رواية ندم العمر الفصل السابع عشر 17 - بقلم دنيا فادي

زين بصدمة: معقولة انتي!! هاجر بتوتر وتلف ظهرها: سامية باستغراب: هاجر!! زين بعدم فهم: هي دي اللي قصدك عليها؟ سامية: لا معرفش هي راحت فين.. هاجر مشوفتيش بنت واقفة مكانك هنا وهدومها مقطعة؟ هاجر بتردد: هااه؟ ااه يعنى دي غلبانة خالص كانت محتاجة فلوس واديتها لها ومشيت. زين: امم.. وانتِ بتعملي إيه هنا؟ هاجر: مريم كلمتني أجي لها بعد ما أخلص شغل. زين: طيب ادخلي. هاجر: لا أنا لازم أروح هبقى أشوفها بكرة. زين: ماشي براحتك. ***

خلود وتكلم نفسها: عنده من كل حاجة تلاتة لي على إيه التبذير ده، والبرفن من نفس الماركة اتنين. وتكمل بحسرة: في عز ما في ناس معندهاش لبس ولا أكل هو عنده نسخ كتير من نفس الـ.. وتقع من ايديها إزازة برفان. خلود بصدمة: يلاهوي دي اتكسرت.. مينفعش يشوفها ده أهبل وبيتللككلي على أي حاجة أصلاً. وبتنزل لحد الأرض وتلم الإزاز بسرعة. خلود بألم: اااه منك لله يا زين وفي حاجتك دي. *** هاجر بغضب: انتي إيه يا بني آدمة إيه؟ أسيل

ببرود وتلبس الجاكت بتاعها: أنا واحدة راجعة لجوزي قصدي للي هيبقى جوزي. هاجر: انتي واحدة رايحة تخرب بيت واحد متجوز. أسيل بزهق: ماشي المهم إن زين هيبقى ليا. هاجر باستفزاز: إيه البجاحة اللي انتي فيها دي؟ أسيل بعدم فهم: انتي كنتي بتعملي إيه هناك صح؟ … أوعي تكوني كنتي هتقول لهم؟ هاجر بنظرة حادة: أنا فعلاً قلت لهم. أسيل بابتسامة: كنت عارفة عشان كده عرفت هتصرف إزاي.

هاجر: واللهِ وانتي لما تضحكي عليهم بإنك يا حرام كنتي في أزمة هما هيصدقوا الكدبة دي بشكلك ده، فاكرة إنهم هيقتنعوا بعد اللي قلتيه لهم؟ أسيل بغيظ: بكرة تشوفي هعمل إيه ومش انتي اللي هتقفي قصادي يا هاجر. هاجر بضحك: فعلاً، أومال لما شوفتيني جريتي ليه؟ *** زين: الريحة دي أنا عارفها كويس. خلود: ريحة إيه أنا مش شامة حاجة. زين بقلق: ده البرفن بتاعي ريحته ظاهرة أوي كده ليه؟ خلود وتتحرك قدامه: معرفش. زين باستغراب

ويمسكها من إيديها: مال إيديك؟ خلود: اتخبطت. زين: واللهِ؟ خلود باستغراب: سيبني طيب أروح أجيب شاش وقطن وأعملها. زين: خليكي هجيبهم أنا، وطبعاً ده عشان بس مي.. وخلود تسبقه: ميتكلموش ويسألوا. زين: شطورة. ... زين بتريقة: امبارح تتعوري في رجلك وانهاردة في إيديك، انتي لو قاصداها مش هتعملي كده. خلود: محدش قالك تشيل همي واللهِ. زين ويلف الشاش على إيديها: لا متفتكريش عشان عملت معاكي عمل إنساني يبقى شايل همك. خلود بألم: اااه.

زين بخضة: بتوجعك؟ خلود بابتسامة استغراب: لا متخدش في بالك. زين بتساؤل: بس كده ولا في حاجة تانية؟ خلود: لا خلاص كده. زين: تمام. ويقوم. خلود وتمسك إيده: استنى.. بصراحة أنا اتعورت عشان إزازة البرفن بتاعتك اتكسرت بس أكيد مكنش قصدي يعني، خوفت تشوفها فا.. زين: فا شيلتي الإزاز بإيدك. خلود: بالظبط مشاء الله عليك مكبرتش الموضوع على الفاضي. زين: مش مشكلة عندي منها تاني. خلود بتفكير: بقولك إيه كنت عايزة أكلمك في الموضوع ده.

زين بعدم فهم: موضوع إيه؟ *** بعد يومين خالد بحب: ربنا يحفظك يا ابني ويخلي لك مراتك. زين: شكراً. خلود بابتسامة: شوفت الناس فرحانة وبتدعيلك إزاي، بعد كل الدعوات دي أكيد قلبك هيرتاح. زين براحة: عندك حق.. أنا أول مرة أحس الإحساس ده، أنا مش عارف أشكرك إزاي. خلود بهدوء: تشكرني على إيه؟ أنا قلت لك الفكرة وانت اللي نفذتها. زين بابتسامة: طب إيه رأيك اليوم ده بتاعك، شوفي انتي نفسك في إيه وهجيبه مهما كان.

خلود بتساؤل: لو طلبت أي حاجة هتجيبها؟ زين: ااه. خلود: أي حااااجة؟ زين بابتسامة: أيوا. خلود: متأكد؟ زين بزهق: لا اخلصي خلقي بدأ يضيق. خلود بضحك: خلاص هقول. *** هند بعدم تصديق: إيه اللي انتي بتقوليه ده؟ أسيل بدموع: بقول الحقيقة. هند: انتي كسرتي قلب ابني انتي فاهمة يعني إيه؟ وجاية بكل سهولة تقولي هتصالحي اللي اتكسر.. طب هو دلوقتي اتجوز خلاص يعني مبقاش ليكي لازمة يا أسيل، واللي فهمته منك إنك مش همك حد حتى زين.

أسيل: زين أكتر حد هاممني، اومال أنا راجعة لي لو هو مش هاممني؟ هند بتفكير: معرفش. مريم بعصبية: انتي إزاي قدرتي تورينا وشك بعد اللي عملتيه؟ أسيل: صدقيني أنا ماليش ذنب. هند بجنون: وخلود مالهاش ذنب عشان تطلق من زين وهما خلاص علاقتهم بقت كويسة. أسيل في ذهنها: إيه؟ علاقتهم بقت كويسة؟ أنا متوقعتش منك كده يا خلود. أسيل بحزن: طبعاً قدرت تخليه يحبها.. تمام أنا مكنتش عايز أتكلم وأفضحها. هند بعدم فهم: تفضحيها؟

أسيل: أيوا، اللي متعرفوش إن خلود أجرت ناس يخطفوني عشان تتجوز هي زين، وهي قالت لي كده بنفسها. هند بصدمة: إيه؟ أسيل: بدليل إنها لما انتوا طلبتوا منها تاخد مكاني وافقت من غير أي اعتراض عشان هي كانت مخططة لكل ده.