تحميل رواية «نجمة في الصعيد» PDF

بضيق

ممكن تبطلي رقص شويه الشباب بيبصوا عليكي

شيرين بحنق

افندم بيبصوا إزاي يعني والبنات عاملين دايرة عليا

أسر بحنق

براحتك، أنا عليا قلتلك.

أسر سابها ومشي.

في الفرح، البنات كانوا بيرقصوا وشيرين كانت بتسقف. أسر بص عليها من بعيد وابتسم.

الفرح خلص وحمزة أخد نجمة وطلعوا شقتهم.

في البيت، تحديداً الأوضة تبع مراد.

أسر بضحك

هاتلي أكل يا مراد، أنا خسيت من الرقص ياعم.

مراد بضحك

انزل يا عز طيب.

عز بتعب

لا ياخويا مش قادر.

مراد بحنق

هنزل أنا تحت في البيت.

مراد

شيرين هاتيلي أكل أنا وعز وصاحبي في أوضتي.

شيرين

حاضر.

شيرين جابت الأكل وخبطت.

مراد

جاية.

مراد فتح وأخد منها الأكل، وأسر كان جوه. عينه جت في عين شيرين. فضل باصص ليها. اتوترت وبصت في الأرض. مراد أخد الأكل وقفل الباب.

مراد

يلا تعالوا كلوا.

عند نجمة وحمزة.

حمزة دخل وهي دخلت. نجمة كانت واقفة بتفرك في إيدها.

حمزة بحنية

ادخلي غيري الفستان والبسي حاجة تصلي بيه.

نجمة هزت راسها ومشيت. لبست أدناء للصلاة. حمزة بص عليها بحب وقال:

حمزة

ما شاء الله. هدخل أنا كمان أغير وأجيلك.

نجمة بتوتر

ماشي.

حمزة دخل لبس بنطلون قماش وتي شيرت.

نصلي وحمزة كان صوته جميل جداً في قراءة القرآن. خلصوا وكانوا قاعدين على سجادة الصلاة.

حمزة لف لها وبعدين مسك إيدها وحط إيد على رأسها وقال شوية أدعية. بعدين قال:

حمزة بحنية

هتنامي إنتي على السرير وأنا هنام على الكنبة، تمام؟

نجمة بتوتر

خـ خليني أنا عالكنبة وأنت عالسرير.

حمزة بهدوء

لا طبعاً.

(كمل بضحك) صوتك بقى مش طالع ليه؟ أنا مش واخد عليكي هادية كده.

نجمة ابتسمت بتوتر.

حمزة بضحك

طب ردي حتى عليا.

نجمة بتوتر

أقول إيه؟

حمزة بضحك

بقالي يومين مش شايف جعفر اللي جواكي.

نجمة بضحك

مش عارفة مالي، أنا مستغرباني.

حمزة

تعالي نقعد في البلكونة شوية ونتكلم سوا.

نجمة بضحك

أشطا، بس تعالا ناكل الأول.

حمزة ونجمة أكلوا، بعدين دخلوا البلكونة.

حمزة

ثانية بقا هعمل كوبايتين شاي.

نجمة بابتسامة

تمام.

حمزة عمل الشاي وجابه. كانت نجمة غيرت ولبست بنطلون وهودي وطرحة. وشغلت أغنية لأم كلثوم.

نجمة

بص تعالا نقعد عالأرض مش عالكراسي.

حمزة

اللي يريحك.

قعدوا. راح حمزة قال:

حمزة

بتحبي أم كلثوم؟

نجمة بحب

آه، أنا بيج فان ليها.

حمزة ابتسم. سكتوا شوية. بعدين نجمة قالت:

نجمة

مين اختار فستان الفرح؟

حمزة بضحك

أنا ذوقي حلو.

نجمة

اه، كان جميل. تعرف أنا كنت مختارة حاجة قريبة منه قبل كده. ثانية هوريك.

فتحت موبايلها وورته الصورة.

حمزة

ذوقك قريب من ذوقي.

نجمة بضحك

آه كده بصره 😂♥️

حمزة بغزل

وأجمل بصره، كفاية إنها معاك.

نجمة بكسوف

تسلم.

حمزة بضحك

لا، قولي ربنا يخليك.

نجمة ضحكت.

حمزة

مش بتضايق منها؟

نجمة بضحك

لا، أنا بحبها.

وبصوت واطي

وبحب صحبتها.

نجمة بامتنان

وأنت برضه اللي بعت جبت سارة.

حمزة بحنية

آه، كنت عارف إنك هتفرحي لما تشوفيها.

نجمة بامتنان

شكراً بجد، شكراً جداً.

حمزة بضحك

فين نجمة اللي عندها جعفر؟ إنتي أكيد مش نجمة.

نجمة بضحك

لا، أنا.

حمزة بتذكر

آه صح، إنتي عندك 3 شخصيات.

نجمة ضحكت. بعدين قالت:

نجمة بتوتر

صوتك كان جميل وانت بتصلي. ينفع تحفظني قرآن كل يوم قبل ما ننام؟

حمزة بحنية

ربنا يخليكي. ممكن طبعاً. تحبي نبدأ إمتى؟

نجمة

بكرة موافق.

حمزة بحب

آه، هحفظك إن شاء الله.

نجمة ابتسمت وبصت للقمر. وكان في نجمة قريبة منه، وهي أكتر نجمة منورة في السما وكبيرة. كانت جميلة.

حمزة

بتحبي القمر وكده؟

نجمة بهزار

آه. تعرف دا عامل معايا خناقة.

حمزة بضحك

ليه؟

نجمة بخفة

علشان أنا قمورة وهو بيقولي تعالي اقعدي مكاني.

حمزة بغزل

بصراحة معاه حق. إنتي فعلاً قمر.

وكمل بصوت واطي

قمر سمايا أنا بس.

نجمة بتوتر

بص حضرتك، أنا بأحرج جدا.

حمزة بضيق

إنتي تعرفي إنك من أول ما جيتي هنا عمرك ما قلتي اسمي.

نجمة

……

حمزة بهدوء

قولي طيب حمزة.

(نجمة بصتله)

حمزة كمل

عادي، يلا قولي حمزة.

نجمة بتوتر

حـ حمزة مالها بقا؟

حمزة ضحك على توترها.

حمزة بحنية

أيوا، قوليها بقا على طول حمزة. مش حضرتِك؟

نجمة هزت راسها وفضلت قاعدة تبص للقمر.

كانت أم كلثوم بتقول (وقابلتك إنت لقيتك بتغير كل حياتي معرفش إزاي حبيتك معرفش إزاي يا حياتي). مالت براسها على كتف حمزة وسندت عليه. بصلها وابتسم.

قعدوا شوية. كانت نجمة نِعست. حمزة بص عليها بعدين باس راسها بحنية وراح شالها حطها على السرير. غطاها ونام على الكنبة.

الصبح.

نجمه صحيت على صوت تخبيط على الباب.

نجمه: أيوه.

سعديه: يلا علشان تفطروا، بيقولكم الحاج رضوان.

نجمه بهدوء: حاضر يا سوسو.

سعديه مشيت ونجمه دخلت البلكونه، بعدين شالت كوبايات الشاي ونضفتها، بعدين دخلت المطبخ وغسلت الكوبايات، بعدين راحت عند حمزه.

نجمه بخفوت: بس بس يا حمزه.

حمزه بنوم: اممم.

نجمه: الساعه 9 يلا قوم علشان ننزل نفطر.

حمزه: هنام شويه كمان وهقوم.

نجمه: علشان أنت أصلاً بتصحى الساعة 8، اصحى بقى الساعة 9. وبعدين أنت نايم على الأرض ليه؟

حمزه: معرفتش أنام على الكنبة وضهري واجعني.

نجمه: طب قوم طيب نام على السرير ساعة وأنا هصحيك.

حمزه نام على السرير وهي دخلت أخدت شاور.

نجمه: حمزه حمزه يا حمزه.

حمزه بنوم: عايزة إيه تاني يا نجمه؟

نجمه: قوم بقى الساعة خلصت وباباك بعتلنا تاني.

حمزه بحنق: أصلاً الساعة لسه مخلصتش.

نجمه بخفة: بصراحة عدى نص ساعة بس باباك واللهِ بعتلنا.

حمزه قعد على السرير شوية، بعدين بص لها وقال:

حمزه: صباح الخير.

نجمه: صباح الخير، جهزتلك الحمام وطلعتلك لبس.

حمزه بهدوء: تسلمي.

حمزه دخل أخد شاور، ونجمه لبست جلباب سعودي وكانت بتلف الطرحة. حمزه خرج لابس بنطلون بس من غير تيشرت وكان بينشف شعره. راحت نجمه صرخت ودارت عينها.

نجمه بصراخ: يخربيتك إيه دا! البس حاجة.

حمزه اتخض: أوبس! أنا نسيت والله إن في حد معايا، أنا آسف.

نجمه بصراخ: طب البس حاجة طيب.

حمزه بضحك: خلاص لبست، شيلي إيدك.

نجمه شالت إيد وبصت بعين ضيقة. حمزه قعد يضحك، راحت شالت الإيد التانية.

نجمه بحنق: ابقى البس حاجة يا عم، في كائن عايش معاك.

حمزه بضحك: كائن! حاضر هبقى ألبس حاجة، لو واحدة غيرك كانت أعجبت بالفورمة.

نجمه بكذب: فورمة إيه! اسكت يا عم، أنا خوفت.

حمزه بغيظ: خوفتي إزاي يعني؟

نجمه بضحك: سوري يعني، بس أنا تور هارب من حديقة الحيوان، أنت المفروض تخس.

حمزه بحنق: أنا مش هرد عليك.

نجمه ضحكت وقعدت تلف الطرحة، لقت حمزه واقف وراها وبيسأل.

نجمه بتوتر: محتاج حاجة؟

حمزه بهدوء: لا.. بشوف بس شعرك هيبان من الطرحة ولا لأ.

نجمه افتكرت لما شعرها بان قبل كده قالها إيه، فراحت قالت:

نجمه بحدة: أنا مش ببين شعري، وبعدين أنت مالك؟

حمزه ببرود: أنا جوزك، حتى لو على الورق بس أنا جوزك، يعني اللي أقولك عليه تسمعيه.

نجمه مش ردت وكملت لف حجابها وقالت:

نجمه بضيق: يلا علشان ننزل.

حمزه مسك إيدها.

نجمه بحدة: بالله العظيم أنا مش مرتحالك.

حمزه ببراءة: ليه بس؟

نجمه: لازم تتنيل تمسك إيدي.

حمزه بتريقة: مش عارف طالعة في نفسك كده، تقوليش إيد الأميرة ديانا مثلاً.

نجمه بغرور: وتيجي إيه ديانا جنبي؟

حمزه بخفة: هي بصراحة من ناحية تيجي ولا لأ مش عارف، بس إيش جاب القمر للنجوم!

نجمه بصتله بعدين مش ردت.

حمزه بحنية: إنتي القمر على فكرة.

نجمه ابتسمت بخفوت وقالت بصوت واطى: (يخربيت حنيتك اللي ه توقعني فيك دي).

تحت..

الجده بضحك: كل دا؟ بقالنا قد إيه بعتينلكم.

نجمه بضحكة غبية: معلش يا ستو، حمزه ضهره وجعه م…

حمزه بمقاطعة: وجعني من الرقص، ضهري وجعني وجعني من الرقص امبارح.

الحاج رضوان بهدوء: طيب اقعدوا كلوا.

قعدوا بعدين حمزه قال:

حمزه بحنق: كنتي هتقولي إيه؟

نجمه بكذب: كنت هقول اللي أنت قلته.

حمزه: لا واللهِ!

نجمه بغباء: أه واللهِ.

حمزه ابتسم وهي كمان ابتسمت، بعدين خلصوا أكل وقعدوا كلهم مع بعض يتكلموا.

حمزه بخفوت لنجمه: أنا هرجع حماصة لمامته علشان هي رنت امبارح وأنا قلت لها هيحضر فرح نجمه، وهرجعهولك.

نجمه بحزن: مش هينفع يقعد يومين كمان.

حمزه بحنية: هو أكيد وحش مامته، هرجعه ونخلي عوكل وأسبوع كمان أبقى اجيب حماصة يقعد معانا.

نجمه: تمام، هو أنا ينفع أروح معاك؟ أسلم على جيرانا.

حمزه: أيوا هاخدك معايا، هنمشي على الساعة 4.

مراد بغيظ: ما خلاص يا حمزه كفاية وشوشة، وبعدين راعي إننا سناجل يا جدع.

حمزه بضحك: أنت كمان بقيت بتقر زي عز!

عز بحنق: ما عز قاعد في حاله أهو.

ساره بخفوت: بقولك يا ميرنا مين الكاريزما دي؟

ميرنا: أنهي واحد؟

ساره: اللي قال إننا سناجل.

ميرنا بضحك: بتكراشي على أخويا قدامي كده.

ساره ضحكت بتوتر: هو أخوكي ما شاء الله.

ميرنا بضحك: أه هو واللي جنبه، هو اسمه مراد واللي جنبه عز.

شيرين بحنق: بتتكلموا في إيه من إيه؟

ميرنا شاورت على ساره: بتكراش.

شيرين بفضول: على مين؟

ساره بحنق: هو في إيه! مش بكراش، هو دمه خفيف وخلاص.

شيرين بضحك: ولو بتكراشي يعني عادي، بتحصل في أحسن العائلات.

ساره ضحكت وبصت على مراد لقيته بيبصلها، راحت بصت في الأرض.

ساره: بصي أخوكي المش محترم بيبص عليا.

ميرنا بضحك: لا واللهِ!

ساره بإحراج: أه، بصي عليه كمان.

ميرنا وشيرين بصوا على مراد وقعدوا يضحكوا، راح بعد وشه بإحراج.

حمزه بهدوء: أنا هاخد نجمه يا بابا وهروح القاهرة أرجع حماصة.

