رواية نبضات قلب الفصل السابع 7 - بقلم منة مهران

ملاك بوجع: ادخل. ادهم: أنا ادهم يا ملاك. ملاك: الحقني. ادهم دخل بسرعة ولقاها واقعة على الأرض، كانت بتحسس على الأرض وشعرها مفرود على ضهرها. ملاك بدموع: مش قادرة. ادهم خد الطرحة وحطها على راسها وحاول يسندها ونيمها على السرير. ملاك بشهقات: أنا أنا كنت عايزة أخش الحمام ومكنتش عارفة، أنا تعبانة أوي. ادهم: ششش، اهدي يا ملاك، إن شاء الله خير، بإذن الله هترجعي أحسن من الأول. وابقي قولي أدهم قال.

ملاك: أنا مخنوقة أوي أوي. وكتمت صوت عياطها عشان حياة. ادهم: هصحّي داليا تيجي تساعدك تتوضي وتصلي قيام الليل، وأنا متأكد إنك هترتاحي. ملاك: لو مش هتعبك يا ريت. بعد شوية، كان ادهم راح عند داليا وساعدوها تتوضي. ملاك: شكراً. داليا: العفو يا حبيبتي، هروح أنام أنا بقى، تصبحوا على خير. ملاك: وأنتي من أهل الخير. ادهم: مش عايزك تفكري في حاجة خالص، صلي واهدي، ولو عايزة أي حاجة، ناديني، أنا في الأوضة اللي جنبك على طول.

ملاك: شكراً. ادهم: العفو، تصبحي على خير. ملاك: وأنت من أهله. تاني يوم... ملاك صحيت بس حست إن في حد بيتحرك حواليها في الأوضة. ملاك: بسم الله الرحمن الرحيم، مين هنا؟ صوت: أنا سهير الممرضة، دكتور ادهم قالي أجي وأكون معاكي لحد ما إن شاء الله تشدي حيلك، أنا هاخد بالي من أكلك ودواكي، وخلود مساعدتك الخاصة هتفضل معاكي على طول. ملاك: هتعبكم معايا. خلود: ولا تعب ولا حاجة، أهم حاجة صحتك. داليا: صحيتي؟ ملاك: آه يا حبيبتي، تعالي.

داليا: خدي يا ستي، ده موبايلك. ملاك مسكته وفضلت تحسس عليه: موبايلي أنا؟ داليا: ادهم نزّل جابه الصبح وركّب لك فيه شريحة وظبطهولك على الآخر. ادهم: صباح الخير. ملاك اتخضت وحدفته: ده بيتكلم على الأرض. داليا: يابنتي ده ادهم، وبعدين ده موبايل، أكيد هتسمعي منه أصوات. ملاك: أنا بس اتخضيت. ادهم: صباح الخيررر يا جماعة. داليا: معلش يا ادهم، كنت بجيبك من على الأرض. ادهم: طب مش تقعدوني على الكرسي؟

داليا: ههههه، معلش بقى، ملاك اتخضت وحدفته، خد هي معاك أهي. ادهم: صباح الخير. ملاك: صباح النور، صدقني مكنش له لزوم لكل ده، وبعدين أنت ناسي إني مش بشوف، هشوفه إزاي بقى؟

ادهم: أنا مش عايز أسمع حاجة، أنتِ ملزمة مني يا ملاك، وعمري ما هشوفك بتتوجعي وهسكت، أنتِ زي داليا، مش عايزك تحسيني غريب، واطلبي مني أي حاجة أنتِ محتاجاها وهتكون عندك. وآه، بخصوص تشوفيه إزاي، ده هتقولي بس عايزة أتصل بأدهم، هيرن عليا لوحده، أنا جايبه بس فترة مؤقتة لحد ما إن شاء الله ترجعي تشوفي تاني. ولو احتجتي حاجة، اعملي بس اللي قلتلك عليه وهتلاقيه رن لوحده. ملاك: شكراً يا دكتور ادهم. ادهم حط إيده مكان ما

كانت بتضربه في المستشفى: دكتور إيه بقى؟ قوليلي يا ادهم عادي، أو يااض يا ادهم. ملاك: احم، أنا كنت رخمة معاك الأيام اللي فاتت دي ودايماً متعصبة عليك، أنا آسفة. ادهم: انسَي اللي فات وخليكي في اللي جاي، يلا هقفل بقى عشان عندي شغل. ملاك: سلام. بعد مرور شهر والحال زي ما هو، ومعاملة ملاك مع ادهم اتحسنت عن الأول. ادهم بفرحة: ملاك، ملاااااااااك يا ملااااااك. ملاك بخضة: إيه؟ في إيه؟

