تحميل رواية «نور الجاسم الجزء الثالث» PDF

في بيت شادي وملك..

شادي نازل على السلم بسرعة وباين إنه زعلان، وملك نازلة وراه بتجري. روح بنتهم قاعدة قدام التلفزيون، ولما شافتهم كده سابت الريموت وانتبهت ليهم.

ملك: شادي بقولك استني هنا.

شادي: عايزه إيه بقى مني؟ أنا قرفت.

ملك: بقيت أنا اللي بنكد دلوقتي؟

شادي: أيوه بتنكدي. تسمي إيه إني أدخل آخد شاور وحضرتك تفتشي في هدومي وتلاقي علبة فيها خاتم، ولما أخرج وأقولك إني جايبه ليكي تعملي تحقيق؟ هو الخاتم ده ليا ولا لواحدة تانية؟ جايبهولي بمناسبة إيه؟ إنتِ أكيد بتكذبي. خد اديه للزبالة اللي تعرفها. قلتلك معرفش حد غيرك والخاتم ليكي، أعمل إيه تاني!

ملك بزعيق: انت كداب يا شادي! وأكيد تعرف واحدة عليا.

شادي مسكها من إيديها جامد وهو بيجز على سنانه، بس تمالك نفسه وخد مفاتيحه وخرج.

ملك: براحتك يا شادي.. براحتك أوي!

روح: أنا ماشية.

ملك: رايحة فين بقى إن شاء الله؟ هو كله هيمشي بسببي؟

روح بصراخ: هو أنا قولت إني ماشية بسببك؟ أنا ماشية عشان تتخانقوا براحتكم. كل يوم خناق.. خناق.. أنا تعبت!

ملك: روح اقصري الشر، انتي لسه مخلصة امتحانات، متخلنيش أنكد عليكي.

روح: انت.. هغور أوضتي. يا ريت متطلعش ورايا.

روح طلعت أوضتها.

ملك: البت بتزعق.. انتي يا أستاذة روح.. (طلعت برضو وراها).

في أوضة كنز اللي في فيلا آدم، كنز لابسة بيجامة وقاعدة على السرير. جمبها ليلي.

كنز: يوووه.. يا بنتي ارحمي نفسك هتعنسي.

ليلي بحزن: أعمل إيه بس يا كنز؟ أبوكي مش بيحس.

كنز: قوليله.. عرفيه إنك بتحبيه!

ليلي: يا كنز أنا بقالي سنين بلمحله، وهو مش حاسس.

كنز: مش كفاية تلميح.. انتي لازم تواجهيه!

ليلي بتوهان: أواجهه إزاي؟

كنز: بصي يا ليلي، أنا بحب بابا جداً وعارفة إنك بتحبيه وهو بيصعب عليا. بابا صغير مش كبير وقمور جداً وصاحبي بيعاكسوه، بس هو قافل باب الجواز والحب نهائي، وإنتي اللي هتفتحي الباب ده. وأنا بقى اللي هديكي المفتاح.

ليلي: يعني أعمل إيه؟ مفيش حاجة بتأثر فيه.

كنز بلمعة عين: خليه يغير.

في بيت جاسم، كلهم قاعدين فوق الفيلا على السطح، ومشغلين التلفزيون على ماتش كورة وقاعدين بيضحكوا كلهم. جاسم حاضن نور وبيتفرج. تاليا بنتهم بتتكلم في الفون. نوح ويزيد قاعدين على الأرض بيشجعوا. حور قاعدة على رجل عمر وعمالة تضحك وعمر عمال يقول نكت.

عمر: طب اسمع دي.

جاسم: اخرس يا اض كفاية. كتك داهية في خفة دمك.

عمر بصوت أنوثي: مبقناش نعجب يعني!

نور: ههههه.. فاكر يا جاسم أول لما اتجوزنا وكان في ماتش برضو وكنا قاعدين في نفس المكان وانت حاضني كده؟ ولما الماتش خلص.. هههههه.

حور: أيوه لما ضرب الظابط. ههههه.

جاسم بضحك: يا جماعة عندي حق. واحد بيقولي جاي آخد مراتك.. هقوله إيه؟

عمر: وهو يعني هياخدها يفسحها؟ ده كان عايزها في محضر.

نوح: جوووووول.. طب والله العظيم حلوة.

يزيد بخنقة: يا عم الحكم ده قابض.

نوح: ششش.. اسكت يا زملكاوي.

جاسم: هاتي الفون يا تاليا، هكلم ملك الزملكاوية دي كمان.

تاليا بعدت الفون شوية: حاضر يا بابي. إيه يا بنتي بقولك مش معبرني خالص.

تاليا واقفة بعيد عنهم.

البنت: يا بنتي ده أخوكي بتغيري عليه.

تاليا: انتي مش فاهمة، إحنا كنا بنحب بعض إزاي، بس من ساعة ما بدأ يحب ست روح وهو مش مهتم بيا.

البنت: انتي بتغيري من روح بنت عمتك؟

تاليا: لا طبعاً دي أختي، بس بحس إنها بتاخده مني.

جاسم: الفون يا توتي.

تاليا: طب باي دلوقتي.. الفون أهو يا بابي.

يزيد: تعالي اتفرجي معانا يا تاليا.

تاليا: مش بحب الكورة يا يزيد. تعالي انت نتفرج على فيلم.

يزيد: يلا.

نوح: اقعد يا اض. روحي اتفرجي لوحدك، إحنا متابعين الماتش.

جاسم: ملك مش بترد.

تاليا: بابي خلي يزيد يجي معايا. هو دايماً بيسمع كلام نوح.

جاسم: هو ولد يا روح بابي ومتابع الماتش، مينفعش تيجي تقوليله فجأة تعالي نشوف فيلم.

تاليا: طب أعمل إيه بقى؟ أنا عايزة بنت.

جاسم بيغمز لنور: غالي والطلب رخيص.

نور بكسوف: احم... روح بنت عمتك زمانها جاية.

تاليا: أنا هروح أكلمها.

نوح بسرعة: لا خليكي، أنا هروح.

نوح جري على تحت عشان موبايله تحت ونزل وقف قدام باب الفيلا، ولسه هيتصل الباب خبط.

نوح فتح: روح.. انتي بتعيطي ليه؟

روح حضنته وهي بتعيط.

نوح: أهدي.. طب فيه إيه؟ انتي كويسة؟ عمتو وشادي كويسين؟

روح ببكاء: كل يوم خناق وأنا تعبت أوي.. أنا عايزة أبعد عنهم.

نوح: أهدي يا روح أهدي.. تعالي نطلع دلوقتي ونشوف حل.