الحاج رضوان: طيب هتمشي امتى؟

حمزه: على الساعة 4.

الحاج رضوان: ماشي، روح أنت وولاد عمك استناني في الاستراحة وهجيلك أنا وعمك.

حمزه وعز ومراد راحوا الاستراحة، كان أسر لسه نايم شوية ونزل.

الحاج رضوان: شيرين حضري فطار لأسر.

شيرين بخفوت: حاضر.

أسر بحب: ربنا يخليك يا عمي.

الحاج رضوان: على إيه يا ولدي، أنت عندي مكانتك زي مكانة حمزه ومراد وعز بالظبط.

أسر بحب: تسلملي.

الحاج رضوان: روح اقعد على السفرة وهما هيحطولك الفطار وتعالى على الاستراحة.

رضوان وإبراهيم مشيوا وأسر قعد على السفرة شوية، وجات شيرين هي وسعديه بيحطوا الأكل، وأسر كان بيبص لشيرين.

شيرين في نفسها: (بطل تبصلي، بطل تبصلي، هتوتّر والأكل هيدلق، كاتك نيلة في حلاوتك).

أسر بهدوء: شكراً.

شيرين بخفوت: عفواً.

سعديه: الشكر لله.

شيرين وسعديه دخلوا، أسر أكل وقام، ونجمه شالت الأكل.

عند البنات كانوا قاعدين في شقة نجمه.

ميرنا بفضول: حمزه قالك إيه وانتوا بترقصوا سلو؟

نجمه بكسوف: احم، بلاش يا جماعة، أنا بتكسف.

ساره بضحك: عدي من 1 لـ 3 وقولي.

نجمه سكتت شوية بعدين قالت:

نجمه بكسوف: بصي، قالي:

القُرب فيه مُخاطره

وعنيكي كات خَطره

ولا تلتوميت خاطره

قدرت توّفيكي

أنا كنت عادي بعيش

دلوقتي عايز أعيش

وما بين بعيش وأعيش

الفرق كان فيكي♥️.

شيرين بضحك: كل دا يا زيدي يا زيد!

نجمه ضحكت.

ساره: ولا لما حضنك أول ما شافك حمزه دا جامد.

نجمه بإحراج: كفاية يا جدعان، وشي سخن.

ميرنا بضحك: حقك يا أختي، حقك.

نجمه بحنق: أنتِ بتقري زي عز، دي جينات وراثية بقا.

شيرين بضحك: تخيلي تسمعك هدى!

نجمه بخوف: لا يا ست، وتسمعني ليه! الطيب أحسن.

شيرين: طب كنت عايزة أقول حاجة.

ساره: قولي.

شيرين بتوتر: أسر اللي هو صاحب حمزه ومراد دا عارفينُه؟

كلهم: أه.

شيرين: في الفرح جالي كول، لما روحت أرد عليه وأنا راجعه قالي: بطلي رقص، الشباب بتبص عليكي. ومن وقتها وهو بيفضل يبصلي، يعني امبارح لما طلعت الأكل لمراد هو كان باصصلي، وبرضه لما عمو رضوان قالي حطيله الفطار كان بيبصلي. أنا بتضايق.

ميرنا بخبث: ولا بتكراشي؟

شيرين بتوتر: أكراش إيه يا ميرنا، اسكتي يابت.

ساره: بصي سبيه يبص، طنّشيه.

نجمه: أنا برضه بقول كده.

شيرين: طيب.

عند الشباب..

رضوان: أنا كده نقلت ورق الكلية وكل حاجة ظبطتها، وأنت يا إبراهيم هنبدأ شركة الاستيراد والتصدير بتاعت العربيات اللي كلمتني فيها، كده مراد وحمزه هيروحوا يشوفوا أراضي للبيع في مكان يناسب الشركة ونشتري ونبني على طول، إيه رأيكم؟

إبراهيم بحب: اللي تشوفه يا رضوان.

رضوان: يبقى على خيره الله.

اتكلموا كتير عن الشركة الجديدة وعدى وقت طويل وأخيراً رجعوا.

حمزه بهدوء: نجمه تعالي فوق.

حمزه بهدوء: نجمه تعالي فوق.

نجمه بهدوء: حاضر. اطلع وانا هاجي وراك.

حمزه طلع، ثواني وكانت نجمه موجودة.

نجمه: في حاجة؟

حمزه: اه. البسي علشان هنروح نودي حماصه.

نجمه: مش كنا هنروح الساعة 4؟

حمزه: اه.. بس في مشوار تاني هعمله وهياخد وقت، فهوديكوا الأول.

نجمه بهدوء: حاضر، هلبس على طول.

شوية ونجمه كانت لبست بنطلون جينز واسع وبلوزة، ولفت الطرحة. حمزه كمان لبس قميص وبنطلون ونزلوا.

حمزه: بابا، هرجع حماصه، وهاخد نجمه معايا وهرجع تاني.

رضوان: لا تاخد نجمه معاك، الطريق طويل.

حمزه بهدوء: أيوه علشان هخرجها في القاهرة.

رضوان: طيب، خد بالك منها يا حمزه.

حمزه بغزل: في عيني يا حاج.

نجمه اتكسفت وبصت في الأرض.

رضوان بحب: مع السلامه يا حماصه، هتجيلي تاني صح؟

حماصه بحب: أيوه، هجيلكم كلكم.

حمزه أخد نجمه وحماصه وركبوا. ونزل جاب لحماصه شيبسي وحاجات وادهاله، بعدين وصلوا.

نجمه بحب: ازيك يا طنط؟ عاملة ايه؟

أم حماصه بحب: الحمد لله يا حبيبتي، وألف مبروك.

نجمه: الله يبارك في حضرتك.

حمزه أخد نجمه وركبوا العربية. ووقف عند محل ورد، نزل وجاب لها بوكيه ورد أحمر.

(عقبالي♥️🥹)

وقالها بغمزة.

حمزه بمغازلة: الورد للورد.

نجمه وشها أحمر وبصت في الأرض.

حمزه ضحك وركب.

حمزه بضحك: خلاص كفاية كسوف، فين تروحي فين؟

نجمه بتفكير: بص، أنا نفسي في شاورما، اشطا؟ ونتمشى بقى في وسط البلد.

حمزه بهدوء: حاضر.

جابوا الشاورما وركبوا العربية. نجمه ساندت على الشباك بتاع العربية وقالت في نفسها: (شكلك هحبك يا حمزه، يعني تقريبًا مش هلاقي حنيتك في حد، وواللهِ لو لقيت شكلي مش عايزة غيرك).

بعدين حمزه ركن العربية وكانوا بيتمشوا، ونجمه كانت بتبص على السما كأنها بتدور على حاجة.

حمزه: بتبصي ليه؟ اللي يشوفك يقول بتدوري على حاجة.

نجمه: مانا فعلًا بدور على حاجة بس مش لاقياها.

حمزه بمغازلة: بتدوري على القمر؟ مش هتلاقيه عشان ماشي جنبك.

نجمه ابتسمت: انت Sweet talker (معناها الأشخاص اللي بتقول كلام قمر أو عسل طول الوقت)، ولا انت كده بجد ولا إيه بالظبط؟

حمزه بضحك: مش عارف، بس أنا معاكي مش بعرف أقول غير الكلام الحلو. بتدوري على إيه بقى؟

نجمه بخفوت: أقولك بس احلف إنك هتخليها في سرك.

حمزه بضحك: واللهِ هخليها في سري، قولِ.

نجمه اتكلمت وقعدت تحرك إيدها، كان شكلها جميل وملفت جدًا.

نجمه بحماس: بص، فاكر النجمة اللي كانت قريبة من القمر امبارح، اللي كانت أكتر واحدة منورة دي وحجمها كان كبير؟

حمزه بابتسامة: آه فاكر.

نجمه بحماس: النجمة دي بقى متبعاها بقالي حوالي 4 أو 5 شهور من بيتنا القديم، كان لازم أطلع الشارع عشان أشوفها. وهناك في الصعيد شوفتها من البلكونة. ولما سألت جوجل هي النجوم بتمشي ولا لأ مش فهمت إجابته، شوية مواقع قالوا آه وشوية قالوا لأ. كملت بزعل.. بس انت لاحظت إنها بتصغر؟

حمزه بهدوء: مش مصوراها خالص هي والقمر؟

نجمه: لا. أنا بحب التصوير جدًا، ثانية هوريك.

طلعت موبايلها وورته صور كتير للسما وشوية للسحاب والورد والزرع الأخضر وشجر.

نجمه بضحك: تعرف أنا مشهورة بين صحابي بالفوتوغرافر نجمة، كل ما يعجبني حاجة أطلع للموبايل وأصور.

حمزه: طب والنجمة اللي متبعاها مش مصوراها؟

نجمه بتكشير: لا، الكاميرا تبع الفون مش أحسن حاجة بتجيب القمر نُدبة مضيئة.

حمزه: اممم، طيب يلا عشان نروح، الساعة 7 ونص أهي. هروحك البيت وهاجي أنا ومراد القاهرة تاني.

نجمه بتعجب: هتيجي القاهرة ليه تاني؟

حمزه بهدوء: عمي إبراهيم عايز يعمل شركة، واحنا هنروح أنا ومراد مقر شركات في القاهرة هنا وهنشوف أرض فاضية نبنيها تكون مناسبة.

نجمه بتكشير: طب ليه أخدتني؟ كنت سبتني وأخدت حماصه ومراد كده، مش كنت هترجع السفر مرتين؟

حمزه بهدوء: لا، مانتي كنتي عايزة تشوفي جيرانكم.

نجمه بتكشير: مانت كده هتتعب.

حمزه بمشاكسة: أيوه، بتخافي عليا يعني؟

نجمه بتوتر: ها؟ لا، آه. مش عارفة، بس حرام يعني تتعب كده.

حمزه بحنية: فدا ضحكتك كل حاجة.

نجمه ابتسمت، بعدين ركبوا العربية وروحوا. وصلوا البيت.

حمزه بهدوء: السلام عليكم.

رضوان: حمد الله على السلامة يا ولدي.

حمزه بهدوء: ربنا يخليك يا بوي.

نجمه ابتسمت، بقى بيقول "ربنا يخليك" زيه.

نجمه بخفوت: أومال فين فريال؟

فاطمة: نايمة يا حبيبتي.

نجمه بحب: هطلع أغير يا فطومة ونازلة.

حمزه قعد شوية مع مراد بيكلمه على الأماكن اللي هيروح فيها.

نجمه كانت غيرت ونزلت. فحمزه قال:

حمزه بهدوء: هاخد نجمه 5 دقايق يا حاج وهترجعلك تاني.

رضوان بابتسامة: خد راحتك يا ولدي.

حمزه ابتسم بهدوء وردد "ربنا يخليك".

نجمه قامت وقفت ومشيت معاه.

نجمه بخفوت: انت اتعديت مني ولا إيه؟ قلت لباباك مرتين "ربنا يخليك".

حمزه ضحك: شكلي كده، الله يسامحك.

نجمه ضحكت: وأنا مالي يا نبي؟ مش أنا قلت تسلم؟ قلت لأ؟ قولي "ربنا يخليك".

حمزه بحنق: وأنا إيش عرفني إنها هتعدي كده؟

نجمه بغرور مصطنع: عارفة إنك نلت شرف إنك تقول كلام من كلامي.

حمزه حط إيده على وشها وهزه وقال: انتي جايبة التواضع ده منين، ولا الثقة في النفس دي منين؟

نجمه بضحك: مش هقولك سر المهنة.

حمزه ضحك. كانوا دخلوا الشقة.

نجمه بتذكر: آه، كنت محتاجني في حاجة؟

حمزه: اه، طلعيلي لبس.

نجمه بهدوء: حاضر، ثانية واحدة هحضرلك الحمام وبعدين هطلعلك اللبس.

حمزه رقد على الكنبة بتعب.

نجمه بتكشير: هو لازم تروح النهاردة؟ مش ينفع بكرة؟

حمزه بهدوء: هو ينفع، بس أنا قلت لهم هروح النهاردة. هروح على طول وخلاص.

نجمه بخفوت: طب هجيبلك أكل قبل ما تمشي. اقعد هنا وأنا هنزل وأطلع على طول.

حمزه بحنية: متتعبيش نفسك يا نجمة.

نجمه بتكشير: تعب إيه؟ اقعد ساكت يا حمزه.

نجمه نزلت وجابت الأكل. حطيته جنب حمزه عالترابيزة.

حمزه بحنية: اقعدي كلي معايا، مش هاكل لوحدي.

نجمه ابتسمت وقعدت. أكلوا. بعدين حمزه كان داخل ياخد شاور.

نجمه: جهزت الحمام، اللبس أهو. البس جوا، مش تنسى.

حمزه بضحك: لا مش هنسى إن في كائنة عايشة معايا.

نجمه ضحكت وهو دخل أخد شاور. كانت نجمه نضفت مكان ما أكله، بعدين خرج وظبط شعره. راحت نجمه قالت:

نجمه بخفوت: تروح وترجع بالسلامة.

حمزه قرب منها، حضنها. راحت هي كمان رفعت إيدها وحضنته. حمزه ابتسم وقال:

حمزه بمشاكسة: إحنا اتطورنا خالص، يعني بقينا بنقول حمزه عادي وبنقول كلام حلو وبنبادل الأحضان.

نجمه ضحكت بكسوف.

حمزه بحنية: يلا يا نجمة عشان ننزل، ضحكتك هتقعدني ومش هروح.

نجمه ضحكت بكسوف ونزلوا.

حمزه: يلا يا مراد.

مراد بحنق: كل ده فوق؟

حمزه بضحك: كنت باكل، ما أكلش يعني؟

مراد بغيظ: لا يا خوي، كل.

حمزه بص لنجمه قبل ما يمشي، وهي ابتسمت.

شيرين بصراخ: نجمه! تعالي فوق بسرعة.

نجمه بخضة: يخربيتك، في إيه؟ جاية.

