رواية نار الصعيد الفصل الخامس 5 - بقلم نور الشامي

وفجأة فتح أحد باب الغرفة ودخلت الممرضة. انصدم سالم وياسر وركضت الممرضة مسرعة وأغلقت الباب. تحدثت بحِدة: "لو حد عرف إنا جينا هنا، هتموتي، فاهمة؟ الممرضة بخوف: "حاضر، حاضر. محدش هيعرف حاجة والله." عامر بتعب: "امشوا من هنا عشان محدش يجي تاني يشوفكم." ياسر بابتسامة: "ماشي يا صاحبي، خلي بالك من نفسك." عامر: "متخافش، أنا كويس." سالم: "ماشي، يلا يا ياسر." خرج ياسر وسالم من الغرفة وذهب كل منهم في طريقه.

أما عند عامر، فأغلق عينيه وتذكر صورة الفتاة التي ساعدته. ثم تحدث للممرضة مردفاً: "في بنت هي اللي جابتني هنا، صح؟ الممرضة: "أيوة، ورفضت تمشي إلا أما تطمن عليك. بس أنا قلتلها تمشي عشان الحج محروس كان وصل هو ورجاله." عامر بضيق: "اسمها إيه؟ الممرضة: "معرفش والله يا أستاذ." وبعد دقائق، دخل محروس وخديجة وشمس. فتحدثت خديجة بلهفة: "انت كويس يا حبيبي؟ عامر بابتسامة: "أنا زين، متخافيش."

محروس: "حمد لله على سلامتك يا ابني. أقسم بالله لهنتقم من عيلة النجار والشافعي وأقتل ولادهم." عامر بفزع: "لا يا أبويا! شمس بدهشة: "لا إيه يا أخويا؟ أنت كنت هتموت." عامر بضيق: "مش عاوز حد يعمل حاجة. أنا هاخد تاري بنفسي. أنا عاوز أرتاح. هملوني لحالي شوية." محروس: "حاضر يا ابني." خرج الجميع من الغرفة وتركوا عامر. غفي في نوم عميق. أما عند شمس، فذهبت بالسيارة إلى المنزل. وفجأة توقف السائق.

فتحدثت هي بقلق: "إيه اللي حصل عاد؟ السائق بتوتر: "في عربية قدامنا يا ست هانم." نظرت شمس إلى السيارة، وفجأة وجدت ثلاثة أشخاص ينزلون منها. فتحدثت شمس بارتباك: "إيه اللي بيحصل ده؟ وفجأة نزلت شمس من سيارتها. وقبل أن تذهب، مسكها أحد الرجال وتحدث بخبث: "على فين يا حلوة؟ إحنا جيالنا أوامر مخصوص إننا نفضحك." شمس بغضب شديد: "انتوا اتجننتوا؟ متعرفوش أنا بنت مين؟ ولسه متخلقش اللي يحاول يلمسني! الحارس: "إحنا هنلمسك."

وفجأة، قبل أن يقترب منها، مسك ياسر يده ولكمه بقوة على وجهه. وأخرج مسدسه، فهرب الجميع بسرعة. نظرت شمس إليه، ثم تحدثت بتوتر: "شكراً يا أستاذ." ياسر بضيق: "مفيش داعي للشكر يا آنسة. المهم إنك كويسة. أنا ياسر الشافعي، لو احتاجتي حاجة تقدري توصللي بسهولة." نظرت إليه شمس بصدمة، ثم تحدثت بحِدة: "كيف عاد؟ وأنت اللي خليت دول يجوا عشان يفضحوني؟ ياسر باستغراب: "مش فاهم." شمس بعصبية: "أنا شمس الشرقاوي يا ابن الشافعي!