روح بوش أحمر: ح.. حاضر.

نوح بضحك: إيه الطاعة دي كلها!

روح ضحكت وطلعت على فوق، ونوح وراها.

كنز واقفة في الأوضة وخلصت لبسها وبتلم حاجتها عشان النهاردة هتبات عند جاسم. وليلي قاعدة بتكلمها.

كنز: يا لولي أنا كبرت، خلاص خلصت ثانوي وهدخل جامعة، يبقى تأجلي إنك تقولي له إيه؟

ليلي: بس أنا هقوله بكرة.

كنز: أوك.

كنز وقفت قدام المرايا تراقب نفسها، وكانت لابسة جيب جلد وتيشيرت بكم أحمر وكوتشي أحمر وشنطة على ضهرها بيضاء.

كنز: يلا ابقي قولي لبابي إني مشيت بسرعة عشان متأخرش وسلميلي عليه. باي يا لولي.

ليلي: باي يا حياتي.

كنز نزلت وركبت الاسكوتر بتاعها، أيوه ما هي الدلوعة بتاعت العيلة وطلباتها مجابة، والاسكوتر ده كان من جاسم بمناسبة إنها خلصت ثانوي بمجموع كبير جداً. ركبت الاسكوتر ونزلت في بنزينة عشان البنزين بتاع الاسكوتر بيخلص. ودخلت تشتري قهوة من جوه. قعدت على كرسي قدام الراجل.

كنز: واحد آيس كوفي لو سمحت.

الراجل: حاضر يا فندم.

كنز طلعت الموبايل وبتقلب فيه، وقاعد على الكرسي اللي جمبها مالك اللي اتخانقت معاه قبل كده. بص لها وضحك ودور وشه الناحية التانية، وهي بصت للي بيضحك واتكلمت.

كنز: مش شايف حاجة تضحك يعني.

مالك من غير ما يبصلها: المتدلعة!

كنز بتضييق عين: انت ال...

مالك بص لها: هههه.. شوفي الصدف! اتخانقت معاكي من كام شهر وأقابلك تاني. ده ربنا كاتبي إني أبوظ وشك الجميل ده.

كنز: هه.. أظن أنا اللي حظي حلو إني هضربك تاني ولا نسيت.

مالك باستفزاز ونظراته وحشة ليها: طب ما تيجي نجرب في بيتي وشوفي مين هيخلي التاني يمشي مكسور.. go!

الراجل: الآيس كوفي يا فندم.

كنز بابتسامة مستفزة: ميرسي.. بس أظن هو اللي هيشرب.

كنز في لحظة كانت خدت الآيس كوفي رمته على مالك، بس لأن الآيس كوفي بارد طبعاً محرقوش، بس هو خلع النضارة اللي لابسها وبيمسح عينه.

كنز وهي ماشية: المرة الجاية انت اللي هتستخبى مني، أظن كده بقى نبدأ... go؟!

كنز كانت هتمشي بس سمعت صوته من وراها، لفت ولقته واقف قدامها والناس بتتفرج.

مالك: go!

مالك: go!!.

كنز ومالك بيتخانقوا وبيكسروا الترابيزات والكراسي. مالك مش عارف يضربها لأنها متدربة كويس، وهي كمان مش عارفة. في النهاية، كتف إيديها وهمس جنب ودنها:

مالك: فوقي يا بت. ده أنا مالك رأفت. ولو أنا سايبك عايشة لغاية دلوقتي، فده عشان انتي طفلة بالنسبة لي. بس أقسم بالله لو شفت وشك تاني ما هرحمك. فااااهمة!!

مالك سابها عشان يمشي، بس هي كانت هتحاول تضربه في ضهره. هو لف، وهي كانت هتقع. مسكت في السلسلة بتاعته. السلسلة اتقطعت ووقعت واتفتحت. ظهر صورة جواها لمالك وهو صغير، وأمه، ويوسف. مالك وطى خد السلسلة، بص لكنز بغضب، وركب عربيته ومشي. هي كانت بتنده عليه بس هو مش بيرد.

كنز وهي إيديها في وسطها: يا ربي. ممكن يكون شبه؟ أيوه، بس ده يوسف اللي حاول يقتل مامي نور. أنا متأكدة، أنا شوفته وأنا صغيرة. يعني الواد ده ابنه؟

موبايل كنز رن، وكان جاسم.

كنز: الو يا بابي.

جاسم: انتي فين يا كوكي؟ أنا مستنيكي.

كنز: أنا خلاص جايه أهو. هما كلهم هناك.

جاسم: آه، بس ملك وشادي اتخانقوا كالعادة. روح هنا. وأكيد دقائق وهتلاقي ملك جاية تشتكي. وأنا هستنى ملك، بعد كده أروح أجيب شادي من بيته.

كنز: أما انتو عيلة فصيلة أوي. يعني أقولكم اتجمعوا كلكم؟ عايزاكم في موضوع. ملك وشادي بيتخانقوا، وأنت تروح تجيب شادي. طب وربنا أنا قاعدة معاكو عشان الشبكة عندكوا حلوة.

جاسم: ههههه. يلا يا حيوانة، مستنيكي.

كنز: ماشي. باي يا جسومي.

كنز ركبت الاسكوتر بتاعها وراحت بيت جاسم.

في قصر جميل جداً، ألوانه غامقة بس شيك. دخل مالك ولقى كريستينا مراته، أو فاطمة لأنها أسلمت من أول ما اتجوزت يوسف، قاعدة بتتفرج على فيلم قديم لإسماعيل ياسين وبتضحك. ابتسم تلقائياً وقعد جنبها.

مالك: كل يوم أفلام إسماعيل ياسين. انتي مش بتزهقي؟

فاطمة: عمري ما هزهق. انت مش فاهم إسماعيل ياسين ده كنز من كنوز مصر. مصر فيها حاجات كتير جميلة، وإسماعيل ياسين من أحلى الحاجات دي.

مالك: ربنا يرحمه. وأنا كمان بحبه جدا.

فاطمة: your okay؟

مالك: أنا كويس. بس عايزك تحكي لي اليوم اللي قابلتي فيه بابا.

فاطمة بحزن: انت كل يوم عايز تسمع الحكاية دي؟ انت مش بتزهق؟

مالك بضحك: انتي حكاياتك جميلة أوي، والحكاية دي من أجملهم.