نجمه طلعت لقيتهم قاعدين وباصين لشيرين.

نجمه بحنق: بتصرخي ليه؟

شيرين بتوتر: احم، بصوا يعني.

ميرنا بزهق: ما تتنيلي تنطقي.

شيرين بتوتر: ما تهدّي عليا، أنا متوترة.

سارة بحنق: ها، والتوتر ده هيتنيل يمشي امتى؟

شيرين: بصوا، عارفين صاحب مراد وحمزه؟

كلهم بزهق: أها.

شيرين: احم، قالي لو طلبت إيدك هتوافقي؟

نجمه بحماس: وانتي قولتي له إيه؟

شيرين بتوتر: مشيت وسيبتهم.

ميرنا بحنق: مشيتي وإيه يا ختي؟

شيرين بتوتر: وسيبته. كنت هقوله هرد عليك بليل، بس لقيت رجلي بتمشي لوحدها.

ميرنا بتوجس: وهتعملي إيه؟ هتوافقي؟

شيرين بلخبطة: مش عارفة.

سارة: انتي مش حاسة ناحيته بأي حاجة؟

شيرين بكسوف: احم، بصوا أنا بحس إني فرحانة وأنا شايفاه. آه نعم أنا بتضايق من نظراته ليا، بس بحبها يا عيال. بتكون عينه كده بتطلع قلوب وبتلمع.

نجمه بضحك: يا زيدي يا زيدي، كل ده!

ميرنا حضنتها وقالت بخفوت: شوفتي ربنا عوضك إزاي؟ ♥️.

سارة: ما شاء الله، كله عمال يتخطب وأنا قاعدة. هو في إيه؟

نجمه بضحك: هظبطلك مع مراد.

سارة بعيون بتطلع قلوب: بجد؟ أتمنى واللهميرنا بضحك: انتي بجحة يا بت، ده أخويا اللي بتشقطيه ده.

سارة بخفة: يعني هو بيقعد ساكت؟ بيبصلي من تحت لتحت كده، أنا بلمحه.

شيرين: يا سلام.

سارة: اه واللهِ زي ما بقولكم كده.

قعدوا مع بعض شوية، بعدين قعدوا يعملوا العشا. وحمزه ومراد اتأخروا برا، فاتعشوا هما. لكن نجمه قالت إنها مش جعانة، هي هتستنى حمزه.

عدى وقت كبير، الساعة كانت حوالي 1 ونص، وحمزه ومراد دخلوا. كان البيت كله ساكت، وكله في أوضة. مراد طلع على أوضته، وحمزه زيه.

حمزه دخل لقى نجمه قاعدة في البلكونة وبتترسم.

حمزه بهدوء: نجمه، متتخضيش.

نجمه بصت وراها.

نجمه بفرحة: أخيرًا جيت! استنيتك كتير أوي.

حمزه بتعب: إحنا لفينا كتير عشان نلاقي مكان مناسب، عشان كده اتأخرنا.

نجمه مسكت إيده بخفة وقعدته عالكنبة.

نجمه بحنية: طيب اقعد ثواني وأنا جايه.

حمزه قعد، وهي ثواني وجات. كان معاها بوله كبيرة (حاجة عاملة زي الطشت 🦦) وفيها ميه دافية.

حمزه بهدوء: إيه ده؟

نجمه قعدت جنبه بس عالأرض.

نجمه: ميه دافية فيها زيوت طبيعية هتريح رجلك. حط رجلك يا حبيبي.

حمزه حط رجله، وهي مسكت وفضلت تمرر عليها الميه وتعملها مساج.

حمزه بص لها بحب.

حمزه بحنية: كفاية بقى، ضهرك هيتعب.

نجمه بهدوء: لا، مفيش تعب ولا حاجة.

شوية ونجمه قامت.

نجمه: خليها في الميه لحد ما أطلع. هنزل أجيبلك العشا وأجي.

حمزه بحنية: لا اقعدي بقى، أنا أكلت في الطريق أنا ومراد.

نجمه: لا، هنزل على طول وأطلع. لو هتقدر تاخد شاور، أنا مجهزة الحمام واللبس.

حمزه بحب: أيوه هاخد شاور.

نجمه: طب ثانية.

راحت جابت فوطة وشالت رجل حمزه من الميه وجففتها بالفوطة وشالت الميه.

نجمه: هتاخد شاور وأنا هجيبلك العشا.

حمزه بامتنان: شكرًا.

نجمه بحنية: مش قولتلي انتي حالياً مراتي، أيا كان بقى هنطلق أو لأ، بس انتي مراتي ودا حقك. انت برضه كده.

حمزه بحب: أنا إيه؟

نجمه بتوتر: انت إيه؟

حمزه ضحك: مش عارف، المفروض انتي اللي بتكلميني.

نجمه: …

حمزه بحنية: ها، انت إيه؟ سهلة والله، زي حمزه كده، فاكرة؟

نجمه بابتسامة متوترة: انتي جوزي يا حمزه.

حمزه بمشاكسة: أنا هدخل آخد شاور عشان إحنا اتنين واقفين والشيطان تالتنا، وهيخليني أعمل حاجات هموت وأعملها.

نجمه ضحكت بتوتر: ادخل يا حمزه واسكت، مش تقول كده تاني.

حمزه ضحك، وهي نزلت تجيب العشا. سخنت الأكل وطلعت. كان حمزه خلص ورقد عالكنبة وتقريبًا نعس. نجمه كانت بتصحيه.

نجمه بشفقة: حمزه، حمزه.

حمزه بإرهاق: قايم.

حمزه وقعدوا أكلوا. بعدين نجمه قالت:

نجمه بخفوت: حمزه، كنت عايزة أقولك حاجة.

حمزه بهدوء: قولي.

نجمه بحنية: هتنام انت على السرير النهاردة وأنا على الكنبة.

حمزه برفض: لا، أنا حبيت الكنبة.

نجمه بحنق: يا سلام، رايح نفسك يا حمزه. مش هتنام غير عالسرير، انت مرهق النهارده وأنا هنام عالكنبة. غير كده واللهِ هنام في الأرض.

حمزه بمشاكسة: طيب نيميني جنبك على السرير ونحط مخدات في النص.

نجمه بغباء: آه، وتشيل المخدات لما أنا أنعس وتتحرش بيا صح؟

حمزه بحنق: إيه ده يا أختي؟ بصي، نامي مكانك وأنا مكاني.

نجمه بضيق: لا، يعني لا. انت مرهق النهارده واليوم كان فيه مجهود كبير.

حمزه بخبث: امم، طيب.

نجمه بخوف: عارفة إنك مش مرتحالك.

حمزه ببراءة: أنا ليه بس؟

نجمه بحنق: هو كده وخلاص.

حمزه ضحك بخفوت. بعدين خلصوا أكل، ونجمه شالت الأطباق ونضفت مكانهم، وحمزه نام على السرير.

شوية وحمزه راح لها.

حمزه بهدوء: نجمه، نجمه قومي. انتي لحقتي نمتي؟

نجمه بغباء: لا، عاملة نايمة عشان انتي هتتحرش بيا امبارح.

حمزه بضحك: قومي يا نجمة، بطلي غباء. جبتلك حاجة حلوة وأنا جاي. نسيت أورهالك.

نجمه نطت مرة واحدة.

نجمه بحماس: ها؟ وريني جبتيلي إيه؟

حمزه بضحك: غمضي طيب.

نجمه حطت إيدها على وشها زي الأطفال، منظرها كان لطيف جدًا. حمزه طلع الكاميرا اللي اشتراها وصوره، والصورة طلعت في وقتها. نجمه سمعت صوت الالتقاط، شالت إيدها وسقفت بجامد زي الأطفال.

نجمه بصراخ: وااااو! شكرًا جدًا.

حمزه كمان حضنها وثبت فيها جامد. فنجمه أخدت بالها.

نجمه بتوتر: واللهِ الحماس أخدني زيادة.. كملت بخنق.. وانت ما بتصدق يا مشمحرَم.

حمزه ضحك وسابها، ووراها الصورة.

حمزه بخفة: بعرف أصور ولا لأ؟

نجمه بضحك: لا، بتعرف الصراحة. بتعمل عظمه. هتصورني على طول بقى؟

حمزه بمغازلة: وأنا موافق. في حد يطول يصور القمر؟

نجمه ابتسمت: ربنا يخليك.

حمزه بحنية: ويخليكي ليا يا كل ما ليا♥️.

نجمه ابتسمت بتوتر وقالت في سرها: (يخربيت حنيتك وكلامك ده، موووش ممكن يا دماااعه في حد كده 🥹) (صداااع من كتر الرومانسية 🥹)

نجمه بابتسامة: عرفت منين إني عايزة كاميرا؟

حمزه بخفوت: عشان تصوري النجمة اللي محدش يعرف عنها حاجة غيرك.

نجمه ضحكت لما لاقته بيتكلم بصوت واطي عشان هي (قالت له خليها في سرك بقى).

حمزه بضحك: جبتلك حاجة تاني، غمضي.

حمزه بحب: افتحي.

نجمه بصراخ: جيلي كولاااا! شكرًا! إيه بقى؟ انت خد قلبي يا جدع والله.

حمزه ضحك بحب: أنا حاسك بنتي مش مراتي.

نجمه بكسوف: عارف، انت لما الحماس ياخدك زيادة أنا كنت كده.

حمزه بمغازلة: براحتك يا جميل. طب ياااارب الحماس ياخدك كل شوية وتديني حضن كده.

نجمه ابتسمت بكسوف: عشان بقولك مشمحرَم.

حمزه بضحك: الله يسامحك.

نجمه بخفة: هروح أنام بقى، تصبح على خير.

حمزه بحب: وانتي من أهل قلبي.

نجمه ابتسمت بخفوت.

الصبح.

نجمه بصراخ: …

نجمه صحيت لقت نفسها نايمه جنب حمزه وهو حاضنها.

نجمه بصراخ: عااااح

حمزه بخضه: اييه في ايييه

نجمه بصراخ: يحيوان يمتحرش، ابعد

حمزه بحده: بطلي شتيمه.

وكمل بخبث: و لا مش هبعد انا عجبني النوم كده.

نجمه بحده: ابعد علشان مزعلكش مني.

حمزه قرب وشه من وشها وقال:

حمزه بخبث: هتزعليني ازاى، عندي فضول اعرف.

نجمه بتوتر: طب ابعد طيب، مش انت وعدتني خليك قد الوعد.

حمزه بخبث: لا رجعت في كلامي وسحبت الوعد.

نجمه بدموع: بالله عليك ابعد والله انا مش راضيه اعمل حاجه تزعلك ابعد بقا.

حمزه بخبث: لانجمه ضحكت بشر.

نجمه: انت اللي جبته لنفسك تعالا بقا.

نجمه شدت شعره جامد.

حمزه بحده: سيبي شعري يا نجمه هيطلع في ايدك وبطلي غباء.

نجمه بحده: ابعد عني طيب الاول.

حمزه بهدوء: طب سيبي شعري طيب.

نجمه: لا ابعد انت الاول.

حمزه بخبث: طب مش هبعد خلينا بقا كده.

حمزه شد نجمه عليه بزياده وحضنها جامد.

نجمه بتوتر: خلاص هسيب انا الاول، بس احلف انك هتبعد.

حمزه بمشاكسه: لا متسيبيش انا عجبني الموضوع دة.

نجمه بدموع: عفكره انت قليل الادب ومش محترم واللهِ.

حمزه ضحك: مانا عارف، انا سافل اصلا ومعداش عليا بربع جنيه تربيه.

نجمه:

حمزه بمشاكسه: انا هقوم علشان بس هروح شغلي، غير كده والله كنت مش هسيبك تقومي من هنا، من حضني يعني.

حمزه فك دراعته من حواليها وقام وهو بيضحك على توترها.

نجمه بتوتر: انا اصلا مش هرد عليك، علشان انت قليل الادب.

حمزه قعد ضحك، نجمه راحت ناحيه الدلاب تطلع لبس لحمزه.

نجمه بتوتر: طلعتلك لبس هدخل اجهزلك الحمام.

حمزه هز راسه وهي دخلت وهو رتب السرير والكنبه اللي نجمه نامت عليها لحد ما نعست.

نجمه خرجت بصت للأوضه وقالت:

نجمه بغيظ: رتبت الأوضه، بتصالحني كده يعني.

حمزه بحنق: لا ياختي انا اصلا معملتش حاجه غلط علشان اصالحك.

كمل بحنيه: عملت كده علشان بتتعبي من التنضيف والاكل تحت وتجهيز الحمام وبتطلعي لبس، وبتنزلي الغدا وتطلعي غدا، قولت اخفف عنك.

نجمه بابتسامة متوترة: ربنا يخليك.

حمزه بمشاكسه: وهتنامي جنبي على طول ريحي نفسك بقا.

نجمه بحده: لا طبعاً، انا اصلا مش بكلمك علشان تبقي عارف انا لسه زعلانه منك.

حمزه بحب: طب اصالحك ازاي.

نجمه بتوتر: شيل حوار اني انام جنبك دا من دماغك.

حمزه بضحك: لا كله دا.

نجمه بغيظ: وانا مش هصالحك غير بدا.

حمزه بمشاكسه: لا هعرف اصالحك بغيره.

نجمه بحنق: ادخلي خد الشاور يا حمزه.

حمزه ضحك ودخل.

نجمه قعدت على الكنبه وسرحت في طريقته معاها، وقد ايه هو حنين وبيخاف على زعلها وبيدور على الحاجات اللي بتفرحها ويعملها ودمه الخفيف، وانبهاره بكل حاجه بتقولها حتى لو كانت أقل من العادية، وإنها امبارح مش عرفت تنام غير لما جه.

ابتسمت بحب وقالت في نفسها: سبحان مغير الأحوال، دا واحد انا مكنتش عايزه اجي هنا علشان مش بطيقه، الوقت بقيت بضايق لما يكون مش موجود، وكنت مش بحب نكشه ليا، الوقت انا اللي بضايقه علشان يرد عليا وينكشني، شكلي وقعت اصلا.

