رواية ندم العمر الفصل الثاني والعشرون 22 - بقلم دنيا فادي

خلود بتساؤل: خلود هو انتي بتحبي زين؟ خلود مردتش. أسيل بغيظ وتمسك السكينة اللي قدامها وتقطع التفاح: يبقا حبيتيه. خلود بتسرع: لا طبعاً، إيه الهبل اللي بتقوليه ده. أسيل بابتسامة: أنا قولت كده برضو. وتكمل بهدوء: إذا كان كده بقا هتطلقوا امتى؟ خلود وتبتسم بحزن: مش عارفة. *** عمر بابتسامة: مبسوطة؟ هاجر سرحان: شكلك حلو أوي النهارده. عمر بضحك: إيه ده إيه ده، أنا بتعاكس بقا. هاجر: عندك مانع ولا إيه. عمر: لا، هو أنا أقدر أتكلم.

هاجر بخيبة أمل: مجتش برضه. مريم: لا، متشغليش بالك، إحنا هنا معاكي، ولا انتي مبتعتبريش ماما مامتك. هاجر بحب: ربنا يخليكوا ليا. *** زين: هو انتي بتعيطي؟ خلود بخضة وتمسح دموعها: يخربيتك، انت خرجت منين؟ هو انت مروحتش معاهم؟ زين بتريقة: خرجت من الحمام عادي. ويكمل بهدوء: لا، أنا مروحتش. خلود: ما شي. زين: مجبتنيش. خلود بعدم فهم: على إيه. زين: كنتي بتعيطي لي. خلود: معيطتش، انت بس متهيألك. وتتحرك من قدامه. زين بيمسك إيديها.

زين بتردد: احم، عايز أتكلم معاكي في حاجة تخصنا. خلود وتشيل إيده: معنديش مانع إننا نتطلق.

زين بحزن عليها: أنا مش هجبرك إنك توافقي أو ترفضي، أنا هديكي فترة تفكري في الموضوع ده، مش هتسرع وأخد قرار، بس خليكي عارفة إننا مفيش بينا مشاعر مشتركة، وأنا مش عايز أظلمك معايا أكتر من كده، انتي بجد إنسانة كويسة وألف يتمناكِ، بس صدقيني لو خدتي قرار إننا ننفصل هعتبرك صديقة ليا، مش هنساكي وهفضل فاكر الذكريات الحلوة اللي بينا، انتي غيرتي حاجات فيا للأحسن وأنا ممتن ليكي جداً و... زين ويلاحظ دموعها

اللي بتلمع في عيونها: أنا آسف لو قولت حاجة ضايقتك. ويقرب يحضنها كـ مُصلح. خلود بتبعد وتزعق فيه: هو انت كل شوية هتحضن فيا!! ما خلاص يا عم انت هتطلق يعني تلتزم حدودك لحد ما يجي اليوم ده، مش كل شوية تتلزق فيا. أسيل وتنظر ليهم من بعيد بعدم فهم. أسيل بزهق: بيقولوا إيه دول، أنا مش سامعة حاجة. زين بعصبية ويقرب ليها لحد ما تلزق في الحيطة: ولحد ما نتطلق انتي مراتي وعلى ذمتي، يعني من حقي أعمل اللي عايزو.

خلود وتعصبو: مش هسمحلك تقرب مني تاني، ده غير إن مفيش بينا مشاعر مشتركة زي ما قولت، انت أصلاً مش هتقدر تقرب. زين بعند وتسرع و يقب*لها من شفا*يفها. خلود بصدمة وتبرق لياسيل بعصبية: إييييه ددده. وتقرب ليه. أسيل بسخرية: احم، أنا جيت في وقت غلط؟ زين بيبعد عن خلود بسرعة. زين بتوتر: أسيل. أسيل بغيظ وتمشي من قدامهم. زين وينظر لـ خلود بندم. ويخرج لأسيل. خلود بلوم

وتحرك إيديها على شعرها: إيه اللي أنا عملته ده بس، كان لازم أعصبه يعني!!! كنت فاكرة هيقولك إيه يا خلود؟ غبية غبييييههه. *** زين: استنيي يا أسيل، انتي رايحة فين. أسيل بدموع: هروح بيتي، انت مش عايزني يا زين. زين: مش هتخرجي من هنا، أنا مضمنش يارا ممكن تخطف*ك تاني زي ما قولتيلي، أنا ما صدقت لقيتك يا أسيل. أسيل بغيظ: طيب واللي شوفتو بعيني. زين: أسيل أنا بحبك ومحبتش حد غيرك، خليكي عارفة كده.

أسيل بحب: عارفة، وأنا بموت فيك يا حبيبي. *** خلود: ادخلي. أسيل بتدخل وتقفل الباب وراها. أسيل: مبسوطة؟ خلود بعدم فهم: لي!! أسيل بعصبية: انتي هتستعبطي عليا يا خلود، انتي باين عاجبك العيشة اللي انتي فيها وعايزة تكملي. خلود بتبرير: أسيل اللي حصل كان سوء تفاهم مش أكتر، متخليهوش يوقع ما بينا. أسيل بضحك: واللهِ!! هو لسه في حاجة هتقع ما بينا؟ انتي كدابة يا خلود كدابة وعارفة!!

أنا لما قولت إن انتي خطفت*يني كان قصدي أقول كده عشان أشوه صورتك قدامهم وتتطلقي من زين. خلود بصدمة: وأكيد اللي هاجر قالته كمان صح مش كده، لو كنتي طلبتي مني أطلق من زين كنت عملت كده عشانك، لي تعملي فيا كده؟

أسيل بغل: عشان بكر*هك يا خلود، كل حاجة أنا عايزها انتي بتاخديها مني من وإحنا صغيرين وعلطول انتي الأولى وكل الناس بتحبك وبيفرحوا ويهتموا بيكي وأنا ببقى علطول منسية، كانو أهلي الله يرحمهم بيحبوكي أكتر مني وبيفضلوكي عني وعلطول يقارنوني بيكي، وصحابي اللي كنت بعرفك عليهم كانوا بيحبواكي انتي وينسوني أنا، عشان كده مبقتش أعرفك على صحابي تاني، وزين عايزة تاخديه مني، مش كفاكي كل اللي خدتيه مني، أنا بجد بكر*هكك.

خلود بعياط: بقا كل الكر*ه والقسو*ة دي في قلبك من ناحيتي، ده أنا عمري ما فكرت إن أزعلك وعلطول بفكر في مصلحتك انتي وناسية نفسي. أسيل: لو بتفكري في مصلحتي ابعدي عني أنا وزين وسيبينا نعيش سوا. خلود باستيعاب وتمسح دموعها وتكمل بجدية: ده بعينك يا أسيل، أنا عرفت خلاص طريقة تفكيرك وعارفة كويس انتي عايزة إيه ومش هديكي فرصة إنك تنفذي اللي انتي مخططاها. أسيل بثقة: هو بيحبني يعني مش محتاجة أخطط. خلود: بس هو جوزي أنا.

أسيل: هتتطلقوا. خلود ببرود: مش هنطلق غير لما أعرفوا حقيقتك يا أسيل. أسيل بتوتر: وانتي فاكرة إنه هيصدقك؟ خلود: بصي وراكي.