رواية متخافيش الفصل الثالث عشر 13 - بقلم منة محمد

منظر يونس وهو بيضم حياه وكلامه واهانته ليها خلاها تفقد السيطره وهشمت المرايا بكل اللي عليها وفضلت تعيط بشكل هستيري. دخلت مفزوعة. تمارا! بس عياط. الاهانه اللي واجهتيها اياكي تنسيها. تمارا بصتلها بغضب. انتي السبب. مش عايزه اسمع منك حاجه. شجعتيني واخدتيني ليونس. سالي شخطت فيها. ارجعي لوعيك. انا مش عدوتك. انا عملت كل ده عشانك. تمارا.

اهانني قدام حياه. بهدلني عشانها. مره لوحدنا والمره دي اهانني قدامها. اواجها تاني ازاي بعد ما ادعيت الحب اني بملكه. سحقني وضيع كرامتي. انا خسرت يا عمتو وحبنا انتهي. نفسي اموت. سالي بخبث. بتحبيه كتير؟ تمارا. اكتر من الدنيا. سالي. وعندك استعداد تعملي ايه عشان تاخديه منها؟ تمارا. اي حاجه. سالي. يبقي موتي عشانه. تمارا. ايه؟ سالي. بقدملك الحل. تمارا. والحل اخد سم وانتحر؟ سالي.

اه. لان حياه مصدقت لقت راجل وبيت ومستحيل تطلب الطلاق. ويونس معندوش الشجاعه يطلقها. ولا يمكن تبقي زوجه تانيه في وجود حياه حواليه. وبعد ده كله تطلعي ايدك فاضيه. لما تخسري حبك خدي السم وموتي. *** يونس بيلف ع موبايله بزهق. راح فين ده؟ كان لسه هنا. حياه داخله لقت مخده لزقت في وشها وهو بيحدفها. يونس بأحراج. انا اسف. كنت بحدفها مش فيكي. وجعتك. حياه ابتسمت. لاء مش للدرجه دي. فيبر مش زلط.

حياه وهي بتطاطي تلم المخدات وهو في نفس الوقت بيطاطي يلم معاها. دماغهم خبطت في بعض. حياه وهي بتطبطب ع دماغها. اسفه. يونس مسك دماغه. انتي شعرك الي شتت انتباهي. حياه. افندم. يونس ارتبك وراح يشوف دماغه في المرايا وسألها. ماما بتعمل ايه؟ حياه. قاعده قدام التلفزيون في اوضتها. يونس. بكره عيد ميلادها. حياه. بجد؟ عيد ميلادها بكره. بتفكر تعملها ايه. يونس. ولا حاجه. وهي مضايقه مني. حياه. ممكن تصالحها بالمناسبه دي. يونس.

مش هتتصالح. دي امي وحافظها. حياه. هتتصالح. قبل اي ام بيبقي زي الشمعه بيدوب بسهوله. انت اعملها مفاجأه الليله. يونس. بتنام بدري. حياه. مش هسيبها تنام. انت بس قولي نوع التورته اللي بتحبها. يونس. بالشكولاته. حياه. خلاص. روح انت هاتها مع هديه رقيقه ونفاجئها وتصالحها كمان. يونس. طيب ما تيجي معايا. حياه بتعجب. فين؟ يونس. نتشتري التورته والهديه. معرفش في الأذواق. بصي بسرعه ونتحرك. حياه بسعاده انه عايز يشاركها ردت بحماس واضح.

ماشي. تمارا شافتهم بيركبوا سوا العربيه واتجننت. ودخلت فتحت الدرج ومسكت ازازه السم. *** يونس نزل قبل حياه. اللي وهي بتعدي عربيه زمرت عليها. ويونس بسرعه اخدها ناحيته ومسك ايدها لحد ما دخلوا المحل. يونس. ها ناخد ايه؟ حياه. واحده بالشكولاته وواحده بالفراوله. اصل شكلها حلو اوي. يونس. طيب ما ناخد نصها شكولاته والنص التاني فراوله وتكون كبيره وخلاص. حياه للبائع. تمام. ورينا دي.