حمزه كان خرج وهي لسه في سرحانها.

حمزه بمشاكسه: أكيد بتفكري فيا.

نجمه أخدت بالها أنه خرج راحت بصتله بحنق.

نجمه بغيظ: انا مش بكلمك يلا بقا العب بعيد.

حمزه بحنق: العب ايه ياختي، انتي بتكلمي عيل في الشارع.

نجمه بغيظ: اه يلا بقا وسع، انا داخله اخد شاور.

نجمه سابته ودخلت وهو واقف بيبصلها بحنق بعدين راح قعد على الكنبه.

شوية ونجمه خرجت وكانت حاطه فوطه على دماغها ورقبتها.

نجمه بتوتر: أقف في البلكونه لحد ما اسرح شعري.

حمزه بخبث: لا الجو برد في البلكونه وانا لسه واخد شاور.

نجمه بغيظ: احنا في الصيف برد فين.

حمزه بخبث: انا حاسس اني بردان، سرحي وانا قاعد.

نجمه بغيظ: لا يا عسل عيب.

حمزه بضحك: لا مش عيب، دول حتى بيقولوا اني زي جوزك.

نجمه بتوتر: طب اديني ضهرك طيب، يا حمزه انا والله بأحرج.

حمزه بخفه: اسرحلك انا، بعرف والله اعمل سنبله.

نجمه بحماس: احلف بالله، بتعرف تعملها، دانا بقالي سنين بحاول اتعلمها.

حمزه بخبث: تعالي طيب اسرحلك.

نجمه بحنق: اه يا مش محترم وتشوفني من غير طرحة لا طبعاً، اديني ضهرك يا لهوي.

حمزه بغيظ: محسساني هشوفك من غير هدوم مثلاً.

نجمه بتوتر: انت قليل الادب خالص عفكره، عيب بص قدامك وخلاص.

حمزه أداها ضهره بغيظ بعدين ابتسم على براءتها وهي قعدت تسرح.

حمزه بحنق: اخلصي بقا بقالك نص ساعه بتعملي ايه.

نجمه بتوتر: اسكت بقا بتنيل اسرح بعمل ايه يعني.

كملت بخفوت: الله يسامحك جبت سيرة السنبله ليه، شعري اتلخفن.

حمزه: كل دا ليه، شعر البت ام شعر طويل وانا معرفش.

نجمه بغيظ: اسمها الأميرة ربانزل مش البت ام شعر طويل.

حمزه بحنق: ايوا برضوا هو ولا مش هو.

نجمه بغيظ: هو إزاي يعني، كنت هجيبله طرحة تغطيه منين دا.

حمزه ضحك على غيظها.

حمزه: طيب انتي اتاخرتي ليه.

نجمه بحنق: خلصت هلف الطرحة وأقوم اصبر بقا.

حمزه بضحك: طيب.

شوية ونجمه خلصت.

نجمه بغيظ: يالا.

حمزه قام ونزلوا تحت.

كان عز في الكليه وشيرين كمان، وميرنا كانت في أوضتها بتذاكر وقاعد معاها ساره وفريال وفاطمه وهدي قاعدين في الصاله، ورضوان وإبراهيم كانوا في الاستراحه بيحلوا مشكله بين رجاله.

ياسر ومراد كانوا معاهم.

حمزه بخفوت: هو الساعه كام البيت فاضي.

نجمه بغيظ: الساعه 12 يا خوايا اتأخرنا عالفطار وكل حاجه بسببك.

حمزه ببراءة: انا.

نجمه بغيظ: لا انا انت بتعمل حاجه خالص.

حمزه ابتسم بخفه ودخلوا الصاله.

نجمه بحب: صباح الخير.

كلهم ردوا الصباح.

نجمه بهدوء: هفطر حمزه واجيلكم.

مهدي بحب: روحي يا حبيبتي ربنا يهنيكم.

نجمه مشيت هي وحمزه راحوا على السفره ونجمه حضرت الفطار وجابته.

حمزه بصالها بحب وهي بتاكل وقاله:

حمزه بخفه: لسه مخصمين.

نجمه بغيظ: اه.

حمزه بضحك: هصالحك بليل لما ارجع من الشغل.

نجمه بغيظ: لا هفضل مخصماك.

حمزه بضحك: لا ميهونش عليا قمري يفضل زعلان.

نجمه ابتسمت من تحت لتحت.

حمزه خلص اكل وخرج راح الكليه، ونجمه راحت الصاله قعدت معاهم شوية، بعدين دخلت تعمل الغدا.

الساعه 4 حمزه خلص شغله ورجع على الاستراحه عند مراد وأسر وابراهيم ورضوان.

عز خلص جامعه ورجع عالبيت هو وشيرين.

في البيت:

نجمه: خلصت الغدا روح يا عز ليهم الاستراحه قولهم علشان يتغدوا.

عز راحلهم وقالوا جايين.

على السفره:

رضوان قعد على الكرسي الكبير وإبراهيم عالكرسي اليمين وفريال عالكرسي الشمال وجنبهم هدي وفاطمه بعدين الشباب قعدوا وشيرين وساره قعدوا ونجمه وميرنا كانوا بيحطوا الاكل.

خلصوا وقعدوا.

عز بحب: تسلم ايدك يا فطومه.

فاطمه بحب: مش انا اللي طبخت النهارده، نجمه هي اللي طبخت.

عز بضحك: تسلم ايدك يا نجمه.

نجمه بابتسامة: ربنا يخليك.

حمزه خبط عز في دراعه وقاله:

حمزه بخفوت: اسمها نجمه يا زفت علشان مزعلك.

عز بتكشير: ما ايه رأيك تحطها في برطمان ومنتكلمش معاها.

حمزه بخفوت: لو كان ينفع كنت عملت كده.

عز ضحك.

مراد بحب: تسلم ايدك يا نجمه.

نجمه بابتسامة: ربنا يخليك.

حمزه قرب دماغه من نجمه وقال بصوت واطي:

حمزه بخفوت: نجمه قولي تسلم، ربنا يخليك بتاعتي انا بس، وبطلي تبتسمي.

نجمه بغيظ: لا علشان انا مش بكلمك.

حمزه ضحك: مانا قلتلك هصالحك بليل خلاص بقا.

نجمه ابتسمت بخفوت.

ساره بتكشير: راعوا أننا سناجل عيب كده.

مراد بصالها: لا انا مش سنجل انا وقعت في حب واحد.

ساره اتوترت وبصت في طبقها.

أسر بخفوت: أحرجت البت حرام عليكم.

مراد بحده: ماسمهاش بت يا روح امك.

أسر بخبث: ليه كات من بقيت اهلكم.

مراد ببرود: اه انت متعرفش.

أسر بتوتر: طب كنت عايز اقولك حاجه.

مراد بغيظ: قول ياخويا.

أسر: انا طالب ايد اختك شيرين.

مراد برق ومسكوا من أيده وقام.

إبراهيم: رايح فين يا مراد انت وأسر.

مراد: اكلنا يا بابا الحمد لله.

رضوان: بالهنا والشفا.

فوق في أوضة مراد:

مراد دخل راح ضارب أسر بوكس.

مراد بحده: وانت شوفت اختي فين وعرفت اسمها منين.

أسر بوجع: يخربيتك ماهي بتقعد معانا على السفره وبينادوا باسمها.

مراد بغيظ: وانت لحقت حبيتها انت شايفها امتى اصلا.

أسر: في الفرح بتاع حمزه.

مراد: وانت عارف انها هتوافق.

أسر ابتسم وافتكر امبارح لما شاف شيرين داخله هي وميرنا، وميرنا قالتله انها موافقه.

مراد بحده: انت كلمتها قبل كده.

أسر بخوف: هما مرتين والله بس اول مره في الفرح كانت بترقص وانا قلتلها بطلي رقص وامبارح بس قولتلها لو طلبت ايدك هتوافق.

مراد بحنق: ومكلمتنيش انا من الأول ليها.

أسر بهدوء: افرض رفضتني.

مراد بغيظ: طيب وانا مش موافق معندناش بنات للجواز.

أسر بحنق: نعم ياخويا والله اخطفها واهرب بيها وماتشوفوها تاني.

مراد بغيظ: برا ياض اطلع برا.

أسر بعيد: طب موافق ولا لأ.

مراد: قول لبابا يا حيوان الأول.

أسر بتزكر: ااه نسيت معلش هقولها بليل، غور انت بقا هنزل اكمل اكل.

مراد بصاله بغيظ ونزلوا كملوا اكل.

بليل في شقة حمزه:

نجمه كانت قاعده في البلكونه بتصور النجمه اللي بتشوفها كل يوم.

حمزه دخل مش كلمته.

حمزه بخفه: انتي برضوا لسه مخصمين.

نجمه بغيظ: اه لما ترجع عن اللي في دماغك هكلمك.

حمزه بخبث: لانجمه بغيظ: خلاص متكلمنيش.

حمزه: جبتلك حاجه حلوه.

نجمه بحماس: وريني.

حمزه بضحك: والله عندك انفصام مش انتي مبتكلمنيش.

نجمه بغيظ: اه.. انا هشوف الحاجه الحلوه وخلاص.

حمزه ضحك: طيب غمضي.

نجمه غمضت فراح هو قرب منها كان بيفك الطرحه نجمه صرخت راح أيده على بقها.

بليل في شقه حمزه.

نجمه كانت قاعده في البلكونه بتصور النجمه اللي بتشوفها كل يوم. حمزه دخل مش كلمته.

حمزه بخفه: انتي برضوا لسه مخصماني؟

نجمه بغيظ: اه، لما ترجع عن اللي في دماغك هكلمك.

حمزه بخبث: لان...

نجمه بغيظ: خلاص متكلمنيش.

حمزه: جيبتلك حاجه حلوه.

نجمه بحماس: وريني.

حمزه بضحك: والله عندك انفصام، مش انتي مبتكلمنيش؟

نجمه بغيظ: اه.. انا هشوف الحاجه الحلوه وخلاص.

حمزه ضحك: طيب غمضي.

نجمه غمضت. فراح هو قرب منها، كان بيفك الطرحه. نجمه صرخت، راح أيده علي بقها.

حمزه بخضه: يخربيتك، في ايه؟

نجمه بحده: انت هتعمل ايه؟

حمزه مش رد عليها وشدها وقفها قدام المرايا وشد الطرحه وقال:

حمزه بحنق: غمضي عينك بقا.

نجمه بحده: خلعت الطرحه ليه؟

حمزه بغيظ: متعصبنيش عليكي، انتي لابسه بتاعه تاني اهو، غمضي بقا.

نجمه غمضت عينها بتوتر. راح حمزه طلع علبه صغيره من جيبه وطلع منها سلسله فيها فراشه صغننه ولبسهالها وقال:

حمزه بحب: فتحي يا فراشه.

نجمه فتحت وبصت عليها بعدين مسكتها بحب.

نجمه بعيون لامعه: نفس اللي نزلتها في بوست علي تويتر.

حمزه بحب: اه، مانا دورت في الاكونتات بتاعتك ولقيتك عايزه حد بيحبك بجد يديكي الفراشه دي ويقولك انتي فراشه.

نجمه بصتله جامد بعدين قالت:

نجمه بغباء: عرفت توصل لاكونت بتاعي ازاى؟

حمزه بصلها بغيظ وقال: ملكيش دعوة.

نجمه بتوتر: ماشي.. كنت عايزه اقولك حاجه.

حمزه بهدوء: قولي.

نجمه بتوتر: المفروض ارد علي الهديه ازاى؟ انا حقيقي مش بعرف ارد ولا اقول كلام حلو في الأوقات دي.

حمزه بحب: كفايه رد عنيكي عليا واللمعه دي، انا ادفع عمري علشان اشوفها.

نجمه بصتله بعدين قربت منه بهدوء. حمزه رجع لورا.

حمزه بخوف: بتقربي ليه، ابعدي بقا.

نجمه ضحكت: تعالي والله هحضنك بس، دا اللي بعرف اعمله.

حمزه قرب منها وراحت حضنته جامد. راح هو كمان حضنها وقالت:

نجمه بهمس: وجودك بيطمن.

الصعب بيبقى هيِّن.

خليك علي قلبي.

ليِّن.

حمزه ابتسم بحب: كل دا ومش بتعرفي تقولي كلام حلو؟

نجمه ابتسمت بخفوت: انفع يعني؟

حمزه ضحك: اه تنفعي، اديني انتي الحضن وانا راضي.

نجمه بعدت وقالت:

نجمه بتكسير: دماغك عطول كده بتفكر في قلة الادب.

حمزه ضحك: انا اصلا bad youth.

نجمه ضحكت.

حمزه بحب: يلا علشان تحفظي القرآن.

نجمه بحماس: يلا، هنقعد في البلكونه.

حمزه بحب: تعالي.

لاقعدوا وحفظوا القرآن. بعدين حمزه قال:

حمزه: تعالي اعملك السنبله.

نجمه بغيظ: لا واسكت بقا علشان انا جيت اعملها الصبح وشعري اتلخبط ودراعي وجعني لحد ما ظبطه.

حمزه بخبث: كنتي قوليلي وانا هساعدك.

نجمه بحنق: لا طبعاً.

حمزه وهو بيقلد صوتها: لا طبعاً.

حمزه كمل بتعب: يلا علشان ننام، انا تعبت انهارده.

حمزه قام ودخل ونجمه ماشيه وراه.

نجمه بتساؤل: ليه انت نزلت القاهره تاني؟

حمزه بارهاق: ااه.

نجمه بحنيه: طب نام عالسرير وانا عالكنبه، ومنغير نقاش يا حمزه اسمع الكلام.

حمزه بخبث: تعالي نامي جنبي علي السرير.

نجمه بحنق: لا يا سافل يا مش محترم.