فاطمة: ماشي يا لمضة. أنا كنت مضيفة طيران. واليوم اللي أبوك جه هو وجدك أمريكا، أنا كنت على نفس الطيارة. بس كنت بتكلم عربي كويس بطبيعة شغلي. كنت بقدم لواحد عصير، وحاول يلمسني. بس أبوك وقف وبدأ يهزق الراجل ده وكان هيضربه. وأنا اللي جه في بالي إن ده المصري اللي بيقولوا إن دمه حامي وكده. كنت مبتسمة طول الرحلة وعمالة أبص له وهو واخد باله وبيضحك. و...

مالك: وإيه؟

فاطمة: حبيبي، الوقت اتأخر وأنا هقوم أصلي. ادخل نام، وبكرة نكمل.

مالك: ماشي. تصبحي على خير.

فاطمة: وانت من أهله يا حبيبي.

ليلي واقفة قدام باب الفيلا وبتتكلم مع كريم، الحارس الشخصي لآدم.

ليلي: كريم، هو انت جيت قبل آدم ليه؟

كريم: أنا كنت معاه، بس هو جاله مكالمة في العربية، تقريباً من أستاذة كنز. وطلب مني أدخل أنا، وهو جي ورايا.

ليلي: امم.. طيب يا كريم.

كريم: بحب "كريم" منك أوي. بحسها مختلفة.

ليلي بكسوف: ش.. شكراً.

كريم: إيه شكراً دي؟ يا بنتي، ردي حلو كده.

ليلي: مش بعرف.

آدم: بس أنا بعرف. قدامي يا ليلي.

ليلي بخوف: لا، أنا رايحة.

آدم بزعيق: بقولك قدامي. انتي بقيتي بتعاندي ليه كده؟

ليلي بدموع: مش من حقك تزعق لي.

كريم: أستاذ آدم، هي ملهاش...

آدم: اششش. اخرس انت. قدامي يا ليلي.

ليلي دخلت وهو قفل باب الفيلا جامد، وهي اترعشت. لقيته بيمسك دراعها عشان تلف له.

آدم: واقفة تضحكي وتهزري ولا كأنك تعرفي آدم الصياد؟

ليلي بدموع: آدم الصياد؟ آدم الصياد؟ مين انت يعني؟ بالنسبة لي إيه؟ أنا مجرد بشتغل عندك.

آدم بزعيق: اهو انتي قولتي بشتغل عندك، يبقى تحترميني.

ليلي: أنا محترمة كويس وبحترمك كصاحب الشغل بتاعي. لكن أي تطاول منك... يبقى أنا بستقيل.

ملحقتش تكمل لأنه زقها على الحيطة ووقف قدامها.

آدم: لو أنا بالنسبة ليكي صاحب الشغل، ف انتي بالنسبة ليا حاجة كبيرة جدا.

كنز دخلت وكلهم كانوا قاعدين، حتى شادي. جاسم جابه. كنز قعدت وبتفرك في إيديها.

كنز: احم. أنا جمعتكم النهارده لأني قررت أسافر. أيوه، أنا هسافر فرنسا لنادر. أو اللورد.

كنز بتوتر: أنا قررت أسافر فرنسا لنادر أو اللورد.

نور وقفت بخوف: انتي بتهزري؟

ردي عليا.. انتي بتتكلمي بجد؟ أنا ما صدقت خلصت من الناس دي.. تقوم بنتي تروح برجليها ليهم.

حور: أهدي يا نور، أكيد في حاجة غلط.

نوح: كنز، انتي مسافرة بجد؟ ومين نادر ده؟

كنز: يا جماعة.. أنا عايزة أكمل تعليمي بره.. وأقصد يعني إحنا نعرفه.. فممكن..

نور بصراخ: ممكن إيه؟ دي ناس مشوفناش منها حاجة عدلة.. مفيش سفر، انتي سامعة.

جاسم اتكلم.

جاسم بهدوء ما قبل العاصفة: اخرجو بره.

ملك: جاسم بس..

جاسم بزعيق: قولت اخرجو.. بررررره!

كلهم بيبصوا لبعض، بعد كده خرجوا وسابوا جاسم مع كنز.

جاسم بهدوء: لايه يا كنز؟

كنز: جسومي أنا..

جاسم: انتي الوحيدة اللي شاركتيني حزني لما نور كانت بعيدة عني.. وانتي اللي برضه اللي شوفتي الماس دي عملت فيا إيه وضحكوا علينا إزاي.. يبقى لايه تروحي ليهم.. وبعدين انتي مسمعتيش الزفتة مادلين قالت إيه قبل ما تمشي؟ قالت إن جوزها كان تاجر مخدرات وأسلحة كبير.. يبقى أكيد انتي عايزة تروحي هناك بسبب..

كنز اتنهدت: لما وريت لبابي آدم صورة نادر وقولتله هو أنا أعرفه؟ أصل أول ما شوفته قولتله: "انت اللورد". رد وقالي.. إن لما مامي ماتت كان لازم يجيب حد يحرسني، ونادر كان أكفأ واحد للمهمة دي وبابي جابه الفيلا واسم الشهرة بتاعه اللورد.. وعشان كده الاسم فضل في دماغي.. بس نادر رفض أنه يحرسني لأنه كان مسافر فرنسا.. وأكيد هناك اتعرف على مادلين.

جاسم: كنز، سؤالي واضح.. عايزة تسافري لايه؟

كنز: أنا عرفت إن يوسف عنده ابن.. و..

جاسم بصدمة: إيه؟

آدم: أنتي بالنسبة ليا حاجة كبيرة أوي يا ليلي.

ليلي بدموع: إيه هي الحاجة الكبيرة؟

آدم غمض عيونه بوجع وبعد عن ليلي.

آدم: كنز روحت.

ليلي ببكاء: أنا ماشية ومش هرجع إلا لما تعرف أنا إيه بالنسبة ليك.. بس عايزك تتأكد إني بحبك.

آدم: ليلي استنى.

ليلي قفلت الباب وراها وعيطت، بعد كده طلبت أوبر ومشيت، وآدم قاعد مكانه بيفكر كتير في مشاعره ناحية ليلي.

آدم لنفسه: منكرش إن فيه مشاعر اتجاه ليلي ومتأكد إنها مش بنتي ولا أختي.. لأني بحبها.. بس مش هقدر.. هدي راحت مني زمان.. وريناد ضحكت عليا.. خايف تطلع زي ريناد.. أو.. أو تروح زي هدي.. أنا مش هقدر.. أنا آسف يا ليلي.

جاسم: إيه.. طب وانتي عرفتي منين؟ أنا الواد ده مش هسمحله يقرب من حد من أهلي.. ردي.

كنز: الولد ده يبقى مالك اللي اتخانقت معاه.

