تحميل رواية «نجمة في الصعيد» PDF
بقلم ملك نصر الله
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
أيوا يا ستو بس معظم الصعايدة تفكيرهم محدود. جدتها: سيبك انتي هما رجالة رجالة يعني. نجمة: أيوا رجالة على دماغي من فوق بس معظم تفكيرهم كلوز مايند. فريال: كلميني عربي يا بنت هناء. نجمة بضحك: إيه دخل هناء الوقت يا فريال شكلك زعلتي صح؟ جدتها (فريال): لا مش زعلت بس انتي شغالة تقولي تفكيرهم محدود، انتي جربتيهم يا نجمة. نجمة: أيوا صاحبتي هالة اتجوزت في الصعيد من ابن عمها تقريباً. بعد ما كتبوا الكتاب قالها مفيش شغل، قالتلي حاولت أقنعه كتير، قالي هو مفيش يعني مفيش. تخيلي يا ستو بقينا في 2023 وهو يقولها مف...
رواية نجمة في الصعيد الفصل الأول 1 - بقلم ملك نصر الله
أيوا يا ستو بس معظم الصعايدة تفكيرهم محدود.
جدتها: سيبك انتي هما رجالة رجالة يعني.
نجمة: أيوا رجالة على دماغي من فوق بس معظم تفكيرهم كلوز مايند.
فريال: كلميني عربي يا بنت هناء.
نجمة بضحك: إيه دخل هناء الوقت يا فريال شكلك زعلتي صح؟
جدتها (فريال): لا مش زعلت بس انتي شغالة تقولي تفكيرهم محدود، انتي جربتيهم يا نجمة.
نجمة: أيوا صاحبتي هالة اتجوزت في الصعيد من ابن عمها تقريباً. بعد ما كتبوا الكتاب قالها مفيش شغل، قالتلي حاولت أقنعه كتير، قالي هو مفيش يعني مفيش. تخيلي يا ستو بقينا في 2023 وهو يقولها مفيش شغل. بعد 19 سنة تعليم وسحلة وتعب وبقت دكتورة جميلة شاطرة في شغلها يقولها مفيش شغل يبقى تفكيره محدود ولا لأ؟
جدتها: دا واحد من وسط 100 ألف صعيدي شهم راجل تعرفي تسندي عليه وإنتي واثقة إنك مش هتقعي. وبعدين يا ست نجمة مانا أهو من الصعيد ومش كلوز مايند.
نجمة بضحك: مختلفناش يا ستو بس دا لازمته إيه جنب إنه تفكيره محدود. وبعدين يا فريال مش تتريقي عليا.
جدتها: أنا تعبت من الكلام معاكي يابنت هناء، ادخلي أوضتك ذاكري ياختي.
نجمة: حاضر يا ستو.
نجمة دخلت أوضتها وفريال قاعدة برا شوية وجالها تليفون من أخوها الكبير.
الجده: الو يا خوي عامل إيه؟ اتوحشتني كتير.
الأخ: إني الحمد لله بخير طول ما إنتي بخير وإنتي والله يا فريالة اتوحشتيني جوي. بجولك عملتي إيه في الموضوع إياه؟
الجده: بكلمها والله يا خوي وأجولها الصعايدة جدعان وهي تجولي لاه دول تفكيرهم محدود واكنها علقت.
الأخ: وه دا باين عليها هتتعبني معاها.
الجده: الا جولي يا خوي إنتي ليه عايزها تحب الصعايدة.
الأخ: بصراحة إكده الواد حمزة ابني مش راضي يتجوز خالص وتفكيره مجفول من ناحية الستات. ولو جوزته صبية من اللي حدانا مش هتنفع معاه. بنات الصعيد واخدين ع الطاعة، وإني عايز واحدة تعلمه الأدب شوية وإن الله حلال.
الجده بتوجس: وبعدين.
الأخ: ولا جبلين. إني عايز أتجوزه نجمة.
الجده بصدمة: مع احترامي ليك يا خوي بس إيه الكلام الفاضي دا، إياك فاكر لأجل أبوها ميت أفرط إني فيها.
الأخ بزعل: اخس عليكي يا فريال إني برضوا أفرط في بت ابن اختي. إني كنت عايز أوفق راسين في الحلال يا خيتي، ونجمة شخصيته قوية وهتعرف تسد معاه.
الجده بأسف: معلشي يا خوي والله ما قصدت أكده إني بس التعبير خاني. بس يا خوي نجمة مش هترضي تجوزه ولا هو هيرضي برضوا. دي بتقولي أن حمزة مب يطيقها كل مرة نجيلكم مش بيكلم معاها خالص وع طول مكشر في وشها.
الأخ: لا والله هو ع طول اكده، واني حاسس إن هي اللي هتعدله حياته.
الجده: خليني جولت ماشي. هتقربهم من بعض إزاي؟
الأخ: احم إنتوا هتيجوا تعيشوا عندي أهنا، وهنقل ورق الكلية بتاع نجمة لأقرب كلية مننا ولما تيجوا هكملك الخطه.
الجده بتنهيدة: موافقة يا خوي.
الأخ براحة: طيب يا خيتي هتيجوا ميتا؟
الجده: الأسبوع الجاي إن شاء الله.
الأخ: لاه كده كتير، تعالوا بعد يومين تكونوا جهزتوا اللبس وهنا الدوار جاهز من كل حاجة.
الجده بضحك: إنت مجهز كل حاجة ولو مكنتش وافقت بجا.
الأخ: لا هتوافقي إنتي ترضي ع الزعل.
الجده بحب: لا يا خوي، ربنا يجملهم اللي فيه الخير.
الأخ: يارب يا فريالة، هقفل أنا عشان تلحقوا تجهزوا سلام.
الجده: سلام يا خوي، في حفظ الله.
(نجمة بنت وحيدة عايشة مع جدتها، باباها ومامتها متوفيين. مامتها توفت وهي بتولد أخوها بس هو كمان توفي مع مامتها لأن حصل نزيف مفاجئ. باباها توفي بسبب أزمة قلبية. نجمة عندها 22 سنة في كلية الفنون الجميلة في الفرقة التالتة. بشرتها قمحاوية وطولها متوسط، عينيها بني غامق زي القهوة بتوضح في الشمس أكتر وعندها غمازات، واحدة واضحة جدا والتانية عادية.)
على الجانب الآخر في صعيد مصر.
الحاج رضوان: بت يا سعدية.
سعدية: أيوا يا بابا الحاج رضوان.
الحاج رضوان: جهزتوا الأوض ولا لسه؟
سعدية: جهزت يا بابا الحاج.
الحاج رضوان: طيب ابعتيلي حمزة.
سعدية: حاضر يا يا الحاج.
بنطلع فوق في أوضة بنلاقيها واسعة جدا وأساسها بني وفي سرير كبير إلى حد ما نايم عليه شاب بنطلون واسع لونه رمادي (سكوير بانتس) عاري الصدر بيسمع خبط على الباب بيقول بضيق.
الشاب: عايزة إيه يا سعدية.
سعدية: قوم يا حمزة أبا الحاج رضوان عايزك ضروري.
حمزة بضيق: حاضر قوليله جاي.
سعدية: حاضر. أوعاك تنسى وتكلم أبوك زي القهروين يا حمزة بيضايق.
حمزة: امشي يا سعدية.
بتمشي سعدية.
(ملحوظة حمزة بيعامل سعدية كأنها أخته لأنها يتيمة الأب)
بيقوم حمزة وهو بيبرطم ويقول (حتى يوم الإجازة الواحد مش عارف يتخمد فيه زي البشر). بياخد شاور وبيبس جلابية وبيحط برفان وبيسرح شعره وبيلف شال أبيض على راسه وبينزل.
حمزة: خير يا حاج مصحيني من 8 الصبح يوم الإجازة في حاجة؟
الحاج رضوان: لاه يا ولدي كنت عايز أقولك أن عمتك جايا هي وعمك شكري ونجمة.
حمزة بفرحة: فريالة جايا امتى وهيجعدوا جد إيه؟
الحج رضوان: جايين بكره وهيجعدوا معانا ع طول إن شاء الله، توافق بس نجمة.
حمزة بضيق: ونجمة مش موافقة ليه بجا؟
الحاج رضوان بخبث: مش بتحب الصعيد يا ولدي.
حمزة باستهزاء: واللهِ طيب لما عمتي تيجي مش هتمشي تاني وتبجي توريني ست نجمة هتعمل إيه.
الحاج رضوان بضيق: مش بالعافية هي، أنا هفهمها وأنت ملكش دعوة بيها، اطلع أنت منها.
حمزة بخبث: براحتك يا رضوان ابجى شوف مين هيصالحك ع فاطمة لما تجلب عليك.
رضوان بضحك: بتهدد أبوك يا حمزة، متصالحنيش أنا هصالحها وحدي.
حمزة بخبث أكتر: وهقولها ع ناريمان هانم اللي بتصدرلها الرز ونظراتها ليك.
رضوان بخوف: اسكت يا حمزة دا إنت لما بتصدق وبعدين إني مالي هي اللي بتبصلي أعملها إيه.
حمزة بضحك: أصلك وسيم يا حا...
فاطمة بصراخ: مين دي اللي بتبصلك يا رضوان ها انطق.
حمزة بضحك: الله جيتي في وقتك تعالي.
رضوان بخوف: أعجلي يا فاطمة، دي واحدة فاتحة مصنع رز وإني بصدرلها الرز دا وهي بقا بتبصلي وأنا والله ما بعطيها وش واصل.
فاطمة بحب: عارفة يا جلب فاطمة من جوا إنك بتحبني ربنا يخليك ليا ويباركلي فيك يارب إنت وحمزة الغالي ابن الغالي.
الحاج رضوان بحب: تعالي في حضني يا فاطمة.
فاطمة بكسوف: لاه عيب يا رضوان حمزة واقف.
حمزة بغيظ: ولا أوجع ولا أوجعش يا حاج إني طالع أكمل نوم سلام عليكم وبكرة أنا اللي هروح أجيب عمتي.
الحاج رضوان: روحي يا ولدي ربنا يوفقك.
فاطمة بفرحة: هي فريال جايه بكرة.
رضوان حكالها كل حاجة وعلي اللي في دماغه.
فاطمة بقلق: متأكد يا خوي من اللي هتعمله دا وإنه مهيأذيش العيال.
رضوان: لا مهيأذيهمش إن شاء الله.
فاطمة: ياربي.
عند الجده فريال ونجمة.
الجده: نجمة نجمة.
نجمة: نعم يا ستو جاية أهو.
الجده بتوتر: جهزي الشنط عشان هنروح الصعيد عند أخوي.
نجمة بضيق: هنروح عند حمزة أبو دم تقيل ليه يا ستو، الإجازة لسه مش جت.
الجده: لا ماهو إحنا هنقعد هناك ع طول وهننقل ورقك بتاع الكلية لأقرب كلية من الصعيد.
رواية نجمة في الصعيد الفصل الثاني 2 - بقلم ملك نصر الله
الجده: لا ماهو إحنا هنقعد هناك على طول وهننقل ورقك بتاع الكلية لأقرب كلية من الصعيد.
نجمة بصدمة: ليه يا ستو، مالها القاهرة؟
الجده: مالهاش يا نجمة، بس أخويا عايزني أقعد جنبه، صدقيني يا نجمة هتحبي الصعيد.