حمزه بغيظ: انا رايح انام، نامي بقا لوحدك علي الكنبه تلاقي صورصار ماشي جنبك ولا خنفسه ماشيه علي وشك.

نجمه بتوتر: حمزه اسكت.

حمزه: لما بس تشوفي الصورصار متناديش عليا.

نجمه وقفت في نص الاوضه وبصت حواليها بتوتر.

نجمه بحده: اسكت يا حمزه، بخاف من الزواحف بجد ومش هعرف انام.

حمزه: طيب انا هنام.

نجمه بغيظ: تصبح عخير.

حمزه بحب: وانتي من اهل قلبي.

نجمه كانت مش عارفه تنام وكل شويه تقوم تبص حواليها. حمزه عمل نفسه وهو بيبص عليها من تحت تحت وقال: يا نهاري دي مش هتعرف تنام بجد.

حمزه بهدوء: تعالي نامي جنبي يا نجمه، واللهِ مش هعملك حاجه.

حمزه بحنيه: انا مكنتش اعرف انك بتخافي جامد كده.

نجمه بحده: ما قلتلك عندي نيلة فوبيا منهم.

حمزه بهدوء: خلاص تعالي نامي، مش هعملك حاجه، هعمل ايه يعني.

نجمه قامت بتوتر بعدين قعدت تاني مكانها. حمزه قام راحلها وقعد جنبها.

حمزه بحنيه: خلاص نامي، وانا قاعد جنبك لحد ما تنعسي.

نجمه: لا.

حمزه بغيظ: انا رايح انام، خليكي بقا قاعده كده.

حمزه راح نام وهي قاعده مكانها. عدا زي ربع ساعة وراحت قعدت جنبه عالسرير وكانت بتبص عليه وهو كان مغمض عيونه.

حمزه بهدوء: نامي بقا علشان تعرفي تصحي.

نجمه بتوتر: انتي لسه صاحي؟

حمزه بحنيه: اه، مش هنام واسيبك.

نجمه نامت وهي بتبتسم بخفوت. بعدين لقت حمزه بيقرب منها واخدها في حضنه.

نجمه بحده: ولا ابعد ياض، متتصطعبطش.

حمزه بهمس: لا مش هبعد ونامي بقا يخربيتك هموت وانام.

نجمه نامت بتوتر.

الصبح.

حمزه بهدوء: نجمه.

نجمه بنوم: اممم.

حمزه: قومي يلا علشان ننزل.

نجمه: عايزه انام شويه تاني.

حمزه بهدوء: طب هدخل اخد شاور تكوني نمتي شويه.

نجمه وهي بتقوم: طب هحضرلك الحمام ثانيه.

حمزه بحنيه: لا علشان تلحقي تنامي شويه حلوين، نامي انتي انا هعمل.

نجمه هزت راسها ونامت، وحمزه قام اخد شاور ولبس وهي لسه نايمه.

حمزه: نجمه، نجمه قومي يلا.

نجمه: حاضر قايمه.

نجمه قامت وفضلت قاعده علي السرير.

حمزه بهدوء: انتي تعبانه من حاجه؟

نجمه قامت وراحت عند الدولاب واتكلمت وهي بتطلع لبس لنفسها.

نجمه بتعب: لا، انا مرهقه بس شويه.

حمزه بحنيه: خلاص مش لازم تنزلي انهارده.

نجمه بهدوء: لا هو، هاخد شاور وهبقي كويسه.

حمزه: اساعدك طيب في حاجه؟

نجمه بغيظ: شكرااا يا سافل.

حمزه ضحك: علي فكره انتي ظلماني، انا كان قصدي كويسه.

نجمه بحنق: لا فيك الخير بجد.

حمزه بخفه: ربنا يخليك.

نجمه ابتسمت بخفوت ودخلت تاخد شاور، وحمزه رتب الاوضه، ربع ساعة وكانت نجمه خرجت.

نجمه بخفوت: شكرا.

حمزه مش رد عليها.

نجمه بصوت عالي شويه: شكرا.

حمزه برضوا مش رد.

نجمه بغيظ: بقالي ساعه بقولك شكرا وانت مش بترد عليا.

حمزه بحنق: يعني ارد اقولك ايه يعني، المفروض احنا الاتنين واحد.

نجمه بخفوت: انا مش قصدي حاجة.

حمزه بهدوء: طيب يلا سرحي.

نجمه بتوتر: طب يلا اقعد عالكنبه واديني ضهرك.

حمزه بخبث: تعالي اعملك السنبله.

نجمه بحنق: لا شكراا، يلا اقعد زي ماكنت قاعد امبارح.

حمزه بهدوء: طيب.

نجمه خلصت ونزلوا، فكروا وحمزه راح شغله، وشيرين وعز راحوا الكليه، وابراهيم و رضوان وأسر ومراد راحوا الاستراحه، ونجمه و ميرنا و ساره كانوا قاعدين سوا.

ساره بهدوء: انا هرجع القاهره انهارده.

نجمه بزعل: ليه، كملي الاسبوع معانا.

ساره: بابا مش هيراضي، وانا كده كده هجيلكم زيارات.

ميرنا بهزار: وهتسيبي الكراش (تقصد مراد).

ساره ضحكت بحزن وقالت:

ساره: ما طلع واقع في حب أحدهم يا اختي.

ميرنا ونجمه ضحكوا وبعدين اتكلموا مع بعض.

في الاستراحه.

اسر بتوتر: اتكلم يا مراد.

مراد ببرود: وانا مالي، انا اللي هخطب ولا انت.

اسر بحنق: مش انت صاحبي ياض.

مراد بخبث: اه بس مش هنا، انا هنا اخو العروسه اللي هيطلع عينك.

اسر بحنق: مش عايز منك حاجه غور ياض.

مراد بصله بغيظ.

اسر بتوتر: عمي انا طالب ايد بنت حضرتك.

ابراهيم: انهي فيهم يابني.

اسر: الكبيره.

ابراهيم: ايه رأيك يا رضوان.

رضوان: أسر ميترفضش، بس في الاول والاخر الرأي يرجع للعروسه.

ابراهيم بحب ابوي: هرد عليك بليل يابني.

اسر هز رأسه بحب واخد مراد وراحوا المصنع البقوليات بتاع رضوان، اللي أسر المدير العام بتاعه.

عند حمزه كان بيشرح وفي بنت بتتكلم راح قال:

حمزه بهدوء: اللي بتتكلم تسكت، ولو عايزه تكمل كلامها تستأذن وتخرج بهدوء.

البنت بخفوت: ما قلتلك مش فاهمه هو بيقول ايه، اول مره احضر.

حمزه بحده: يا آنسه انا مش بكلم نفسي، وكلامي واضح، عايزه تكملي كلام استأذني واخرجي.

البنت: اسفه.

حمزه هز راسه بهدوء وكمل شرح، بعدين خلص وكان خارج من الكليه خبط في نفس البنت.

البنت بتوتر: هو حضرتك انا اسفه.

حمزه بهدوء: ولا يهمك حصل خير.

وسابها ومشي.

علي الغدا.

حمزه كان قاعد جنب نجمه ومراد كان بيبص لـ ساره.

عز بخفوت: اخوكي واقع خالص، بص كل شويه يبصلها ازاى.

ميرنا بخفوت: دى هترجع القاهره انهارده، وهو زي الاهبل فالح يبحلقلها بس.

عز ضحك بخفوت: لو سمعنا والله هيولع فينا.

ميرنا بخوف: ليه يا عم الطيب احسن انا سكت.

حمزه بخفوت لنجمه: انتي اللي عملتي الاكل؟

نجمه بحماس: اه حلو.

حمزه بحنيه: اه اول مره اكل اكل طعمه حلو كده اصلان.

نجمه ضحكت: يا سلام، لو فطومه سمعتك بق.

حمزه ضحك بتوتر: ايه دا احنا متفقناش علي كده.

نجمه ضحكت: خلاص مش هقولها.

حمزه ضحك وكمل.

حمزه بحنيه: بس بجد تسلم ايدك.

نجمه ابتسمت بخفوت.

بليل علي الساعه 9 كانوا كلهم قاعدين في الصاله.

هدي بحب: تعالي يا شيرين يا حبيبتي علي اوضتي عايزاكي.

شيرين طلعت معاها بتوتر، دخلوا ومامتها قعدتها علي السرير وقالت.

هدي بحب: متقدملك عريس، وطبعاً ليكي حريه الاختيار، العريس هو أسر، ها ايه قولك.

شيرين ابتسمت بتوتر وبصت في الأرض.

شيرين بتوتر: مش عارفه يا ماما.

هدي بخبث: خلاص هقولهم مفيش نصيب.

شيرين بسرعه: لا مش قصدي استني بس يا هدهده.

هدي ضحكت وخدتها في حضنتها.

هدي بحنيه: يارب يكون حنين عليكي يا حبيبتي.

شيرين ابتسمت بكسوف وهدي نزلت بلغت ابراهيم وهو قال لـ اسر.

فوق عند شيرين.

نجمه خدتها في حضنه.

نجمه بحب: مبروك يا حبيبتي وربنا يتمملك على خير.

شيرين بحب: الله يبارك فيكي يا نجمه.

ساره بحب: الف مبروك يا شيري، متنسيش تعزميني في الخطوبه.

شيرين بحب: الله يبارك فيكي، اعزمك ايه انتي اختي تكوني موجوده قبلي.

ساره بحب: حبيبتي 🥹♥️.

ميرنا نطت عليها حضنتها بدموع: مبروك يا أم ارق قلب شوفته في العالم.

شيرين بخفوت: ربنا يخليكي ليا، مكنتش هعرف اتجاوز حمزه من غيركم.

ميرنا بحب: الحمدالله كل حاجه حصلت كانت خير، ربنا ليه لطف خفي♥️.

شيرين: اه الحمدالله.

ساره بهدوء: نجمه الساعه 8 ونص اهي همشي انا بقا.

شيرين: هتمشي فين.

ساره بضحك: هرجع القاهره، انا حساني نسيت اوضتي.

شيرين: وخطوبتي لازم تكوني موجودة.

ساره بحب: طبعا، هاجي يوم الخطوبه من الصبح بدري.

ساره نزلت وكانوا البنات نازلين معاها.

فريال: رايحه فين يا ساره.

ساره بحب: هرجع بقا ..وكمان بضحك.. بابا خارب الدنيا علي جوهرته اللي هي انا يعني.

فريال بحب حضنتها: هتجيلي تاني صح.

ساره بهزار: طبعا، اصلا يوم خطوبه شيرين هنطلكم هنا من الفجر، انتظروني انتوا بس.

كلهم ضحكوا.

رضوان بخبث: طب استني مراد هيوصلك.

ساره بتوتر: ها لا بابا بعتلي اخويا يوصلني.

رضوان بهدوء: طيب يا حبيبتي ترجعي بالسلامه.

ساره بحب: الله يسلمك يا جدو.

ساره مشيت ومراد كان قاعد مكشر.

اسر بخفوت: انت هتفضل مكشر كده.

كلهم لاحظوا.

مراد بضيق: هو انتوا هتعملوا الخطوبه امتا.

اسر بخبث: بعد شهرين كده ولا تلاته.

مراد بحنق: لا طبعا ..اعملها بعد بكرة.

اسر ببرود: لا هي خطوبتي وانا حر فيه.

مراد بصله بغيظ بعدين قام طلع.

قعدوا شويه مع بعض وكل واحد طلع علي اوضته.

عند شيرين موبايلها كان رن بصوت وصول ماسيدج.

مسكت الموبايل كانت الرساله بتقول:

سمراء كحيلة

فلا ليّ إلا الوقوع

سبيلا♥️.

(الكلام دا كتبه احمد طاهر)

شيرين اتوترت وقفلت الفون ونامت.

عند حمزه.

نجمه: جهزتلك الحمام واللبس.

حمزه بمشاكسه: عقبال ما تجهزيلي حضن.

نجمه بصتله وقالت:

نجمه بتكشير: ادخل يلا علشان تحفظني القرآن وننام، عندي كليه.

حمزه بهدوء: انتي زعلانه من حاجه.

نجمه: لا هزعل من ايه.

حمزه: طب مكشره ليه.

نجمه: مش مكشره وبعدين ادخل يلا خد الشاور علشان تحفظني و الحق انام، هروح الكليه بكره.

حمزه بهدوء قرب منها ومسك أيدها، فراحت شدت أيدها من أيده وقالت.

نجمه بحده: متلمسنيش ابعد.

حمزه بحنيه: كل دا ومفيش حاجه، انا عملت حاجه زعلتك.

نجمه بدموع: شم هدومك كده.

حمزه شم القميص.

حمزه: ماله طيب فهميني والله انا مش فاهم.

نجمه بدموع: ريحته برفان حريمي يا حمزه.

حمزه بتعجب: والله مش عارف جه منين.

نجمه بصت في الأرض وسكتت.

حمزه بهدوء: في بنت خبطت فيا انهارده ريحته كده منها.

نجمه دموع: يعني انت مش بتخوني صح.

حمزه ضحك وقال بحنيه: اخونك ايه، انا هلاقي زيك فين اصلا، وبعدين بالعقل كده في حد يبقي معاه القمر ويروح يبص لـ النجوم.

نجمه ابتسمت: ربنا يخليك.

حمزه بحب: ويخليكي ليا ..وكمل بضحك.. انتي شميتي الريحه ازاى.

نجمه: عادي يا حمزه طيفك كان بيروح وييجي قدامي وبعدين الست بتعرف وبتحس.

حمزه بخفه: يعني مش هعرف اخونك خلاص.

حمزه بخوف: يخربيتك في ايه.

نجمه بخبث: علشان تفكر بس تخوني.

حمزه بحنيه: مقدرش اخونك، انا اصلا شكلي وقعت فيك.

نجمه بتوتر: هاه.

حمزه واخد باله هو قال ايه: ايه.

