رواية مطلوب عريس صعيدي الفصل الثالث 3 - بقلم سيليا البحيري

وفجأة يخرج مالك المسدس ويصوبه إلى رأس مايا. لترفع مايا وجهها إليه لتري أنه لا يمزح، فهو كان كالبركان الغاضب وعيونه مشتعلة من الغضب. أحمد: مالك! مالك بعصبية: وهي غلطت فيا مش فيك. بت زي دي تغلط فيا! مايا: بتك هتتذلني بـ... مالك: لعبة؟ تحبي تموتي باللعبة دي؟ يرفع مصطفى المسدس من مالك ليطلق الطلقة في السماء. مايا بخوف: ده أنت مجنون! أحمد: مالك! كنت هتقتل أختي! مالك: واقتلك أنت كمان لو البت دي اتكلمت تاني.

مصطفى: مالك لازم تتحكم بعصبيتك دي. مايا: هبلغ البوليس عليك، أنا مش هسكتلك، أنت فاهم؟ مالك: يا بت اتلمي! هقتلك واللهي. مايا بتحدي: أنا قدامك أهوه. أحمد: مايا اسكتي خالص. مالك، أنا بعتذر بالنيابة عنه. مايا: بتعتذر ليه؟ هو اللي غلطان. مالك: أنا مغلطش. أنتِ مش شعرك منكوش؟ هو كده شعر البنات؟ ولا لبسك المايع ده؟ استغفر الله، عاملة زي إبليس اللعين. مايا: كل ده عليا أنا؟ مالك: أيوه أنتِ يا سحلية.

مايا بغضب وتقترب من مالك: أنا هوريك. مالك بتحدي: وريني. أنا موجود وأنتي موجودة. مصطفى: بس يا جماعة، إيه ده؟ يلا يا مالك هنتأخر. وأنتي يا مايا متزعليش، هو كده. أحمد: من أول مقابلة ضرب نار! يرحل مالك ويترك مايا تشتعل من الغضب وتضرب الأرض بقدميها كالطفلة. مايا: مغرور وهمجي. كان أحمد واقف وفي خاطره ليه لا، هو الي قدر عليها، بس إزاي؟ في الطريق. مصطفى: عكننت على البت. مالك: متجبش سيرة المحروقة دي. أنا لو شفتها تاني هقتلها.

مصطفى بسخرية: هو أنت سكتلها؟ ده أنت كان فاضل دقيقة وتجيبها من شعره. مالك: عارف كنت هعمل كده، بس هي مش حلالي ولا أقدر أمسكها. أو عشان حرام كنت جبتها من شعرها وضربتها علقة موت. تحترم نفسها شوية. مصطفى: كل ده؟ مالك: مش عارف أخوه تاركه كده إزاي. في القاهرة. محمود: بقولك عايزك تدور على واحد صعيدي كده كويسة. أحمد: ليه؟ محمود: عشان أزوّج أختك. أحمد: نعم؟ بدور لها على عريس صعيدي؟ محمود: أيوه، ده اللي يعرف يشكمها.

تأخذ زينب الهاتف من محمود. زينب: أيوه، هو اللي يقدر يشكمها ويخليها تحترم نفسها شوية. أحمد: أنتوا تعرفوا تيجوا إسكندرية؟ زينب: ليه؟ أحمد: لقيت العريس ده صعيدي ومخابرات ومش هيشكمها، بس ده هيربيها. زينب: وهتعرف تقنعه وتقنعها؟ أحمد: سيبها لي دي. وفي إسكندرية في بيت مالك. فريدة: وأخيراً اتأخرتم. مالك: قبلت واحدة مفهية في عقلها. مصطفى: يا أخي ارحم، كنت هتموتها. فريدة: بت مين دي؟ مالك والبنات؟ احكي لي يا صاصا.

مصطفى: أخت أحمد صاحبنا، بس هي ومالك اتخانقوا. مالك: دي لسانها عايز القص. وبزمتك دي منظر بت؟ لو كانت أختي كنت قتلتها. مصطفى: بنت كنت هتعمل إيه؟ فريدة: والبنت سليمة؟ مصطفى: الحمد لله. بالصدفة. فريدة: حلوة؟ مالك: اسألي المحترم اللي جنبكم. مصطفى: أنا؟ دانا غلبان. وبعدين عندي بتاعتي. فريدة: طيب الفطار جهز. وعند مايا. كانت غاضبة وتكسر كل شيء. ياسمين: مايا... مايا: واحد قليل ذوق بيتريق عليا. ياسمين: متحطيش في دماغك كلام حد.

