رواية مسلم و الاسلام الفصل الثالث 3 - بقلم شهد احمد

خير ي شيخ طه قلقتني، وموضع بخصوص إيه؟

طه. بخصوص مسلم، والناس هتبدأ تسأل مين مسلم وابن مين، ولازم نجاوب على أسئلتهم. وأنا قررت إنه هنقول لهم إنه ابن واحدة قرايبنا اتوفت، وكلفتنا بتربيته، وإنه دلوقتي ابننا. لأنه لو قولنا الحقيقة للناس، الناس هتقعد تتكلم، ولما الولد يكبر ممكن يقولوا كلام يضايقوه. وبخصوص أمه اللي اتوفت، وأنتي عارفة كلام الأطفال. فيه أطفال مش بتراعي مشاعر غيرهم، لأنهم صغيرين ومش عارفين حاجة. ومش بس الأطفال، خلي مسلم صدر منه تصرف غلط بدون قصد،

ما هو طفل وضرب مثلاً طفل تاني، فأم الطفل قالت له كلام جرحه عن أمه. فأنا مش عايز الناس تتكلم عن والدته، هي خلاص اتوفت، ومينفعش نخوض في عرض حد متوفي. ومش معنى كده إنه هنخبي الحقيقة عن مسلم، لأ، لما يكبر ويكون فاهم وواعي ويعرف دين الإسلام، هنقول له عن أمه.

ساره. حاضر ي طه، هقول زي ما أنت قولت. معاك حق، وأنا مش عايزة نفسية مسلم تتأثر بكلام الناس أو يحس نفسه إنه منبوذ. وهما قاعدين بيتكلموا، مسلم عيط. ساره. شالته وقالت: مالك ي حبيبي؟ وصاحي بتعيط ليه؟ جعان قلب أمه. جعان ي ناس. وعطت له اللبن وشرب وسكت. وطه أخده وقعد يلعب معاه لحد ما ساره تجهز الأكل. وبعدها ساره خلصت وأكلوا. وبعد شويه، جاءوا مجموعة من الأطفال اللي بيحفظوا، وطه كان بيحفظهم وهو شايل مسلم.

والشيخ طه، بعد ما حفظ الأولاد القرآن، قال: تعرفوا ي ولاد ربنا سبحانه وتعالى فين؟ واحد من الأولاد واسمه سيف. قال: الله في كل مكان. الشيخ طه. غلط ي سيف. حد عارف ي حبايبي؟ ولد تاني اسمه يونس. قال: الله في السماء. الشيخ طه. بارك الله فيك ي يونس. الإجابة هي إنه الله في السماء وليس في كل مكان. طيب إيه الدليل؟

الرحمن على العرش استوى. وكمان لما سيدنا محمد عليه الصلاة والسلام في رحلة الإسراء والمعراج صعد إلى السماء، فكده الله في السماء. الشيخ طه. طيب مين هنا بيصلي؟ الأولاد فضلوا يبصوا لبعض وسكتوا. الشيخ طه. قال: ينفع ي ولاد نكون بنحفظ القرآن ومش بنصلي؟ أكيد لأ، مينفعش. طيب حد عارف إيه هي الصلاة؟ الأولاد بصوا لبعض وسكتوا، وقالوا: محدش عارف.

طيب خلاص، موضوعنا النهارده عن الصلاة. الصلاة دي ي أولاد بتكون علاقة بين العبد وربه، يعني بينك وبين ربنا. فإذا أنت مصلتش، فانت كده علاقتك بربنا انقطعت. ينفع علاقتنا بربنا تكون مش موجودة؟ أكيد لأ. ربنا هيزعل مننا ومش هندخل الجنة. ينفع الإنسان المسلم ميدخلش الجنة؟ إيه، مش عايزين تشوفوا الرسول صلى الله عليه وسلم؟ ومش عايزين تشربوا من الحوض؟ ومش عايزين تشوفوا الصحابة وأمهات المؤمنين؟ ومش عايزين تشوفوا ربنا سبحانه وتعالى؟

أكيد عايزين، صح ولا إيه؟ الأولاد. صح، عايزين. الشيخ طه. يبقى لازم نصلي، اتفقنا؟ الأولاد. اتفقنا. الشيخ طه. عارفين ي ولاد أن الصلاة هي أول ركن في الإسلام، وإنه هي بتكون عماد الدين. طيب يعني إيه عماد الدين؟ يعني هي عمود العبادات. وإذا صلحت الصلاة، صلحت العبادات من زكاة وصوم وذكر وقرآن، هي دي العبادات. مصطفى. كلمنا أكتر عن الصلاة ي شيخ، أنا حبيت الكلام اللي بتقوله.

الشيخ طه. حاضر ي مصطفى، هقولك. الصلاة دي هي أول حاجة هتتسال عليها أول ما تدخل القبر وتموت. الصلاة دي بتكون عبادة زي الدعاء. ينفع ندعي ربنا واحنا مش بنصلي؟ طيب إزاي ربنا هيتقبل دعائنا؟ فلازم نصلي علشان ربنا يحقق لنا أمنيتنا ويصلح حالنا ويدخلنا الجنة، وأي حاجة نطلبها من ربنا يعطينا. فلازم أي... الأولاد. نصلي. الشيخ طه. شاطرين ي ولاد. لازم نصلي ونتقرب من الله سبحانه وتعالى، وأنا أدعي لكم كلكم الهداية من الله.

