليهم وحفظهم وقال: درس النهارده عن النفس المطمئنة. بصوا يا ولاد، إن مسار إصلاح النفس بيمشي على طريقتين. طريق إصلاح العيوب اللي فيها، يعني أي عيب فيا بجاهد نفسي وبصلحه. وطريق تأصيل الخير اللي فيها، يعني إني أعمل خير. والنفس عاملة زي الطفل الصغير، أكتر حاجة تشجعها المكافأة، وأكتر حاجة تخوفها العقاب. وإني أذكر نفسي بالآخرة ديما، وإنه في جنة ونار. ده هيخلي النفس تلين. ومش هتلاقي حد بيعمل ذنوب ومعاصي إلا وهو غافل عن

دار الآخرة. يعني اللي مش بيحط الآخرة قدامه ومتذكرها ديما، ده هتلاقيه بيعمل ذنوب ومعاصي لأنه غافل عنها. واتعامل مع الدار الآخرة كوسيلة أساسية في إنك تبني نفسك. يعني كل ما ييجي في بالك إنك عايز تعمل ذنب، اتذكر إنه في آخرة وفي حساب وجنة ونار. قوة الإيمان باليوم الآخر تؤثر وبلا شك على السلوك اللي أنت بتعمله.

قال رسول الله ﷺ: "من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه." فأنتم حطوا ديما قدامكم دار الآخرة يا ولاد. اتفقنا؟ الأولاد: اتفقنا. عايزين درس كمان يا شيخ طه.

الشيخ طه: حاضر يا ولاد. بصوا، فيه اتنين معذبين في الدنيا. والله، اللي بيعصي ربنا بس في قلبه خير. والتاني اللي بيطيع ربنا بس في قلبه شهوات ومشدود للدنيا. وكل إنسان بيعصي ربنا لازم يقف قبل ما ربنا هو اللي يوقفه. 🥺 عايزين نفوق من الدنيا وحب الدنيا ونعرف إحنا جايين ليه؟

إحنا جايين عشان نعبد ربنا ونسمع كلامه. ربنا بيغضب غضب شديد لما تعصيه. العمر لحظة وبيخلص في لحظة والله، فمش مستاهلة إننا نعصيه. كفاكم غفلة، وأوعى تجادل وأنت عارف الحلال من الحرام. انتوا متخيل الحياة الاجتماعية في الجنة؟

الحياة في الجنة مش زي الدنيا ولا حتى تيجي ربعها. الحياة في الجنة فيها الله والرسول والأنبياء وأمهات المؤمنين والحور العين. الجنة جميلة قوي، فيها أنهار وأشجار ومالا عين رأت، يعني أشجار وأنهار الدنيا مش زي اللي في الجنة، وفيها حاجات أنت لسه مش شوفتها ولا تعرف عنها. مفيش حاجة سهلة أصلاً، إشمعنى الدنيا بتعمل فيها الصعب ومش بتعمل الصعب للآخرة؟

لو مش قادر على عقوبة المعصية، متعصيش. افتحوا شبابيك قلوبكم لأنوار معرفة الله. وسبحانك اللهم وبحمدك، لا إله إلا الله، محمد رسول الله صلى الله عليه وسلم. وبكده خلص الدرس يا ولاد، وأتمنى من الله الهداية ليكم جميعًا، وأن ينور بصيرتكم، وأن يدخلكم الجنة. وأتمنى إنكم استفدتوا من الدرس. وبعدها كل طفل روح بيته، والشيخ طه ومسلم روحوا البيت مع بعض. وأول ما دخلوا لقوا سارة قاعدة مع الأولاد وكانوا بيعيطوا ومش عارفة تهديهم.

مسلم: شال إبراهيم وفضل يسكت فيه ويهزه ويلعبه ويقوله: مالك يا صغنن بتعيط ليه؟ ويبوسه. وإبراهيم هدي معاه وقال: بابا. الشيخ طه: نعم يا مسلم. مسلم: كنت عايز أسأل يا ترى في حد يعرف حكايتي؟ الشيخ طه: لا يا حبيبي، محدش يعرف غير أنا وأمك وصالح ومراته. وبعدين إحنا عايشين بعيد عنهم والجيران والحي هنا ميعرفوش. قولنا إنك ابن حد قرايبنا واتوفى واتكلفنا بتربيتك، بس كده. سارة: مسلم يا حبيبي، ممكن تنسى الحكاية دي؟

