رواية مطلوب عريس صعيدي الفصل التاسع عشر 19 - بقلم سيليا البحيري

فتح عيناه ليجدها تجفف شعرها المبلل. مالك بابتسامة: صباح النشاط. مايا: صباح النور. يلا قوم. مالك: علي فين؟ وضعت يدها علي وسطه ورفعت حاجباها. مايا: يا سلام، انته نسيت انته قولت ايه؟ ابتسم بخبث وهو ينظر لها. مالك: ايه الوافقة الدلع دي؟ بتغريني علي الصباح. احمر وجهها من الغضب. مايا: انته بتهرب من الرد ولا ايه؟ مالك بحدة: هي الساعة كام مع جناب البرنسيسة؟ مايا: ٦:٣٠. مالك: في حد عاقل هيروح الساحة الساعة ٦ الصبح؟

مايا: انته قولت فسحنا. مالك: طب علي الاقل افطر واخد دش واتصل بحد يعملي اجازة او عرض. مايا بتنهيدة: طيب. مالك: فين الفطار يلي عايزة تخرج؟ تقترب منه وهي راكضة علي السرير، وعلي وجهها ابتسامة جذابة، وشعرها مبلل، وكانت ترتدي أحد قمصانه، وكانت جذابة. مايا بدلع: بتيجي نفطر برة؟ أبعد خصلات شعرها من علي وجهها. مالك بخبث: مش بقولك بتغريني؟ بس ايه حكايتك مع القمصان بتوعي؟ مايا بتنهيدة: اوف منك، هنزل أحضر الفطار.

مالك بحدة: هتنزلي كده؟ عشان اشرب من دمك. مايا: متسرع، هلبس حاجة تانية. مالك: طيب، هتصل أخد اجازة. يتصل مالك بياسر. مالك: خدلي اجازة النهارده وبكرة. ياسر: ليه؟ والتحقيق؟ مالك: خليكم معاهم ليومين يعني، وعايزك بكرة عشان خطوبتي. ياسر: انته مش خاطب مرة؟ مالك: لا، هي نفسها. احمي وراقب البنات دول كويس. ياسر: بعمل كده واللهي، وألف مبروك. مالك: عقبالك. ياسر: يارب يا خويه. مالك: مستعجل ليه؟

ياسر: ارحمني، انا عايز أخطب وأتجوز بس أما لاقي الأميرة بتاعتي ملكة قلبي. مالك: ومين الهبلة دي؟ صحيح، شوفت البنت الي اسمها مي؟ ياسر: لا، لسه هروح دلوقتي، أنا في الطريق، قربت أوصل. *** يصل ياسر للفندق ويدق الباب غرفه ميمي. بخوف: ميمي. ياسر: أنا. مي: انته مين؟ ياسر: ضابط مباحث. تفتح مي الباب. مي: أهلاً بحضرتك، عايز ايه؟ كان ياسر ينظر لمي بتأمل. ياسر: يخرب بيت جمالك يا شيخ. مي: أفندم؟ ياسر: أقصد، انتي مي صح؟ مي: أهيأ.

راجي: انته مين وعايز ايه؟ ياسر: معاك المقدم ياسر، مباحث أمن الدولة. راجي: طيب وريني البطاقة، نطمن الأول. ياسر: الكارت والبطاقة اتفضل. راجي: صح، وايه جابك أهنه وعايز ايه؟ ياسر: جي من طرف الرائد مالك الشهاوي. راجي: يبقا ابن عمي. ياسر: بجد؟ أهلاً بيك. طب هو أنا هفضل واقف؟ مي: اتفضل. ياسر: انتي عذبة صح؟ مي: أهيأ. ياسر: أظن أن مينفعش ندخل الأوضة بتاعتك، ممكن حضرتك تنزلي معانا تحتمي؟ راجي: طيب، اتفضل يا حضرة الضابط.

ياسر: 😁 عارف. وفي الأسفل. ياسر: بصي، إحنا عرفين كل حاجة وعايزين نحميكي مقابل إنك تكوني شاهد ملك في القضية. مي: يعني هتحبسي؟ ياسر: لا طبعاً، بس يفضل أعرف منك كل حاجة الأول. مي في خاطرها مجبش سيرة مايا، يعني أكيد ميعرفش عنها حاجة، بس مدام وصلوا لمالك، يبقى وصلوا لمايا، بس الأحسن مجبش سيرة مايا لشخص ده. تحكي مي لياسر.