جاسم: مالك.. انتي اتخانقتي مع حد اسمه مالك؟

كنز: الموضوع كان من شهور.. يوم عيد ميلادي.

جاسم: امم. افتكرت.. طب انتي إيه علاقتك بالموضوع وبرضه لايه هتسافري؟

كنز: الموضوع ملوش علاقة بمالك.. أنا كنت عايزة أسافر عشان أكمل تعليمي بره وأخلي نادر يدربني.. أنا محتاجة أتدرب.. ولو انت مش موافق خلاص أنا باخد رأيك.. فلو مش موافق أنا مش هسافر.

جاسم: اممم.. طب واللي يجيبلك نادر هنا؟

كنز بلمعة عين: بحبك يا جسومي!

تاليا: مامي هي كنز مسافرة بجد؟

نور بتعب: اطلعي أوضتك يلا وخذي روح.

روح: بس يا نور.

ملك: اسمعوا الكلام يلا.

ملك: روح هو فين عمر؟ كان زمانه بيقنع كنز.

حور: معرفش.. هو سلم على كنز أول ما جت ومشي.

ملك: طب اهدي يا نور.. إن شاء الله مش هتسافر أكيد يعني مش هتروح لتجار سلاح ومخدرات برجليها.

نور برقت: إيه؟ جاسم مجابليش سيرة إنهم تجار مخدرات.. كنننننننننز!!!

مالك قاعد على السرير وبيحاول يصلح السلسلة ومش عارف، طلع الصورة شالها في جيبه ورمى السلسلة.

مالك: ماشي يا كنز وربنا لأوريكي.

مالك قام ودخل لـ فاطمة أمه وكانت بتقرأ قرآن، صدقت وبصت لابنها.

فاطمة: عايز تقول حاجة؟

مالك: الصراحة آه.. فاكرة البنت اللي اتخانقت معاها اليوم اللي جيت فيه مصر أنا وانتي.

فاطمة: آه لما طلبت منك أكل آيس كريم وحضرتك اتخانقت وبوظت الآيس كريم.

مالك: بالظبط.. أنا قابلتها النهارده.

فاطمة بتوتر: طيب ما الموضوع عادي أهو.

مالك: إحنا اتخانقنا.. والمدلعة قطعتلي السلسلة!

فاطمة بصوت عالي: وشافت الصورة اللي جواها؟

مالك بعدم فهم: ماما انتي كويسة.. في إيه.

كنز: خلاص يا نونو والله ما هسيبك.

نور وهي بتطلع كنز من حضنها: انتي أكيد عارفة إني بحبك أوي ومش هستحمل تبعدي عني.. حتى لما اتعودتي على أبوكي وكنتي هتعيشي معاه وتيجي في الإجازات رفضت لأني بحبك يا كنز.. ومش هبعد عنك أبداً حتى لما يبقى معاكي عيلة قدك كده برضو مش هبعد عنك.

كنز: قوليلي بقى القاعدة الحريمي دي عاملينها لإيه؟

حور: عشان نقنع ست ملك إن شادي بيحبها ومستحيل يخونها.

ملك: يا جماعة أنا حاسة.

كنز: يا شيخة اتنيلي.. حتى إحساسك غلط.

نور: ملك أهدي.. شادي مش كده.. ده متربي مع جاسم وأخلاقه مش كده خالص.

حور: حتى عمر.. مع إنه يعرف بنات بس أنا متأكد إنها معرفة شغل بس هو عشرى مش أكتر.. بس مستحيل.. مستحيل يخوني.

جت رسالة لحور على الفون.

حور: إيه ده.. اعااااا.. يا ابن الكلب يا عمر.

مالك: ماما ردي عليا.. البت دي بنتهم؟

فاطمة بخوف: لا.. أبعد عنها يا ابني.

مالك بزعيق: البت دي بنت نور صح؟ نور اللي حرمتني من أبويا.

فاطمة بصراخ: نور مش السبب.. أبوك هو اللي عمل كده في نفسه.

مالك: يعني فعلاً البت دي بنتها؟

فاطمة بصراخ: أيوه هي.. ارتحت.

كنز بنت جاسم ونور.. أيوه!

فاطمة بصراخ: أيوه هي ارتحت، كنز بنت جاسم ونور.

مالك مسكها من كتفها: عرفتي منين؟ وليه ما قولتليش؟

فاطمة ببكاء: ما كنتش عايزاك تفتكر، أو حتى تفكر في أبوك.

مالك بغضب: الزفتة اللي اسمها نور خدت أبويا مني، هي اللي قالتله إنها عايزة تتجوزه، وخلته يطلقك. إنتِ إزاي متسامحة وسايبة حقك كده؟ أنا مش هسيب حقي، أنا عشت عمري من غير أب، حتى جدي اتبرى منك لما أسلمتِ، ومحدش من قرايبك حسسوني إني مش لوحدي. أنا بكره الناس دي، بكرههم!

فاطمة ببكاء ورعشة يد: لا، لا الله أعلم ده حصل ولا لأ، أبوك اللي قالي كده وأبوك ممكن كان بيكدب.

مالك بحبس دموع: أنا كنت بشوفك كل يوم وإنتِ بتعيطي في أوضتك، كنت بشوف وشك وهو بيكرمش من الزعل. أنا اللي كبرت عن سني ألف سنة بسببهم. خدتوه مننا وجوزها لما عرف إنها هتتجوزه أكيد هو اللي عمل الحادثة وقتل أبويا.

فاطمة بصراخ: لا، لا الله أعلم ده حصل ولا لأ، مينفعش تقول اتهامات من عقلك.

مالك: صح، الاتهامات دي هما اللي هيعترفوا بيها، قريب أوي.

فاطمة: مالك، استنى رايح فين، يا بني استنى، استنى!

***

حور: أعاااا، يا ابن الكلب يا عمر!

نور: في إيه يا حور؟

حور: الحيوان قاعد في نيتكلب، آه والمصحف لأوريه. تلاقيه بيخوني أنا حاسة!

كلهم بيضحكوا، ما عدا حور اللي هتموت وتشوف عمر دلوقتي بيعمل إيه.

ملك بضحك: هههه، طب، هههه، طب مين بعت الصورة؟

حور: آه صح اصبري، ده يزيد الكلب، واد يا يزيد.

يزيد بضحك: أنا اتصلت بالمحامي.

حور: ليه؟

يزيد: علشان قضية الخلع، مش إنتِ هتطلقي؟

حور: أعاااا تعالي هنا يا ابن الـ...

يزيد: والمصحف إنتِ شكلك من شبرا وبتستعبطي!

