رواية مطلوب عريس صعيدي الفصل الرابع 4 - بقلم سيليا البحيري

أحمد: ليه بتحبي حد تاني؟ رفضه الجواز من الكل يبقى أكيد في حد. مايا: لا مفيش. أحمد: اومال رافضة ليه؟ مايا ببرود: وانت مالك. أحمد: يا حبيبتي مالك هيحميكي، هو مناسب ليكي. مايا: ده مجنون وعصبي ولسانه طويل. أحمد بكذب: مش هيدخل في حياتك، هو مشغول دايماً وهيخليكي تعملي اللي عايزاه. مايا: بجد؟ أحمد بكذب: آه، وكمان خدي حقك منه على الكلام اللي قاله. مايا: أكيد هخليه يندم، وبعدين أمه طيبة الصراحة. (وفي

خاطرها: هخليه يندم على الشتيمة اللي قالها وأجبره إنه يطلقني ويبقى كسرت غروها) أحمد: قلتي إيه؟ مايا: موافقة. أحمد بفرح: كويس، هما هيجوا بكرة. *** أما في الفيلا الخاصة بعائلة شاهين، يدخل مصطفى وهو غاضب. الخادم: تحب أحضر لحضرتك الأكل؟ مصطفى: لا، أنا طالع أرتاح شوية. مسمعش صوت حد. يدخل مصطفى غرفته ويكسر المرآة ويتذكر كلام ياسمين. مصطفى: ماشي يا هانم، آخرتك في حضني أما أوريكِ. يخرج مصطفى هاتفه ويتصل برقم.

مصطفى: أيوه، راقب ياسمين الشناوي، متغبش عن عينك، فاهم كل تحركاتها تجيلي. ويغلق مصطفى الخط ويبتسم بخبث. مصطفى: بقا عايزة تلعبي بديلك معايا؟ دا في أحلامك. *** يصل محمود وزينب للسيدة. مجدي: أهلاً وسهلاً، اسكندريه نورت. محمود: بنور أهلها. عامل إيه وعروستنا عاملة إيه؟ مجدي: تمام. ياسمين تعالي سلمي على عمك. ياسمين: حمدلله على السلامة. زينب: بسم الله ما شاء الله، حلويتي. مايا: هي حلوة من زمان، انتي اللي حوله. محمود: مايا.

أحمد: يا جماعة في خبر حلو، مايا اتقدملها عريس وهي وافقت. محمود بفرح: وافقت؟ زينب: هييجوا امتى؟ أحمد: بكرة. زينب: مجدي، عايزين نحدد قريت الفاتحة بتاع ياسمين وأحمد. ياسمين بصدمة: فاتحة؟ زينب: أيوه. فاتن: معنديش مانع، الوقت اللي عايزينه، البنت بنتكم. زينب: إيه رأيك يا عروسة؟ ياسمين بتوتر: معنديش مانع. مايا: ألف مبروك يا سوسو. (أما ياسمين في خاطرها: يارب استر، مصطفى لو عرف هيقتلني) ***

وفي الصباح كان الجميع يتجهز لاستقبال الضيوف، وكانت مايا مشغولة على الهاتف. أما ياسمين شارده الذهن. تدخل فاتن. فاتن: يلا يا بنات، الضيوف وصلوا. تنزل الفتاتان من على السلم وتجلسان. ترفع ياسمين وجهها لتجد أن مصطفى هو الذي يجلس أمامها. (ياسمين في خاطرها: يا نهار أسود) كان مصطفى يبتسم بخبث. أما مايا فجلست أمام مالك. محمود: أهلاً بيكم، شرف لينا إنكم عايزين بنتي. فريدة: متقولش كده، مايا عسولة أوي، ربنا يحميها.

مالك: ندخل في المهم، إذا كانت العروسة موافقة تبقى خطوبة وكتب كتاب سوا. مايا بسخرية: ميبقاش فرح بالمرة. مالك بحدة: _وماله، خير البر عاجله. مايا: إيه ده، انت واخدني شقط؟ مينفعش. مالك: ليه؟ محمود: مالك معاه حق يا مايا، وكده كده هتتجوزي. فريدة: وأنا موافقة، بعد الخطوبة بأسبوع الفرح. محمود: نقرأ الفاتحة. زينب: ونقرأ فاتحة أحمد وياسمين. مصطفى باستخفاف: فاتحة مين؟ فاتن: ياسمين بنتي اللي قاعدة قصدك دي.