ياسر: تمام، يعني انتي معندكيش أهل وتبقي بنت خالة فارس الشافعي، يعني أمك تبقا أخت ياسين الشافعي، عيلة مشرفة الصراحة. مي بغضب: اسمع بقا، ماما الله يرحمها مكنش ليه ذنب. راجي: يا حضرة الضابط، مي ملهاش ذنب ومعملتش حاجة. ياسر: عارف، وأنا متأسف على كلامي ده يا أنس. مي: ٠٠٠ ياسر: قلت متأسف. تنفخ ميمي. مي: طيب، هقولك ايه يعني؟ ياسر بغضب: تردي تقولي أي حاجة، مش تنفخي كده. مي: انته عايز تتخانق شكلك كده. ياسر: انتي الي بدأتي.

مي: وأنا اعتذر. مي: وكان لازمته ايه تطول لسانك من الأول؟ ياسر: وجناب حضرتك مسكتيش برده، وأنا مغلطش. راجي: بسس، انتوا الاتنين فرجتوا علينا الناس. مي: هو الي غلط. ياسر: بقولك ايه، انتي هتبقي مسؤليتي، يعني تحترمي نفسك. راجي: حضرة الضابط، اظن إنك عديت حدودك، هي مش مجرمة عندك. ياسر: مقولتش مجرمة، ومتعدتش حدودي، دا واجبي، وبعدين الموضوع خطير ومش سهل. مي: أنا عايزة أقابل الرائد مالك. ياسر: هيخطب، مش فاضي. مي: نعم؟

هيخطب إزاي؟ راجي: سلامة عقلك يا باشا، دا متجوز. ياسر: متجوز؟ يعني هيتجوز مرتين؟ *** أما بسنت كانت تفكر، هل تقبل الطلب أم لا. العقل: متقبليش، انتي بتصلي وعارفة ربنا، دا غلط. شيطان النفس: غلط ليه؟ زميل عادي. العقل: انتي متعرفيش مين ده، هتقبلي كده عادي؟ وبعدين ده مش طبعك، وبعدين فكري كويس، هو يعرفك منين عشان يبعتلك طلب؟ دا واحد عايز يتسلى شوية. النفس: ممكن يكون أعجب بيكي لما خبطت فيه. العقل: يعني لما خبطت فيه قالت اسمه؟

بسنت: لا، مش هقبل أكيد، ميعرفنيش، ودا شاب مش بنت عشان أكلمه، بس أنا أعجبت بيه. *** وعند فارس. فارس بغضب: لسه مقبلتش. هقبلي عشان أدمرك وأدمر أخوكي اللي أخد مني حبيبتي، بس على مين؟ هاخد مايا وهتبقى بتاعتي، بس أنا ممكن أعمل عشانها أي حاجة، وأنت يا مالك، نهايتك على إيدي. بس هبدأ بأختك. *** كانت هاجر واقفة في المطبخ، لتحاوط يد خضرها النحيف، وصوت يهمس في أذنها. فهد: صباح الجمال. القمر بتعمل ايه؟

تبعد هاجر يد فهد عنها وتبعده عنها. فهد: على فكرة كتبنا الكتاب امبارح، يعني انتي مراتي. هاجر: وإذا؟ فهد: نعم يا ختي، وإذا؟ هاجر: هعمل ايه يعني؟ عارفة إني دلوقتي مراتك. فهد: بهو واضح أهو. هاجر: باشا اسمعيني. فهد بغضب: باشا تاني؟ انتي غبية؟ قولتلك كام مرة الكلمة دي؟ مبحبهاش، انتي دلوقتي مراتي. هاجر: بس أنا... فهد: انتي ايه؟