حور: محدش هيخلصك مني أبدًا.

كنز ضحكت وبعد كده بصت في ساعة الأيفون اللي في إيديها، لقت الساعة 7 الصبح. خدت شنطتها وقالتلهم إنها هتشم هوا شوية وهما استغربوا بس محدش بيرفض ليها طلب. وفعلاً راحت قدام النيل وكان فاضي، وقفت ع الكورنيش وشغلت أغاني بس هوب مالك ركن عربيته ونزل وقف وهي بتسمع أغاني ومندمجة جدًا.

مالك: وليكي نفس تسمعي أغاني بعد اللي عملتيه؟

كنز بتلف وشعرها طار على وشها، ومالك قريب منها وأول ما عينه جت على عينيها سكت وهي بتسرح وبتفتكر إن يوسف أبوها لما خطف نور وجاسم قد إيه اتعذب. سكتت وركبت السكوتر ومشيت وهو واقف مكانه بيراقبها وهي ماشية وبيتوعد ليها ولأبوها.

***

تاني يوم

ليلى لابسة جلابية بيتي قطن وشعرها الطويل عاملاه كحكة لتحت وبتمشي في الشقة وأمها وراها.

أمها: يا بنتي طب اقعدي معاه، هو إيه اللي يعيبه بس ده شاب محترم وشغال محاسب.

ليلى بتقعد: يوه يا ماما قلتلك مليون مرة أنا مش عايزة أتجوز دلوقتي، أنا حرة.

أمها: لا مش حرة يا بنت عبد الرحمن. يا بنتي اسمعي إنتِ كده هتعنسي.

ليلى: يا ماما أبوس إيدك أنا مش عايزة أتجوز.

أمها: طب ورحمة أبوكي يا ليلى لتقعدي معاه، ده عاشر عريس يتقدم ليكي وترفضي، الناس بتتكلم عليكي، أنا قولت اللي عندي.

ليلى: حاضر يا ماما عن إذنك بقى عايزة أقعد لوحدي.

***

روح في النادي هي وكنز وتاليا.

كنز: هروح أشتري حاجة أشربها.

روح: ماشي.

كنز ماشية لقت عربية بتقف قدامها لونها أسود.

كنز: إيه العبط ده، ما تقف على جنب يا عم.

***

عم؟ لسانك طول يا متدلعة!

***

روح: ألو يا أنكل جاسم.

جاسم وهي بيشوف ورق قدامه: إيه يا روحي روحتوا؟

روح: تاليا معايا بس كنز راحت تجيب حاجة تشربها وبقالها ساعة ما جتش واتأخرت أوي.

جاسم بقلق: طب اتصلتي بيها؟

روح: أيوه موبايلها مغلق.

جاسم: طب أنا جاي، خلي بالك من تاليا وما تتحركيش من مكانك.

روح: حاضر، سلام.

***

ملك: شادي إنت بتهزر، دبي إيه اللي هسافرها؟

شادي: يا ملك مشروع شغل كبير ولازم أقعد هناك على الأقل سبع سنين، وطبعًا هتنزلي إجازات لجاسم أخوكي وهما هيجوا.

ملك: أنا مش موافقة، ولا روح هتوافق.

شادي: ملك إحنا لازم نسافر، الشركة لازم أباشرها بنفسي.

ملك: روح إنت لوحدك.

شادي: مستغنية عني كده؟

ملك: إنت اللي مصر تبعدني عن جاسم.

شادي: يا مادلين افهمي.

ملك بصدمة: مادلين!

ملك بصدمة: مادلين!

شادي تنهد وقرب من ملك: كوكي اهدى أنا بس اتلغبط علشان كنز لما كانت عايزة تسافر وكده، سوري يا روحي.

ملك بشك: تمام يا شادي، هقول لروح على موضوع السفر ونبقى نشوف.

جاسم راح بسرعة النادي لروح وتاليا، ولقاهم واقفين والجارد اللي بعتهم حواليهم، وروح حاضنة تاليا وواقفة.

جاسم: أنتم كويسين يا حبايب بابي؟

روح: احنا كويسين بس كنز الجارد مش لاقينها.

جاسم بزعيق: علشان قولت مليون مرة محدش يخرج من غير جارد مفيش سمع كلام.

تاليا: بابي هي كنز فين؟

جاسم: أنتم يا بهايم، تدوروا عليها بسرعة ومش في المنطقة بس، أنتم تدوروا عليها في مصر كلها، اتحركوا!

عند جبل المقطم، عربية سودة واقفة وكنز قاعدة على العربية وبتبص للغروب وجمبها مالك.

مالك: ليه رضيتي تيجي معايا؟

كنز من غير ما تبص له: أنت قولتلي عايز أتكلم معاكي وأنا وافقت ومش مهم المكان أنا كده كده بعرف أحافظ على نفسي.

مالك: مخوفتيش؟

كنز بسخرية من غير ما تبص له: هو أنت يتخاف منك أصلاً، ده أنا معلمة عليك مرتين، وبعدين قولتلك بعرف أحافظ على نفسي.

مالك: أنا مش هتكلم علشان مبوظش القعدة، أنا آسف.

كنز بصت له والغروب باين في انعكاس عيونها وابتسمت.

مالك بشبح ابتسامة: إيه العبط ده؟

كنز: يعني كنت عارفة إنك هتعتذر.

مالك: إيه الثقة دي؟

كنز: يعني وأنا طفلة قابلت واحد زيك (قصدها على أبوه).

مالك بفهم: واحد مين؟

كنز: مش مهم، أنا عايزة أروح.

مالك: طب مش تعرفيني بنفسك، أنا معرفش غير اسمك.

كنز: اسمي كفاية أوي، ممكن تكتبه على جوجل وهتعرف عني معلومات.

مالك بضحك: لا مشهورة ومتدلعة.

كنز: هه، طب يلا روحني.

مالك ركب وهي جمبه وشغل أغنية هادية وهي ابتسمت وبصت للشباك.

كنز لنفسها: إيه العبط ده يا كنز، أنتي مبسوطة؟!

ملك: يعني جاسم بيدور عليها.

روح بتعب: آه.

ملك: يا رب يلاقوها.

روح: يا رب.

ملك: روح عايزة في موضوع مهم.

روح: قولي يا مامي.

ملك: بابي لازم يسافر دبي لشغل مهم وطبعاً لازم نروح معاه، أنا قولت لازم آخد رأيك الأول.

روح: وأنكل جاسم ونور و...

ملك: كل دول هننزل ليهم إجازات.

روح: موافقة.