مصطفى: عارفه، عز المعرفة. أحمد: عارفه منين؟ ياسمين بسرعة: اتقابلنا قبل كده مرة. أحمد: إيه؟ مصطفى وهو ينظر لياسمين بحدة، فقد أنقذت نفسها وأرسلت له رسالة تتوسل له قبل أن ينطق بأنها ستقابله وتشرح له. بنت: لحظة، ياسمين مجدي الشناوي صح؟ ياسمين بتوتر: أيوه. تنظر بنت لمصطفى وياسمين، فيبدو أن ما كانت تسمعه صحيح. فريدة: عايزين مايا تنزل بكرة مع مالك يجيبوا الشبك. محمود: معنديش مانع. مايا: من عنيا. (ثم تنظر لمالك)

مالك: طب أنا همشي بقا عشان عندي شغل. مايا وهي تتمتم: في داهية. مالك بحدة: سمعتك. مايا: أنا قولت حاجة. مالك: يلا يا مصطفى. مصطفى: اسبقني انت. (ويتكلم بصوت عالي: هروح على الشاليه اللي على البحر) بنت وهي تنظر لياسمين التي كانت يدها ترتجف. وبعد مغادرة الجميع، تلحق ياسمين بمصطفى. وكانت بنت تراقبه. وكانت مايا تنظر لهم من الشباك وبيدها سيجارة مشتعلة. مايا: واضح إن في حاجة بين ياسمين ومصطفى. ***

وفي الشاليه، يدخل مصطفى وتدخل خلفه ياسمين. مصطفى: أهلاً أهلاً، مبروك على الخطوبة. ياسمين: مكنش قدامي حل تاني. ينظر لها بعيون جامحة ومشتعلة من الغضب ويمسكها من ذراعها ويثني ذراعها خلف ظهره. مصطفى: إحنا مش هنلعب سوا كتير. ياسمين بتألم: انت اللي بدأت وعيونك زايغة، أنا بكرهك. مصطفى بقسوة أكبر: بقا كده؟ طب أنا غلطان إني مقولتش للكل. تدخل بنت فجأة. بنت: إنك مراته. *** أما في مديرية الأمن. ياسر: عرفت توصل لحاجة؟

مالك: ياسين الرفاعي عايز كل حاجة عنه. ياسر: تمام. مالك: وبكرة اعتبرني عرض. ياسر: ليه؟ مالك: هخطب بكرة. ياسر: ومين المجنونة اللي قبلت بيك؟ مالك بحدة: بتقول حاجة؟ ياسر وهو يبلع ريقه: لا خالص. *** أما أحمد فكان يجلس في غرفته حتى دخلت عليه مايا. مايا: انتهيت. أحمد: نعم يا مايا. مايا: انت بتحب ياسمين؟ أحمد: بصراحة لأ. مايا: اومال خطبتها ليها؟ أحمد: انتي مش شايفة ماما وبابا؟ مايا: تحب أخلصك من الجوازة دي. أحمد: يا ريت.

مايا: بس بشرط واحد. أحمد: قولي. مايا: تقولي نقطة ضعف مالك. أحمد: معندوش. مايا: إزاي يعني؟ هو مش بني آدم. أحمد: بس معندوش. حتة أمه وأخته مش نقط ضعفه. مايا: إزاي؟ أحمد: واللهي روحي اسأليه. مايا: مش هساعدك. غور. (أحمد في خاطره: بعد الجواز هتتربي يا مايا ومش أي تربية) *** ياسمين بصدمة: بنت؟ بنت: مالكم شفتوا عفريت؟ مصطفى: أيوه، ياسمين مراتي وشرعي كمان.

بنت: عارفه، كنت سمعتك قبل كده وانت بتكلم أمك، عشان كده قولتلك إني سمعت اسمك قبل كده. ياسمين ببكاء: كان غصب عني، هو اللي جبرني وخطفني. بنت: خطفتها يا مصطفى؟ مصطفى: أعمل إيه يعني؟ كل أما أقولها تقولي اصبر، استنى شوية، وأنا صبرت كتير. بنت: ومهتمتش بأهلها ولا سمعتهم؟ مصطفى: مقربتش منه، وبعدين لو مش خايف على سمعته كنت زماني قولت للكل إنها مراتي، مش صابر عليه. بنت: طب هتعملوا إيه؟ ياسمين: تطلقني يا مصطفى، مفيش حاجة بينا.

مصطفى: بتحلمي، أنا هديكي يومين بس، لو مقولتيش أنا هقول. بنت: مصطفى حرام عليكم. مصطفى: مليكيش دخل انتي بنت خالتي، بس متدخليش بيني وبين مراتي. ياسمين: مقدرش أقول لماما إني اتجوزت من غير ما تعرف. مصطفى: هتقدملك وهتوافقي غصب عنك. ياسمين: وأحمد. مصطفى: واللهي دي مشكلتك مش مشكلتي، وأنا حذرتك امبارح. بنت: تعالي يا ياسمين، شكله اتجنن. مصطفى بسخرية: أقابلك أما تبقي زيي. ياسمين: منك لله.

مصطفى: ادعي من هنا لبكرة، انتي بتاعتي بس. *** وفي الصباح تستيقظ مايا وتدخل الحمام تأخذ شاور وتلبس. ياسمين: مالك وصل. مايا ببرود: وأنا أعمل له إيه؟ ياسمين: بيقولك انجزي. مايا: في حد بيجيب شبكة الصبح؟ ياسمين: مش عشان تجيبوا حاجات للفرح. مايا بخبث: _وفرحك انتي كمان، ولا هتروحي لحبيب القلب؟ ياسمين بتوتر: حبيب القلب مين ده؟ مايا: مصطفى، باين أوي. ياسمين بخضة: مصطفى؟ لا مفيش، أنا هتجوز أحمد. مايا: متكدبيش على نفسك.