نجمه: لا يبقي انا سمعت غلط، يلا بقا ادخل خد شاور.

حمزه دخل اخد شاور وخرج، نجمه كانت في البلكونه ومجهزه شاي بلبن.

حمزه دخلها وقعدوا وحفظوا.

راحت نجمه قالت بتوتر.

نجمه بتوتر: حمزه كنت عايزه منك طلب.

حمزه بهدوء: قول.

نجمه بتوتر: تعملي سنبله وتعلمني بتتعمل ازاى.

حمزه:…

نجمه بتوتر: اعملي سنبله وتعلميني بتتعمل إزاي.

حمزه بهدوء: ما كده هشوف شعرك.

نجمه بصت في الأرض.

نجمه بكسوف: عادي.

حمزه بحنيه: طيب تعالي يلا.

نجمه قامت بحماس.

نجمه: هجيب طيب التوك ثانية.

حمزه ابتسم على برائتها وإنها من أقل حاجة بتتحرج.

نجمه جابت الحاجات وقعدت بتوتر، بعدين قلعت الطرحة.

حمزه بتساؤل: انتي سيبتي شعرك يطول؟

نجمه: آآه.

حمزه: كنتي بتقصيه على طول الأول، كان شكلك جميل.

نجمه بتوتر: امم بفكر أقصه.

حمزه بحب: لا لا كده جميل، انتي في كل حالاتك جميلة.

نجمه ابتسمت بكسوف.

نجمه بكسوف: ربنا يخليك، يلا اعمل.

حمزه ابتسم ونجمه قعدت قدامه وهو كان بيعملها، عمل اتنين زي القرنين بادئين من فوق وكان شكلها جميل خالص.

حمزه: خلصت تعالي علشان أوريكي. غمضي بقى.

نجمه قامت بحماس طفلة ووقفت قدامه قدام المرايا.

حمزه: فتحي.

نجمه بعيون لامعة: واو لا بجد واو.

حمزه ضحك بغرور: عارف إني بعمل عظمه.

نجمه كشرت: متتغرش.

حمزه بتحدي: أنا أتغر براحتي.

نجمه بغيظ: يا سلام.

حمزه بتحدي: ويلا هاتي حق السنبلة.

نجمه بحنق: عايز كام؟

حمزه بخبث: والله لو على العدد مش هيخلص.

نجمه بفضول: هما إيه بقى؟

حمزه ضحك: الأحضان، بس علشانك هيبقوا أربعة، كل سنبلة باتنين.

نجمه بحنق: كل سنبلة بواحدة كفاية.

حمزه بخبث: إيش عرفك انتي إنه كفاية، وبصراحة يعني الواحد مبيشبعش من الأحضان فما بالك لو منك.

نجمه بصت في الأرض بتوتر.

نجمه بتوتر: هـ هـ طب اتوتر فيا امتى؟

حمزه ضحك: مش عارف، بس الكلام الحلو مش بيخلص معاكي.

نجمه ابتسمت بحب.

نجمه بابتسامة: شوف على قد مانتا مش محترم وسافل بس أنا بحبك.

نجمه سكتت بتوتر.

حمزه بص لها بتركيز وقال: بس انتي إيه؟

نجمه بتوتر: أنا عادي بحب كلامك، يلا يا مش محترم خد الحضن.

حمزه حضنها وهمس.

حمزه بهمس: أربعة يا نجمة.

نجمه بتوتر: نجمتي!

حمزه بحنيه: آه نجمتي وقمري كمان.

نجمه بتوتر مسكت فيه جامد وقالت:

نجمه بتوتر: أوقات بحسك بابايا وأنا بنتك.. مش عارفة ليه.

حمزه بحنيه: أيوا ما انتي بنتي، حتى لو حصل نصيب ومطلقناش وخلفنا هتكوني انتي بنتي الأولى.

نجمه وشها بهت لما جاب سيرة الطلاق بس عملت عادي.

نجمه بضحك: طب ابعد بقى خلاص.

حمزه بغيظ: لا يا شاطرة دول أربعة مش واحد.

نجمه بتوتر: طب خد كل يوم واحد، أنا بتوتر واللهِ.

حمزه بعد عنها بضحك وقال:

حمزه: طب يلا علشان ننام.

نجمه كانت سرحانة في كلمة طلاقهم، وبتقول إزاي هتعرف تتجاوزه، ولا إزاي أصلاً بعد ما حست إنه ليها أب بيخاف عليها من الهوا، يمشي، يمشي كدا بكل بساطة، دا بيوحشها من الوقت لو اتأخر برا دقايق.

حمزه: نجمه نجمه.

نجمه بتوتر: بتقول حاجة؟

حمزه: آه انتي مش معايا خالص، كنت بقولك يلا علشان ننام.

نجمه: مش عايزة أنام.

حمزه: مش قولتي هتروحي الكلية؟

نجمه: مش عايزة أروح.

حمزه بهدوء: في حاجة زعلتك؟

نجمه: أبدًا، تعالي نقعد نتفرج على فيلم أكشن.

حمزه بهدوء: ماشي يلا تعالي.

قعدوا على الكنبة، راح حمزه شدها عليه بحنيه واخدها في حضنه.

حمزه بحنيه: مالك، وقولي الحق على طول.

نجمه بخنقة: مش عارفة، هو بنتخنق مرة واحدة كدة.

حمزه فضل يطبطب عليها.

شويه وجات لقطة فيها حشرات في الفيلم والمفروض إنهم كتير جدا وبيمشوا على الراجل وبيأكلوا جسمه.

نجمه بتوتر: حمزه إيه دا، الحق دا فيه حشرات.

حمزه قلب بسرعة.

حمزه: معلش والله ما كنت أعرف إنه فيه كده.

نجمه هزت رأسها.

حمزه بحنيه: مش عايزك زعلانه كده، عايزة تعيطي؟

نجمه بدموع: لا أنا تمام.

حمزه بزعل: تمام إيه بس انتي مدشملة، عيطي بقى متكتميش جواكي.

نجمه ضحكت الأول على كلمة مدشملة بعدين خبت رأسها في حضنه وقعدت تعيط وحمزه كان بيطبطب عليها لحد ما بطلت عياط.

راح حمزه مسح لها دموعها وقال:

حمزه بحنيه: كده أحسن.

نجمه بصوت واطي: آه.

حمزه بضحك: يخربيتك وشك بقى أحمر ومغري واحنا اتنين بس والساعة 3 الفجر والشيطان تالتنا.

نجمه ضحكت بتوتر: برضه برضه، السفالة ماشية في دمك، إيه دا.

حمزه بغزل: أنا كنت محترم، انتي اللي شقلبتيني، الله أعلم هتعملي إيه كمان.

نجمه بكسوف: عارف، مانت عارف أصلاً، أنا بحرج هاا براحة عليا بقى.

حمزه ضحك وحضنها جامد راحت قالت:

نجمه بكسوف: أنا عايزة أعترفلك بحاجة.

حمزه بحماس: قولي الاعتراف.

نجمه بكسوف: فاكر لما شوفتك أول يوم بعد جوازنا وقلت إن عضلاتك تخوف.

حمزه فهم هي هتقول إيه فابتسم.

حمزه بابتسامة: آه فاكر.

نجمه كملت: احم كان كذب، عضلاتك مش تخوف هي جميلة، ولما بتاخدني حضن كده، بحس دخلت بيت صغنن كده على قدي.

حمزه بحنيه: وهو بيتك أصلاً، وهيفضل بيتك إن شاء الله، كده أقلع التيشيرت عادي بقى قدامك، مش هتخافي؟

نجمه بغيظ: لا طبعًا يا سافل، هتخدش حيائي.

حمزه بحنق: حيائك طيب.

نجمه بغباء: عارف الفيلم دا؟

حمزه بضحك: لا مش عارفه، مع إنه فيلم عالمي.

نجمه كشرت: انت بتتريق ولا أنا ظالماك؟

حمزه ضحك جامد خالص وقال:

حمزه بضحك: انتي بجد كده إزاي، في حد مش عارف سفينة تايتانك؟

نجمه ضحكت بغباء: يعني هما الـ 8 مليار عارفينه كلهم.

حمزه ابتسم: يعني مش كلهم بس يعرفوا السفينة.

نجمه بفضول: اهاا، طيب انت لما قولتلي لو الكلام خلص هغش من الأغاني، قولي كده مقطع من أغنية.

حمزه ضحك: صوتي وحش.

نجمه بغباء: لا أنا بحبه، أقصد بحب بحب الأغاني يلا.

حمزه غنى: ولا كان الحب عمره باختيارنااا، دا كان قدرنا وبايدنا إيه، سلمنا قلوبنا دوبنا وبعيونا، أنا وانتي شوفنا الحب إيه، وعرفتي الحب بيا عرفته بيكي، ولا العمر الحب بينا مرة تااه، وان مرة غنى قلبي، غنى ليكي، سهران أرسم في حلم مكملاه♥️.

نجمه بحب: صوتك حلو أوي.

حمزه بحنق: وكلام الأغنية مش فرق معاكي؟

نجمه بتوتر: لا فرق.

حمزه بهدوء: غني لي بقى انتي كمان.

نجمه بتوتر: لا يا عم دا صوتي جنب صوتك هيكون إعصار هايج.

حمزه ضحك: لا غني أنا عايز أسمع الإعصار.

نجمه بتوتر غنت: كل العالم بكوم وانت بكوم تاني، كل بيشكر الله، ميت مرة بالثانية، يحمروا خدودي بلش أضحك وقتها أفكر فيك، كيف إذا واقف قدامي عم تحكيني، وعم بحكيك، أحلى شي فيك عيونك المليانة الحب، ونظراتك لما بعصب أو بس تقلب جدا، ما بتوقع أنه يكون في حد متلك حنون عليا، زعلك ما يهون لاني بحبك♥️.

حمزه بص لها كتير وهي بتغني ومش واخده بالها في الآخر خالص لاحظت نظراته اتوترت راح قال:

حمزه بهدوء: مش معنى الأغنية دي.

نجمه بتوتر: جات صدفة.

حمزه بهدوء: صوتك جميل، يلا علشان ننام.

نجمه بتوتر: لسه الفيلم مش خلص.

حمزه: آه بس أنا عايز أنام.

نجمه بهدوء: تمام يلا ومن غير نقاش أنا هنام على….

حمزه قاطعها لما شدها واخدها في حضنه وقال:

حمزه بهمس: نامي علشان متجننش عليكِ.

نجمه بتوتر: انتي كل يوم هتضحك عليا، ابعد يا حمزه.

حمزه بخبث: هتنامي ولا أتعمق في الحضن؟

نجمه بتوتر: لالاا خلاص اتخمدت.

حمزه ابتسم بخفوت وقال في سره: ماشي أنا هوريكي، يعني بتحبيني زي ما بتنيل بحبك ومش راضية تلمحي ولا حتى تنطقي، وقايلة الأغنية عشان جات صدفة، ماشي هشوف أنا ولا انتي.

حمزه قاطعها لما شدها واخدها في حضنه، وقال حمزه بهمس: نامي علشان متجننش عليكِ.

نجمه بتوتر: انتي كل يوم هتضحك عليا، ابعد يا حمزه.

حمزه بخبث: هتنامي ولا اتعمق في الحضن؟

نجمه بتوتر: لالاا خلاص اتخمدت.

حمزه ابتسم بخفوت وقال في سره: ماشي أنا هوريكي، يعني بتحبيني زي ما بتنيل بحبك ومش راضيه تلمحي ولا حتي تنطقي، وقايله الاغنيه عشان جات صدفه.

دقايق عدت ونجمه قالت بخفوت.

نجمه: حمزه.

حمزه بنوم: امم.

نجمه: انت نمت؟

حمزه: اه وعفريتي بيرد عليكِ.

نجمه بغيظ: دمك يُلطش.

حمزه بزهق: عايز اتخمد يا نجمه قولي اللي هتقوليه.

نجمه: خلاص نام.

حمزه: طيب.

حمزه نام وهي كمان نامت، بس كانت زعلانه من أسلوبه معاها وأنه قلب تاني علي حمزه القديم.

عدا اسبوعين وحمزه بيتعامل معاها ببرود، وفي يوم.

نجمه: حمزه حمزه يلا قوم.

حمزه بنوم: انا عايز انام.

نجمه بهدوء: الساعة 10 وعندك شغل صح؟

حمزه قام بضيق.

نجمه: حضرتلك الحمام واللبس.

حمزه اخد منها اللبس من غير ما يرد ودخل.

نجمه بصتله بضيق وقالت بتهكم: رجعت ريما لعادتها القديمه.

ظبطت الاوضه وقعدت علي الكنبه، كان هو خرج وظبط شعره وقال.

حمزه: يلا.

نجمه هزت راسها و قامت مشيت معاه، واستغربت أنه مش مسك أيدها زي ما بيعمل.

نزلوا، كانوا الباقيين فطروا، راحت حضرت فطار ليه وحطته علي السفره، وهو كمان مش قالها تعالي افطري.

بصتله بضيق ودخلت المطبخ عملت ساندوتش وكانت بتاكل فيه.

حمزه عدا من قدام المطبخ شافها بتاكل ومش واضح علي وشها اي حاجه، راح قالها.

حمزه: شيلي الاكل انا اكلت.

نجمه بضيق: طيب.

حمزه ابتسم بخفوت وقال: لسه اللي جاي تقيل، علشان تتقلي عليا اوي ياست نجمه.

حمزه طلع لميرنا وخبط، راحت فتحت.

ميرنا بغيظ: اخيرا ياخويا افتكرت أن ليك اخت تسأل عليها.

حمزه بحنق: دخليني الاول طيب.

ميرنا بعدت عن الباب وهو دخل.

ميرنا بغيظ: خير ايه فكرك بيا؟

حمزه بخفه: ليا عندك مصلحه بصراحه.

ميرنا بحنق: يعني كمان مش علشان تسأل عليا وانا في سحله الثانوية العامة.