يونس ساب حياه وراح يشوف الحلويات التانيه. وسابها مع الحلواني. لحد ما لمح شاب داخل ومع صاحبه. وفضلوا يتكلموا عن شده جمال حياه. لحد ما فيهم واحد اتحرك. الشاب راح ناحيه حياه وكلمها. سوري. عيد ميلاد خطيبه صاحبي. ممكن تساعديني اختار واحده. حياه بتلقائيه. اظن فيه في العرض كذا واحده. كلهم حلوين. يونس قرب بغيره. فيه حاجه يا كابتن؟ الشاب ارتبك وقال. ابدا. بس كنت بسأل الانسه تخارلي ع ذوقها تورته لخطيبه صاحبي. يونس.

غريبه. يعني صاحبك مش عارف ذوق خطيبته. وجيت تسأل مراتي وتاخد ع ذوقها. الشاب. اسف. معرفش انها مراتك. انا بجد اسف. بعتذر. يونس بصلها. وانتي ليه اخدتي واديتي معاه. حياه. امال اشتمه. يونس. ايوه. عشان ده جاي يلطف. حياه. يعني ايه يلطف. يونس. وكمان غبيه مش فاهمه. يعني يعاكس ويستظرف. انها شافتوه كان داخل مع صاحبه وفضلوا يبصولك ويتكلموا عنك. وانتي عادي تردي عليه. حياه. شوفت. وعشان انا ساذجه وطيبه. ربنا بعتك ليا. يونس شاورلها.

اختاريتي التورته. احنا نكتب عليها عيد ميلاد سعيد يا ماما. حياه بعناد. عيد ميلاد سعيد يا عمتي. لو سمحت اكتبي. يونس راح وقف قدام فاترينا للعطر النسائي وقال. ماما بتحب البرفن اوي. هتفرح بيه. حياه. عارفه. التسريحه كلها برفان وكلهم حلوين اوي. الله. شم دي. ريحتها وهم. بس ليه حطينها فاضيه. بس رغم كده الريحه موجوده. شوفي. يونس شمها. لاء مش هتعجب ماما. شوفي دي كده. حياه رشت حواليها. الله حلوه دي. وريحتها تجنن. يونس.

ناخدها. وممكن تشتري واحد لنفسك. حياه. لا شكرا. يونس. اعتبريها هديه مقدما لاقناع ماما ومساعدتي. خديها. هي حتي شبه فستانك. روز. حياه رشت منها حواليها وهو سألها. ها عجبتك. حياه. ايوه. يونس. يبقي هناخدهم الاتنين. يله نحاسب. *** ع السفره. يونس شاورلها بدماغه انها تبدأ. صفاء سابت الشوكه. الحمد لله. حياه. عمتي. صفاء. نعم. حياه. مش بعد ما كنتي بتتعشي بتحبي تشربي قهوه. صفاء. كنت. بس الساعه عدت 11. ونعسانه جدا. هروح انام.

حياه. بس يا عمتي. مش عايزه اشربها لوحدي. عشان خاطري اكسري القاعده الليله. حافظ ابتسم. لو عملتوا اعملوا حسابي. هشرب معاكم. حياه. حاضر. يله يا عمتي. صفاء. امري لله. بس اعملها بسرعه. حياه. عنيا. يونس هعمل قهوه. تحب تشرب. يونس غمزها. اشرب. صفاء دخلت الصالون وقعدت ومددت جسمها ع الكنبه. وحست بخطوات. اعتقدت حياه خلصت القهوه. بسرعه بتلف شافته كشر. يونس مسك ايدها وباسها. ماما. صفاء. دفعته. ابعد عني. يونس.

اسمعيني. لاني انا مش منقول من هنا لحد ما تتكلمي معايا وتسامحيني. صفاء. لو كنت مهتم بزعلي مكنتش عملت اللي عملته. يونس. ماما. انتي عارفه مقدرش اتحمل زعلك. مش تخاصميني ومتتكلميش معايا. انتي مش عارفه الوجع اللي بعيشه من غيرك. صفاء. وانت عندك اي فكره عن وجعي. وفوق ده كله عندك علم وحجم الوجع والقهر اللي حياه بتعيشه. يونس. انا اسف. انا غلطان. صفاء. وايه الفايده لما تعتذر بعد ما روحت اتفقت مع سالي وتمارا ع حياه. يونس.

