رواية مطلوب عريس صعيدي الفصل الثامن عشر 18 - بقلم سيليا البحيري

نزل مالك مسرعًا وهو قلق ليجدها واقفة ترتجف. ليقترب منها بهدوء. مالك: مالك بتصوتي ليه؟ ترفع إصبعها الصغير لتشير باتجاه البدروم وتتكلم بخوف. مايا: هنا. مالك باستغراب: هناك إيه؟ انطق. تصرخ مايا فجأة وتتشبث في ذراع مالك. مالك: يا بنتي في إيه؟ مايا: يا ماما صرصار. مالك: نعم صرصار؟ كل ده عشان صرصار؟ تعلق في ذراعه بقوة أكبر. مايا بخوف: بخاف منه. اضربه، اقتله، أعمل أي حاجة. مالك: حاضر بس أهدي. وأنتي جبانة كده.

يقتل مالك الصرصار. مالك: في حد عاقل يخاف من صرصار؟ ده بينضرب بالجزمة وبيموت. بس إيه اللي جابك البدروم؟ مايا: مش أنت عايز تأكل كفتة؟ رحت لطنط لقيتها نامت، روحت لبسنت قافلة الأوضة ومردتش. جيت البدروم. مالك: صبرني يارب. هو البدروم اللي هيعلمك؟ أنتِ مبتعرفيش تعملي كفتة؟ مايا: نسيت أقولك. مأكلتهاش قبل كده ولا أعرف بتتعمل إزاي. مالك: 😒 اومال كنتي بتأكلي إيه؟

مايا: كنت بأكل أكل المطاعم والسنكلوبز. أنا مكنتش بأكل في البيت. أول مرة في حياتي آكل في بيت كان لم جيت بيتكم. مالك: السنكلوبز ده اللي أنتِ عملتيه اللي ملوش طعم ده؟ هو ده أكل بزمتك؟ وأنا أقول أنتِ مسخوطة ليه. مايا: أكل فرنسي ده جميل. مالك: تعالي معايا. مايا: فين؟ مالك: المطبخ يا أختي هوريكي حاجة. تدخل مايا المطبخ مع مالك. ويفتح مالك الثلاجة.

مالك: ده رز ولحمة وبصل وتوم وكسبرة والملح والفلفل مفرومين سوا. ده اللي بيتعمل كفتة. مايا: 😃 أنت بتعرف تطبخ؟ مالك: أيوة. كنت بطبخ لنفسي في معسكر التدريب. هاتي الزيت وصينية عشان نصبع. مايا: يعني إيه نصبع؟ هو أنت هتعلمني؟ مالك: انجزي في يومك أنا جعان. بصي واتعلمي. يعلم مالك مايا الطريقة. مايا بفرح: حلو أوي. هو إحنا مش بنشكلها أشكال؟ مالك: لا عشان تتحمر بسرعة. مايا: أهم. مالك: بتعرفي تحمري ولا هتحرقي الكفتة؟

مايا: 😬 أعملها أنت الأول. وفي أثناء وقوف مالك على البوتاجاز تتدخل مايا من تحت ذراعيه لتقف أمام المقلاة. مالك بغضب: أنتِ متخلفة! افرضي اتحرقتي. مايا: هات دوري. مالك: بكلم نفسي. مايا: معلشي معلشي. اتحمست. هات أقعد. مالك: أما أشوف آخرتها معاكي. تمسك مايا صابع محمر وتأكله. مايا: طعمه حلو. هي بتتأكل كده. مالك: لا لسه بيتقلي. ليه بصل وتتسبك في الطماطم؟ مايا: بس طعمه حلو كده. دوق كده.

تقف مايا أمام مالك وتنحني لمستوى جلوسه وينظران الاثنان في أعين بعضهما البعض. مايا: دوق. مالك: متأكليش من الحاجة وأنتِ بتعمليها. مايا: حاضر يا حضرة الشيف. مالك: مجنونة. مايا: بس مقلتش لون عيوني حلو صح؟ مالك: معرفش. مايا: اومال كنت متنح ليه؟ مالك: بقا كده؟ أنتِ كنتي متنحة برده؟ يعني لون عيوني حلو؟ مايا: أه. بحب اللون العسلي. عيونك جميلة أوي. مالك: ده أنا بتعاكس بقا. مايا: 😒 دورك. قولي عيوني لونها حلو. مالك: يعني أكدب؟

مايا: 😞😞 مالك: عيونك جميلة وأنتِ جميلة وعسل وطيبة أوي وهبلة. مايا بفرح: بجد؟ مالك: سامحني يارب على الكدب ده. 😛😛 مايا بحزن: مش مشكلة. بس سمعت كلام حلو أول مرة حد يقولي كده. حتى لو كدب بس فرحتني. مالك ببرود: الطاسة هتنحرق. طلعي يا ملكة. ........................................ وعند فارس. فارس: عايزك تعرفلي كل حاجة عن ضابط اسمه مالك الشهاوي. كل حاجة. وراقبه. الحارس: حاضر يا باشا.