أغمض ياسر عينيه لثانية حتى يتحكم بغضبه. فمهما حدث، هذه أخت أعز صديق له، ولا يجب أن يتطاول معها. فتحدث بضيق: "مش ولد الشافعي اللي يستخدم الوساخة دي عشان ينتقم من حد يا بنت الشرقاوي." شمس بعصبية: "الوساخة دي مش هتطلع من حد غير من واحد من عيلة الشافعي يا النجار." ياسر بغضب: "اخرسي، جبر يلمك. أنتِ لسانك طويل ليه؟ متخلينيش أعصب عليكي وأوريكي الوساخة على أصولها." شمس بتحدي: "متجدرش تعمل حاجة."

ياسر بغضب: "أقسم بالله، لهيجي اليوم اللي أوريكي فيه هعمل إيه. ووقتها هتشوفي الوساخة بجد شكلها إيه." أما في غرفة عامر، فدخلت فتاة إلى الغرفة. ففتح عامر عينيه وتحدث بتعب مردفاً: "أنتِ مين؟ ماسة بابتسامة: "أنا ماسة. حبيت أجي أطمن عليك. أنت زين صح؟ عامر: "أنتِ اللي ساعدتيني؟ ماسة: "أيوة. بس قولي، صحتك عاملة إيه؟ ومين اللي كانوا عايزين يقتلوك دول؟ عامر بضيق: "في ناس كتير عاوزين يقتلوني، بس مش مهم. العمر واحد والرب واحد."

ماسة بدهشة: "كيف يعني؟ أنت مش خايف على حياتك؟ عامر: "لا مش خايف. بس خايف على حياة ناس تانية. لو حصلهم حاجة، وجتها أنا هموت فعلاً." ماسة بابتسامة: "ياريت الكل يكون زيك كده. حمد لله على سلامتك." عامر: "الله يسلمك. امشي بسرعة من هنا عشان محدش يشوفك." ماسة: "ماشي، سلام." ذهبت ماسة من الغرفة، ثم اقتربت من أحد الممرضين وتحدثت مردفة: "لو سمحتي، هو عامر الشرجاوي حالته عاملة إيه؟ الممرضة: "الحمد لله كويس."

ماسة بضيق: "ولا مش كويس، مش فارقة كتير. إذا مات البلد هتولع، وإذا عاش برضه هتولع أكتر." الممرضة بخوف: "بس الأحد يسمعك." ماسة بضيق: "أنا مبخافش من حد، وده اللي هيحصل." خرجت ماسة من المستشفى وذهبت إلى الفيلا. فوجدت رضا وسالم. فتحدث رضا بابتسامة: "تعالي يا بنتي." ماسة: "خير يا حج؟ رضا بسعادة: "جايلك عريس زين الرجال. ابن الحج مكدوح الروميلي، وهييجوا يشوفوكي النهارده." ماسة بضيق: "إزاي بس؟ أنا مش عايزة أتجوز."

سالم بحِدة: "مش عايزة تتجوزي ليه يا بنت عمي؟ ماسة بتوتر: "مش عايزة أتجوز. أنا لسه صغيرة ومش هعرف أتحمل مسؤولية الجواز دي." سالم بعصبية: "عندك 23 سنة، اللي في سنك عندهم عيال دلوقتي. لحد إمتى هتفضلي ترفضي كده؟ هو في إيه عاد؟ رضا بضيق: "براحة عليها يا سالم." سالم بحِدة: "براحة إيه وزفت إيه؟ ده خامس عريس ترفضيه. هو إيه اللي بيحصل معاها بالظبط؟ أفهم."

ماسة بخوف: "مفيش حاجة، بس مش عايزة أتجوز. الله يخليك يا عمي، أنا مش عايزة أتجوز." سالم بغضب: "مش عاوز أسمع منك ولا كلمة. هتتجوزي ورجلك فوق رقبتك. يلا اطلعي على أوضتك." ركضت ماسة إلى غرفتها وأغلقت الباب. وظلت تبكي. فزواجها يعني نهايتها بالتأكيد. ووو.