نجمة: طيب يا ستو، روحوا انتوا بقى وأنا هقعد أنا.
الجده: اسمعي الكلام يا نجمة وقومي جهزي الشنطة.
نجمة بعند: لا يا ستو مش هروح معاكم، أنا هقعد هنا.
الجده بصرامة: نجمة، قومي اعملي الشنطة وبلاش عند.
نجمة بزعل: حاضر يا ستو.
بعد مرور ساعات.
نجمة: خلصت يا ستو.
الجده: ماشي يا نجمة، إحنا هنمشي بكرة، وأنا هقول لرضوان يعملك الورق.
نجمة: تمام.
الجده بحنية: تعالي يا نجمة اقعدي جنبي، عايزكي.
نجمة وهي بتقعد جنبها: نعم.
الجده: مش عايزة تروحي الصعيد ليه؟
نجمة بضيق: علشان اللي اسمع حمزة يا ستو.
الجده بخبث: ماله حمزة؟ شاب قمر بعضلات، أسمراني آه بس قمر.
نجمة بضيق: أنا مالي بكل ده يا ستو، أنا هجوزه، أقصد يعني كل ما يشوفني في مكان يسيبه ويبصلي بقرف ويمشي، ده وكأني سحلية بيشمئز منها يا ستو، وكل حاجة أعملها يتريق عليها، بيتريق على رسمي وكليتي وكلامي.
الجده بحنية وضحك: بينكشك يا عبيطة.
نجمة بضيق: بينكُشني إيه يا ستو، ده بيقفلني منه والله، أنا أوريدي اتقفلت منه.
الجده بتريقة: أنا أوريدي اتقفلت منه، قومي يابت اعملي الأكل قومي.
نجمة بضحك: إنتي عنصرية فكرة يا فريالة ومنحازة للي اسمه حمزة ده، حاسة إنه أخد مكاني عندك، وأنا زعلانة منك.
الجده بحنية: إنتي الغالية بنت الغالي، ولا حد يقدر ياخد مكانك، تعالي في حضني.
نجمة وهي بتحضنها: حبيبتي يا فريالة.
تاني يوم.
الجده: نجمة.
نجمة: نعم يا ستو.
الجده: جهزي يلا، حمزة جاي عشان ياخدنا.
نجمة بضيق: هو في إيه يا ستو، كلمي جدو رضوان خليه يقعد واحنا نروح بعربيتنا.
الجده: لا يا نجمة عربيتك صغيرة وبطيئة، يلا جهزي.
نجمة بصدمة: عربيتي صغيرة وبطيئة، أخ يا عليكي يا فريال.
الجده: آه، ويلا جهزي يا نجمة خلينا نمشي.
نجمة: حااااضر، وع فكرة أنا زهقت.
الجده بضحك: زهقتي بدري بدري يا نجمة.
نجمة: اضحكي يا أختي اضحكي، من حقك.
بعد مرور القليل من الوقت وصل حمزة.
حمزة بفرحة: عمتتتتتي، واحشتيني خالص.
الجده: وإنت يا حمزة، واحشتني كتير والله.
نجمة خرجت، كانت لابسة بنطلون و ليج لونه بيج وعليه شميز قصير إلى حد ما لونه زيتي وطرحة لونها بيج (آه يا جماعة نجمة محجبة).
نجمة: إزيك حضرتك.
حمزة وهو هيموت ويضحك: الحمد لله، وإنتي.
نجمة في سرها: قليل الذوق، أقوله حضرتك يقولي وإنتي.
نجمة: الحمد لله بخير.
الجده بحنية: يلا يا ولاد.
في الطريق.
نجمة بخفوت: ستو ما تخليه يوقف العربية أنزل أجيب شوية حاجات كده لزوم الطريق.
الجده بضحك: موطية صوتك ليه.
نجمة بصوت واطي أكتر: عشان بيتريق على كل حاجة بقولها.
الجده بضحك: حاضر يا نجمة، حمزة وقف العربية عند أي سوبر ماركت نجمة هتنزل تجيب شوية حاجات.
حمزة: حاضر.. هتجيبي إيه؟ هنزل أنا.
نجمة: لا شكراً، هنزل أنا.
حمزة بصرامة: لا السوبر ماركت زحمة وأنا هعرف أجيب أسرع.
نجمة بضيق: هتاكلي معايا يا ستو؟
الجده: لأ.
نجمة: وحضرتك هاكل معايا؟
حمزة: مش لما أعرف هتجيبي إيه الأول.
نجمة بانشراح: هجيب شيتوس بالجبنة وهجيب كيس فورنو بالجبنة الشيدر وهجيب كيس بريك بالخضروات، أشطا، وهات كانزية بيبسي وواحدة استينج برضه لزوم الطريق، ندخل بقى ع الشو……
حمزة بصراخ: إيييييه، بلاعة واتفتحت.
نجمة بزعيق: إنت بتزعق ليه يا جدع إنت، وبعدين أنا غلطانة إني بعبرك وبعزم عليك.
الجده: خلاص يا ولاد، ادخلوا هاتوا مع بعض.
نجمة: لا يا ستو مش هدخل معاه.
حمزة: ولا أنا يا أختي عايز أجيب معاكي، إيه شغل الأطفال ده.
نجمة مش ردت عليه: خلاص يا ستو مش هجيب حاجة.
دخل حمزة العربية وبدأ سواقة، وكل شوية يبص عليها في مراية العربية يلاقيها قاعدة زعلانة، وقف العربية عند سوبر ماركت جاب حاجات كتير واللي هي قالت عليها.
حمزة: خدي.
نجمة: شكراً، مش عايزة حاجة منك.
حمزة: عمتي عقليها، ده العربية قلبت حضانة.
نجمة بزعيق: لا بقا بقولك إيه، أنا سكتلك من شوية هتظيط فيها.
الجده بصرامة: نجمة اسكتي واحترمي نفسك، إيه هتظيط دي.
نجمة بزعل: حاضر يا ستو.
حمزة بصلاها وسابلها الشنطة وركب وكملوا الطريق.
بعد مرور الوقت وصلوا إلى صعيد مصر.
الغفير: يا حاج رضوان، الحاجة فريال وصلت.
الحاج رضوان بفرحة: يا دي النور يا دي النور، نورتي يا فريالة.
الجده: الله ينورك يا خوي.
نجمة: بخير يا جدو الحمد لله، وحضرتك.
الحاج رضوان: دايماً بخير يا بنتي، أنا الحمد لله شوفتك بقيت زين، اطلعي أوضتك ارتاحي يا نجمة، وإنتي يا فريال، وعلى الغدا هطلعلكوا سعدية.
نجمة طلعت أوضتها وأخدت شاور ونامت وهي بتقول (إنه يوم مرهق للغاية، والغبي نكد عليا).
بعد مرور الوقت على السفرة.
الحاج رضوان: كل يا حمزة، وبعد ما تخلص وكل خرج نجمة وريها البلد.
حمزة بضيق: حاضر يا حاج.
نجمة بضيق: لا يا جدو أنا هخرج لوحدي، مش لازم يتعب نفسه.
الحاج رضوان: لأ، ولا تعب ولا حاجة.
بعد مرور الوقت.
رواية نجمة في الصعيد الفصل الثالث 3 - بقلم ملك نصر الله
بعد مرور الوقت
نجمه: أنا جاهزة يا حمزه.
حمزه: تمام، يلا.
بعد ما حمزه ونجمه مشيوا:
فاطمه: متأكد من اللي بتعمله يا رضوان؟
الحاج رضوان: أيوا متأكد.
الجده: خير إن شاء الله.
في الخارج:
نجمه: هنروح فين؟
حمزه: هوريكي الأول الأرض، بعدين الاسطبل.
نجمه بعيون بتطلع قلوب: وااااو، عندكم اسطبل وخيل بقا وكده؟
حمزه برخامه: لا، اسطبل من غير خيل.
نجمه: نينينيني.
حمزه بقرف: يلا يا عسل، ماشية مع بنت اختي.
نجمه بضيق: لا اسمع بقا، إحنا لسه فيها. حضرتك هتفضل أفش كده طول الخروجة، مش تخرجني؟
حمزه: أكيد، أنا مش مخرجك لسواد عيونك.
نجمه بقرف: هو حضرتك الأدب مش عدى عليك خالص؟
حمزه: مع إنتي بس كده.
نجمه: ده ليه بقا إن شاء الله؟ كنت أخدت كيس الشيبسي بتاعك وأنا صغيرة ولسه فاكرها؟ ولا أخدت لعبتك؟
حمزه: غباء، مش عايز. أخلصي، امشي قدامي خلينا أتنيل أوريكي الأرض.
نجمه مشيت من غير ما ترد. راحوا الأرض. نجمه كانت عايزة توت من شجرة التوت وبتقول في نفسها (أقوله يطلع أه، اومال هو جاي ليه).
نجمه: بقول لحضرتك، أنا كنت عايزة توت. ما تطلع تجيب لي.
حمزه بصدمة: نعم يا أختي؟ أنا أطلع الشجرة عشان أجيب توت؟
نجمه بابتسامة: وفيها إيه؟ حضرتك هما نطتين وتبقي فوق على الشجرة، وهاته أحمر إذا تكرمت يعني.
حمزه: لا، مش هنط. أنا نطتين.
(وبصوت واطي) هي عندها تأخر نمو عقلي ولا إيه دي؟
نجمه بتزمر: حضرتك المفروض تكون جينتل مان وتطلع من غير ما أقولك.
حمزه: أصلاً!!
نجمه بتمثيل: خلاص، شكراً. هطلع أنا. أمسك بقا موبايلي والساعة دي، أه، والخاتم. حافظ عليه، دا عزيز عليا جداً.
حمزه: تعالي هنا، إنتي رايحة فين؟ وبعدين إنتي مش رايحة تحاربي عشان تقلعي الساعة والخاتم.
نجمه بتفكير: تصدق، إنت صح فعلاً. بس خليهم معاك بقا، لما أجيب.
حمزه: يخربيتك، إنتي رايحة فين؟ تعالي.
نجمه بتمثيل: ما حضرتك مش راضي تطلع، وأنا نفسي رايحة للتوت جداً.
حمزه بضيق: نفسك رايحة للتوت جداً؟
نجمه: آه والله. خليك بقا وأنا هطلع.
حمزه: استني يا نجمه، تعالي وأنا هطلع.
نجمه بتمثيل: بجد!! لا بجد، إنت جينتل مان. يلا يا بطل، هات أحمر بقا.
حمزه بص لها بضيق: كمان بتتأمري؟ هات أحمر بقا.
(بصوت نجمه)
نجمه بتضحك من تحت لتحت، وتقول: (دانا هطلع عينك عشان تنكد عليا. وإحنا جايين أوي).
حمزه طلع الشجرة.
نجمه وهي بتصفر: سبايدر مان والله يا ابني، عاش بجد.
حمزه بص لها وضحك من غير ما يوضح لها، وقال: (لا فعلاً، طلع عندها تأخر في النمو العقلي. وشكلك هتتعب يا حمزاوي).
بعدين نزلها واداها التوت، وهي غسلته من إزازة الماية اللي معاها وقعدت تاكل وحمزه بيبص لها.
نجمه: في إيه؟ أوعى يكون في حاجة على وشي.
حمزه وهو بيستغل الفرصة: احم، بصراحة كده، في.