ادهم: افرحي يا ستي، الدكتور حدد معاد للعملية وهنسافر أمريكا. ملاك: بجد؟ ادهم: الحمد لله، المهم يلا جهزي، هنسافر يلا. ملاك: يا ابني اهدى بس، هو الدكتور قالك إيه؟ وبعدين ليه منعملهاش هنا في مصر؟ ادهم: اللي هيعملهالك دكتور مصري بس هو في أمريكا، وأنا واثق فيه بصراحة لأني عارفه. ملاك: طيب هنسافر إمتى؟ ادهم: معاد العملية بعد أسبوعين. ملاك: وعايزنا نسافر دلوقتي؟

ادهم لعب في شعره: آه صح، لسه بدري، من فرحتي حاسس إنها بكرة، طيب كملي اللي بتعمليه بقى. ملاك: أنا مباعملش حاجة، كنت قاعدة. ادهم: مممم، أنتِ زهقتي؟ ملاك: أوي. ادهم: ننزل، إيه رأيك؟ ملاك: هنزل إزاي؟ لازم حد يشيلني، احم، وأنا مش هخليك تعمل كده، يعني. وبعدين خلاص مش لازم، هنزل ليه؟ أنا مش بشوف، كفاية عليا القاعدة جنب الشباك. ادهم شدها لبرا الأوضة بالكرسي: بسيطة يا ستي، داليا، داليا. داليا: أيوه يا ادهم.

ادهم: روحي جيبي الحراس يجوا ينزلوا قصادي كرسي الملكة. داليا: عيوني. ملاك: هتعمل إيه؟ ادهم: الصح إني ملمسكيش، لكن المس الكرسي عادي. الحراس جم وشالوا الكرسي قصاد بعض ونزلوها تحت، وادهم خرجها الجنينة. ملاك: مع إني مش شايفة حاجة ومش فارق معايا أنزل، بس حسيت براحة لما نزلت وشميت الهوا. ادهم: داليا، انقلي حاجات ملاك في أوضة تحت عشان تخرج وقت ما تحب، حرام البنت بقالها شهر فوق. ملاك: آه يا ريت، أنا جالي اكتئاب أكتر.

ادهم: ما أنتِ مكنتيش عايزة تنزلي. ملاك بحزن: مهو عشان مش بشوف. ادهم: مش مهم، هتشمي هوا، مش بذمتك حاسة براحة؟ ملاك: أوي أوي. ادهم: خدتي دواكي؟ ملاك: آه، سهير ادتهولي من شوية. وفجأة دخلت هبة. هبة: حبيبتي، ألف سلامة عليكي، إن شاء الله أنا وانتي لا، يا حبيبتي. ملاك بصدمة: هبة؟ هبة، أنتِ هنا؟ هبة راحت حضنتها: ألف سلامة عليكي، هتكوني كويسة إن شاء الله يا حبيبتي. ملاك بفرحة: أنا مبسوطة إنك جيتي أوي.

هبة: حبيبتي، هو أنا ليا غيرك. ملاك: مين اللي قالك على مكاني؟ هبة بصت على ادهم: أنا لفيت عليكي الدنيا وروحت المستشفى اللي دكتور محمد الله يرحمه شغال فيها، وساعتها شفت دكتور ادهم الله يكرمه، قالي بقى على كل حاجة. ادهم: عاملة إيه يا هبة؟ هبة: الحمد لله يا دكتور. ادهم: طيب هسيبكم تتكلموا، هخش أنا جوه. ملاك: هو أنتِ بتقولي شفتي ادهم في المستشفى إزاي عرفتيه؟ وإزاي عرفتي المستشفى اللي شغالين فيها؟ هبة بتوتر: ها... ا...

ادهم: آه، هي كانت بتسأل عن دكتور محمد عشان عايزة توصلك، وأنا معدي بالصدفة سمعتها وعرفت إنها أختك. ملاك بشك: مش عارفة، حاسة إن في حاجة غلط. ادهم: المهم، فكك، أنتِ مش فرحانة بأختك ولا إيه؟ ملاك: فرحانة طبعاً، تعالي نقعد جوه يا هبة، أنتِ وحشتيني أوي. هبة: لالالا، ده أنا لازم أمشي دلوقتي، أهو عشان جوزي، هبقى أجلك يوم من الصبح أقعد معاكي، وبصت للڤيلا: ماشاء الله، قاعدة في قصر ولا فيه الأحلام. ادهم: بتقولي حاجة؟

هبة: لالا، أنا ماشية، هتعوزي مني حاجة يا ملاك؟ ملاك: سلامتك، ابقي خدي رقمي من دكتور ادهم. ادهم: ماشي، هديهولها. هبة غمزت لادهم ومشي وراها لحد الباب. ادهم طلع فلوس من جيبه: هتيجي تاني إمتى؟ هبة بصت للفلوس: الوقت اللي أنت عايزه، لو عايزني أبايت معاها من دلوقتي هكون عندها، أروح بس تجيب هدومي وأجي. ادهم: أنا آسف، بس بيتي مش بيدخله ناس نيتها مش سالكة، هو حلو أوي في الجنينة كده، تسلمي وتمشي طول الوقت زي الشطورة.