لازم تتأقلمي إنك مراتي دلوقتي، وفرحنا بعد يومين. باشا دي انسيها، انسي حياتك القديمة، نبدأ صفحة جديدة، انسي الألم والبهدلة دي. هاجر ببكاء: صعب. يقترب منها ويمسح دموعها. فهد: لا، مش صعب، أنا معاكي وهنسيكي كل حاجة، هخليكي أسعد واحدة في الكون. هاجر: بس... يحسس شفتيها بإصبعه ليسكتها. فهد: عايز من الفراولة دي. هاجر: لا، امشي من هنا وبطل قلة أدب. فهد: بتاعتي، عايزة حاجة؟ هاجر: ابعد، الأكل هيتحرق. فهد: يولع. ***

يخرج مالك مع مايا، وفي المول تختار مايا بعض من الملابس. مالك بخبث: أجيبلك قمصان ذي بتاعتي عشان تبطلي سرقة. مايا: 😒 هات لنفسك، وأديني بتوعك. مالك: لا واللهي، أجيبلك حاجات بتاع البنات. مايا: انته كنت محترم، ايه اللي جرا لك؟ مالك بحدة: هو أنا قولت حاجة؟ مايا: لا مقولتش. مالك: ملاك؟ مالك: انتي اللي دماغك شمال، بقولك كحل في العين، تحطيها في الأوضة، حاجة من دي. مايا: هو الكحل بيتحط في الأوضة؟

مالك: هو أنا نسيت أقولك، ممنوع طلوع بره الأوضة وفي وشك حاجة. مايا: 😮 ظالم. مالك بحدة: اتلمي. مايا: عايزة أركب مرجيحة. مالك: نعم؟ مايا: اتمرجح بليز يا لوكا، وهعمل اللي عايزة. مالك: طيب. تركب مايا الأرجوحة وكانت سعيدة جداً. كان مالك ينظر لها بحنان، وفي خاطره: قلبك طيب أوي وهبلة، وبيضحك عليكي بأي حاجة، بس يا ترى لو عرفتي عن أخوكي وأبوكي هتبقى إزاي؟ بس اصبري وأنا هوريهم. أفاق من شروده على صوتها.

مايا: مالك، مش عايز تتمرجح؟ مالك ببرود: اخرسي وانجزي. يشعر مالك بأن أحد يراقبه، ليوقف الأرجوحة. مايا: في ايه؟ مالك بحدة: انزلي. مايا: ملحقتش. مالك بعصبية: قلت كفاية. مايا: حاضر. ينظر مالك حوله ولا يجد أحد. مايا: هو في حد بيراقبنا؟ مالك: مش متأكد، تعالي هجبلك حاجة. يدخل مالك أحد متاجر الألعاب ويجلب لها دبدوب كبير. مايا: هات دبدوب ودبدوبة. مالك: ليه؟ مايا: هسمي الكبير مالك والدبدوبة مايا. مالك: ربنا يشفيكي.

مايا: يلا هات. البائع: حضرتك اسمك مايا؟ مالك: أيوه. البائع: في دبدوبة هنا مكتوب على القلب بتاعها اسم مايا. مايا بفرح: مالك هات. مالك بتنهيدة: هات الأصل، الأيام دي بعامل أطفال. مايا: شفتي اسمي منور إزاي؟ مالك: دا اسم بايخ. مايا: بقا اسمي اسمي بايخ؟ مالك: أيوه. مايا: ده انته لما تتجوز اللي بتحبها ولو تجيب بنت هتسميها مايا على اسمي. مالك: بنا متجوز واحدة، هتجوز اتنين، أعمل بيهم ايه؟ مايا: هات صباعك. مالك: ليه؟

مايا: هات بس. يرفع مالك إصبعه وترفع مايا إصبعه وتخبطه في إصبعه. مايا: آخد منك وعد، لما تجيب بنت تسميها على اسمي، عشان لو جرالي حاجة تبقا فاكر اسمي دايماً، هتبقى فاكرني صح؟ مالك: ده أنا ما هصدق أخلص منك. مايا: بجد؟ يعني مش هتبقا تيجي تزورني خالص؟ مالك: لا طبعاً، هنسيكي في ثانية. تبكي مايا. مايا: يعني مش هلاقي حد فاكرني؟ بس مش هسيبك في حالك، هجيلك في الأحلام. يمسح مالك دموعها.