وبكده درس النهارده خلص، والمرة الجاية هديكم درس جديد، موافقين؟ الأولاد. موافقين ي شيخ طه. والأولاد كل واحد راح بيته. وبعدها طه ومسلم دخلوا البيت. ساره. ما كنت خليت مسلم معايا عقبال ما تخلص مع الأولاد. الشيخ طه. لأ، لأنه لازم يتعود يسمع القرآن علشان لما يكبر، يبقى القرآن سهل في حفظه له. ساره. خلاص، كل ما ترتل في القرآن ويكون مسلم صاحي، أجيبه ونقعد وأمه نسمعك. طه. بارك الله فيكي ي زوجتي الصالحة. وقام باس على دماغها.

ساره. بقولك إيه ي شيخ طه؟ طه. قولي ي ساره. ساره. ما تفتح كتاب ياجي، ويحفظ فيه الكبار والصغار، وتعلمهم أصول الدين والقرآن والصلاة، زي ما عملت مع الأولاد، خلينا ناخد ثواب. طه. ربنا يفتح علينا ي ساره، وإن شاء الله نعمله. ساره. إن شاء الله. تعرف ي شيخ طه، فيه بنت جات وحفظتها القرآن، واتكلمت معاها عن لبس البنطلون والحجاب، واقتنعت الحمد لله. أسأل الله لها الهداية.

طه. بارك الله فيك وفيها ي ساره، وإن شاء الله ربنا يهدينا جميعًا. ساره. يا رب. وتاني يوم، عائشة جاءت ل ساره وبتحفظها القرآن، وشافتها. وهي غيرت من لبسها، ولبست جيب، ودخلت شعرها. ساره. بارك الله فيك ي عائشة. ومن ترك شيئًا لله عوضه خيرًا منه، يعني أنتِ تركتي البنطلون ودخلتي شعرك، فربنا هيعوضك بحاجة أحلى. عائشة. تسلمي، كله بفضلك وبفضل علمك.

ساره. طيب يلا سمعي. وسمعت الإخلاص والناس، وأخدت سور جديدة، وقالت لها عن الصلاة زي ما الشيخ طه قال. وعائشة قالت إنها هتبدأ تصلي، وأنها حبت كلامها عن الصلاة، لأن ساره كانت بتتكلم معاها من كل قلبها وبتأثر. واللي بيطلع من القلب بيدخل في القلب. وبعد ما خلصت مع عائشة، جاءت واحدة من جيران اسمها أم سلمي ل ساره علشان تاخد منها شوية سكر، بحجة أنها عايزة تعرف مين الولد اللي مع ساره وابن مين. وسألت ساره.

ساره. الولد بيكون ابن واحدة قرايبنا اتوفت، وكلفتنا بتربيته، وبقى ابني أنا والشيخ طه ي أم سلمي. أم سلمي. تمام ي حبيبتي، ربنا يبارك لكم فيه. ساره. تسلمي،،، عطت لها السكر. وبعدها أم سلمي مشيت. وطبعًا كل اللي في الحي عرف مين هو مسلم. ساره. أخدت مسلم في حضنها وفضلت تلعب معاه، وكانت منتظرة الشيخ طه يرجع. وبعدها جاء، والأطفال جات للشيخ وحفظوا وسمعوا القرآن. سيف. مفيش درس النهارده ولا إيه ي شيخ؟

الشيخ طه. فيه طبعًا ي ولاد، هنتكلم عن الوضوء للصلاة. تعرفوا أن الوضوء بينزل الذنوب؟ يعني مثلاً عملت بإيدي حاجة مش حلوة، وجيت اتوضيت، فالذنب ده نزل مع مياه الوضوء، وكذلك مع كل عضو بنغسله. الفم، يعني لو اتكلمنا على حد، دي كده ذنوب بتنزل مع المياه. وكذلك الأذن، لما بنسمع حاجة مش صح. والراس، بنطهرها من أي أفكار وحشة. ولازم واحنا بنتوضأ نستشعر ونحس بالذنب اللي عملناه علشان ينزل مع الوضوء.

والوضوء ده بيكون طهارة ونقاء لينا من أي ذنب، وبعدين ربنا بيحب المتطهرين، وأن الله جميل يحب الجمال، نظيف يحب النظافة. وقعد يشرح كيفية الوضوء. وبكده الدرس خلص، ومع كل مرة فيها درس قرآن، كان بيبقى معاها درس ديني، وكان بيقربهم من ربنا، وبقوا أولاد صالحين. والأولاد كانت بتعلم أهلها اللي الشيخ بيقوله، وفيهم اللي التزم، وفيه اللي بيجاهد، والحمد لله على نعمة الإسلام. وبعد 8 سنين.

كان مسلم كبر، وكان أبوه الشيخ طه عرفه أن الله في السماء، وكان بيحفظه القرآن، وعلمه على طاعة بر الوالدين، وعرفه الصلاة والوضوء. وفي يوم، كان مسلم بيلعب مع أطفال كورة في الشارع، وسمع الأذان، وبرضه كمل لعب. فلما الشيخ طه عرف، حصل،،،،،،،،،،. ي ترى الشيخ طه عمل إيه لمسلم؟