نجمه برعب: ما تقول في إيه، يخربيتك.
حمزه بخبث: بصراحة، في صرصور.
نجمه قعدت تنفض في وشها وبصراخ: اعااااااااا، صرصور! لا بخاف من الزواحف.
حمزه وهو بيموت من الضحك: يخربيتك، خلاص، أنا كنت بهزر معاكي، مفيش حاجة.
نجمه مبرقة: بت إيه حضرتك؟ إيه البلاوي دي يا روح أمك؟
حمزه مبرق: بلاوي!!!
نجمه وهي خلاص بتدمع في سرها: (في إيه يا نجمة؟ اجمدي شوية أصلًا. من أولها وهنعيط. بس أنا بترعب من الزواحف).
نجمه: آه حضرتك، بلاوي. أنا عندي فوبيا من الزواحف. ممكن أروح فيها.
حمزه: هو إيه حضرتك حضرتك؟ اسمي حمزه.
نجمه: هو حضرتك سبت كلامي كله ومسكت في حضرتك؟
حمزه: آه، اسمي حمزه مش حضرتك.
نجمه: هو حضرتك عندك كام سنة؟
حمزه باستغراب: عندي 27 سنة.
نجمه: طيب يا أستاذ حمزه، ممكن توديني الاسطبل عشان قفلت من المكان.
(بصوت واطي) (ومنك والله).
حمزه: سمعتك على فكرة.
نجمه بتوتر: وأنا قلت إيه بقا؟ هتوديني الاسطبل ولا أروح؟
حمزه ببساطة: روحي، هو أنا ماسكك.
نجمه بضحكة غبية: طب البيت منين حضرتك؟ أوصف لي بس الطريق وأنا هتصرف.
حمزه: هو إنتي غبية كده رباني ولا وقعتي على دماغك وإنتي صغيرة وحصلك حاجة؟
نجمه بغباء: إيه هي الحاجة بقا؟
حمزه برق: !!
نجمه: إنت بتبرق لي ليه؟ إيه الحاجة عشان أقولك وقعت ولا لا؟ هو منين بيودي على فين؟
حمزه: لا، إنتي فعلاً غبية، غبية يعني مفيش كلام.
نجمه وهي بتبص في الأرض لقت (طينة رطبة إلى حد ما).
نجمه: أنا ساكتالك من الصبح وبكلمك بأدب وحضرتك وبتاع، وإنت شغال شتيمة.
وطت جابت كبشة طينة وطوحتها على حمزه، بوظت الشميز خالص.
حمزه: إيييييه التخلف ده؟ إنتي قد اللي نيلتيه ده؟
نجمه برعب من شكله: إيدا مالك قلبت على هولاكو كده؟
حمزه بصراخ: دانتي ليلتك سودا.
نجمه بضحكة غبية: سودا ولا بيبسي ها؟
حمزه بصراخ: إنتي قده.
نجمه: أنا كان في حشرة واقفة عليك وعملت كدة عشان تمشي، صدقني. إيه دا؟ إنت بتقرب ليه؟
حمزه بهدوء وقف: قدامي على البيت، وما تلمحش طيفك طول اليوم. يلا.
نجمه بغباء: طب والاسطبل؟
حمزه بقرف: خليكي، أنا ماشي لوحدي.
نجمه: لا يا عم، جينا سوا نروح سوا. يلا.
بعد مرور الوقت في الدوار:
الجده: إيه عمل هدومك كده يا حمزه؟
حمزه بص لنجمه وقال: مفيش يا عمتي، شوية عيال كانوا بيلعبوا وواحد طوح عليا من غير قصد.
الجده بشك: طيب، اطلع غير هدومك.
حمزه طلع ونجمه قعدت جنب جدتها.
الجده: الا، قوليلي إيه اللي حصل.
نجمه بتوتر: حصل إيه؟ في إيه؟
الجده: نجمه، أنا اللي بسألك.
نجمه: احم، هو عصبني والله يا ستو.
الجده: ها، وإيه؟
نجمه بسرعة: وأنا مسكت شوية طينة وطوحتها عليه.
الجده: ودا غلط ولا مش غلط؟
نجمه بتوتر: غلط يا ستو، بس هو اللي عصبني الأول والله.
الجده: طيب يا نجمه، أول وآخر مرة. هو مقالش إنك إنتي اللي عملتي كده عشان شكلك قدامنا، وإنتي احترمي تصرفه ده.
نجمه: حاضر، أنا طالعة أوضتي يا ستو.
نجمه طلعت أوضتها ودخلت البلكونة وجابت أدوات الرسم بتاعتها وقعدت ترسم الزرع اللي بلكونتها بتطل عليه.
بعد وقت طويل جداً، كانت سعدية بتخبط ونجمه مش بترد.
سعدية: مش بترد ياحاجة فريال. خبط كتير وهي مش بترد.
الجده بقلق: إزاي يعني؟ امسك إيدي يا حمزه، طلعني ليها.
الجده: طيب، بسرعة اطلعوا.
حمزه طلع هو وسعدية وخبط كتير وبرضه مش بترد.
حمزه: أنا هكسر الباب.
سعدية: أيوا، اكسره.
حمزه كسر الباب ودخل سعدية الأول، يمكن تكون نايمة وهو مش ينفع يدخل وهي نايمة.
سعدية: دخلت ملقتش حد.
حمزه دخل وقال بقلق: طب شوفي الحمام، وأنا هشوف البلكونة.
حمزه دخل البلكونة لقاها.
رواية نجمة في الصعيد الفصل الرابع 4 - بقلم ملك نصر الله
حمزه دخل البلكونه لقاها قاعده بترسم.
حمزه بهدوء: هو حضرتك مش سامعه الخبط دا كله؟
نجمه اتخضت ومن الخضه وقعت الرسمة والألوان اتدلقت.
نجمه بصراخ: يخربيتك! في ايه؟ انت دخلت هنا إزاي؟ .. تنحت وبصت على الرسمة وقالت:
نجمه بصراخ: اللوحة عااا!
نجمه بعياط: دي باظت!
حمزه بيأس: بتعيطي ليه طيب؟
نجمه بعياط: يا بني آدم بقولك اللوحة باظت، بقالي أكتر من 5 ساعات برسم فيها، دي كنت هقدمها للكلية تبعي.
حمزه: طيب خلاص متعيطيش، ارسميها تاني.
نجمه بزعيق: ارسمها تاني إزاي يعني؟ وهي بتترسم وقت الغروب والغروب مشي، أجيب أنا غروب منين الوقت؟
حمزه بصرامة: صوتك!
نجمه بصراخ وعياط: هو كل حاجة صوتك صوتك، في إيه أنا زهقت، وبعدين بتعلي من كلامي!
سعدية: خلاص يا نجمة مش تعيطي، حقك عليا.
نجمه وهي بتمسح دموعها: اللوحة باظت يا سوسو، هروح أنا بكرة الكلية بإيه؟
حمزه في نفسه: (سوسو!! انتي في إيه ولا في إيه يا شيخة، يخربيتك)
حمزه: هاخدك الإسطبل وهتلاقي هناك مناظر حلوة، وارسمي الخيل اللي هناك، إيه رأيك تنفع ولا لا؟
نجمه بتفكير: تنفع، بس الألوان اتدلقت.. وهي هترجع تعيط تاني: كله باظ، كله باظ.
حمزه: هاخدك نشتري الألوان.
نجمه بضيق: بجد شكراً جداً.. وبصوت واطي: (بس مانت السبب)
حمزه بهدوء سبقها ومشي.
سعدية: طيب يلا ننزل لأحسن وقت الحاجة فريال قلقت عليكي.
حمزه ونجمه: يلا.
نجمه وهي خارجة من الأوضة باستغراب: إيه دا الباب مكسور ليه؟
حمزه رد: أصل حضرتك خبطنا كتير وانتي ولا هنا، وعمتي قلقت عليكي، وأنا كسرت الباب.
نجمه بكسوف: احم، لما برسم مش باخد بالي بحاجة.
سعدية: ولا يهمك، حصل خير.
نزلوا تحت..
الجده بقلق: كنتي فين يا نجمة؟ مش بتردي ليه؟
نجمه: أبداً يا ستو، كنت قاعدة في البلكونة برسم ومش أخدت بالي من الخبط.
فاطمة: طيب تعالي يا حبيبتي علشان تأكلي.. شكلك هفيانة يا حبة عيني.
نجمه بحب: حبيبتي يا فطومة، حاسة بيا.. قوليلي بقى عاملة أكل إيه؟
فاطمة بضحك: عاملة بط ورق عنب.
نجمه بعيون بتطلع قلوب: ورق عنب؟؟، حطي قدامي طبق صغنن بقى علشان لو شفت الحلة أو طبق كبير هتحشر فيهم ومش هتعرفوا تطلعوني.
الجده بضيق: بتخاف تتخن يا فاطمة، على أساس إنها بتتخن أصلاً.
فاطمة: وه تتخني فين؟ دانتي مفكيش لحمة.
نجمه بضحك: لحمة إيه بس يا فطومة، دا صحابي هيموتوا ويبقوا زيك كده.
فاطمة بضحك: لا هتاكلي يعني هتاكلي، اجعدوا يلا علشان أحضرلكم الأكل.
نجمه بحب: تعالي بس أساعدك في الأكل الأول وبعدين ع السفرة، أنا هبهرك من نفسي.
فاطمة بحنية: لاه انتي ارتاحي، أكيد تعبتي من السفر والأرض النهارده.
نجمه بضحك: لاه هحضر الأكل معاكي يعني هحضره.
الجده بضحك: هتتعبي معاها يا فاطمه، دي دماغها ناشفة.
نجمه بضحك: شوفتي، اسمعي منها هي صح؟
فاطمة بضحك: طيب يلا.
كل دا وحمزه مستغرب، هي لحقت تصاحب أمه امتى وتقولها يا فطومة كده!
على الأكل.
الحاج رضوان: كلي يا نجمة، ورك البطة ده.
نجمه بحب: ربنا يخليك يا جدو، بس أنا مش بحب البط والله.. بص لافيني طبق ورق العنب الكبير ده.
الحاج رضوان: اتفضلي يا حبيبتي.
حمزه بتريقة: مش كنتي خايفة تتخني من شوية؟
نجمه بضحك: لا، نفسي هفتنت عليه.. وبصوت واطي: (وبعدين بطني نفسها فيه، أزعلها يعني؟)
حمزه بص لها وهي بتاكل وضحك من تحت لتحت.
الجده بضحك: كل مرة على كده، حتى هناك.
فاطمة بضحك: ما تسيبوها تاكل بقى.
الحاج رضوان: بالهنا والشفا يا بنت الغاليين.
نجمه بحب: الله يخليك يا جدو.
حمزه بخفوت: انتي مش حافظة غيرها ولا إيه؟
نجمه بخفوت زيه: بصراحة، هي والله يكرمك والله يسترك، وكده.
حمزه بضحك: يسترك ويكرمك!!
نجمه بجدية: وحشين؟
حمزه بضحك: لا خالص.
نجمه بضحك: كنت عارفة إنهم فُلّة.
حمزه ضحك بخفوت وهي كمان.
أكلوا في جو عائلي كله ضحك في ضحك.
بعد الأكل.
حمزه: بقولك يا بابا.
الحاج رضوان: قول يا حمزه.