نوح: إيه يا روح؟

روح: ممكن أتكلم معاك؟

نوح: آه طبعاً اتفضلي.

روح: أنا مسافرة أنا وبابي ومامي دبي.

نوح: رحلة يعني؟

روح: لا هو، يعني احنا هنقعد هناك سنين.

نوح: إيه الكلام ده، لا طبعاً أنا هقول لبابا و...

روح: نوح اسمعني ده شغل بابا وأنا لازم أبعد لأني...

نوح بزعيق: هو أنتي مش هتقعدي معانا، أنتي اتجننتي؟

روح: يا نوح اسمعني.

نوح: لا طبعاً أنا هقول لملك إنك مش موافقة وهتقعدي معانا.

نوح بيفتح باب الأوضة.

روح بدموع: بس أنا موافقة.

نوح ساب الباب: اطلعي بره.

روح: نوح اسمعني أنا...

نوح: اطلعي بره.

روح طلعت وهو قفل الباب وقعد على الكرسي بصدمة.

عمر: أهي يا جاسم وصلت.

جاسم بيجري على تحت: كنتي فين يا هانم؟

عمر: اهدى يا جاسم.

كنز: كنت في مشوار كده.

حور: مشوار إيه بس احنا قلقنا عليكي.

كنز: يا جماعة أنا كبيرة.

: طب يبقى أنا بقي ماليش لازمة.

كنز بصت للصوت واتصدمت.

طب يبقى أنا بقى ماليش لازمة!

كنز بصت للصوت وكان نادر ولسه بوسامته واقف بيضحك.

كنز وهي بتحضن جاسم: شكرًا شكرًا شكرًا... أنا بحبك أوي.

جاسم: أنتِ عارفة إني بكرهه بس عشانك أنتِ جبته مصر.

نادر: وبتتكلم في وشي كده.

جاسم: آه في وشك.

كنز: أنا عايزة أتعلم كل حاجة.

نادر: اهدي بس الأول كده... وبعدين أنتِ جسمك ضعيف محتاج تمارين معينة.

كنز ضربته بالبوكس: طب وكده؟

نادر: لا بس تنفع تشتغل مدرب يا عمر.

عمر: حبيبي.

نور: يلا الغداء جاهز.

مالك دخل بيته ورمى المفاتيح وكان داخل أوضته بس صوت أمه اللي قاعدة بتتفرج على فيلم إسماعيل ياسين وقّفه.

فاطمة: تصدق أنا مستمتعة وأنا بتفرج على تربيتي اللي بتضيع أكتر من أفلام إسماعيل ياسين.

مالك ببرود: طيب كويس.

فاطمة بغضب: استنى عندك!

مالك: نعم.

فاطمة: أنت سحبت ورث أبوك من البنك؟

مالك: أظن دي فلوسي... وكان المفروض أسحبها من زمان بس اتأخرت.

فاطمة: وهتعمل إيه بكل الفلوس دي؟

مالك: أظن إن دي حاجة تخصني.

فاطمة: خلي بالك لو أذيت البنت دي أنا اللي هقف لك.

مالك بسخرية: أنا داخل أنام.

تاليا: طب بتعيطي ليه؟

روح: عشان أخوكي زعلان مني جدًا.

تاليا بسخرية: أنا عندي مرارة واحدة، اخلصي إيه اللي حصل؟

روح ببكاء: أنا هسافر دبي مع مامي وبابي... وهو زعلان.

تاليا: نعم! طب ما ترفضي، وبعدين ما أنتِ عارفة ومتأكدة إن أنكل شادي وملوكة مش هيرفضوا.

روح: يا تاليا اسمعي، أنا عايزة أحقق حلمي وأبقى إعلامية كبيرة، وبعدين أنا من يوم ما اتولدت وأنا بشوف بابي ومامي بيتخانقوا، وأنا حاسة إنهم لو بعدوا هيبقوا كويسين... وأنا نفسي أعيش معاهم بسعادة... أنا دايمًا بشوف طنط نور وجاسم مبسوطين، مش بحسدهم لا طبعًا ربنا يخليهم لبعض بس أنا نفسي نبقى زيهم... أنتِ فهماني؟

تاليا وهي بتقوم: اللي أنا فاهماه إنك لو بتحبي نوح هتقعدي.

ملك: يعني يا جاسم خلاص أنت موافق؟

جاسم: لو سعادتك هتبقى هناك يبقى أنا موافق.

نور بدموع: هتوحشيني يا ملك.

ملك ببكاء: والله هنزل إجازات وأنتوا هتيجوا أكيد.

عمر: نعم! هو إحنا نخلص منك هنا ونروح ليكي هناك؟

حور بتضربه وتضحك: بطل برود... هتوحشيني يا كوكو.

ملك: وأنتِ كمان والله يا حور.

جاسم: طيب محدش يقول للأولاد دلوقتي.

نور: ماشي.

ليلى خارجة عشان تقابل العريس ولابسة فستان بينك ضيق وقصير من عند الرجل حتة بسيطة وحزام أسود وطرحة سوداء وهاف بوت أسود.

أم العريس: بسم الله ما شاء الله... إيه القمر ده الله أكبر.

ليلى بحزن: شكرًا يا طنط.

أم ليلى: سلمي على عريسك يا لولي.

ليلى: أهلًا.

العريس حسام: إزيك يا ليلى؟

ليلى: الحمد لله اتفضل.

أم العريس: بصي بقى يا أم ليلى كل طلباتك مجابة وحسام متربي مع ليلى وإحنا جيران يبقى ملوش لازمة الخطوبة ونقرأ دلوقتي الفاتحة والأسبوع الجاي كتب الكتاب.

ليلى بسرعة: بس أنا...

أم ليلى: موافقين... نقرأ الفاتحة بقى.

بعد ما خلصوا مشيوا وليلى بتغلي.

ليلى: ليه عملتي كده؟ أنا مش عايزاه بكرهه.

أم ليلى: وطي صوتك يا ليلى.

ليلى بصوت أعلى: أنا بكرهه مش هتجوز!

أم ليلى ضربتها بالقلم وهي اتصدمت ومشيت وراحت لأكتر حد بتحبه.

آدم قاعد زعلان ووحيد، الأكل قدامه بس مش بياكل... زق الأكل وقام يتأمل الڤيلا ويفتكرها.

آدم: نفسي ترجعي بقى... ارجعي يا ليلى.

الباب خبط وهو جرى على الباب.

آدم وهو بيفتح: ليل... ريناد!

ادم بصدمة: ليل.. ريناد!!

ريناد بخبث: ادم.. وحشتني جدًا.