مالك: بس يا هبلة، متخفيش، هتفضلي عايشة، اومال مين اللي هيزهقني؟ وهتجبيلي بنوتة عسل كده، ويبقى اسمها مايا كمان، عشان تبقا الأم وبنتها مجانين. مايا: يعني هتكون زعلان عليا صح يا مالك؟ مالك: يخرب بيتك، هي دي فسحة ولا كآبة يا بنتي؟ هحميكي، وبعدين المزعجين زيك لما بيختفوا بتبقى حاجة وحشة، وبعدين ده انتي زي القطط بسبع أرواح، إحنا مش هنجيب الشبكة ولا إيه؟ مايا بفرح: يلا نجيب.

يختار مالك الشبكة، وكان ذوقه حلو عشان مايا معرفتش تختار، بس مكنش دهب، اشترا لها طقم ألماس. مايا: غالي، غالي أوي. مالك: وانتي مالك؟ انتي اللي هتدفعي ولا أنا؟ الصايغ: اكتب على دبلة حضرتك ايه؟ مالك: مايا. وهي تكتب: مالكو. وكان في الجوار يشتري أحمد ومصطفى الذهب، لكن مايا لم تراهم. وفي المساء يعود الاثنان للبيت. مالك: انبسطي؟ مايا: كتير، كتير. مالك: طب البسي الفستان ده بقا واجهزي عشان رايحين مشوار، بس ممنوع مكياج.

مايا: حاضر. جهزت فريدة وبسنت. فريدة: مالك، هنتأخر. مالك: استني، مايا بتجهز. بسنت: مش هما قالوا متجبهاش؟ مالك: محدش يجيب سيرة حاجة قدامه. فريدة: حاضر. تنزل مايا، وكانت كالأميرة، حد بدون مكياج، كانت ملكة جمال، وارتدت طقم الألماس. يلتفت مالك لها ليسرح في جمالها. مالك: يخرب بيتك، وانتي عسل كده. مايا: ايه رأيكم؟ مالك: لفي كده. مايا: أهوم.

مالك بغيرة: بقولك ايه، البتاع اللي هنروحه دلوقتي، تنطقي مع حد هناك ولا تبصي يمين ولا شمال، فاهم؟ مايا: مقولتش رأيك. مالك: حلو، بس فهمت قلت ايه؟ مايا: حلو، بس... مالك: حلو أوي، أهو عجبك. مايا: لا، أقول عسل وجميلة وكيوت وملكة يا مايا. مالك: ايه الكدب ده؟ مايا: شرير. بسنت بغيرة: انتي مش حلوة ولا حاجة، ده هو بيجامل. مالك بعصبية: بسنت. مايا بحزن: آسفة يا مالك، خليتك تكدب.

مالك: مكدبتش يا هبلة، انتي جميلة أوي وعسل وكيوت وملكة وعيونك حلوة. مايا بخجل: شكراً. بسنت: شفتي، أقال ايه؟ 😛😛😛 مالك: شوية عيال. *** وفي الحفلة. كانت زينب ومحمود ومنتصر وميرفت يستقبلوا الضيوف والعرسان في الداخل. ويصل مالك. مالك: مايا، ايه رأيك في المفاجأة دي؟ مايا: هم واقفين كده ليه؟ مالك: النهاردة خطوبة أحمد ومصطفى. مايا بفرح: بجد؟ أحمد هيخطب؟ مالك: أيوه. وقال... بسنت: قاله بتجبهاش، مكنوش عايزينك تيجي.

مايا بصدمة: أحمد اللي قال كده؟ مالك بكذب: لا، كنت عامل مفاجأة. مايا ببكاء: متكدبش، هم مكنوش عايزني أحضر. ينظر مالك لبسنت بغضب ويتوعد لها. مالك: امسحي دموعك دي وتعالي نوريهم إنهم غلطانين. مايا: بس... مالك: انتي بتوثقي فيا؟ مايا: أيوه. مالك: هاتي ايدك وتعالي. تنظر زينب لتجد مايا مع مالك. زينب بغل في خاطرها: إيه اللي جاب البت دي؟ ميرفت: حبيبة قلبي، أخيراً وصلتم. مالك: أما حبيبة قلبي جهزت، أعرفكم مايا، مراتي.