فارس: أنا وراكي لآخر يوم في عمري يا مايا. مش هسيبك. -وفي المساء عند مي. كانت تجلس ليدق باب غرفتها. مي: مين؟ لما يجب أحد وخافت أن تفتح الباب. لتمسك ببخاخ الفلفل الحار. مي: كويس إني اشتريت واحد. لتفتح الباب وتنظر ولا تجد أحد. لتجد ظرف على الأرض. لتفتحه لتجد صور لأطفال مقتولين وفتيات. وتقرأ الرسالة: "هتبقي ذيهم لو نطقتي حرف. أنتِ وصحباتكم." مي بخوف: يا رب ساعدني. لازم أحذر مايا.

كادت مي تتداخل وتغلق الباب لولا أنها سمعت يد تضرب أحدهم. كان خلف مي مجرم ماسك سكينة يرغب في قتلها. لكن راجي يصل في اللحظة الأخيرة. يلكمه راجي ويضربه في بطنه. لكن يتمكن المجرم من الهرب. راجي: مي أنتِ كويسة؟ مي ببكاء: هيقتلوني. هموت. راجي: تعالي ادخلي. تجلس مي ويحضر راجي لها العصير. راجي: اشربي واهدي. ووريني الظرف ده. ينظر راجي. راجي: إيه ده؟ مين دول وعايزين منك إيه؟ مي ببكاء: عايزين يقتلوني. راجي: ليه؟ ومين دول؟

مي: هحكيلك كل حاجة. تحكي مي لراجي كل شيء. راجي: يا وقعه مربربة. كل ده. مي: واللهي ده اللي حصل. راجي: متخفيش يا مي. أنا مقدر ظروفك ومش هلومك. وكويس إنك مش مدمنة. مي ببكاء: كان غصب عني. مقدرتش أسيب مايا لوحدها. وهدفها نبيل. راجي: أنتِ جدعة أوي يا مي. وأنا هقف معاكي. بس قولتي مايا مرات مالك الشهاوي؟ مي: أه. راجي: مالك الشهاوي ده يبقا ولد عمي. مي بصدمة: ابن عمك؟ -كانت هاجر تجلس تبكي لتسمع طرقات على الباب. هاجر: مين؟

فهد: أنا يا هاجر. مسحت دموعها ونهضت. هاجر: خير يا باشا. فهد: هاجر أنا هقدم استقالتي من الشرطة. هاجر بصدمة: استقالة ليه؟ فهد: عشان نبقى زي بعض. هاجر أنا معنديش غيرك. مش عايز أخسرك. هاجر: أنت مجنون؟ عايز تهدم مستقبلك عشان... فهد: زي ما أنتِ كنتي هتضحي بنفسك عشاني. هاجر: أنا مختلفة عنك. أنا مليش أي لازمة. أنت ضابط ولك مركزك وكل الناس بتحبك.

فهد: ليكي لازمة. أنتِ اللي مديني أمل في الحياة. وغلط إنك تقللي من نفسك. إحنا كلنا ولاد تسعة. هاجر: يا باشا... يضع فهد يده على فمها وينظر في عينيها. فهد: بلاش باشا الله يكرمك. تتجوزيني بقا؟ حرام عليكي. هفضل سنجل كده مستني جنابك تحني علي. تحرك هاجر رأسها وترفض. فهد: لا مفيش رافض في موافقة. بس صح يا عيالي. يخرج الأطفال فجأة. الأطفال: صح يا باشا. فهد: يلا كلكم اركبوا في العربية. هنروح بيتي لم نجيب المأذون. هاجر: لا.

فهد: معرفش حاجة اسمها لا. يحملها فهد إلى السيارة رغم عنها. هاجر: نزلني. فهد: مبقاش عينك في البيعة وتقولي أفضحه. صح يا عيال؟ العيال: أيوه يا باشا. فهد: يلا يا جوجو. أنا عسل ومز وبعشقك. وافقي بقا. هاجر: مغرور أوي. بنا عسولة برده. فهد: يا واد يا جامد قمر. والمصحف اتجوزني. ينوبك ثواب. هاجر: موافقة. والي يحصل يحصل. فهد: 😉 كلام الناس في المداس صح يا عيال. العيال: أيوه يا باشا.