ادم بعصبية: انتي إيه اللي جابك هنا.. غوري من وشي.

ريناد وهي بتقرب: حبيبي أنا آسفة بس والله أنا ماليش ذنب.

ادم زقها بعيد لدرجة إنها اتخبطت في الباب ولسه هتقف كان هو مسكها من هدومها قربها ليه.

ادم بغضب: راجعة لإيه ها.. عايزاني أرجعلك.. أوعي تفتكري إني علشان سيبتك زمان إني كنت ضعيف.. تؤتؤ أنا كان ممكن أقتلك بس أنا مش كده.. ابعدي يا ريناد.. أنا مبقتش زي زمان.

ريناد بتقرب: بس أنا يا ادم..

ادم: أنتي اللي اخترتي يا ريناد.

ادم بيضربها وهو مش حاسس بنفسه من الخنقة وبيلف وشه لقى ليلي واقفة قدام الباب بتعيط وبتترعش قام وقف وبيقرب منها بالراحة وهي بترجع.

ادم: ليلي أهدي أنا مستحيل أجي جنبك.. دي.. دي ريناد.. ليلي أهدي وتعالي هنا أنا ادم.. أنتي بتترعشي لإيه ليلي.. ليلي..

ليلي جريت وأول تاكسي قابلها ركبته بسرعة وهو وراها بالعربية.

كنز: آه خارجة بس هاخد تاليا معايا هي وروح.

نور بخوف: خدوا جارد معاكم.

كنز بضحك: يا نوني أنتي النهارده عندك حفلة اتبسطي وإحنا هناخد بالنا من نفسنا كويس.. هروح ألبس بقى.

نور: ربنا يوفقك يا كنز.

كنز راحت أوضتها وطلعت بنطلون أبيض واسع وبادي كت أسود وجاكت جينز وكوتشي أسود ورفعت شعرها ديل حصان ونزلت خصل بسيطة وشمرت الجاكت شوية ولبست اكسسوارات ونزلت.

كنز: يلا.

روح بحزن: يا جماعة أنا مش عايزة أخرج والله.

تاليا: يا بنتي هنخرج شوية وبعدين أنتي لبستي يلا بقى.

كنز: يلا يا بت علشان نور متشوفناش وتقول خدوا جارد.

روح ركبت العربية هي وتاليا ومعاهم السواق وكنز الاسكوتر بتاعها.

تاليا: يا بنتي اركبي معانا وسيبك من البتاع الولادي ده.

كنز بسخرية: سبتلك أنتي العربية البناتي يا ست تاليا.

نزلوا قدام مطعم واختاروا التربيزة اللي جنب الزجاج علشان يشوفوا النيل.

كنز: يا بنتي أنجزوا هتاكلوا إيه.

تاليا بملل: مش عارفة.. تاكلي إيه يا روح.

روح: ماليش نفس.

كنز وهي بتضربهم بالمنيو: يا جزمة منك ليها.. مش عزا هو عاملين نفسكم مش بتاكلوا.. أومال مين اللي مخلص التلاجة عندنا.

روح بتضحك: خلاص... هههه.. هتفضحينا.. أنا هطلب تشيز برجر.

تاليا: وأنا هطلب.. اممم.. بيتزا.

كنز: طيب أنا هاخد بيرجر زي روح وبطاطس.

تاليا: طيب.. لو سمحت.

النادل: اتفضلي يا فندم.

تاليا: هطلب.....

تاليا بتقول الطلبات وكنز مش معاهم خالص.. علشان شافت من الإزاز مالك راكب اسكوتر أسود وواقف بيه وبيبص على كنز ومبتسم ليها وهي ضحكت وسابت التربيزة ونزلت ليه وروح وتاليا بينادوا عليها.

كنز وهي بتضحك: إيه ده أنت مراقبني.

مالك: أممم.. مش للدرجة دي.

كنز: واو.. الاسكوتر تحفة.

مالك: تحبي تجربيه.

كنز: أيوه بس معاك.

بصوا لبعض شوية بعد كده ركبت وراه ومشوا وروح وتاليا مستغربين مين ده.

جاسم: يلا يا نور...

نور وهي بتخرج من الحمام: خلاص أهو خلصت.

الفستان كان أكتر من تحفة عليها والحزام الدهبي لايق على لون شعرها اللي لأول مرة تعمله ليس وميكب خفيف وجاسم بدلة سودا.

جاسم وهو بيقرب منها: أنا عمري ما شفت جمال كده.

نور بضحك: جمال مين؟!

جاسم: يا فصيلة.. بحبك!!

نور: هنتأخر؟!

جاسم: بعشقك.

نور: دي حفلة تكريم ليك.

جاسم: بموت فيكي!!

نور كان ردها إنها باستُه برقة وخرجوا من الفيلا وسط معاكسات عمر لنور وجاسم بيتعصب وركبوا العربية.

ادم وصل المنطقة الشعبية اللي فيها بيت ليلي بس معرفش يدخل بالعربية وسط الزحمة فضرب الدريكسيون جامد وساب العربية وطلع يجري على بيتها اللي الناس قالت عليه وشاف ناس كتير واقفة وليلي على الأرض بتصوت قدام أمها.

ليلي ببكاء: لا... يا ماما.. والله خلاص موافقة.. متسبينيش.. يا ماماااا.. آعاااا.. ماما ماتت يا ادم.

ادم وهو بيحضنها: هشّش.. ربنا يرحمها يا ليلي أهدي أنا معاكي.

ليلي ببكاء: قو.. قولها إني موافقة على حسام بس ترجعلي.

ادم استغرب مين حسام ده بس معلقش علشان الموقف وبدأ يخلص الإجراءات.

جاسم وصل ومعاه نور وسط الناس اللي بتبارك له على التكريم للمرة 19 وبيحسدوه على نور وجمالها وهي ماسكة إيده وهو مش سايبها وأخيرًا قعدوا على تربيزة ونور لسه ماسكة إيد جاسم وجاسم بيتكلم مع صحابه وهي قاعدة جنبه.. وملاحظة نظرات البنات وغيرانة جدًا.

نور: جاسم أنا هروح الحمام.

جاسم باس خدها: روحي يا قلبي.

نور قامت وهو باصص عليها لغاية ما توصل بس وهي بتفتح الباب اللي فيه الحمامات واحد مسك دراعها ولفها ليه.

الشخص: دكتور ياسين.. حابب أتعرف عليكي.

جاسم وهو بيسحب نور ورا ضهره: لا أنت مش هتعرف تتعرف على حد تاني أصلاً.