حمزه: هاخد نجمة نشتري لها ألوان علشان ألوانها اتدلقت، وهوديها الإسطبل ترسم لوحة هتقدمها للكلية بتاعتها.
الحاج رضوان بخبث: طيب يا ولدي، متعوجوش برا.
حمزه بهدوء: حاضر.
نجمه نزلت من فوق.
نجمه: أروح يا جدو؟
الحاج رضوان: روحي يا بتي.
نجمه قالت لجدتها ومشيت معاه، ركبوا العربية.
حمزه بخفة: مش هتجيبي شوية حاجات لزوم الطريق؟
نجمه بضحك: أنا اللي هنزل أجيب، ولا نعمل زي الصبح؟
حمزه بضحك: لا، هننزل سوا، تعالي يلا.
نجمه مشيت معاه ودخلوا.
حمزه بخفة: هاتيلي من اللي بتجبيه لنفسك.
نجمه بابتسامة: حاضر.
نجمه من جواها كانت مبسوطة أنه بيعاملها كويس، مش زي الأول.
جابت نجمة الحاجات وركبوا العربية.
نجمه: تعالي بقى نقسم كل حاجة بالنص.
حمزه بضحك: تعالي.
نجمه: أنا شيتوس وانت شيتوس، أنا صان بايتس وانت صان بايتس، أنا بريك وانت بريك، أنا جيلي كولا وانت لا……
حمزه: أنا جيلي كولا، لا ليه بقى؟
نجمه: علشان بحبها أكتر منك، وبعدين أنا اللي تعبت وجبت.
نجمه: ما تخليك جدع وتتنازل عنها.
حمزه: ليه؟
نجمه برجاء: خليك جدع واتنازل، أنا بقالي كتير مش لاقياها في السوبر ماركت اللي عندنا.
حمزه: طيب هتنازل.. بس كده ليا عندك تنازل عن حاجة.
نجمه بجدية: طيب، اختار من اللي قدامك ماعدا المارشملو والجيلي كولا.
حمزه: لا مش قصدي هنا.. حالياً مش عارف هي إيه، خليها لوقتها.
نجمه: أشطى.
قضوا الطريق ضحك وهزار ورخامة شوية من حمزه على نجمة، ووصلوا المحل تبع أدوات الرسم وجابوا اللي نجمة محتاجاه.
روحوا وراحوا على الإسطبل.
حمزه: ها، هتقعدي فين ولا هتعملي إيه؟
نجمه وهي بتشاور على مكان: بص، أنا ممكن أقعد هنا، إشطا؟ وهرسم بقى الخيول دي مع بعضها.
حمزه: تمام.
لفت نظرها حصان أسود جميل.
نجمه: وهارسم ده لوحده، حاساه مختلف عنهم.
حمزه وهو بيبص للحصان اللي بتشاور عليه: آه، ده فرسي اسمها رهوانة. هي أنثى على فكرة، مش حصان.
نجمه: رهوانة، اسمها جميل.
حمزه: وهي جميلة.. يلا، هتبدأي انتي، وأنا هطلع وهطمن عليكي شوية كده.
نجمه: تمام.
حمزه مشي ونجمه قالت: (هو مشي ليه؟ ما كان يفضل قاعد، في إيه يا نجمة، مانتي كنتي مش طايقاه)
نجمه كانت بترسم، قامت وقربت من رهوانة ولسه هتحط إيدها عليها…
رواية نجمة في الصعيد الفصل الخامس 5 - بقلم ملك نصر الله
نجمه كانت بترسم. قامت وقربت من رهوانه ولسه هتحط إيدها عليها.
حمزه جه.
حمزه: انتي بتعملي إيه؟
نجمه بخضه: عااا! كل مرة تخضني. في إيه؟
حمزه بضحك: أعملك إيه؟ إنتي اللي قلبك رهيف.
نجمه بغيظ: لا مش رهيف، إنت اللي عامل زي العفريت. بتطب مرة واحدة كده.
حمزه بغيظ: لسانك أطول منك، وبتحدفي دبش إيه ده؟
نجمه: ربنا يخليك.
حمزه بخفوت: ربنا ياخدك يا بعيدة.
نجمه بغيظ: سمعتك على فكرة.
حمزه بضحك: هتعملي إيه يعني؟
نجمه بخبث: فاكر الصبح؟
حمزه بشر: أنا لسه مش حاسبتك على اللي عملتيه.. فاهدي كده وقولي أنا هديت.
نجمه بصتله ببرود وسكتت.
حمزه بغيظ من برودها: وصلتي لحد فين؟
نجمه بحماس: رسمت رهوانه بس، وبفكر أسلم اللوحة بتاعتها. هي جميلة، بص كده عليها. (وبتشاور)
حمزه التفت مكان ما بتشاور.
حمزه: جميلة ما شاء الله. عايزة رأيي؟ سلميها.
نجمه بخفه: عارفه، عارفه.. ده أنا اللي رسماها، طبيعي تطلع جميلة.
حمزه بضحك: متواضعة خالص.
نجمه بضحك: ربنا يخليك.
حمزه بجديه: إنتي بجد مش عارفة غير "ربنا يخليكي".
نجمه بجديه: لا عارفة، ربنا سترك، وربنا يكرمك، وربنا يباركلك، وتسلم. بس بنساها.
حمزه بضحك: يخرب بيتك! هما جابوكي منين؟
نجمه بغباء: منين إزاي؟
حمزه بضحك: قصدي يعني إنتي المفروض عايشة في القاهرة، بس بكلامك ده كأنك من حي السيدة زينب.
نجمه بضحك: تعرف أنا كان نفسي أكون من السيدة زينب، أصلًا بتفرج على مسلسلات تكون متصورة في السيدة زينب.
حمزه بجديه: تسيبي القاهرة وتقولي حي السيدة زينب؟
نجمه: أيوه، أنا بحب السيدة زينب جداً. أنا عمري ما روحتها بس شفتها في التلفزيون جميلة جداً، وتحس الناس هناك كلهم إخوات كده. وكمان عشان أنا نفسي آكل كبدة من عربية هناك.
حمزه بضحك: كبدة من عربية!
نجمه: اه يابني دي بتكون حلوة خالص. هي آه نعم بتاعت كلاب وقطط وحيوانات، بس بتبقى جميلة والله.
حمزه بضحك: طيب، عارفة اسم العربية؟
نجمه بحماس: أومال! ده أنا حافظاه في النوت بوك، هو والعنوان، عشان لما أروح هناك منساش.
حمزه: امم.. هي أذواق. الصعيد حلوة؟
نجمه: آه جميلة برضه، أنا حبيتها.
حمزه: اومال مكنتيش راضية تيجي ليه؟
نجمه بغيظ: بص بصراحة كده، منك.
حمزه باستغراب: مني! ليه؟
نجمه: إنت كنت غتت جداً يا أستاذ حمزه. فاكر في الإجازة اللي جيتها وخانقنا؟ راحت ستو قالت مش هنيجي هنا تاني، وجدو رضوان يبقى يجيلنا هناك في القاهرة.
حمزه: إنتي لسه فاكرة؟
نجمه: آه، وكمان كنت كل ما تشوفني تقفل وشك، كأني قاعدة أدايقك.
حمزه: مانتي برضه كنتي غبية. أقولك متلعبيش في الشارع، إنتي مش صغيرة. أجي ألاقيكي بتلعبي بالصواريخ مع العيال.
نجمه بضيق: وفيها إيه يعني؟ ما كلهم كانوا بيلعبوا.
حمزه بجديه: آه هما صغيرين، إنتي كبيرة.
نجمه: أنا كان عندي 16 سنة، عمري وكنت صغننة، مش عندي 90 سنة.
حمزه بضيق: إنتي أكيد كانوا بياكلوكي تبن وإنتي صغيرة.
نجمه بضيق: الله يسامحك.
حمزه سكت شوية وبعدين قال:
حمزه: إنتي ليه بتقولي "عفكرة، عدماغك، تبعي، عالشجرة"؟ بتوفري الحروف ليه؟ هي بتخلص عندك؟
نجمه ضحك: كنت فاكرة كده وأنا صغيرة إن الكلام بيخلص، فكنت بقعد ساكتة، عشان لما أكلم نفسي ألاقي كلام.
حمزه بضحك: ثانية! إنتي كمان بتكلمي نفسك؟
نجمه بضحك: آه يابني، ده أنا عاملة 3 شخصيات بكلم معاهم، وكل واحدة ليها اسم. وكفاية بقى كلام عشان كده كل أسراري هتطلع ومش هعرف ألمها.
حمزه بضحك: تمام.
نجمه بفضول: إنت بتشتغل إيه ولا طول الوقت قاعد في البيت كده؟
حمزه: لا ياختي، مش طول الوقت قاعد في البيت. أنا بساعد والدي هنا، ودكتور في كلية سياسة واقتصاد.
نجمه بإعجاب مش واضح: آه، ما شاء الله.. شاطرة.
حمزه بغيظ: إيه "شاطرة" دي؟ بتكلمي ابن أختك؟
نجمه: خلاص مش قصدي، جات كده.
حمزه: إنتي خلصتي؟
نجمه: آه.
حمزه: طيب.
نجمه: تمام، أنا لميت أدواتي وهطلع أنام.. سلام.
حمزه: سلام.
حمزه قعد جنب رهوانه وبيقول:
حمزه: أنا ضحكت النهارده كتير قوي، والله تعبت، بس دمها خفيف، وعلى نياتها. كنت فاكرها مش كده خالص، بس هي طيبة. أحسن من شيرين بنت عمي إبراهيم. ما خلاص يا حمزاوي، فيه إيه؟
بعدين قال:
حمزه: تعالي يا رهوانه، أمشيكم شوية.
صباحاً..
نجمه: جدو، هي فين الكلية؟
الحاج رضوان: استني، حمزه رايح الكلية، هيوصلك معاه.
نجمه: لا، همشي أنا.
الحاج رضوان: لا يا حبيبتي، هي هي الكلية، يبقى تمشي لحالك ليه؟
نجمه: طيب، ما أنا كده هتأخر.
الحاج رضوان: حمزه جه اهو.. حمزه، وصل نجمه معاك الكلية، وعرفها قسمها، وهاتها الجدول.
حمزه بهدوء: حاضر.
في العربية..
موبايل نجمه رن، وكانت صحبتها مريم. وهو قعد يبص على رياكشنز وشها وحركات إيدها وهي بتتكلم.
نجمه بصراخ: اخيراااا يا كلب البحر افتكرتيني!
حمزه بخضه: يخربيتك! فيه إيه؟
نجمه مش معاه خالص وبتكلم صاحبته.
نجمه: واحشاني كتير خالص.
مريم بزعل: وإنتي والله.. كده متجيش الكلية يا نجمة، وقافلة موبايلك ليه؟
نجمه بتوتر: هو فصل، وأنا نسيت أشحنه بالله. سبته عالشحن قبل ما أنام، وليه ماسكاه؟
مريم: طيب، إنتي فين؟ مش جيتي الكلية ليه انهارده كمان؟
نجمه بتوتر: عشان أنا سافرت الصعيد.
مريم: الإجازة لسه مجاتش.. رايحين زيارة لحد قريبكم يعني؟
نجمه بتوتر: لا.
مريم: اومال؟
نجمه بتوتر: إحنا نقلنا الصعيد، وجدو رضوان نقل ورق الكلية هنا، وستو وافقت، وهنقعد هنا طول الوقت.