فهد: قلت كام مرة بلاش باشا. من النهارده أنا جوز اختكم. بتاع كلام الناس. اللي عايزة تسيبني عشان كلام الناس واطية يا بسنت. هاجر: أنا واطية؟ فهد: أيوه. هي الناس بتسيب حد أصلاً من غير ما تتكلم عليه. -أما مايا ومالك. مالك: شفتي طعمها حلو إزاي؟ مايا: عشان أنا اللي عملتها. مالك: نعم يا ختي. مايا: عايزة أقولك على حاجة. مالك: قولي. مايا: عايزة أقولك على حاجة. مالك: قولي. مايا: عايزة أروح الكلية. يترك مالك المعلقة من يده.

مالك بحده: أوعي تكوني فكرة إني عشان كويس معاكي النهارده إني نسيت. لا يا ماما فوقي لنفسك. مفيش طلوع بره البيت. فاهمة؟ مايا: بس. مالك: حسك عينك تفتحي الموضوع ده تاني. ولا أنتِ وحشك حبيب القلب؟ مايا: أنت بتقول إيه؟ مالك: زي ما سمعتي. مايا: قولتلك قبل كده مكنش بيني وبينه حاجة. وفي لحظة غضب يكسر مالك الأطباق ليخفف من غضبه. مالك بعصبية: اومال سيرة الجامعة جت ليه؟ بحنا كنا كويسين. مايا: مالك اهدأ. مكنش قصدي حاجة.

مالك بغضب: قصد ولا من غير قصد. يرفع مالك إصبعه في وجهها. ده آخر تحذير ليكي. جامعة مفيش. خروج من البيت ممنوع. مايا: مالك بعصبية وصوت أجش: مسمعتش. بتبرطمي تقولي إيه؟ مايا بخوف: طيب. بقولك طيب. مالك: بحسب. -وفي بيت عائلة شاهين. منه: اتجوز أحمد استحالة. منتصر: ليه؟ منه: بيقولك باع أخته. هيحافظ عليا. مصطفى: على فكرة هو كان خايف على أخته لتضيع. منتصر: هو تصرفه صح مش وحش.

منه: لا. إنه يبيع أخته وميسألش على مشاعرها يبقى كويس. منتصر: غيريها. هو محتاج حد يقف جنبه ويفهمها. منه: إزاي؟ منتصر: أحمد كويس مش وحش. لو وافقتي جنبه وعرفتيه الصح من الغلط هيبقا حلو. منه: وفكرك أمه هتسكت؟ مصطفى: واللهي دي طريقتك أنتِ. وريهم مين اخت مصطفى شاهين. 😉 منه: طيب عشان خاطر مايا. إينعم معرفهاش بس صعبة عليا. وعشان كلمة بابا مترجعش. منتصر: ربنا يوفقك يا بنتي. -وفي الغرفة كانت مايا تنظر لمالك بغضب. مالك: في إيه؟

مايا: مفيش. مالك: باين. يمسك مايا مخدة صغيرة ويرميها في وجهه. مالك بغضب: يا بنت... تضع مايا يدها في وسطه. مايا: متغلطش. أنت كسرت الصحون. دوري بقا. مالك: أنتِ مخك ضارب؟ تقترب مايا منه وتسحب المخدة من يده. مايا باستفزاز: أنت بتغير من فارس أوي كده؟ يمسكها مالك من ذراعها ويلويها. مالك: قولتلك تنطقي اسم راجل غيري هيبقا يومك أسود. مايا بابتسامة مستفزة: ملكش دعوة. أقول اللي أقوله. مش أنا وحشة؟ بتغير ليه؟

مالك: مين اللي قالك إني بغير؟ أنتِ غلطانة يا بت أنتِ. مايا: بجد غلطانة ولا أنت اللي غلطان؟ مالك بغضب: بلاش تستفزني أحسنلك. مايا: طيب سبني كده. هوريك حاجة. يتركها مالك. مايا: بما إننا مش بنحب بعض ولا بنقبل بعض قررت. مالك: قررتي إيه؟ مايا: إنك هتفضل في الأوضة دي وأنا هنام في الأوضة التانية. وكلام مع بعض ممنوع. وإنك تتأمر عليا ممنوع. وملكش دعوة بيا ولا ليا دعوة بيك. وتحتفظ بسري. أو مش مشكلة. مش بتهددي؟

يقترب مالك منها بهدوء ليخرج سلاحه من جيبه ويصوبه على رأسها. مالك: أنتِ المخدرات شالت دماغك. معندكيش عقل أصلاً. لو قتلتك محدش هيزعل. وشكلي كده هقتلك. مايا بخوف: مالك! أنا بهزر. مالك بغضب: أنتِ بتخططي لحاجة؟ عايزة ترجعي للمخدرات؟ اطمني لو قلبتي البيت كله مش هتلاقي حاجة. وإنك تطلعي من الأوضة دي في أحلامك. فاتلمي وحفظي على لسانك معايا. ودقيقة واحدة ألاقيكي على السرير هتنامي في حضني. مايا: أنت منحرف.