مايا بابتسامة جذابة: أهلاً بحضرتكم. ميرفت: بسم الله ما شاء الله، جميلة أوي وذوق أوي. مالك: مش مراتي 😉. منتصر: أهلاً يا بنتي. مايا: أهلاً بحضرتك. مايا ببرود: ازيكم يا بابا ويا... يمسك مالك بيدها لكي تنطقها، لتشعل الغضب في قلب زينب. مايا بخبث: وإزيك يا ماما؟ عاملين ايه؟ مش بتسألوا حتى؟ يرضيك كده يا طنط؟ ميرفت: لا يا حبيبتي، اخصي عليكي يا زينب، مش تسألي على العسل ده؟ ده أنا لو كان عندي ابن كمان كنت أخدها ليه. مالك: نعم؟

وأنا طرطور؟ ميرفت: لا يا حبيبي، بس هي دخلت في عيني أوي، أدب وذوق وأخلاق. محمود: حبيبة بابا، عاملة ايه؟ مايا ببرود: يرضيكي يا طنط؟ حتى ميقولوش إن خطوبة أخويا النهارده، ويقول بنتي حبيبتي؟ بس أنا واحدة صحبت واجب، قلت أكيد مشغولين، صح يا بابا؟ ميرفت: يا لهوي، مقولتوش للبنت على خطوبة أخوه؟ منتصر: هو ده كلام يا محمود؟ ميرفت: حقك عليا يا بنتي، في الفرح أنا اللي هجيلك بنفسي، بس مكنتش أعرف إن زينب بتنسى أهلها كده.

زينب بغيظ: مكنش قصدي، الضيوف كتير، ونسيت. مايا: هو أنا ضيفه؟ أنا صحبت فرح، صح يا طنط ميرفت؟ إن كان أحمد مقالش، فإن مش جايه تبعكم، إن جايه تبع أهل جوزي، صح يا مالك؟ مالك: صح يا قلب مالك. ميرفت: ده انتي منورة الخطوبة واللهي، حبيتك زي بنتي. منتصر: سمعت عنك من أبوكي، بس اللي قالها مكنش مظبوط، انتي واحدة عندك أصل، أهلاً بيكي يا بنتي. كانت زينب واقفة تشتعل. وكان مالك ينظر لها ويبتسم بشماتة.

مالك: نسيت أقولكم، بكرة في حفلة عندنا في البيت، لازم تيجوا كلكم. ميرفت: أكيد طبعاً. مالك: وانتي يا طنط زينب، لازم تيجي. زينب بغيظ: أكيد. تدخل مايا مع مالك. مايا: زمان المرارة بتاعتها باظت. مالك: اه منك يا ملاك. مايا: دور أحمد الواطي، أما وريتهم بقا بيستعروا مني. مالك: وريهم. مايا: شكراً عشان شجعتني. مالك: ولو، أنا بحب الخير. مايا: انت والخير 😈. تذهب مايا للكوشة. مايا: بسم الله ما شاء الله، قمر يا منه، اسمك منه صح؟

منة بابتسامة: أيوه، انتي مين؟ مايا: أنا مرات ابن خالتك مالك، واسمي مايا. مبروك يا مصطفى. يمد مصطفى يده. مصطفى: نورتي يا مايا. مالك بغيرة: ابعد. منة: أهلاً بيكي، أنا أول مرة أشوفك، انتي أخت أحمد صح؟ مايا: للأسف معنديش أخوات، بس اعتبريني أختك، ماشي يا قمر. أحمد: مايا، أنا... مالك بحدة: مايا، يلا انزلي. ياسمين: مايا، انتي أختي كمان صح؟

مايا: لا، معنديش أخوات، ومعنديش عيلة. العيلة بتاعتي هي عيلة جوزي بس، ويشرفني كده، ومش يشرفني ناس معرفهمش. أحمد: أنا مكنتش... مالك بحدة: اخرس انت. *** وفي الحفلة يصل ياسر وراجي ومي. ياسر: مين المزة دي؟ مراتك؟ مالك بحدة: أيوه، واتلم. ياسر: لاقيت مزة، ويشير باتجاه مي، بس لسانه طويل شوية، بس دخلت دماغي، بس ولولا هأخدها برضه.