مريم بزعل: طب كنتي كلميني قبل ما تمشي أسلم عليكي حتى.. سلام يا نجمة.
نجمه بسرعه: بالله استني، مش تقفلي.. والله كنت اتشغلت بتجهيز الشنط، وكمان ستو قالتلي بليل إننا هنمشي، وصبح مشينا، ولا لحقت أفكر والله.
نجمه: ...
مريم بزعل: شفتي، طالما سكتي يبقى سلمتي عليه.
نجمه بزعل: والله هجيلك وهقعد معاكي وهراضيكي، حقك عليا.
مريم: إن شاء الله.. خدي بالك من نفسك.. سلام.
نجمه بصت للموبايل بزعل.
حمزه كان سامع المكالمة كلها لأن الصوت كان عالي.
حمزه بهدوء: هي صحبتك أوي كده؟
نجمه: آه، صاحبتي الوحيدة.
حمزه: امم.. إنتي سلمتي على حماصة وعوكل بجد؟
نجمه افتكرت اللي حصل.
Flash back..
نجمه: بسبس، حماصة تعالي أقولك.
حماصة: عاملة إيه من امبارح؟ مش سألتي فيا؟
نجمه: الحمد لله.. معلش، حقك عليا، أنا غلطانة.
حماصة بحب: ولا يهمك يا نجمتي.. إنتي زعلانة من حاجة؟
نجمه: ...
رواية نجمة في الصعيد الفصل السادس 6 - بقلم ملك نصر الله
رواية نجمة في الصعيد الفصل السابع 7 - بقلم ملك نصر الله
نجمة بصراخ: حماااصه عوووكل
حمصه وهو بيحضنها: نجمتي واحشتينى خالص
نجمة: وانت كتير ، عوكل واحشتنى يا جدع تعالي هات حضن
نجمة حضنت عوكل وحمزه كان واقف وشايف الفرحه علي وشه
نجمة: مين جابكم
حمصه بضيق: البتاع اللي اسمه حمزه دان
نجمة بعيون بتلمع: حمزه !!!! ، ازاى ؟
حمصه بضحك: عفكره هو واقف اسأليه
نجمة بتوتر: احم معلش مش اخدت بالي .. جبتهم ازاى ؟
حمزه بهدوء: روحت هناك عند البيت وسألت علي بيت حد اسمه يوسف وأنه طفل في رابعه ابتدائي وعرفت البيت
نجمة: ومامته صدقت انك قريبي ؟
حمزه: لا قعدت اقنع فيها .. قولتلها هيبات معانا انهارده وهرجعه بكره و وافقت بعد صعوبه
نجمة بامتنان: شكراً جدا
حمزه بهدوء: عفواً .. هسيبكم انا الحاج عايزني
نجمة: تمام خد راحتك
بعد ما حمزه مشي
نجمة: ليه قلت البتاع اللي اسمه حمزه
حمصه ببراءة: واحنا جايين في العربيه بيقولي بتحب نجمه قلتله بحبها جدا وهي كمان بتحبني وحكيتله لما كنتي مسافره وانك كنتي بتعيطي علشاني راح يقولي خلاص اسكت ايه وكان متعصب
نجمة باستغراب: وبيتعصب ليه ؟
حمصه: مش عارف المهم بقا
نجمة بتركيز: ها ايه المهم
حمصه: انا جعان
نجمة: تعالي ندخل المطبخ ونعمل بيتزا انا نفسي فيها
حمصه بفرحه: يسسس يلا وبعدين
نجمة: يلا يا عوكل تعالي
تحت عند حمزه كان الحوار بينهم
حمزه: حضرتك عايزني
الحاج رضوان: ايوه يا ولدي
حمزه: اتفضل يا بابا محتاجني في ايه
الحاج رضوان: كلمت عمك ابراهيم انهارده الصبح وقالي أنه هينزل مصر بليل هنروح نقابله انا وانت في المطار جهز نفسك هنروح الساعه 7
حمزه: مراد نازل معاهم ولا هيقعد هناك
الحاج رضوان: لا كلهم نازلين وإن شاء الله مهيسافروش تاني
حمزه بهدوء: حاضر يابابا علي 7 هجيلك نروح
الحاج رضوان: روح يا ولدي ربنا ينور طريقك
حمزه باس ايد باباها وخرج
(ملحوظه: ابراهيم يكون اخو رضوان التوأم وأخو الجده فريال ، الجده فريال هي الأكبر ، ابراهيم مراته اسمها هدي وعندهم اربعه اولاد ، ولد اسمه مراد مخلص هندسه ودا يعتبر اخو حمزه وبيحبوا بعض جدا ، وعز ودا في أولي كليه فنون جميله زي نجمه ، و بنتين (شيرين في رابعه كليه سياسه واقتصاد ، ميرنا لسه في تالته ثانوى) وكانوا عايشين في امريكا)
في الطبخ عند نجمه وحماصه
نجمة: هات يا حماصه الدقيق
حمصه اتعبل وقع والدقيق وقع عليه في اللحظه اللي حمزه عدا فيها من قدام الطبخ
نجمة بضحك: يخربيتك دلقت الدقيق قوم ياض قوم
حمصه بضحك وهو قايم: والله من غير قصدي
حمصه مسك شويه دقيق ورماهم علي نجمه راحت نجمه كمان عملت زيه كل دا وحمزه برا
حمزه طلع اوضته بضيق
حمزه لنفسه: اه مالك بقا ، مضايق ليه ، دا صاحبها ، صاحبها ايه ، ازاى اصلا يكون ليها صحاب ولاد ، بس دا طفل ، بس برضوا ، اووووف خلاص
بعد وقت الباب خبط
حمزه: ايو
سعديه: يلا يا حمزه علشان تتغدي وتروح تجيب عمك بيقولك الحاج رضوان
حمزه: حاضر
علي الغدا
نجمة بخفوت: كل يا حماصه ، بطل تلعب في الطبق
حمصه: مش بحب الرز
نجمة: بتحب ايه طيب
حمصه بهمس: المكرونه
نجمة: هقوم اعملك وناكل سوا
الجده: رايحه فين يا نجمه
نجمة: هعمل مكرونه بسرعه علشان حماصه مش بيحب الرز
حمزه بضيق: طب ما ياكل الموجود وخلاص
نجمة بضيق: لا مش هأكله حاجه مش بيحبها
حمزه مش رد ونجمة راحت تعمل الاكل
الحاج رضوان بخبث: وانت ايه مضايقك يا حمزه
حمزه بتوتر: مضايق من ايه ، مش مضايق
فاطمه بضحك: سيبه في حاله يا رضوان
الجده بضحك: ورضوان عمل ايه
حمزه بضيق: انا طالع البس علشان نروح المطار
في المطبخ
نجمة كانت بتعمل المكرونه وبتقول (ماله دا ، مش طايق حماصه ، مع أن هو اللي راح جابه)
في المطار
الحاج رضوان: عمك وصل اهو يا ولدي
حمزه سلم عليهم بحب
حمزه بحب: حمدالله علي السلامه يا عمي
ابراهيم بحب: الله يسلمك يا حمزه
وميرنا بتزمر: عامل ايه يا اخويا مش بتسأل عليا خالص
حمزه بضحك: والله بكلمك وانتي اللي مش بتردي
ميرنا: لينا بيت يلمنا
حمزه بضحك: طيب ياختي
شيرين بحب: عامل ايه يا حمزه
حمزه بهدوء: الحمدالله ، ابويا انت وعمي ومرات عمي وشرين في عربيتك وانا هاخد عز و مراد وميرنا في عربيتي
شيرين بضيق: وليه مركبش معاكم
هدي: هي هي يلا يا شيرين اركبي
ركبوا ووصلوا البيت
الجده: ازيك يا ابراهيم ، ازيك يا هدي ، ازيكم يا ولاد واحشتوني كلكم والله
فاطمه بحب: ازيك يا هدي ، حمدالله على السلامه
نجمة: حمدالله على سلامتكم
حمزه بضيق: بنت عمك محمد ابن عمتك فريال ، انت فاقد الذاكره ياض
عز بنفس الهمس: افتكرتها ، بس هي بقت قمر كده امتا
حمزه بضيق: في ايه يا عز ما تحترم نفسك
عز: خلاص يا عم ، متزوقش
بعد ما سلموا علي بعض
رضوان: اوضكم زي ما هي فوق اطلعوا ارتاحوا من السفر وهطلعلكم الاكل فوق
كلهم طلعوا
الحاج رضوان: سعديه يلا جهزي الاكل
نجمة: جدو ممكن اساعد سعديه علشان هتتعب
سعديه بحب: لا خليكي يا حبيبتى انا هعمل علي طول
نجمة: لا هساعدك يعني هساعدك
نجمة كانت بطلع الاكل وحمزه شافها
حمزه: مطلعه دا لمين
نجمة بهدوء: لعز
حمزه قرب منها
رواية نجمة في الصعيد الفصل الثامن 8 - بقلم ملك نصر الله
نجمه كانت بتطلع الأكل وحمزه شافها.
حمزه: مطلعة دا لمين؟
نجمه بهدوء: لعز.
حمزه قرب منها ودخل خصلة من شعرها كانت خارجة من الطرحة وقال:
حمزه بضيق: انتي مش محجبة؟
نجمه بتوتر: اا ااه.
حمزه بحدة: طيب دا طالع بيعمل إيه.. ابقي شوفي طرحتك قبل ما تخرجي البيت، فيه شباب ولا مستنية حد يبص لك؟
نجمه بزعيق: يبصلي إزاي يعني، احترم نفسك.
حمزه رجع مكانه بحدة: صوتك.. والطرحة تتظبط.
نجمه: انت مالك، انت تتظبط ولا لأ.. وبعدين متقربش مني تاني.
حمزه وهو بيقرب تاني: أنا أقرب براحتي.
نجمه بزعيق وزقته: لا مش براحتك.. مش سايبة هي.. أول وآخر مرة تقرب مني كده، انتي فاهمة، وإلا هيبقى ليا تصرف تاني.
حمزه نده على سعدية.
سعدية: عايز حاجة يا حمزه؟
حمزه: خدي الأكل طلعيه لعز، وهي تطلع لـ البنات بس.
نجمه بزعيق بسيط: هو حضرتك مالك؟
حمزه: خدي يا سعدية الأكل.
سعدية أخدت الأكل من نجمه.
حمزه بهدوء: اللي قولته يتسمع، الطرحة تشوفيها قبل ما تخرجي، والأكل لـ البنات بس.
سابها ومشي.
حماصة كان واقف وشايف اللي حصل.
حماصة ببراءة: مش تزعلي يا نجمة.
نجمه بخنقة: مش زعلانه يا حماصة، روح شوف عوكل عنده أكل ولا لأ، وتعالى نقعد سوا.
نجمه فكرت وقالت إنها لسه مش عارفة تتعامل مع الشباب إزاي، فتطلع لـ البنات وخلاص.
بليل كانوا الكل متجمعين ماعدا حمزه اللي خرج من وقت كلامه مع نجمه ومش جه.
عز: طب ما تيجوا نتعرف علشان حاسس إننا اغراب.
ميرنا بحماس: بصي يا نجمة أنا ميرنا، لسه في تالتة ثانوي.
شيرين: وأنا شيرين، في رابعة كلية سياسة واقتصاد.
مراد: وأنا مراد، مخلص هندسة.