والله العظيم ده ما حصل. اسألي حياه. خالتي عملت ده من تلقاء نفسها. حياه. عمتي. يونس حاسس بالذنب وندمان. صفاء. ابعد عني. يونس. ماما. انا مقدرش ازعلك. ده انتي روحي وحياتي. وانتي عارفه انا مقهور انك زعلانه مني. صفاء. خلاص. مفيش حاجه. يونس. لاء. لحد ما تقوليلي سامحتك. ومش زعلانه منك. زي ما اتعودت من صغري. صفاء بصت لحياه اللي بتشجعها تسامحه. وقالت. سامحتك. ومش زعلانه منك. يله قوم اقعد جنبي. يونس بسعاده. متاكده. صفاء. ايوه.

يونس قعد ع حجرها. يعني بجد مش زعلانه مني. صفاء. قلت مش زعلانه. قوم بقي. يونس. لاء. صفاء. ياواد انت تقيل. مره واحده الدنيا ضلمت. وصفاء قالت. حصل ايه. النور قطع. يونس. معرفش. هقوم اشوف. انتي خليكي. صفاء. طيب. روح شوف في ايه بس بسرعه. الكل غاب. وصفاء فضلت تنادي. مفيش حد بيرد عليها. طلعت الهول وقالت بصوت مسموع. هو ليه محدش بيرد عليا يا ولاد. روحتوا فين. يونس. حياه. انتم فين يا ولاد.

حياه ويونس ولعوا النور ومعاهم تورته وبيغنوا. كل سنه وانتي طيبه. صفاء ضمت ايدها تحت دقنها بسعاده كبيره. اه يا ولاد اللذينه. والله ما كنت فاكره عيد ميلادي خالص. متشكره. حافظ وهو نازل من ع السلم. اقول والحق. انا كمان كنت ناسي. بس الولاد فكروني. يونس بغمزه. شفتي. انا مش ناسيكي. حافظ ضمها. بس اوعي تزعلي. بكره هاخدكم ونخرج كلنا ونحتفل ع حسابي. وهقدملك هديه. يونس مسك بوكيه رائع. اتفضلي يا اجمل ام. صفاء. الله. الورد حلو اوي.

يونس جاب علبه مخمليه شيك جدا. ماما. دي هديتك. خمني تطلع ايه. صفاء. البرفان اللي بحبه. صح. يونس. بالظبط. واشتريت واحده زيها لحياه. صفاء. بجد. حياه. ايوه. صممي. يونس. يله نقطع التورته. بابا قرب. حافظ. حافظ. جاي. صفاء ضمت يونس وضمت حياه. وحافظ اخدلهم صوره تذكاريه. *** في غرفه النوم. نايمين جنب بعض ع نفس السرير. ومفيش اي حاجز بينهم. حياه. ماما وبابا كانوا مبسوطين. يونس. اممم. وانا كمان. حياه. مبسوط شويه ولا كتير. يونس.

شوية. حياه. تصبح ع خير. يونس. وانتي من اهله. بس هو انتي فعلابتعرفي تسحري. حياه. اه. مش انا بشتغل دجاله. يونس ضحك. اصل البيت بقي بيت من اول ما دخلتيه. ماما لقت بنت. مش مراه ابن. واخدت حب وعطف جوزها. عارفه عمري ما شوفت بابا بالحب ده او بالموده دي اتجاه امي. حياه. انا مبعرفش اعمل سحر. بس بعرف اعمل دوشه وازعاج. يونس. هو انتي ليه بتقللي وتتريقي ع نفسك. حياه. عايزني ادعي لنفسي بطوله العمر عشان ابقي عبء فتره اطول. يونس.

هو مش ممكن نبقي مبسوطين يوم. ممكن يا نكدوا ننسي الماضي من غير ما نفكر في المستقبل. تعالي نتكلم عن اللحظه الحاليه دي. حياه. نتكلم. نقول ايه مثلا. يونس. مثلا. اد ايه انا لطيف. حياه. لا. طبعاي. يونس كشر فيها. ليه. هو انا دمي تقيل. بالعكس بقي. انا مي خفيف ووسيم. حياه. لا. يونس. لو قلبتي في صفاتي مش هتلاقي فيا ولا غلطه. حياه. قلت مش هنتكلم في الماضي. يونس. عشان كدا قلتي اني مش لطيف. بس انا مش شايف فيا اي صفه وحشه. حياه.