هبة: قصدك إيه؟ ادهم: لالا، متشغليش بالك، خدي الفلوس أهي، وهيوصلك زيهم لما تيجي تاني، ويا ريت تعامليها أحسن من كده شوية، ولما تقولك اقعدي تقعديها. هبة: عيني يا دكتور، عايز حاجة؟ ادهم بقرف: هعوز منك إيه يعني، امشي. ادهم افتكر اليوم اللي كلم فيه هبة عشان تعمل كده. فلاش باااااك... ادهم رجع من المستشفى ولسه هيدخل أوضته، شاف حياة. حياة: يا ادهومي. ادهم نزل لمستواها: يالهوي على ادهومي وسنينه.

حياة: تعال بس أقولك حاجة في ودنك. ادهم: قولي، ودني ليكي يا باشا. حياة: مامي ملاك بتعيط جامد، هي متعرفش إني شفتها وأنا زعلانة أوي عليها، ممكن تكون زعلانة عشان بابي، تعرف أنا كمان مضايقة. ادهم: ادهومي معاكي صح وهيفضل معاكي، مش أنتِ بتحبيني؟ حياة: أيوه بحبك أوي.

ادهم: بابي في مكان أحلى من هنا يا حياتي، وإن شاء الله ربنا يجمعنا بيه في الجنة، ادعيله يا حبيبتي، وأنا أوعدك إني هكون ليكي الأخ والصديق قبل الأب، وهفضل معاكي يا حياتي ومش هسيبك أبداً، ومافيش حاجة هتفرقنا عن بعض، أنتِ بنت الغالي، تعرفي إني أول واحد لمست إيدك كانت صغننة كده، وما زال والله، يابت أنتِ إيه مبتكبريش؟ حياة: هيهيهي، أنا هفضل صغننة. ادهم قام وقف ومسك إيديها: طيب تعالي نشوف ستاذة ملاك مالها. حياة: يلا بينا.

ملاك: ادخل. ادهم دخل لقاها قاعدة على الكرسي وحاطة إيديها على وشها، راح عندها ولف الكرسي ليهم. ملاك مسحت دموعها: مين؟ مين؟ ادهم نزل لمستواها: بتعيطي ليه؟ ملاك: ما فيش. ادهم: قولي يا ملاك بقى، في إيه؟ ملاك: حاسة إني وحيدة، مع إن أختي على وش الدنيا، كنت مستنية منها مكالمة أو تسأل عني، تعرف إذا كنت عايشة أو ميتة، مبتسألش عني خالص، حتى الشخص الوحيد اللي حسيت معاه بالأمان وحبيته من كل قلبي سابني ومشي.

ادهم: يابنتي ما أنتِ مغيره موبايلك، هتعرف توصلك إزاي؟ ملاك: تسأل عليا لحد ما توصلني، بس أنا كده كده مش همّاها، أنا وحشة أوي كده عشان هي متحبنيش؟ أنا نفسي أحس إن ليا أهل. ادهم: يعني مش حاسة معانا بكده؟ أعملك أراجوز طيب؟ ملاك ضحكت: برضه تسأل على أختها، ده أنا أختها، حتى ليه وحشة معايا كده؟ ادهم: اضحكي يا ستي، وإن شاء الله يرجع لها عقلها وتفهم. ملاك مسحت دموعها: متغلطش.

ادهم: مهو أكيد معندهاش عقل، الصراحة، إزاي تفكر تزعل ملوكة يعني؟ صح يا حياتي ولا إيه؟ حياة وهي بتاكل الشيكولاتة: أيوه صح، الصح. ادهم: ونبي تلاقيها مش فاهمة حاجة. ملاك ضحكت: هي تلاقيها مركزة مع الشيكولاتة اللي حضرتك كل يوم بتجبهالها وأنت جاي. ادهم طلع واحدة من جيبه: خدي، جبتلك واحدة عشان سنانكم تسوس مع بعض، وبعدين أنتِ عرفتي إزاي إني مديها شيكولاتة؟ ملاك: ههههههه، شميتها يا ذكي، تعرف أنا نقطة ضعفي الشيكولاتة أصلاً.