عز: وأنا عز، في أولى كلية فنون جميلة.
نجمه بضحك: ما شاء الله، أنا نجمه في تالتة كلية فنون جميلة، تشرفت بيكم.
عز بضحك: كده بصري معايا، هتوريني رسمك تمام.
نجمه بحماس: أيوه هوريك، دي أنا بعمل عظمة.
مراد بضحك: بعد عظمه دي حاسك بتعك.
ميرنا بحب: لا يا عم، باين عليها شطورة.
نجمه بحب: حبيبتشي♥️ (لميرنا).
شيرين بضحك: من أولها كده ما شاء الله.
كانوا كلهم بيضحكوا وحمزة دخل بص لنجمه بصه هي ما فهمتهاش، بس بطلت ضحك.
حمزه بهدوء: السلام عليكم.
مراد بحب: جي.
حمزه بضحك: لا لسه دا عفريت.
مراد بغيظ: اقعد يا جدع، واحشني.
حمزه بحب: وانت كمان.
شيرين بحب: خلصت دراستك يا حمزه؟
حمزه: آه، وبقيت دكتور في الكلية.
شيرين: كلية إيه؟
حمزه: سياسة واقتصاد.
شيرين بعيون بتطلع قلوب: احلف.
حمزه بضحك: ها.
ميرنا: جينا البيت اللي هيلمنا صح، مش بتسأل عليا يا حمزه؟
حمزه بغيظ: بت انتي متصدعنيش، قلتلك بعتلك ورنيت وانتي مش بتردي، اعمل إيه أنام؟
ميرنا بزعل: متعملش حاجة يا حمزه.
حمزه بضحك: فكي البوز يا ميرنا، وحقك عليا يا ستي، أنا غلطان.
ميرنا بحماس: هاتلي شوكليت من اللي بعتهالي أمريكا وأنا أصالحك.
مراد بضحك: انتهازية حقيرة.
حمزه: جدا.
نجمه اضايقت أنه بيكلم الكل حلو وييجي عندها ويكشر، راحت قالت:
نجمه: اشطا، هطلع أنا بقى، الساعة داخلة على 11 وأنا عندي كلية الصبح.
عز بخبث وهو بيبص لزين: طب هتوريني رسمك؟
نجمه بهدوء: آه، بس خليها بكرة.
عز: تمام.
حمزه بص لها وهي طلعت. دخلت شافت حماصة لقيته نايم، جات تنام لقت..
حمزه بهدوء: خمسة وراجع لكم.
عز بخبث: خد راحتك يا باشا.
حمزه بضحك: في إيه يا ضنا، مش مرتحلك.
عز وهو بيحضنه: اخس عليك يا حموزتي.
حمزه بضحك: ابعد يا ضنا، في إيه وايه حموزتي دي؟
عز بتمثيل: بقا كده يا قاسي، اخدت غرضك مني ورميتني.
حمزه بضحك: لم أخوك يا مراد علشان معلقوش، واللهم.
مراد أخد عز جنبهم.
مراد بضحك: اتهد بقا.
فوق عند نجمه لقت الباب بيخبط، افتكرت كلام حمزه ولبست الطرحة وفتحت.
حمزه بهدوء: فين حماصة؟
نجمه بضيق: نام.
حمزه: طيب عديني، هاخده ينام عندي.
نجمه باستغراب: ليه؟
حمزه: علشان أنا عايزة ينام عندي.
نجمه: واللهِ.
حمزه: آه واللهِ، عديني بقى.
حمزه دخل أخد حماصة وهو خارج، نجمه قالت:
نجمه: ابقي غطيه كويس واعملي منبه، اصحي بليل شوفه متغطي ولا لأ.
حمزه بهدوء: ماشى.
حمزه دخل أوضته وحط حماصة على السرير وغطاه وهو بيقول: (ولا أكنك ابنها).
بعدين نزل قعدوا شوية سوا (ميرنا، مراد، شيرين، عز)، وبعدين كله طلع على أوضته ينام.
الصبح كلهم كانوا بيفطروا.
مراد: تسلم إيدك يا مرات عمي.
فاطمة بحب: سلمت من كل سوء يا حبيبي، بالهنا والشفاء.
ميرنا بضحك: عارفة كنت في أمريكا أقول لـ هدهود تعملي فطير تقولي مش بعرف، لما نروح مصر مرات عمك هتعملك ومش هتلاقي أجمل من فطيرها، وحقيقي فطيرك قمر قمر يعني.
فاطمة بضحك: انتي اللي قمر، وأنا هعلمها تعمله.
هدي بضحك: تفتكري هننفع وهيبقى جميل زي ده؟
إبراهيم بخفوت: هيبقى جميل يا حبيبتي، أي حاجة إيدك تتحط فيها بتبقى جميلة.
هدي ضحكت بكسوف.
نجمه بضحك: أيوا يا عمو يا رومانسي، حمرت خدودها.
عز بضحك: لا أنا بابا رومانسي خالص.
ضحكوا، بعدين نجمه قالت بصوت واطي:
نجمه بخفوت: بقولك، كنت عايزة أدخل عندك أصحّي حماصة.
حمزه بتعجب: ومدخلتيش ليه؟
نجمه: لا أدخل ليه وأنت مش موجود.
حمزه: هي بتفرق، على العموم أنا هصحيه.
نجمه بضيق: ماشي.
الحاج رضوان: حمزه هيعملكم ورق الجامعة النهارده، وابدأوا روحوا من بكرة يا ولاد. (عز وشيرين).
بعد الفطار، حمزه شاف نجمه نازلة وكانت رايحة الكلية.
حمزه: اركبي العربية وأنا هجيب موبايلي من على السفرة، وهوصلك.
نجمه بضيق: لا شكراً، أنا عرفت الطريق، هروح مواصلات، وأنا قلت لجدو أنه يبعت حد يجيب عربيتي من هناك.
حمزه: طيب لحد ما تجيبي العربية هوصلك.
نجمه بحدة: مقلتش لأ، هروح مواصلات.
الجده: اسمعي كلام حمزه يا نجمه، تروحي مواصلات إزاي وهو رايح نفس المكان؟
نجمه بضيق: حاضر يا ستي.
ركبت العربية. نجمه كانت قاعدة ساكتة وحمزه كل شوية يبصلها مستنيها تقول حاجة لكن ما اتكلمت. قرر يكلم هو.
حمزه: مالك؟
نجمه: مالي؟
حمزه: انتي كويسة؟
نجمه بهدوء: آه الحمد لله.
حمزه: طيب مش عايزة تقولي حاجة؟
نجمه: لأ.
حمزه: طيب.
نجمه بصوت واطي: هو بجد بيسأل مالي، مش شايف طريقه كلامه معايا ولا عصبيته عليا؟
حمزه بضحك: طب اتكلمي معايا بدل ما تكلمي نفسك.
نجمه بصت له ومش ردت.
سكتوا بعدين نجمه قالت:
نجمه: هو حضرتك مش شايف أسلوبك معايا عامل إزاي؟
حمزه: عامل إزاي؟
نجمه بضيق: مش عامل.. ولا تكلمني ولا أكلمك.
حمزه: كل دا عشان أخدت حماصة نيمته عندي؟
نجمه: لأ طبعاً.
حمزه: اومال؟
نجمه بحدة: يعني حضرتك زعقتلي امبارح، وأقولك متقربش مني تقولي أنا أقرب براحتي، وتقولي شعرك طالع ليه مستنية حد يبصلك، دي مش أخلاقي يا أستاذ حمزه.
حمزه بضيق: ما انتي اللي بتعلي صوتك عليا وبتخليني أقول الكلام ده.
نجمه بحدة: مش تكذب، أنا ما كنتش لسه علّيت صوتي، أنا فاكرة كويس.
حمزه سكت عشان مش عارف يقولها إيه، هو نفسه مش عارف ليه بيضايق لما بتكلم ولاد عمه. وهي كمان سكتت بخنقة من كلامه ومن أسلوبه معاها.
وصلوا عند الكلية ونجمه نزلت وهو فضل قاعد في العربية شوية بيشوف كلامه معاها اليومين اللي فاتوا وشاف إن هو غلطان لما قرب منها ولما قالها “مستنية حد يبصلك”.
دخل القسم بتاعها لاقاها قاعدة لوحدها وكانت بتشوف حاجة في الموبايل.
حمزه بهدوء: تعالي يا نجمة عايز.
نجمه: لأ، ولا ليك كلام معايا ولا كلام معاك.
حمزه بنفس الهدوء: شوفي انتي اللي بتعصبيني، أهو.
نجمه بخنقة وقفت: اتفضل حضرتك عايز إيه؟
حمزه: تعالي هنقعد في كافيه قريب من هنا.
نجمه: لأ طبعاً.
حمزه: وه مهخطفكيش أنا يا نجمة.
نجمه ضحكت بغباء: وه مهخطفكيش!! إنت بتتكلم صعيدي.
كل دا في شاب بيبص عليهم من بعيد. الشاب قرب عليهم وقال:
الشاب: الله، مانتي حلوة أهو وبتضحكي كمان، أومال معايا عاملة دور المحترمة ليه؟
نجمه بحدة: أنا محترمة غصب عنك يا حيوان.
حمزه بغضب ضرب الشاب بوكس: دي مراتي يا روح أمك. تعالي.
رواية نجمة في الصعيد الفصل التاسع 9 - بقلم ملك نصر الله
نجمه بصت لحمزه بصدمه.
اللي في الكليه كانوا اتلموا، وفي شباب جات تسلك حمزه عن الشاب.
حمزه بزعيق: قسما بالله اللي هيقرب هيضرب معاه وهيترفد من الكليات كلها، واظن انتوا عارفين حمزه رضوان يقدر يعمل ايه.
كلهم رجعوا لورا.
حمزه راح عند نجمه اللي كانت بتعيط واخدها في حضنه.
حمزه بحنيه: خلاص يا نجمه، أنا هرفده من الكليات كلها، بطلي عياط.
نجمه بعياط وصوت واطي: ابعد حضرتك، الجامعه كلها بتتفرج.
حمزه بهدوء: طب تعالي معايا.
حمزه جر الشاب وراح على مكتب العميد.
العميد: أهلا وسهلا دكتور حمزه، نورت. في أي مشكله؟ مين ضرب دا كده؟
حمزه بهدوء: عايز عصير ليمون.
العميد طلب العصير وحمزه اخده واداه لنجمه.
العميد بتوتر: إيه حصل يا دكتور حمزه؟
حمزه بحده: إزاي الحيوان دا يعيب في مراتي؟
العميد بتوتر: حمزه بيه، هو أكيد ميعرفش إنها مرات حضرتك.
حمزه بحده: يعرف ولا ميعرفش، هو ليه يتكلم معاها أصلا؟ الحيوان دا يترفد ويتكتب في الفايل بتاعه اللي ما يخليش أي جامعه تانيه تقبل بيه.
العميد: أوامر حضرتك يا دكتور حمزه.
حمزه قام واخد نجمه معاه.
في العربيه.
حمزه بضيق: بطلي عياط بقا يا نجمه.
نجمه كانت بتعيط ومش بترد.
وصلوا البيت.
الجده بخضه: بتعيطي ليه يا نجمه؟ في إيه يا حمزه؟
حمزه بسرعه: مفيش حاجه يا عمتي.