تمام. انت لطيف. وانا اللي وحشه. يونس. لآء. احنا الاتنين لطاف. حياه ضحكت اوي. طريقه كلامك رجعتني لايامي في ثانوي. يونس. ليه. حياه. كان ليا واحده صاحبتي دايما وابدا تقولي. تعال نمدح ونشكر في بعض. انت عامل زيها. يونس ضحك اوي. وحياه كمان. اللي تاهت في جمال ضحكته. وهو بصلها وارتبك. *** اسعاد. تمارا. تمارا. خير يا ماما. اسعاد. يابنتي هو انتي ع طول حابسه نفسك في اوضتك. تمارا. امال اعمل ايه غير كدا. اسعاد.

اخرجي. عايزه افهم ليه بطلتي تروحي الكليه. ركزي ع مستقبلك شويه عشان حماتك تحبك. هي طبعا هتحبك. اصل بنتي جميله. تمارا. دقيقه. حماتي مين. انتي بتتكلمي عن ايه. اسعاد. مش جالك عريس. تعرفي ابن مين. زميل ابوكي. واتكلمت انا وامه. اه. منا لازم اعرف طبعهم. بس الشهاده لله. طلعت ست محترمه جدا. وطلبت مني صورتك تشوفك. لما ابنها كلمها عنك. وانا بعتهاله. تمارا بنرفزه. من غير ما تسأليني بعتي صورتي. اسعاد بتعجب. منا جيت اسألك اهو.

تمارا. مش عايزه اتجوز. اسعاد. يابنتي الفرصه مبتجيش غير مره واحده. والناس هايلين. والا عايزه تقلدي عمتك الي لسه قاعده من غير جواز. تمارا بصراخ حاد. ممكن تقفلي خالص وتنهي الموضوع. قلتها مره. انا مش عايزه اتجوز. يبقي مش عايزه اتجوز. ومتعاملنيش زي البهيمه اللي ممكن تضحي بيها. وتحاولي دايما تخليني انساق. اسعاد كتمت غضبها. انتي بقيتي لا تطاقي. تمارا. وبلغي العريس كده. يمكن اتخلص منه بالطريقه دي. اسعاد مسكت دراعها.

انتي حصلك ايه. في ايه مالك. تمارا فلتت دراعها بقوه. لما بقول مش عايزه اتجوز. يبقي مش عايزه. ليه مش بتفهمي. قاسم دخل ع صوتها العالي واتعصب. ايه الاسلوب المنحدر اللي بتتكلمي بيه مع امك. انا سامع صوتك العالي من تحت. صوتك عالي جدا. اسعاد بتشده من قدامها. سيبها يابني. احنا بس بنتكلم. قاسم بص لاسعاد بغضب.

وهي بقت بالاسلوب المنحدر ده بسببك. ولا بتذاكر ولا بتروح كليه. ودلوقت بتطاول عليكي وبتكلمك بقله احترام. قوليلي مالك. ليه بتصرخي. تمارا. امك عايزه تجوزني. وانا مش عايزه اتجوز. قاسم. شوفتي. اهي. لا عايزه تتعلم ولا عايزه تتجوز. (لف بصلها) ممكن افهم ليه. الشاب محترم وابن ناس. وانا بنفسي قابلته واتكلمت معاه. ع الاقل قبل ما ترفضيه. قبليه مره واحده. وبعدها ابقي احكمي. تمارا بعناد وتصميم.

مش هقابل حد. ولا هتجوز. قابلتوه من غير ما تسالوني. وكمان بعته صورتي. مين عطاكم الحق ده. قاسم. ده واجبنا. تمارا. لله. سيبوني في حالي. ولا روح انت واتجوز. ولا لسه حياه جواك. قاسم. بص لامه بقسوه. بقت كدا تمام. راقبيها قبل ما تبقي انيل في تصرفاتها. واتصلي بأم الولد. وخلين نقرء فاتحتهم ع اخر الاسبوع. وانتي مش عايز اشوفك بتتكلمي باللهجه دي. وخصوصا مع امك. انتي سامعاها. اسعاد. قاسم. اطلع انت. وانا هتكلم معاها.