مالك: من بعض ما عندكم. -أما في بيت عائلة الشناوي. زينب: هنعمل خطوبة كبيرة. محمود: أكيد. مجدي: هينزلوا يشتروا الدهب بكرة وتتعمل في القاعة. أحمد: طب هقوم أتصل على مالك أقوله يجيب مايا ويجي بكرة. زينب: مفيش داعي. مايا هتعمل مشاكل. أحمد: إزاي دي أختي ولازم تعرف. هتجوز من غير ما أقولها؟ زينب: يعني هتعملك إيه يعني؟ مبيجيش منها غير المشاكل. محمود: معاها حق أمك.

مجدي: بس يا جماعة. مالك يبقا ابن خال مصطفى ومنه. يعني أكيد هيحضر. زينب: ينور. بس قوله ميجيبش مايا معاه. أحمد بحزن: حاضر. -وفي غرفة بسنت كانت بسنت تتصفح النت ليصل لها طلب صداقة باسم فارس الشافعي. بسنت بفرح: هو. -وفي منتصف الليل. يرن هاتف مالك. مايا بنعاس: سكت البتاع ده. عايزة أنام. منك لله. يضيء مالك الأباجورة. مالك: أحمد ده أخوكي. تنهض مايا بقلق. مايا: أحمد؟ خير يارب. هو كويس؟ مالك: هشوفي. مالك: أيوه يا أحمد.

أحمد: مالك بكرة خطوبتي على منه. مالك: أيوه عارف. مصطفى قالي. أحمد: ممكن متجبش مايا معاك؟ ينهض مالك بعيداً عن مايا لكي لا تسمع. مالك: ليه؟ أحمد: عشان ماما مش عايزة. عشان متعملش مشاكل. هو انت قولت لها ولا لسه؟ مالك بغضب: لا مقولتلهاش. وأحسن مقولتلهاش. ومش جي يا أحمد. كُت القرف. خليك مع أمك. يغلق مالك الخط في وجه أحمد. كانت مايا تنتظر مالك. مايا بلهفة: أحمد كويس؟

مالك في خاطره: أنتِ بتفكري فيهم وهما مبيفكروش حتى في مشاعرك. مايا: مالك؟ أحمد كويس؟ وبابا كويس؟ مالك: أيوه. ده بيتصل عشان الشغل بس. مايا: طب الحمد لله. هو أحمد عرف إني الأمير؟ مالك: لا. محدش عارف. صحيح جاب الورق بس مقراش اللي فيه. وأنا سألته أنتِ جيتي إمتة؟ قالي من شهرين. يعني مكنش عارف إنك جيتي قبلها بفترة. مايا: أهم. مالك: بقولك. مايا: نعم. مالك: أنتِ مش نفسك في شبكة وفرح وفستان وكلام من ده؟

مايا: أنت عايز تشهر الجوازة رغم اللي عرفته؟ مالك: أصل بصراحة أنا مش لابس دبلة في إيدي ولا أنتِ. وكده بايخ أوي. هيفكروني سنجل وبتعاكس كتير. أشتري لك شبكة بقد إيه؟ مايا: يعني إيه؟ مالك: حقك. هما بيحددوا حاجات من دي. مايا: أه. عايزة خاتم فضة كيوت وشكله حلو. مالك: فضة إيه؟ بقولك شبكة. مايا: يا عم خليها فضة حلو.

مالك في خاطره: هم هيجيبوا لـ ياسمين ومنه كل واحدة بـ 35 ألف. وأنتِ زيهم. بس أنا هوريهم إنك أعلى منهم. والله لـ أوريهم أنتِ متجوزة مين. مايا: مالك؟ مالك؟ مالك: بصي يا حلوة. بعد بكرة هجبلك شبكة. وأنتِ هتختاري اللي عايزة. بصي أنا أهلي من الصعيد بيجوا زيارات. ولازم تبقي زيهم. هجبلك اللي يعجبك كله. شبكتك هتبقى 55 ألف. وهيتعمل حفلة. مايا: ليه كل ده؟ مالك: أنتِ مش متجوزة أي حد. هو أنا أي حد؟ مايا: عارف.

مالك: هاخدك بكرة مشوار حلو فسحة. اهو. مايا بفرح: بجد؟ مالك: بس عايز احترام في الخروجة. وتفرفشي كده. وجايبلك فستان حلو بالحجاب بتاعه. عايزك مزة. تضم مايا مالك تلاقي. مايا بفرح: ربنا يخليك. شكراً يا مالك. مالك في خاطره: أما أوريك يا أحمد أنتِ وزينب. هوريك العسل بتاعي إزاي. عشان أنتوا السبب في دمارها.