حمزه بخفه: عامله ايه في سحله الثانوية العامة؟

ميرنا بغيظ: بعد ايه بقا.. قول ياخويا مصلحه ايه.

حمزه بهدوء: اول حاجه الكلام دا محدش يعرفه غير اخواتك و الولاد شيرين لا، بصي انا بحب نجمه وهي برضوا بتحبني، وعمال المحلها وهي ثابته علي مبدأها.

ميرنا بغباء: معاها حق، اهم حاجه الثبات على المبدأ.

حمزه بغيظ: بت مش عايز غباء.

ميرنا بحنق: طيب، اللي يشوفك يقول أنا اللي ليا عندك مصلحه.

حمزه: المهم فهنمثل قدامها أننا الي حد ما بنحب بعض.

ميرنا بخفه: ونعمل بقا زي شغل الروايات وانا اقع في حبك بجد صح، فاكس يا حمزاوي.

حمزه بصلها بحد.

ميرنا بتوتر: وبعدين؟

حمزه: الكلام دا لو وصل لحد وبذات نجمه مش هجيبلك الشيكولاتة.

ميرنا بجديه: وانت شاكك اني هبيع نجمه علشان علبه شوكليت.. وكملت بخفه.. اه هبيعها انت صح بس ليه الشك.

حمزه ضربها علي دماغها بغيظ.

حمزه بغيظ: الخطه هي…….

ميرنا ضحكت: دا انت مش سالك خالص، وانا اللي فاكراك علي نياتك.

حمزه بغرور: يلا أنا هنزل وزي ما اتفقنا.

ميرنا: لا ياباشا فين الشوكولاتة.

حمزه بغيظ: انتي غبيه يابت ما قولت هجيبهالك في وسط الخطه.

ميرنا بتذكر: اه افتكرت طيب.

حمزه: شكلك هضيعينا يخربيتك.

ميرنا بغيظ: ماشي انت بس مش واخد بالك من قدراتي.

حمزه ضحك: ابهريني بقا.

ميرنا بتفكير: ايه دا بتلمحلها ازاي، اومال انتوا اتجوزتوا ازاى، هو في ايه.

حمزه بجديه: ملكيش دعوه لكل دا، اعملي اللي اللي قولتلك وخلاص.

حمزه ضحك وقام خرج، كان نازل لقي نجمه طالعه.

نجمه باستغراب: مش انت مشيت علي الكليه؟

حمزه ببرود: لا كنت عند ميرنا بفهمها حاجه مش فاهماها.

نجمه بهدوء: ماشي، هتروح الوقت الكليه؟

حمزه: اه.

حمزه سابها ومشي، وهي طلعت شقتهم بخنقه، دخلت قعدت علي الكنبه وشغلت التلفزيون، فتحت علي فيلم "عسل اسود" وافتكرت حماصه، راحت ابتسمت، بعدين الفيلم خلص، دخلت البلكونه و حضرت حاجات الرسم وقالت بصوت مسموع.

نجمه بتفكير: ارسم ايه بقا.. كملت بضحك.. انا يعتبر رسمت الزراعه كلها فاضل الناموس وابقي خلصت، ارسم ايه تاني، ارسم البارد.

نجمه رسمت وخبت اللوحه في الدولاب، بعدين نزلت عملت الغدا هي وفاطمه، كانوا كلهم جمعلي السفرة.

ميرنا كانت قاعده جنب حمزه من جنب و نجمه من الجنب التاني.

حمزه قرب رأسه شويه من ميرنا ومثل أنه بيقولها حاجه.

ميرنا مثلت أنها بتضحك بخفوت، وهو كمان ضحك بخفوت.

نجمه بصتلهم بسخريه وقالت في نفسها: كنت بتمثل عليا وحفرت حفره الحب وانا زي الهبله وقعت فيها.

وقامت.

ابراهيم: كلي يا بنتي انتي لحقتي.

نجمه بهدوء: نفسي رايحه لمكرونه بشاميل يا عمو هروح اعملها.

حمزه بصلها بغيظ.

توقعت انها هتزعل وهي لاحظت غيظه، بصتله بانتصار، دخلت المطبخ عيونها دمعت وقالت جمله ام كلثوم: اهرب من قلبي اروح علي فين؟؟

عز بخفوت: انت بتحاول تغيظها علشان تقرب وهي بتفكر في الباشميل، نجوم دي كوين واللهِ.

حمزه بصله بحده وقال بخفوت.

حمزه بحده: قلتلك اسمها نجمه علشان مزعلك.

عز بهدوء: طيب.

حمزه قام ودخل المطبخ بهدوء، نجمه حست بوجوده من ريحه برفانه، مسحت عيونها المدمعه ومثلت أنها مش واخده بالها بيه.

حمزه بضيق: اعمليلي قهوه ساده وهاتيها فوق.

نجمه بهدوء: حاضر، أقف بس خودها علشان بعمل اكل.

حمزه: ابعتيها مع ميرنا.

نجمه عطيته ضهرها وقالت ببرود: طيب نادي ميرنا تعملهالك كمان.

حمزه قرب منها وهمس: لا.. عايزها منك.

نجمه اتوترت بعدين قالت بحده.

نجمه بحده: ابعد عني.

حمزه ببرود: لا.. انتي مش مراتي؟؟

نجمه بضيق: حظي الاسود بقا.

حمزه ابتسم من تحت لتحت وكمل ببرود.

حمزه: طيب، متعمليش القهوه خلاص أنا اصلا خارج.

ليل عند حمزه.

حمزه كان اخد شاور وخارج بينشف شعره ونجمه قاعده علي الكنبه، راحت قالت بهدوء.

نجمه: بتكلمني كده ليه، انا عملت حاجه؟

حمزه ببرود: لا معملتيش.

نجمه بضيق: اومال بتكلمني كده ليه، هو انت شاريني شويه تكلمني حلو وشويه وحش.

حمزه بهدوء: خلصتي يلا علشان ننام.

نجمه بضيق: نام وانا هنام علي الكنبه ومن غير نقاش.

حمزه بصلها ببرود وبعدين راح نام، استناها لما نعست واخدها نيميها في حضنه.

نجمه بحده: شيل ايدك.

حمزه بنوم: نامي بقا استنيتك ساعتين لحد ما نعستي وبرضوا صحيتين.

نجمه بضيق: طب شيل ايدك انا هنام عالحرف وانت عالحرف التاني، ماهو مش هناك جنبك يعني مش هنام جنبك، انا مش تحت امرك، شويه تكلمني وشويه تنفضلي و شويه تاخدني في حضنك، ابعد يا لا.

حمزه مردش عليها، رفعت راسها بصتله لقته نام وباين علي وشه الإرهاق، افتكرت أنهم لقوا المكان اللي هيعملوا فيه الشركه بس لقوها جنبهم في الصعيد وان هو بيخلص شغله في الكليه وبييجي يقف مع المهندسين اللي بيبنوا.

اتنهدت بخنقه وحضنته ونامت.

عدت ايام وحمزه زي ما هو بيعاملها ببرود وبيتكلم مع ميرنا قدامها بطريقه كويسه جدا، وفي يوم كان مراد وعز ونجمه وحمزه وشيرين ميرنا قاعدين.

شيرين كانت بتتكلم مع مراد وعز ونجمه وميرنا.

حمزه كان داخل وجايب معاه علبه شوكولاتة.

نجمه في نفسها: يا تري جاي يصالحني ولا هتفاجأ ببروده اللي بقا ملازمه.

حمزه دخل وقعد جنب مراد وبص لميرنا.

حمزه بابتسامة: افتكرت وجبتلك اهو علشان تعرفي اني مش ناسيكِ.

ميرنا بصت لملامح نجمه بضيق.

ميرنا ابتسمت بضيق: شكرا.

نجمه بصت لحمزه بعتاب، وهو بصلها والوقت بس عرف أنه اللي بيعمله مش هيقربها ولا هيخليها تلمح حتي أنها بتحبه علشان ياخد خطوه لقدام ويعترفلها، بالعكس هو كان بيبعدها بالبطيئ وبيكرها فيه.

نجمه قامت بهدوء وكانت طالعه، لكن قابلها راضوان وقال.

رضوان: نجمه تعالي المكتب عايزك.

نجمه راحت معاه المكتب، حمزه استغرب أنه عايزها المكتب يعني لما باباه بيحتاج حد في المكتب بيكون حاجه مهمه.

في المكتب.

رضوان بهدوء: ايه حصل بينك انتي وحمزه بقيتوا كده.

نجمه بتوتر: كده ازاي، احنا زي ما احن.

رضوان بهدوء: لا، اتغيرتوا، ايه حصل.

(نجمه قالت في نفسها بخنقه: اقولك ايه انا اصلا مش عارفه ايه حصل).

بعدين ردت عليه.

نجمه بهدوء: مشكله صغيره يعني وهنحلها، هو واخد علي خاطره من حاجه انا عملتها وانا كنت غلطانه فيها، وهراضيه.

رضوان: لا، المفروض العكس.

نجمه بهدوء: لا زي ما قلتلك.

رضوان بهدوء: لو مش متوافقه مع حمزه وعايزه تطلقي منه قوليلي، انا هنا ابوكي مش ابوه.

نجمه بصتله لما جاب سيرة الطلاق وقالت.

نجمه بهدوء: لا، هو سوء تفاهم.

رضوان بحب: ماشي يا بنتي ربنا يهديكم.

نجمه ابتسمتله بحب وخرجت لقت حمزه في وشها.

حمزه: بابا كان عايزك ليه؟

نجمه: عادي، انا هطلع انام.

حمزه بهدوء: بدري كده!

نجمه ببرود: اه دماغي مصدع شويه.

حمزه بهدوء: ماشي اطلعي وانا هاجي وراك.

نجمه مردتش عليه ومشيت، وهي بتقول: اه لما تودع ميرنا الاول وبعدين تيجي.

نجمه طلعت ونامت علي السرير بخنقه وهي عماله تفكر، كان ليه من الاول يكون حنين معاها وهو مش هيكمل علي كده، ليه يرسم عليها الحب ني الاول، لما هو بيحب ميرنا اصلا.

دقايق وحمزه دخل وكان معاه كوبايه عصير ليمون بالنعناع.

قعد جنبها علي السرير ونده عليها لكن مردتش.

حمزه: قومي يا نجمه انا عارف انك صاحيه.

نجمه قامت بهدوء.

نجمه: عايز حاجة.

حمزه ناولها العصير.

حمزه بحنيه: اشربي دا دماغك هيرتاح شويه.

نجمه حطته جنبها علي الكومودو وتغاضت عن حنيته في الكلام وقالت.

نجمه ببرود: تسلم مش عايزاه يرتاح.

حمزه بهدوء: اشربيه علشان عايز اتكلم معاكي في موضوع مهم.

نجمه وشها بهت لما توقعت انه ممكن يكون موضوع طلاقهم، فاتكلمت بحده.

نجمه بحده: اتكلم عطول مش لازم اشرب.

حمزه بحنيه: طب اهدي طيب، انتي متعصبه ليه.

نجمه بصتله بخنقه وحطت راسها بين أيدها وقالت في نفسها: رجع يمثل الحنيه تاني.

نجمه رفعت راسها وشربت العصير وقالت: قول عايز تقول ايه.

حمزه بتوتر: انا اسف.

نجمه ببرود: اسف علي ايه.

حمزه: معاملتي ليكي الاسبوعين اللي فاتوا.

نجمه بحده: اسف دي تقولها لما تدوس علي ايدي، وبعدين ايه فكرك بيا الوقت، ايه ميرنا سابتك.

حمزه: لاء.

نجمه غصب عنها دمعت، قامت وقفت في وسط الاوضه وقالت بخنقه.

نجمه: هو انت شايفني غبيه لدرجادى، يعني قلت انا بكلم بنت عمي احسن منها و اسلوبي معاها زفت وهي ساكته فتبقي مش واخده بالها وغبيه صح.

حمزه جه يقرب منها راحت زعقت.

نجمه بزعيق: ابعد عني يا حمزه ابعد.

حمزه بعد وقال: خلاص واللهِ مش هقرب، بس اسمعيني.

نجمه بخنقه: اسمع ايه، انت طلقني مش عدا شهر ونص اهو طلقني بقا واتجوز ميرنا ولا اي واحده.

حمزه بحنيه: طلاق ايه لا طبعاً، ما قلتلك قبل كده، في حد يبقي معاه القمر ويروح يبص لـ النجوم.

نجمه بخنقه: كذب كل دا كذب، حنيتك في الكلام دي كمان كذب، حتي حبك الي في عنيك دا كذب، انت اه مقولتش انا بحبك، بس كان باين في عينك، انا كنت بشوفه بس طلع تمثيل، مثلت عليا الحب ولسه مكمل فيه.

حمزه قرب منها وحضنها غصب عنها، راحت هي عيطت.

حمزه قرب منها وحضنها غصب عنها. راحت هي عيطت.

"ابعد عني، انا مش طايقاك يا حمزه."

حمزه بهدوء: "مش طيقاني مش طايقاني، بس مش هسيبك."

"بطل تمثيل، انا اتخنقت من كذبك و تمثيلك."

حمزه بصدق: "طب واللهِ العظيم ما بكذب ولا في بيني وبين ميرنا حاجه، دي اختي الصغيرة."

نجمه بطلت عياط لما استشعرت نبرة الصدق اللي بيتكلم بيها وقعدت على طرف السرير بارهاق وقالت بصوت متقطع: "طب ليه طريقتك معاها الفترة اللي فاتت؟"

حمزه حط أيده على رأسه من ورا وقعد يلعب في شعره وبص في الأرض.

"قول بقا ولا بتدور على كذبة جديدة؟"

حمزه ضحك: "انتي على فكرة ظالماني."

"ليك نفس تضحك."

حمزه بهدوء: "هحكيلك كل حاجة، انا بس كنت..."

حمزه سكت بتوتر.

"سكت ليه؟"

حمزه بتوتر: "نجمه انا بحبك."