مايا: أنا يتقالي سحلية ومنكوشة؟ ياسمين: مين قالك كده؟ مايا: الزفت اللي اسمه مالك ده. ياسمين: تقصدي مالك الشهاوي؟ ملقتيش غير ده؟ تدخل فاتن. فاتن: أنا راحة المول، حد عايز يجي؟ مايا: أنا. ياسمين: وأنا. أما أحمد فكان يفكر في كيف يقنع مالك بالزواج من مايا، ليتصل بها. أحمد: أنت فين دلوقتي؟ مالك: في بيتي، هكون فين؟ أحمد: أنت مش عايز تتجوز؟ مالك: يا وش الفقر! عايز إيه؟ مش كفاية أختك الصبح؟

أنا لو شفتها تاني مش هسيبها غير لما أربيها. أحمد: بالضبط، ده اللي عايزة منكم. مالك: عايز إيه؟ أحمد: تتجوز مايا. مالك: أتجوز أختك؟ أحمد: يا ريت، ويبقا عملت معايا معروف عمري ما أنساه. مالك: في حد عاقل عايز يبيع أخته؟ ولا هي عشان مش أختك شكلها كده؟ مش أختك عشان كده حابب تقلل من قيمتها؟ أحمد: مايا أختي من أب، بس بعتبرها زي بنتي وبحبها وبخاف عليها، عشان كده اخترتك أنت. وبعدين أنت مش بتدور على عروس؟

مالك: أنت عارف أنت بتقول إيه دلوقتي؟ أنت عارف طبعي كويس، وأختك مش هتتحملني يوم. أحمد: هحكيلك عنه. يحكي أحمد لمالك عن مايا كل شيء. مالك: أنت متأكد إن دي زي البنات؟ أحمد: عرفت بقى أنا اخترتك ليها ليه. مالك: هفكر لي. يغلق الخط وتترسم على وجهه ابتسامة خبيثة. مالك: فرصة وجت لي أنتقم منك على اللي قولتي. ورحمة أبويا لهربيكي يا منكوشة. وفي المول. كانت مايا تشتري الأغراض لتجد طفلة صغيرة تمسك بيدها.

مايا بحنان: الله حلوة أوي. عايزة إيه يا كوكو؟ فين مامتك؟ الطفلة: معنديش، ماتت وسابتني. مايا بحزن وتضمها: أنتِ زي، تعالي أجيبلك شيبسي وسندوتشات. اسمك إيه صحيح؟ الطفلة: اسمي أمال. مايا: وأنا مايا. تعالي يلا. تذهب الطفلة مع مايا وتشتري لها الأغراض. ياسمين: مين دي؟ مايا: أمل. فاتن: تعرفيه؟ مايا: لا، بس هي شكلي أمها ماتت. وأكيد عندها مرات، بفكر أتبناها. ياسمين: مفيش تبني. مايا: هتول أمولة يعني موافقة يا أمولة؟

فاتن: مايا حبيبتي، أنت دماغك دي جايباها منين؟ مايا: ليه؟ فاتن: عشان زمان أبوها قالب الدنيا عليها. تعالي نوديها لأمن المول. مايا: طيب. تذهب مايا والجميع لأمن المول. الأمن: أيوه، في واحد بيدور على بنته، ونفس الصورة. يتصل الأمن بالرجل ويحضر، وتتعرف أمال عليه. مايا: خلي بالك منها. خدي يا أمولة، ده رقمي لو عاوزتي أي حاجة، أنا موجودة. كانت فريدة وبسنت في المكان.

فريدة: سبحان الله، اللي يشوف طريقة لبسها ميشوفش حنيتها على الطفلة. بسنت: ربنا يهديها. فريدة: فعلاً، المظاهر خداعة. وأثناء خروج مايا من المول تصطدم في جسد قوي. كانت ستقع لكنه أمسكها وحاوطت يده خصرها حتى لا تقع. مايا بفزع: أنت! مالك: أنتِ تاني؟ مايا: اللهم ما أطولك يا روح. سيبني يا بتاع أنت. مالك: حاضري. يتركه مالك لتقع على الأرض. مايا بتألم: واحد غبي.

مالك: مفيش أغبي منك. أنتِ اللي قولتي سيبني. وبعدين ينخفض لمستواها ويمسكها من شعرها أمام الجميع. مالك: لسانك يطول عليا؟ مش هسكتلك، فاهمة يا سحلية. مايا: سيب شعري يا متخلف أنت. يزاد قسوته وإمساكها بقوة أكبر وجعلها تصرخ من الألم. فاتن: مش ده صوت مايا. ياسمين: إيه ده؟ مالك: اتزحلقت، وقعت. أما مايا فكانت تنظر إليه بغضب وأقسمت أن تنتقم منه. ياسمين: أنتِ بخير؟ مايا: أيوه. فريدة: مالك، أنت جيت؟ مالك: خلصتي؟

فريدة: آه. وتنظر لتجد مايا. فريدة بابتسامة: أهلاً يا حبيبتي. مايا: حضرتك بتكلمني؟ فريدة: أيوه. أنتِ تعرفيه يا مالك؟ مالك: معرفة سودة، بعيد عنك. فريدة بضحكة: متزعليش، هو كده. بسنت: أنتِ اسمك إيه؟ مايا: مايا. بسنت: اسمك حلو. وأنا بسنت. فريدة: وأنا أبقى أم مالك وبسنت. مايا: أم الشيطان المغرور ده؟ ينظر مالك إليها بحدة. مالك بحدة: أنتِ إيه؟ لسانك طويل ليه؟ فريدة: ملكش دعوة، هي بتكلمني أنا مش أنت.