قاسم بصلها بنظره حاده وطلع. واسعاد قالت لها. وانتي فكري بعقل هادي. تمارا. هيفضل قراري زي ما هوا. اسعاد. مش هيحصل. انتي بس فكري. *** حياه واقفه في المرايا بتلملم شعرها بالمكواه. وهو عينه مش عارف يشيلها من عليها. وع شده جمالها. حياه بصتله. مش هنمشي. يونس فاق. اه. منا ببصلك عشان اقولك يله بينا. يونس اخد حياه ونزلوا تحت. شافوه سالي موجود. والاتنين كشروا. واسالي لصفاء. كل سنه وانتي طيبه. ماما بعتالك الهديه دي. صفاء. شكرا.

سالي. وناويه تعملي ايه لليوم. صفاء بكيد. اتفرجي الاول ع العسلات اللي نازلين. حافظ بص بأعجاب. ما شاء الله. زي القمر والشمس. صفاء. فعلا. حياه خلت حياتنا كلها شروق بعد ليل طويل. سالي. انتي ليه بتقلبي عليا المواجع وتفكريني بزمان. صفاء تجاهلتها وقالت. حياه. دوقي التورته لعمتك. سالي. شكرا. عامله حميه. حافظ. تعالي معانا اتغدي. سالي. رايحين فين. صفاء. اي مكان تقولنا عليه حياه. يونس. حياه عايزه تاكل سمك بالزيت المقلي.

سالي بنظرات بحقد. ما تقولها بصراحه انك مش عايز تاخدني معاك. حافظ بعصبيه. يونس. ايه الاسلوب ده مع خالتك اللي بتحبك. يونس. وانا مقلتش حاجه. كنت بوضح اختيار حياه. مش انتي قلتي كدا ياحياه. حياه ايدته. ها. اه. فعلا. انا بحب الاكل المقلي بالزيت. سالي. صفاء. ماما بتقولك لو الهديه مش عجباك. ليكي تقدري تروحي تبدليها. صفاء. مش هغيرها. دي من امي. هتعجبني.

حياه يونس وصل سالي للباب. وانتي ياحياه حطي العلبه دي جوه اوضتي. روح يا يونس. سالي كشرت جدا. كدا سلام. يونس بصلها. نمشي. سالي وهي ماشيه جنبه. يظهر نسيت حبك الاول. يونس. حبي ده يخصني. ومحبش حد يدخل فيه. عانيت كتير بسبب تدخل الغير. صفاء. يونس. ابوك بيقولك هنروح بعربيتك. هاتها من الجراج. يونس. حاضر. سالي قررت تنفذ الخطه هي وتمارا. لازم تكسر شوكه حياه وصفاء بالقوه. *** سالي دخلت لها.

انتي خليكي راكنه والتانيه بتسوق. كنت مفكره ان جيلي هو الجيل الوحيد اللي ممكن يقدر يخدع. لكن العصر دلوقتي. حتي المزيفين. وبيرسموا ع الناس بالراءه. وهما خادعين مكارين. الدنيا بتلف حواليهم. وده اللي حصل. حبيبك راح يتغداه مع امه ومراته. عايزين يعملوا اسره. وانتي خليكي قاعده. وهو عمال يلعب بيكي. بس لو انتي استسلمتي. اتجوزي وامشي. والا هتفضلي تتحرفي زي ما انتي. وانتي بتراقبيهم زي ما عملت انا. تمارا. انتي عايزني اعمل ايه.

تمارا. دي فيها. اعمل ايه. تموتي. تمارا. طيب. افرضي محدش لحقني. سالي. متقلقيش. خدي برشامتين. اربعه. حاجه بسيطه. وقتها مش هيجرالك حاجه. وانا هتفضل عيني عليكي. واول ما تقوليلي حصل. هبلغ الكل. وينقلوكي ع المستشفي في الوقت المظبوط. تمارا بخوف. افرضي محدش فيكم لحقني. سالي. جري ايه يا بت. مش واثقه فيا. معقول اسيب حاجه تحصلك. تمارا. عمتو. ما نجرب خطه تانيه. سالي.

لاء. دي الطريقه الوحيده اللي هتعمل ضجه. وغير كدا فعاله اكتر. عايزه يونس ولا لاْ. تمارا. ايوه. سالي. يبقي متقلقيش من حاجه. صدقيني. تمارا خلت سالي طلعت. وجابت علبه البرشام. ونفذت. واخدت الشريط كله.