نجمه ضحكت بتعب: "يا سلام، لا بجد انا كده اقتنعت انك مفكرني غبية."

حمزه بصلها بضيق.

"انتي كده فعلا غبية، بقولك بحبك، انا اصلا عملت كده علشان اتنيلت حبيتك، يعني اتفقت مع ميرنا نمثل إننا إلى حد ما بنحب بعض، ودا يخليكي حتى تلمحي إنك بتحبيني واخد خطوة وأعترفلك، بس الموضوع كله جه بنتيجة عكسية، بس واللهِ بحبك ومحبتش غيرك ولا هحب غيرك، حبيتك قبل جوازنا أصلاً."

نجمه بصت في عيونه علشان تشوف بيصدق ولا بيكذب عليها.

"يعني لما تبصي في عيني هتعرفي بكذب ولا لأ؟"

"اه اسكت انت، وبعدين انت واقع من زمان."

حمزه ضحك بتوتر: "طب وعرفتي؟"

نجمه مش ردت.

"طب عرفتي امتى إني بحبك؟"

نجمه ابتسمت: "لما عينك بعتت سلام."

حمزه بخبث: "وعرفتي امتى إنك بتحبيني؟"

نجمه كملت: "لما قلبي بقا يستنى سلام من عينك."

حمزه بصراخ: "يعني بتحبيني أهوه."

نجمه أخدت بالها هي قالت إيه.

نجمه اتوترت: "يخربيتك في إيه؟"

حمزه حضنها: "لما بتحبيني سايباني كل دا ليه؟"

نجمه بخبث: "لا دا أحب إخوات مش اللي في بالك."

حمزه بعد وبصلها: "بتتكلمي جد؟"

نجمه بغيظ: "اه، دانا هطلع عينك يا حمزه على اللي عملته فيا."

حمزه ضحك: "قلبك أسود."

"مش أسود منك."

حمزه قرب منها وقال بحنية: "حقك علي قلبي."

نجمه بصتله بتوتر: "حمزه انت بجد بتحبني؟"

حمزه بصدق: "وواللهِ ما حبيت غيرك."

نجمه بهدوء: "طب والطلاق؟"

حمزه ضحك: "لا طلاق إيه بقا، عوض الله عليكي، هتكملي حياتك معايا."

نجمه ضحكت: "وواثق كده ليه؟"

حمزه ابتسم بتوتر: "علشان انتي بتحبيني زي ما بحبك واللي بيحب حد مش بيبعد عنه."

نجمه بخبث: "عارف باباك كان عايزني ليه؟"

"ليه؟"

"علشان قالي لو مش متوافقة مع حمزه وعايزة تطلقي أنا أطلقك منه."

حمزه بهدوء: "و انتي قولتي إيه؟"

نجمه ببساطة: "وافقت."

حمزه بزعيق: "نعم يا أختي؟"

نجمه خافت من صوته: "صوتك صوتك، واللي سمعته هو اللي حصل."

حمزه حاول يهدي نفسه: "وافقتي بجد يا نجمه؟"

"اه هو الموضوع دا فيه هزار؟"

"يعني عايزانا نطلق؟"

نجمه بخبث: "اه ومتخافش انا مش هطلع شكلك وحش قدام حد انا هقول محصلش نصيب وخلاص."

حمزه بحده: "طب طلاق مش هطلق، ارتاحي بقا."

نجمه بخبث دخلت المطبخ وهي بتقول: "هخلعك."

حمزه بصلها بغيظ: "انتي مش كنتي مش قادرة تمشي من شوية؟"

نجمه بكيد: "مانا دورت كلام باباك في دماغي ولقيتني حسيت براحة غريبة كده بعد ما فكرت في حوار الطلاق ده."

حمزه تغاضى عن كلامها هو عارف أنها بتحبه وبتقول كلام تطلع بيه غيظها وخلاص.

"انتي بتعُكي إيه كده؟"

"بعُك؟! مش هدوقك بعد ما أخلص."

"لا هدوق هشوف."

نجمه بصتله بغيظ وهو قعد على الرخامة بتاعت المطبخ وغنى: "وعرفت قيمتك لما بعدت ورجعت بعد فراق، جربت أعيش من غير هواك وادي النهاية، خليك معايا، خليك معايا يا حبيبي مهما كان، خليك معايا، خليك معايا يا حلم عمري اللي في خيالي من زمان."

نجمه ابتسمت بخفوت.

حمزه ابتسم: "ضحكت يبقى قلبها مال."

"لا لسه مش مال."

حمزه ضحك: "لا مال."

نجمه بصتله بغيظ.

"انتي بتعُكي إيه بجد."

نجمه بخفوت: "هقولك بعُك آيس كوفي."

"اعمليلي معايا."

"مانا بعملك علشان هنتفرج فيلم."

حمزه ابتسم بحب: "صالحتيني؟"

نجمه بزعل: "لا لسه واخده على خاطري منك، بس هنقعد علشان بقالنا كتير مش قعدنا سوا."

حمزه هز رأسه بزعل وخرج قعد مكانهم على الكنبة.

نجمه جابت الآيس كوفي وقعدت جنبه راح شدها في حضنه.

حمزه بهمس: "مكانك في حضني، مهما اتخاصمنا متبعديش عني."

نجمه بصتله بتوتر: "والمفروض أنا أضعف بقا وكده؟"

حمزه ابتسم: "تقريباً."

حمزه باس راسها بحنية.

سكتوا بعدين نجمه قالت: "كان واحشني الكلام معاك."

حمزه ابتسم بهدوء: "وانتي كلك على بعضك كنتي وحشاني... والاحضان دي بقا أكتر حاجة كانت واحشاني."

"سافل سافل مفيش كلام."

حمزه ضحك وهي ابتسمت، وسكتوا تاني.

حمزه همسلها: "بحبك، وعارف إنك بتحبيني بس بتكابري."

نجمه ابتسمت: "إيه مخليك واثق كده؟"

"عيونك."

نجمه بجديه: عارف.

حمزه بحب: احب اعرف.

نجمه: كرتون روبانزل هيبدأ الوقت، هاته علي 127.

حمزه بصلها بغيظ وشغله، وهي كانت بتتفرج بتركيز وهو بيبص عليها.

حمزه بهمس: نجمه.

نجمه ابتسمت: معاك.

حمزه بتوتر: هتسامحيني امتى؟

نجمه: الله اعلم.

حمزه سكت بزعل، وهي شافته مش هان عليها فقالت:

نجمه بابتسامة: عارف، قلت جوايا مش هكلمك تاني، بس أول ما كلمتني بحنيتك المعتادة لقيتني بكلمك عادي، ونسيت كل حاجة.

حمزه حضنها جامد وقال:

حمزه بهمس: كنت عارف إني مش ههون عليكي.

نجمه ضحكت بهزار: رغم إني هونت عليك.

حمزه بحنيه: واللهِ أبدًا، أنا كمان كنت ببقى مخنوق عشان بكلمك كده، وكنت مستنيكي تعملي حتى مضايقة عشان أعترفلك، بس كنتي بتبقي عادي، مهونتيش ولا عمرك بتهوني.

سكتوا لدقايق بعدين قالت:

نجمه بهمس: هو أنا قلتلك إني بحبك؟

حمزه بصلها بتوتر: انتي قولتي حاجة؟

نجمه بتمثيل: لا.

حمزه كشر: أه يبقى أنا أتهيألي.

نجمه ضحكت بخفوت: ممكن.

الكارتون خلص، راحت نجمه قالت:

نجمه: أنا هروح أنام.

حمزه بخبث: نامي على السرير من سكات، خليني أحضنك بضمير تعويض الـ 3 أسابيع.

نجمه ابتسمت و مردتش عليه، وراحت نامت على السرير.

حمزه نام جنبها وشدها عليه وهي ساكته.

حمزه ضحك: انتي ساكته ليه؟ كنتي بتتخانقي معايا كل مرة.

نجمه: مش قولتلي من شوية دا مكانك، ولا رجعت في كلامك؟

حمزه بغزل: لا رجعت إيه، أنا قتيل نومتك في حضني.

نجمه ضحكت بخفوت وقالت في سرها: (وأنا واللهِ حضنك بقى بيتي).

بعدين قالت:

نجمه: أنا صالحتك أه، بس برضه لازم تراضيني.

حمزه بحنيه: أراضيكي بعيني.. وكمل بغزل وهو بيغمز.. إحنا عايزين ننول الرضا.

نجمه ابتسمت بخفوت: عليك شوية كلام يوقعوا أي حد.

حمزه بغرور: عارف عارف.

نجمه بخبث: ما عدا أنا.

حمزه خبطها على راسها بغيظ.

نجمه بغيظ: أيوا هتراضيني إزاي برضه.

حمزه: هقولك بكرة.

نجمه ضحكت: هتخرجني، أشطا، بقالك 3 أسابيع مش خرجتني، أنا عداهم.

حمزه بحنيه: حاضر، هخرجك اليوم كله.

نجمه ابتسمت، وهو شوية راح قام قعد وقال:

حمزه: قومي اقعدي معايا، أنا مش جايلي نوم.

نجمه قامت قعدت، راح قال بتذكر:

حمزه بتذكر: فاكرة الواد اللي ضربته في الكلية؟

نجمه بتوتر: اللي كان السبب في جوازنا؟

حمزه بغزل: لا ياختي، كنت هتجوزك كده كده، ما أنا واقع من زمان.

نجمه ابتسمت: أه عارفاه.

حمزه: ليه قال الكلام اللي قاله يومها؟

نجمه بضيق: عشان قالي مرة هاتي رقمك، وأنا قولتله لأ، أنا مش بتاعت الكلام ده ومشيت. وقافني مرة تاني في نص الكلية وقالي برضه هاتي رقمك، رحت قولتله ما قلتلك أنا مش بتاعت الكلام ده، هو إيه البلاوي اللي بتتحدف عليا دي؟ وهو بقى شكله شايل مني شوية.

حمزه: هو أنا قلتلك إن عيونك حلوين قبل كده؟

نجمه ضحكت بكسوف: أفندم، أنا فين وانت فين؟

حمزه ضحك: أنا غرقان في كوبايتين القهوة اللي في عيونك.

نجمه ضحكت بخفوت: مش قلتلك عليك شوية كلام يوقعوا أي حد.

حمزه بغزل: بس أنا مش عايز أي حد، عايزك انتي.

نجمه ضحكت: نجوم السما أقربلك يا باشا.

حمزه ضربها على دماغها بغيظ.

نجمه حطت إيدها على راسها وقالت بحنق: إيدك بتوجع يا رخم.

حمزه بحنق: أحسن.

نجمه بصتله بغيظ: طب واللهِ هنام وأسيبك قاعد لوحدك، متعصبنيش.

حمزه ضحك: لا بالله عليكي، عشان العفريت هياخدني.

نجمه بصتله بغيظ، راح ضاحك.

حمزه أخد باله إنها لسه لابسة الطرحة، قال:

حمزه: انتي لابسة الطرحة ليه؟

نجمه بغيظ: بقالي 3 أسابيع مش بقلع الطرحة قدامك، لسه واخد بالك؟

حمزه: لا، أخدت بالي تاني يوم على طول، بس عشان في الخطه متخربش، كنت بسكت.

نجمه بخبث: اااه طيب، عمومًا عيب تشوفه، أصل أنا بعيد عنك بأحرج.

حمزه بصلها بحنق: مش كنا خلصنا من الحوار ده؟

نجمه بخفه: في دكتور جامعي لبق في الكلام يقول حوار.

حمزه ببرود: أه أنا، يلا اقلعي بقى الطرحة.

نجمه بخبث: لا.

حمزه بغيظ: اخلصي يا نجمه، بحب أشوف شعرك، بقالي تلت أسابيع مش بشوفه، واحشني واللهِ.

نجمه ابتسمت بخفوت.

حمزه: شوفتك وإنتي بتضحكي، على فكرة.

نجمه بصتله وضحكت جامد، راح حضنها وشد الطرحة وقعد يلعب في شعره.

نجمه بتوتر: خلاص إيدك بقى يا عسل.

حمزه بغيظ: عسل إيه؟ بتكلمي ابن أختك؟

نجمه بغيظ: أه، إيدك بقى، إيدك طولت أصلًا لدرجة إنك فكيت شعري.

حمزه بغزل: ما قولتلك كان واحشني، سيبيني ألعب فيه بقى شوية.

نجمه ابتسمت بكسوف، بعدين قالت:

نجمه: فاكر لما قولتلي قبل الخطه بتاعتك نامي عشان متجننش عليكي، كنت هتعمل إيه؟ إنت ممكن تضربني يا حمزه.

حمزه ضحك: أضربك إيه يا هبلة.

نجمه بغباء: أومال كنت هتجنن إزاي؟ هترميني من الشباك يعني؟

حمزه بخبث: لا، كنت بصراحة هعمل حاجات هموت وأعملها.

نجمه بإحراج: طب واللهِ مش محترم.

حمزه ضحك: أومال لو قلتلك هاتي بوسة بقى.

نجمه بعدت عنه ونزلت راسها بتوتر وقالت: يخربيتك، عيب كده.

حمزه ضحك على كسوفها ونام جنبها وشدها عليه.

حمزه بضحك: خلاص أنا آسف.

نجمه بتوتر: آسف إيه يا عم، إنت مش محترم خالص.

حمزه ضحك: مش محترم إيه؟ أومال لو قول...

نجمه بصراخ: يخربيتك خلاص ياعم، متقولش، حقك عليا.

حمزه بخفه: انتي فيكي كمية براءة إيه دي؟

نجمه بإحراج: براءة مين؟ إنت اللي مش محترم، هسميك المش محترم.

حمزه ضحك: الله يسامحك.

نجمه بتوتر: تصبح على خير يا مش محترم.

حمزه باس راسها بحنيه: وإنتي من أهل قلبي.

نجمه ابتسمت بخفوت.