بسنت بضحكة: هو كده يا مايا، متزعليش. فريدة: أومال فين والدتك يا مايا؟ مايا بحزن: معنديش. فريدة بحنان: ممكن تعتبريني زي أمك. مايا: ؟؟؟؟ فريدة: مالك... مايا: أول مرة حد يقولي كده. لتضمها مايا وسط استغراب الجميع. فريدة: من النهارده أنتِ زي مالك وبسنت. بسنت: وأنتي؟ ياسمين: اسمي ياسمين. مايا تبقا بنت عمتي. اسمي ياسمين الشناوي. بسنت باستغراب: سمعت الاسم ده قبل كده. فريدة: مايا، أنا موجودة لو عاوزتي أي حاجة، أنا موجودة.

مايا: أنتِ متأكدة إنك أم الشيطان ده؟ مالك بحدة: أنا معمر المسدس، على فكرة. أي كلمة تانية هفرغه فيكي. مايا: هبلغ عليك. بسنت: يلا يا مايا، ماما هتعملنا محاضرة. مايا: حاضر. فرصة سعيدة طنط فريدة وبسنت. فرصة زفت وطين يا مالك. مالك في خاطرها: وأنا هخليهالك طين بجد. بس أما تيجي بيتي يا حلوة، هندمك على لسانك ده. فريدة: بنوتة عسل. بسنت: آه، بس مش محجبة وطريقة لبسها. مالك: عجبتك يا أم مالك؟ فريدة: أيوه. مالك: هجبهالك قريب قوي.

فريدة: بجد؟ ألف مبروك يا بنتي. مالك: بس نروح لأهله الأول ونشوف رأي المحروسة المجنونة دي. وفي غرفة ياسمين. تدخل ياسمين الغرفة لتجد مصطفى. مصطفى: حمدلله على سلامة الهانم. ياسمين: أنت! مصطفى: أيوه. شفتي عفريتي؟ ياسمين بتوتر: أنت جيت هنا إزاي؟ مصطفى: أنتِ نسيتي إني ضابط؟ جيت من الشباك. ياسمين: عايز إيه يا مصطفى؟ مصطفى بحدة: كنتي فين؟ ياسمين: وأنت مالك؟ واتفضل اطلع من هنا حالاً. مصطفى بسخرية: لا، أنتِ نسيتي اللي بينا.

ياسمين: مفيش حاجة بينا، أنت هتستعبط. مصطفى: بقولك إيه؟ متختبريش صبري، عشان أنا زهقت ومش هسكت أكتر من كده. ياسمين: يوه، كام مرة قولتلك لأ يعني لأ. مصطفى بغضب: أنا صبرت عليكي كتير أوي، بس أنتِ اللي جبتي لنفسك المشاكل، واستحملي اللي هعمله بقاي. ياسمين: مش خايفة منك، واتفضل اطلع أحسن ما حد يجي. مصطفى: ماشي يا بنت الشناوي. يخرج مصطفى ويترك ياسمين في قلق. ياسمين بخوف: أنا اللي عملته ده، ربنا يستر وميتورطش. وعند أحمد.

أحمد: الو... مالك: هاجي بكرة الساعة ٧ عشان أطلب إيد المفعوسة اختك. أحمد بفرحة: تمام. مالك: بس عارف لو اختك رفضت، هقتلك أنت وهي. أحمد: مش هترفض، هتوافق. مالك: هنشوف. سلام عشان عندي اجتماع مع الزفت اللي اسمه ياسر. أحمد: سلام. يذهب أحمد إلى غرفة مايا التي كانت تتكلم على الهاتف، وعندما تراه تغلق بسرعة. أحمد: بتكلمي مين؟ مايا: وأنت مالك؟ ومش تخبط. أحمد: نسيت. مايا: عايز إيه؟ أحمد: في عريس متقدم لك.

مايا باستهزاء: ومين ده كمان؟ أحمد: مالك الشهاوي. مايا بصوت عالي: نعم يا خويه؟ مالك؟ أحمد: حلو صح؟ مايا: ده على جثتي إني أتجوز الكائن ده. أحمد: ده لطيف خالص وكيوت خالص. مايا: أوي أوي، بإمارة امبارح. جواز؟ لا ومن الكائن ده، استحالة...