أنت ابننا وإحنا أهلك، وأنا مش حابة أشوفك زعلان أو مدايق. مسلم: خلاص يا ماما، مش هجيب سيرة الموضوع ده تاني. سارة: ابني السكر. وباساته. وهما قاعدين، جات أم سلمي تطلب من سارة تعلمها تلف الخمار، فقالت: يا أم إبراهيم، ممكن تعلميني ألف الخمار؟ سارة: بصت لمسلم ولقته اتدايق، فراحت قالت: أكيد يا أم سلمي، هعلمك. بس لما تنادي عليا قولي "أم مسلم". مسلم: لما قالت كده فرح. سارة: علمت أم سلمى لف الخمار،

وبعدها مشيت وقالت: مسلم يا حبيبي، متزعلش. وبعدين أنا أمك وأم إبراهيم وأم حفصة. يعني عادي لو حد ناداني بـ "أم أي حد فيكم" لأنكم كلكم ولادي، بس أنا حابة ينادوني "أم مسلم" لأنك ابني حبيبي الكبير. مسلم: أنا بحبك يا ماما. وباسها. الشيخ طه: بقولك إيه يا سارة، عايز آخد رأيك في موضوع. سارة: موضوع إيه يا شيخ طه؟

الشيخ طه: بفكر أبيع المعيز كلها ونفتح كتاب في حي شعبي تاني علشان ننشر الإسلام. وإن شاء الله لما مسلم يكبر شوية هخليه هو اللي يدي الدروس الدينية فيه ويسمع ويحفظ الأطفال. مسلم: بفرحة: يعني ممكن أتكلم وأشرح الإسلام للأطفال؟ الشيخ طه: آه يا حبيبي، بس بعد ما تخلص حفظ القرآن كامل وتكون عرفت أكتر عن الدين من خلال الدروس الدينية اللي بديها ليكم في الكتاب. فإيه رأيكم؟

سارة: أي حاجة بخصوص الإسلام، فأنا موافقة أكيد. ده من غير رأي، واللي شايفه صح اعمله يا طه. الشيخ طه: يبقى على بركة الله. من بكرة هبدأ في بيع المعيز. سارة: إن شاء الله. تاني يوم، الشيخ طه طلع من البيت ومعاه المعيز وراح السوق وكان بيبيع فيهم. عند سارة، كانت بتحفظ مسلم. وبعد ما حفظ، قالت له: خليك قاعد مع الأولاد، وأنا عملت ليهم لبن لو عيطوا أديهم منه، وخلي بالك من أخواتك ومن نفسك. مسلم: حاضر يا ماما.

وبعدين سارة مشيت وراحت الكتاب وسمعت للبنات وحفظتهم، وقالت: أنا مبسوطة من البنات اللي لبست الخمار، وربنا يرزقكم الفردوس الأعلى من الجنة، واللي لسه مش أخد خطوة ربنا يهديه ويلبسه. وانهاردة الدرس عن الأصول الثلاثة: (( أسئلة القبر ) فإذا قيل لك: ما الأصول الثلاثة التي يجب على الإنسان معرفتها؟ قل: معرفة العبد ربه ودينه ونبيه محمد عليه الصلاة والسلام. الأصل الأول: فإذا قيل لك: من ربك؟

فقل: ربي الله الذي رباني وربى جميع العالمين بنعمه، وهو معبودي، ليس لي معبودٌ سواه. والدليل قوله تعالى: ( الحمد لله رب العالمين ) الأصل الثاني: فإذا قيل لك: ما دينك؟ فقل: ديني الإسلام، وهو الاستسلام لله بالتوحيد، والانقياد له بالطاعة، والبراءة من الشرك وأهله. الأصل الثالث: فإذا قيل لك: من نبيك؟

فقل: محمد بن عبد الله بن عبد المطلب بن هاشم، وهاشم من قريش، وقريش من العرب، والعرب من ذرية إسماعيل بن إبراهيم الخليل، عليه وعلى نبينا أفضل الصلاة والسلام. خليكم دايما متذكرين الآخرة والموت والحياة في القبر، وأوعوا تنسوا إنه فيه جنة ونار، وأوعوا تعصوا ربنا لأنه ربنا بيغضب غضب شديد لما بتعصوه. واللهم قنا عذاب النار وقنا عذاب القبر، واللهم ارزقنا الجنة. البنات: اللهم آمين يا رب العالمين.

وبكده الدرس خلص، وبعدين روحت البيت وشافت الأولاد ومسلم كان بيهتم بيهم. وكانوا نايمين، دخلت عملت الأكل، وبعدين الشيخ طه جاء وقال بحزن.