ادهم: أيوه كده يا شيخة، اضحكي، محدش واخد منها حاجة، يلا أنا هدخل أنام بقى، تصبحوا على خير. ملاك: وأنت من أهل الخير. ادهم راح أوضته وفضل يفكر إزاي يفرحها وقرر إنه يروح بيت أختها. تاني يوم... جلال: مين الباشا؟ ادهم: أنا ادهم، عايز أتكلم مع أستاذة هبة. جلال: يا هبة، هبة، أنتِ يا زفتة. هبة: عايز إيه؟ اده، والله يا بيه ما عملنا حاجة. ادهم زق جلال ودخل قعد على الكنبة وفضل يبص لشكل الشقة وليه. جلال: عايز إيه يا أخ؟

وإزاي تقتحم بيتنا بالشكل ده؟ ادهم: أنتِ أخت ملاك، مش كده؟ هبة: احم، آه، أختها. ادهم: مجربتيش تسألي عليها؟ هبة: أسأل عليها ليه؟ ما هي مع البيه، أكيد مبتفكرش فيا أصلاً ونسيتني، هو حد يبقى معاه البودي جارد ده ويعوز حد.

ادهم: أختك قاعدة على كرسي متحرك بسبب الحادثة اللي عملتها، من ساعة ما مشيتي من هنا، الحادثة كانت السبب إن يحصلها كسر في رجليها الاتنين، وللأسف كانت سبب في إنها تفقد نظرها. يا هبة، أختك كانت عمالة تعيط عشان نفسها في حضن منك، حاسة إنها وحيدة بعد ما محمد مات. هبة قامت وقفت: لا حول ولا قوة إلا بالله، طب هي كويسة؟ ادهم: هتيجي؟ هبة بصت لجلال: مممم، هفكر. ادهم: 1000 جنيه حلوة. هبة: ها، هاجي.

جلال بطمع ومسك إيديها: هتفكري برضو. ادهم: 2000 جنيه. جلال: هتفكري يا بيه. ادهم: هو حضرتك لسانها؟ أنت ليه بترد؟ أنا بسأل هي. جلال: وأنا جوزها، وكلمتي هي اللي تمشي. ادهم: بت، خلاص براحتك، متجيش. هبة: خلاص يا بيه، حاضر، حاضر. وبصت لجلال. ادهم: معاملتك معاها تكون كويسة، وأقسم بالله لو زعلتيها بكلمة واحدة، مش هتشوفي خد جوزك المقلبظ ده. جلال حط إيده على خده: أنا مالي يا بيه. ادهم بص لهم بقرف ومشي، وفجأة

وقف وبصلها بطرف عينه: تكوني عندي بكرة، الكارت بتاعي أهو، ابقي كلميني عشان أبعتلك السواق. هبة: ححاضر يا بيه. باااااااك... ملاك: مش عارفة مبيردش ليه، هو أنتِ متأكدة إنه واقف؟ حياة: والله، أهو واقف قدامي. ملاك: اومال مش بيرد ليه؟ حياة: تيجي نضربه على راسه؟ ملاك: هيقع يغمى عليه وهنشيله إزاي؟ حياة: إحنا بقالنا كتير بننادي عليه، بس شكله مش سامع. ملاك بصوت عالي: دكتور ادهمممممممممم. ادهم: في إيه؟

ملاك: أنت مستني حد يجي تاني ولا إيه؟ حياة: شكله مشي، الحراس وقفوا هو. هههه. ملاك ضحكت: باين كده. ادهم شال حياة: آه منك يا لمضة، كنت سرحان شوية بس. حياة: شوية إيه؟ ده إحنا بقالنا كتير بننادي عليك، صح يا ملاك؟ ملاك: حصل. ادهم: تيجوا نخرج، أنا زهقان وكمان معنديش عمليات النهارده ومش هروح المستشفى. ملاك: لا، ماليش مزاج، مش عايزة أخرج. ادهم: ليه؟ ملاك: كده، أنا أنا عايزة أروح لمحمد. ادهم: حاضر. حياة: بجد هنروح؟

طيب، أنا كنت شايلة وردتين، واحدة لمامي وواحدة لبابي، هطلع أجيبهم وأجي على طول. ادهم نزلها: يلا روحي. وبص لملاك لقاها بتعيط. ملاك بدموع: ربنا يرحمهم. ادهم سابها ودخل أوضته. ملاك مسحت دموعها: كنت بحبه أوي، مش متخيلة حياتي من غيره، ربنا يرحمه، المهم وديني أوضتي عشان ألبس. ادهم، ادهمي...