الحاج رضوان: مفيش إزاي يا حمزه؟
حمزه بتوتر: أنا طالب إيد نجمه.
الحاج رضوان بحده: احكي يا حمزه اللي حصل.
حمزه: محصلش حاجه يابوي.
نجمه بحده: طب أنا عايزه اتكلم مع حضرتك على انفراد.
حمزه بصالها بتوتر وبص لباباه.
الحاج رضوان: روح معاها يا حمزه.
حمزه أخدها وخرجوا الجنينه بتاعة البيت.
نجمه بحده: إيه اللي حضرتك بتعمله دا؟
حمزه بهدوء: بعمل إيه أنا؟ عملت كده علشان مقولش الحوار اللي وصلنا لحد هنا ويبقى منظرك مش كويس قدامهم.
نجمه بخنقه: بقولك إيه، أنا مش عملت حاجة غلط علشان موقفي يبقى مش كويس، وبعدين كل اللي حصل منك، أنا كان مالي ومال دا كله.
حمزه بهدوء: طيب هنتجوز لمدة 6 شهور وبعدين نطلق وهنقول محصلش نصيب.
نجمه بخضه: جواز!! جواز إيه؟
حمزه: ما هو دا الحل الوحيد، لو الحاج رضوان عرف هيقولك تقاليد الصعيد ويجوزك غصب عنك.
نجمه قعدت في الأرض وعيطت.
نجمه بخنقه: مش لاقيت غير دي، كنت قولت مراتي كنت قول إنك بنت عمتك، كان هيحصل إيه؟
حمزه: اللي جه في دماغي قولته، هما 6 شهور وهنطلق.
نجمه:
حمزه: ردي يا نجمه علشان هما مستنين.
نجمه بتوتر: هنكون إخوات، مش زي ما عملت في الكليه.
حمزه: آه.
نجمه: احلف طيب.
حمزه: اخلصي يا نجمه، أنا مش هضحك عليكي.
نجمه: لا احلف، قول واللهِ هنكون إخوات.
حمزه بابتسامه: واللهِ هنكون إخوات.
حمزه أخد نجمه وخرجوا.
حمزه بهدوء: ها يا عمتي، أنا طالب إيد نجمه.
الجده: القول قولها يا حبيبي، وافقت على خيره الله.
الحاج رضوان: موافقه يا نجمه؟
نجمه بتوتر بصت لحمزه، اتك على عينه كأنه بيطمنها.
نجمه بتوتر: م... موافقه.
الحاج رضوان: ماشي يا بنتي، الف مبروك.. وبصوت عالي.. حسين يا حسين، ادبح وفرق على البلد وقولهم ولدي بيتجوز.. تعالوا عايزكم في المكتب.
فاطمه قعدت تزغرط هي وهدي.
وشيرين طلعت على أوضتها وقعدت تعيط، دخلت عليها ميرنا.
ميرنا بزعل: خلاص يا شيرين، هو كده مش نصيبك.
شيرين بعياط: انتي عارفه إني بحبه من زمان صح؟ وبنيت كل أحلامي وهو فيهم، بيبني معايا إيده بإيدي.. ليه بقا في دقيقة كل دا يتهد ليهم؟
ميرنا: عوض ربنا جميل يا شيرين، فاكره لما دخلتي ثانوي خدمات وربنا عوض عليكي ودخلتي الكليه اللي نفسك فيها، أتمني ليهم خير وربنا هيعوضك كتير.
شيرين: بسهوله كده؟
ميرنا: ربنا معاكي وهيسهلك إنك تخرجيه من قلبك، بس علشان خاطري حاولي.
شيرين: حاضر هحاول.
ميرنا: قومي بقا نغسل وشك القمر دا ونلبس دريس قمر كده ونظبط شعرك السايح النايح دا.
ميرنا ظبطت شيرين ونزلوا تحت.
في المكتب.
الحاج رضوان: أنا عارف إن جوازكم دا وراه حاجة، مانا مش نايم على ودني، بس أنا هسيبكم لحد ما تيجوا تقولوا لوحدكم.
حمزه افتكر لما شاف عز الكليه وقت الخناقه.
Flash back..
في الكليه.
حمزه وهو داخل من الباب لمح مصطفي اللي بيبص على نجمه واتعصب وكان رايح يضربه، لحقه عز ومسك أيده.
حمزه: انت بتعمل إيه هنا؟
عز بهدوء: أهدى يا حمزه، وبعدين انت مالك متعصب كده؟
حمزه بحده: أهدى!! مش شايف بيبصلها إزاي؟
عز بخبث: وانت إيه مزعلك؟ ما يمكن يكون هيتقدملها.
حمزه مسك عز من دراعه جامد.
حمزه بحده: بقولك إيه، أنا مش فايقلك يا زفت إنت.
عز بخبث: طب انت مضايق ليه الوقت؟
حمزه بلخبطه: مش عارف، مش عارف أنا بضايق ليه لما حد بيبصلها، بس أنا بكون عايز أموته ضرب.
عز بهدوء: انت بتحبها يا حمزه، اخطبها.
حمزه بتوتر: لا حب إيه؟
عز: لا بتحبها، اسمع مني اخطبها، حتى علشان لو اتضايقت إن حد بيكلمها يبقى ليك حق.
حمزه: امشي يا عز، شوف انت رايح فين.
حمزه ساب عز وراح عند نجمه وحصل اللي حصل.
End flash back..
الحاج رضوان: انت معايا يا حمزه؟
حمزه بهدوء: مفيش وراه حاجة يا بابا.
الحاج رضوان: ماشي يا ولدي.. هتعملوا الفرح امتى؟
حمزه: بكره إن شاء الله.
الحاج رضوان: موافقه يا نجمه؟
نجمه: أيوا يا جدو.
نزلوا ونجمه قعدت مع الحريم.
بليل…
كانوا بيحطوا حنه والستات كانوا بيرقصوا.
عند الرجاله كان حمزه قاعد، راح عز شده ورقصوا ومراد معاهم وصاحبهم أسر.
بعدين جه وقت كتب الكتاب، الحاج رضوان كتب الكتاب والشيخ قال: بارك الله لكما وبارك عليكما وجمعا بينكما في خير.
حمزه حس بفرحه غريبه جواه.
كتب الكتاب خلص والناس مشيوا وحمزه أصر على أن أسر يبات معاهم وأسر وافق.
الحاج رضوان: خد مراتك يا حمزه، اقعد معاها شوية قبل ما نتعشى.
حمزه بهدوء: حاضر.
الحاج رضوان: وانتي يا فاطمه خدي البنات واعملوا الأكل.
فاطمه بحب: حاضر.
عند نجمه وحمزه.
حمزه: الف مبروك.
نجمه بتوتر: هو كده خلاص الكتاب اتكتب؟
حمزه بهدوء: أيوا وبقيتي مراتي على سنة الله ورسوله.
نجمه بلخبطه: آه، ربنا يبارك فيك.
حمزه كان بيقرب منه.
نجمه بتوتر: بتقرب ليه؟ خليك عندك.
عند شيرين…
كانت خارجه الجنينه بتاعت البيت وخبطت في حد.
شيرين بتوتر: اا أنا آسف.
أسر بهدوء: ولا يهمك، حصل خير.
شيرين سابته ومشيت وهو قال: مين القمر دي؟ أكيد اخت من إخوات مراد.
عند حمزه…
حمزه بهدوء: أهدى بس، أنا مش هعمل حاجة.
حمزه قرب واخدها في حضنه.
نجمه بخوف: ابعد حضرتك، كده غلط.
حمزه بهدوء همس: لا، دا حضن كتب الكتاب.
نجمه بحده: بس انت حلفت إننا هنكون إخوات.
حمزه بنفس الهمس: يعني هما الإخوات مش بيحضنوا بعض؟ وبعدين فاكرة لما كان ليا عندك التنازل بتاع الجيلي كول؟
نجمه بتوتر: اا ااه.
حمزه: طيب اتنازلي بقا عن الحضن دا، ونبقى خالصين.
نجمه:
حمزه بحنيه: أنا مش هخون اتفاقي معاكي ولا هقرب منك وإنتي مش راضيه بدا حتى لو مكنتش حلفت، وكلها 6 شهور ونطلق، وشك مخطوف ليه؟ متخافيش مني.
نجمه بخنقه: أنا مش خايفه منك، أنا مش بخاف.
حمزه بهدوء: طب خايفه من إيه؟
نجمه بخنقه وزعيق: من كلام الناس يا خويا.. بعد 6 شهور هيتقالي اللي اتطلقت، راحت اللي اتطلقت جحا.
حمزه بحنيه: ما يمكن نتفق مع بعض، الله أعلم.
نجمه بلخبطه: نتفق!!
حمزه بهدوء: أيوا، تعالي هتفق معاكي اتفاق.
نجمه بحده: تمام، بس ابعد بقا خلاص، الحضن خلص.
حمزه بضحك: لا خليكي كده، وبلاش تطلعي عليا جعفر اللي جواكي دا.
نجمه سكتت.
حمزه بهدوء: الاتفاق هو ندي لبعض فرصة واللي فيه الخير يقدمه ربنا، ديل.
نجمه براحه الي حد ما: ديل.
حمزه: تعالي بقا نقعد، وريني بقا رسمة الحنه بتاعتك.
نجمه بتوتر فتحت أيدها: المفروض حرفك في الرسمة دي، دور عليه بقا.
حمزه مسك أيدها، فترعشت.
نجمه بحده: انت لازم تتنيل تمسك إيدي.
حمزه بهدوء: هسكت النهارده ومش هرد على زعيقك علشان إنتي مضغوطة، بعد كده الله أعلم.
نجمه بصتله بحنق.
حمزه فضل يدور كتير وفي الآخر لقاه.
حمزه بغيظ: أخيرا اهون.
نجمه ضحكت على غيظه.
حمزه بمغازله: أيوا كده اضحكي، خلي الشمس تطلع.
نجمه بصت للأرض بتوتر بعدين قالت.
نجمه بتوتر: بقولك إيه، أنا جو التلزيق دا مش ليا فيه، اشطح.
حمزه بحنق: طب واللهِ إنتي ما وش نعمة.
الباب خبط.
حمزه بهدوء: أيوا؟
عز: أنا يا كبير، بيقولك عمي تعالي يلا علشان تتعشوا.
حمزه: حاضر.
عز بخبث: حاضر! من حقك صراحة، اخدت القمر كله لوحدك.
رواية نجمة في الصعيد الفصل العاشر 10 - بقلم ملك نصر الله
حمزه بحده: دي مراتي اللي انت بتتغزل فيها دي يا زفت.
عز بخبث: اه ياباشااا حقك حد قدك، الناس بتدخل خطوبة الأول انت دخلتها جواز.
حمزه بصراخ: عززز.
عز بخوف: خلاص حقك عليا انا غلطان فعلاً.
نجمه ضحكت.
حمزه بصلها بحنية ومسك وشها: مش عايز اشوف دموعك تاني يا نجمه، انهارده اول مرة اشوفك بتعيطي.
نجمه بتوتر: حا حاضرة.
حمزه بهدوء: فين بيت ساره صاحبتك؟
نجمه بتعجب: ليه بتسأل؟
حمزه: عادي السؤال جه في بالي.
نجمه: ااه.. هي في الشارع اللي بعد بعد اللي ورانا.
حمزه: طيب.. يلا تعالي نخرج.
أخدها وخرجوا على الغدا.