ياسمين: مصطفى، يبقى جوزي. مايا بصدمة: متجوزة؟ ياسمين: غصب، المجنون خطفني. مايا بضحك: واللهي جدعة. ياسمين: بتضحكي على إيه؟ مايا: على الأقل انتي لقيتي حد يحبك وخطفك كمان، الدور والباقي على واحدة مكروهة من الكل. ياسمين: مايا. مايا: متخافيش، مش هقول لحد. وهتعملي إيه مع أحمد؟ ياسمين: دماغي وقفت. تدق فاتن على الباب. فاتن: يلا يا بنات. مايا: حاضر. تنزل مايا وكانت ترتدي جيبة قصيرة وبلوزة كت. ينظر لها مالك بحدة.

مالك: انتي مش لابسة إيه؟ مايا: البعيد أحول. يحاول التحكم بأعصابه لكي لا يقتلها ويتوعد لها. مالك: والسنيورة طالعة مع راجل مش فرفور، اطلعي يا مكلوبة، البسي حاجة محتشمة. مايا: انت لغتك مش فاهمه، بتقول كلام شبهه. يزفر بقوة ويتكلم بلهجة لا تقبل النقاش. مالك: بقولك اطلعي البسي حاجة عدلة، أحسن أقسم بالله فرحي عليكي الليلة بدل الخطوبة. محمود: اهدأ يا بني.

مايا: يوووه، اسمع يا زفت أنت وهو، عشان أنت هتبقى جوزي مفكر نفسك اسي السيد؟ لا يا بابا، أنا مش أمينة. محمود: مايا. فريدة: عسل واللهي، اديله شوية. يقف أمامها مباشرة ووجهه لا يبشر بخير، يصفعها قلم يوقعها أرضاً من شدة الصفعة أمام الجميع، لم يهتم بأحد. مالك: دي هدية الخطوبة. تتحسس وجهها وكانت في صدمة، تلك أول مرة يصفعها أحد. مايا: أنت بتضربني؟ مالك: واكسرلك دماغك كمان لو لسانك طول دا، بس تهويش. فريدة: مالك دا مينفعش.

مالك بصوت عالٍ: مالك: مراتي وأنا حر. محمود: تستاهلي، انتي اللي غلطانة. تنظر مايا لمالك بكره. مايا: _مش هتجوزك استحالة، أبقى مع البني آدم ده. يحملها رغم عنها وسط صراخها وذهول الجميع. ظلت تضربه على كتفه. مايا: نزلني، نزلني يا مجنون. أحمد: مالك وخدها، ورايح فين؟ مالك: هكمل نص ديني وأتجوز أختك المصونة. مايا: استحالة، نزلني. مالك: افتح الباب بتاع العربية يا أحمد. فريدة: مالك نزلها. زينب بشماتة: (في

خاطرها: أحسن، خليها تتربى شوية) مايا: نزلني. يخبط مالك رأس مايا في رأسه لتفقد وعيها ويدخلها السيارة ويتصل بمصطفى. مالك: هتلاقي مأذون وتعالوا على الفيلا دلوقتي. مصطفى: طيب. مالك: وانت يا عمي تعالي عشان توقع أنت وأحمد. فريدة: مالك. مالك: هتجوزها وأخلص من وش كل شوية خطوبة وفرح، يبقى جواز على طول. يصل مالك والجميع إلى فيلا مالك. ويحمل مالك مايا إلى غرفته. مالك: بسنت، لبسيه حاجة عدلة، مش عايز حد يشوفها كده. بنت: حاضر.

ينظر مالك لمايا وهي نائمة. مالك: وقعتي ومحدش سمه عليكي. *** وفي الأسفل، يحضر مصطفى المأذون، وكانت عينه على ياسمين. ياسمين بخضة: نفس المأذون. يقف مصطفى خلف ياسمين وبصوت كحفيف الأفاعي. مصطفى: إيه رأيك. مالك: يلا يا حضرة المأذون، دا وكيل العروسة، ودول الشهود. المأذون: والعروسة فين؟ مالك: مخمودة، أقصد تعبانة شوية. المأذون: لازم توقيع العروسة وبصمتها. مالك: طيب، هجيبلك توقيعها، بس اخلصي. يصعد مالك للغرفة.

مالك: انتي يا مفهوة، اصحي. بنت: حرام عليكم. مالك: اطلعي برة واقفلي الباب. بنت: حاضر. تخرج وتغلق الباب. يمسك مالك كوب من الماء ويقوم بسكبه على وجه مايا. مايا بفزع: ماما. مالك: لا يا حيلتها، أنا مالك، كابوسك الجديد. يتبع