حماصه: انا كنت هكبر واتجوزك يا نجمه، كده تتجوزي دا. (وبيشار لـ حمزه)
حمزه بغيظ: تتجوز مين ياض اقعد ساكت بدل ما أضربك.
ميرنا بضحك: بتغيري يا بيضة. (لـ فهد)
حماصه بكيد: انا اللي في قلبها ع فكرة.
كلهم قعدوا يضحكوا.
اسر وهو بيحضن حمزه: مبروك يا صاحبي.
حمزه بحب: الله يبارك فيك يابو الصحاب.
عشوا وكله طلع على أوضته.
نجمه مسكت موبايلها ورنت على ساره.
نجمه بتوتر: الو يا ساره عامله ايه؟
ساره بهدوء: الحمد لله يا نجمه انتي عاملة ايه واخبار كليتك ايه؟
نجمه: الحمد لله انا بخير وكله تمام.
ساره: يدوم حمدك.
نجمه بتوتر: ساره بكرة فرحي.
ساره بصدمة: نعععم فرحك إزاي يعني؟
نجمه: مش هعرف أحكيلك في الموبايل، مش هتجيلي توقفي معايا؟
ساره بهدوء: لا مش هعرف أجلك والله.
نجمه بدموع: ليه؟
ساره: بابا مش هيوافق انتي عارفة.
نجمه بهدوء: تمام.
ساره: عايزة حاجة أنا هقفل.
نجمه بخنقة: لا عايزة سلامتك.
عند شيرين كانت بتصلي وتدعي أنه يكون مجرد إعجاب بحمزة مش حب.
صبح كان يوم الفرح.
نجمه كانت نايمة دخلت عليها ميرنا.
ميرنا وهي بتكب عليها ميه: نجمممممه.
نجمه بخضة: إيه مين، بغررررر.
ميرنا بضحك: قومي يابنت فرحك انهارده.
نجمه بخضة: فرح مين امتى إزاي؟
ميرنا بضحك: في إيه يا نجمه فرحك على حمزه.
نجمه بضحك: ااه تصدقي نسيت.
ميرنا بضحك: يلا قومي خدي شاور وهطلعلك الأكل تأكلي وهجيب شروق والميكب ارتست تكون جات.
نجمه بحب: ربنا يخليكي ليا يا حبيبتي.
ميرنا وهي بتحضنها: حبيبتي ويخليكي.
ميرنا نزلت ونجمه قامت اخدت شاور خلصت وكانت بتفطر لقت الباب بيخبط قامت فتحت.
نجمه بصدمة: ساااره.
ساره اخدتها في حضنها: واحشتيني يا كلبة يا واطية يا حيوانه يا...
ميرنا بضحك: كل ده كفاية.
ساره بحب: أيوا كفاية العروسة مش بتتهزق.
نجمه بدموع: صدقت انك مش هتيجي.
ساره وهي بتحضنها تاني: مقدرش أسيبك في يوم زي دا لو إيه حصل.
نجمه بحب: جيتي إزاي؟
ساره: أنا كده كده كنت هاجي وكنت محضرة حاجتي من بليل وحددت اللوكيشن وكنت هاجي مواصلات بس الصبح لقيت عربية واقفة قدام الباب وفيها ميرنا.
نجمه بصت لميرنا بتعجب: انتي عرفتي منين إنها صاحبتي؟
ميرنا: لا أنا مش عارفاها دا حمزه هو اللي بعتني مع السواق علشان تطمن إنها تبعك وقالي إنها صاحبتك بس كده.
نجمه بتوتر: حمزه.
ميرنا: اه.
شيرين دخلت وكان معاها الميكب ارتست.
شيرين: يلا يا ست العروسة الميكب ارتست جات. (اسمها هالة)
نجمه بتوتر: يلا.
ساره بحب مسكت أيدها: متوترة ليه خير إن شاء الله.. احنا جنبك.
نجمه بصتلها بحب.
ميرنا: هنزل أجيب حاجة نشربها وأجي.
شيرين: اشطا.
هالة: عايزة ميكب معين؟
نجمه: اه عايزة ميكب سيمبل، بصي أكني مش حاطة ميك اب أصلاً.
هالة بابتسامة: إن جيتي للحق انتي مش محتاجة ميك اب، انتي جميلة لوحدك أصلاً.
نجمه بحب: ربنا يخليكي دا من ذوقك.
هالة بدأت تعملها ماسكات للاسكين كير الأول.
شيرين كانت بتعمل ليها ولـ ساره.
ميرنا جات.
ميرنا: نجمه حمزه اداني دا وبيقولك شعرك ميابنش من الطرحة.
نجمه بحماس: دا الفستان طب افتحي افتحي.
شيرين بعدته: لا لما تجهزي خليها مفاجأة.
نجمه: اممم طيب بسرعة بقا يا هالة.
هالة ضحكت: طيب ياستي قدامنا زي 6 ساعات.
نجمه بحنق: كتير خالص.
شيرين بضحك: كده كده هتلبسيه.
ساره بحب: نجمه هنزل آكل وأطلع أنا جوعت.
نجمه بضحك: اشطا خلي فطومة تغرفلك هتتوصى.
ساره بضحك: يبقى أروح لفطومة.
تحت..
فريال: فاطمة اطلعي شوفي البنات.
فاطمة: حاضر يا حاجة.
الحاج رضوان: فين حمزه؟
هدي: تقريباً في أوضته هو والشباب.
الحاج رضوان: طيب جاب الفستان؟
فريال: اه وداه لـ نجمه.
بليل..
كان مراد بيحط لحمزه البيبيون وعز بيظبطله البدلة و أسر كان بيسرحله شعره.
عز بضحك: زينة شباب العيلة الحيلة.
حمزه بضحك: اسكت ياض بقا يخربيتك.
أسر بضحك: يسكت مش انت فعلاً زينة الشباب العيلة وفرحك انهارده.
مراد بحنق: ابعد ياض انت وهو عنه ابعدوا كده علشان أشوف الهيئة العامة عاملة إزاي.
عز بحنق: شوف يخويا.
أسر ضحك بحب: والله العظيم أوسم من توم كروز.
حمزه بضحك: هتغيروا عليا.
عز بخبث: حقك يباشااا اتجوزت في يوم وليله.. وكمل بحنق.. اقولك اخطبها تروح متجوزها بتقرطسني يا حمزه!!
حمزه بغيظ: بطل قر أمك دا بقا.
مراد بضحك: يلا يا عم علشان تنزل لعروستك حاسس هيحصلك حاجة من قر الواد دا.
عز كان بيبص على حمزه راح حط أيده على وشه وقال.
أسر بضحك: عينك ياض.
تحت في البيت.
فريال: يلا يا رضوان انت وإبراهيم اطلعوا اقفوا مع نجمه.
إبراهيم ورضوان: حاضر.
فوق عند نجمه.
هالة: خلصت يلا هتلبسي الفستان.
نجمه بتوتر: خلاص كده.
ساره: اه يلا يا حبيبتي أنا هفتحه.
ساره فتحت الفستان وكان جميل جدا وبسيط خالص.
نجمه توترها راح خالص واتبدل لحماس أول ما شافت الفستان.
نجمه بحماس: واااو لبسيني خليني أشوف نفسي.
هالة بضحك: انتي يابنتي عندك انفصام.
نجمه بضحك: بيقولوا كده.
لبست الفستان ولفت الطرحة وكانت جميلة جدا ورقيقة خالص.
ساره كمان لبست فستان سواريه شيك جدا كان لونه بترولي وطرحة أوف وايت وهي كمان بشرتها بيضة كان فعلاً جميل.
ميرنا لبست فستان سواريه لونه نحاسي.
شيرين لبست فستان لونه سلفر.
شويه وكان إبراهيم ورضوان طلعوا.
إبراهيم قرب منها واخدها في حضنه.
إبراهيم: ما شاء الله ما شاء الله ولا القمر في سماه.
نجمه بخجل: ربنا يخليك يا عمو.
الحاج رضوان: ما شاء الله عروستنا مفيش زيها في الصعيد كلها.
نجمه بحب: تسلم يا جدو.
ميرنا: تعالي يا نجمه اقفي برا في الصالة حمزه طالع.
نجمه بتوتر: شكلي حلو؟
شيرين بالحب: قمر عروستنا القمر يقوم ليها من نفسها.
نجمه بحب: حبيبتشي.
ساره: يلا تعالي اقفي زي ما ميرنا قالت وادي لحمزه ضهرك.
نجمه مشيت معاهم وقفت زي ما قالوا.
ثواني عدت وكان حمزه طلع ومعاه صحابه.
حمزه قرب منها بتوتر ولفها.
رفعت كانت مطاطية رأسها راح رفع رأسها وحضنها.
راحوا البنات سقفوا والشباب صفروا.
عز بصراخ: أيوااا يا حمزه يا جااامد.
نجمه بتوتر: احم ابعد جدو واقف وعمو إبراهيم كمان.
حمزه قاطعها بهمس: انتي مراتي يا نجمه، انتي إزاي كده؟
نجمه بتوتر: كده إزاي؟ شكلي وحش؟
حمزه نفس الهمس: وحش إيه، أنا مشفتش في جمالك ولا في رقتك، لا بجد انتي إزاي كده.
نجمه بكسوف: ربنا يخليك، انت كمان شكلك جميل.
حمزه بضحك: تعالي نطلع شقتنا وملناش دعوة بالفرح.
نجمه ضحكت بتوتر: إحنا أخوات متنساش يباشا.
حمزه بحنق: لا فاكر يا أختي، يلا تعالي ننزل.
حمزه مسك أيدها ونزل ووراه البنات والشباب.
فريال حضنت نجمه بحب وفرحة.
فريال بدموع: بقيتي عروسة واجمل عروسة في الصعيد كلها يابنت الغاليين.
نجمه حضنتها وضحكت: تفتكري هنفع في الجوازة دي؟
فاطمة بحب: هتنفعي، هو في زيك انتي حبيبتي.
نجمه بحب: ربنا يخليكي يا فطومة، يا رافعة معنوياتي.
الفرح كان في جنينة البيت، وكان في ناس كتير جدااا.
البنات كانت بتسقف وحمزه بيرقص هو ونجمه على أغنية ( ارسمني في ليلك نجمة).
حمزه بهمس: القُرب فيه مُخاطره وعنيكي كانت خَطره ولا تلتوميت خاطره دلوقتي عايز اعيش وما بين بعيش واعيش الفرق كان فيكي.
نجمه بصتله بكسوف: اا أنا مش بعرف ارد.
حمزه بحنية: كفاية عنيكي رد.
نجمه بحب باين في عينيها: شـ شكراً.
حمزه: على إيه.
نجمه: على تفهمك لـ ضغطي.
حمزه بحب: ولا شكراً ولا حاجة انتي حالياً مراتي ايا كان بقا هنطلق أو لا، بس انتي مراتي ودا حقك.
الأغنية خلصت وحمزه قعد شوية على الاستاج بعدين عز والشباب جم اخدوه وقعدوا يرقصوا.
نجمه كمان كانت عند البنات وشيرين كانت خرباها رقص لحد ما جالها مكالمة اخدت الموبايل من ميرنا وخرجت ترد ورا البيت.
خلصت المكالمة وراجعة سمعت حد بيقولها بضيق: ممكن تبطلي رقص شوية الشباب بيبصوا عليكي.