جاسم مسك الراجل، ضرب دماغه في الحيطة، وبعد كده مسك إيد نور وخارج بيها، والأعضاء في المايك بينادوا عليه، وهي ماسكة إيده جامد وركبوا العربية.

نور بخوف: جاسم أنا..

جاسم بحنية: أهدي يا نور، إنتي ملكيش ذنب.. هو اللي راجل***. أهدي وخدي نفسك.. مفيش حاجة حصلت لكل الخوف ده.

نور: بس التكريم..

جاسم بابتسامة: ما تقلقيش، أنا هعتذر وهنأجل الحفلة.

نور: إنت بتطمني بكلامك أوي.. بحس إني بنتك على طول.

جاسم: إنتي فعلاً بنتي وكل حاجة ليا.

مالك خد كنز على السكوتر، وطول الطريق بيضحكوا لغاية لما وقف قدام عمارة شيك أوي بتبص على النيل.

مالك: يلا..

كنز وقفت بتوتر: يلا فين؟

مالك بسخرية: أوبا المتدلعة خايفة؟!

كنز: قولتلك إني بعرف أحمي نفسي.. بس سمعتي مش بإيدي أنا برضه بنت!!

مالك بجدية: أنا عندي شقة هنا، وأنا بحب التصوير جداً، ف عامل أوضة في الشقة بصور فيها.. الأوضة دي أنا برتاح فيها جداً.. ف قولت تحبي تشوفيها.

كنز: اممم.. طب اتحايل عليا شوية.

مالك: اركبي يا كنز أنا همشي.

كنز: خلاص خلاص.. قفوشة أوي إنت.. يلا.

كنز ركبت الأسانسير وهو معاها، ولأول مرة يبقوا مع بعض في مكان ضيق، وكانت بتتعمد ما تبصلوش وهو بيحفظ ملامحها الجميلة، وأخيراً وصلوا وكان الدور الأخير.

مالك وهو بيفتح الشقة: أهلاً بيكي في شقتي الجامدة.

كنز: هههه.. طريقتك بتضحكني.

مالك: طب إيه رأيك؟

كنز بإعجاب: على فكرة حلوة جداً.. ومش بجاملك لأني ما أعرفكيش أصلاً.

مالك: طب خشي يا متدلعة.

كنز دخلت الأوضة بتاعت التصوير وكان تحفة، والديكور أسود وموف غامق، وكانت جميلة جداً، وبدون تردد كنز وقفت قدام الكاميرا، وهو فهم إنها عايزة تتصور، وقرب منها جداً وبدأ يظبط وضعيات للتصوير ويصورها، وبعد ما خلص.

مالك وهو عينيه في الكاميرا: هايل.. تنفعي موديل يا كنز.

كنز وهي بتبص معاه: واو تصويرك جميل.

مالك مركز في ملامحها: امم.. بس إنتي جميلة أكتر.

كنز لفت وشها ليه وكان ما بينهم سنتيمترات بس، وأخيراً بعدت ودخلت البلكونة تشم هوا.

عمر: إنت مجنون يا جاسم.

جاسم: إنت اللي مجنون علشان بتعلي صوتك عليا.

عمر: ما اقصدش بس محدش يمشي بالمنظر ده.

جاسم: أهو اللي حصل.

نور: زي ما بقولك كده، ضربه ومشي.

حور: بيغير عليكي يا نور.

نور بكسوف: أوي!!

ملك: أيوه يا عم.

نور: بس بقى.

ملك: يا بختك يا نور.. أخويا كويس مش زي ناس.

حور: يا بنتي والله شادي بيحبك.

ملك بحزن: صدقيني أنا حاسة إن خلاص.. مبقاش يحبني.

نور وهي بتحضنها: ليه بتقولي كده، ده بيعاملك قدامنا كلنا كويس جداً..!!

ملك بدموع: أنا كست حاسة من ناحيتي اتغير.. حتى أكبر دليل على كده إنه ما حاولش يخلف تاني مني بعد روح.. وفي نفس الوقت جاسم خلف منك واحد واتنين وكمان عايز يخلف التالت، ربنا يخليكوا لبعض.. وعمر عايز يخلف من حور تاني.. لكن هو لأ.. أنا لما وافقت أسافر وافقت علشان نقرب من بعض شوية.

نور بتطبطب عليها: كل حاجة هتتصلح.

تاليا: روحي إنتي يا روح أنا هخرج مع صحابي.

روح: نعم إنتي عارفة الساعة كام.. وبعدين صحاب إيه اللي تخرجي معاهم دلوقتي وإنتي حتى لسه ما كملتيش الـ 16 سنة وما عملتيش بطاقة.. يلا يا تاليا.

تاليا: روح علشان خاطري قولي لمامي إني مع كنز علشان تطمن وما تخافيش عليا.. أموووه.

روح: تاليا.. تاليا.. طب والله ما هقول حاجة ومش هكدب.

كنز بتضحك: لأ والله.

مالك: والله الرحلة قلبت بسبب الجو.

كنز موبايلها رن.

كنز: ألو يا جسومي..

جاسم: ألو يا روحي إنتو فين؟

كنز: أنا خرجت مع مالك، وأرجوك لما أرجع هتكلم معاك.

جاسم بغضب: لينا كلام يا كنز.. طب تاليا وروح فين؟

كنز: إيه ده هما ما روحوش.. أنا سيباهم من بدري.

جاسم: طيب أنا هشوف هما فين مستنيكي يلا.

كنز: أنا لازم أروح..

روح: هاي يا جماعة..

جاسم: فين تاليا يا روح؟

روح بتوتر: هي.. هي راحت مع كنز مشوار.

جاسم: كدابة يا روح.. فين تاليا؟

روح بخوف: تاليا..

ميمي (صاحبة تاليا): يا بنتي جربي بقولك مش مخدرات.

تاليا: أنا خايفة أدمن.

ميمي: ههه.. لأ ما تخافيش يا نوغة جربي.

تاليا بتاخد منها السيجارة.

جاسم: فين تاليا يا روح؟!.

نوح وهو نازل من على السلم: مالها تاليا؟!

روح بتوتر: هي.. هي.. خرجت.

نور بخوف: خرجت راحت فين؟ انطقي يا روح.

روح بخوف: يا ربي... هي.. هي خرجت مع صحابها!

جاسم بصدمة: إزاي؟ خرجت فين؟ وفين الحراس؟!

روح بتوتر أكبر: أصل.. أصل إحنا..

نوح بغضب: ما تتكلمي.

روح: إحنا ما خدناش جارد معانا.

جاسم بغضب: ما فيش سمع كلام لإيه؟!

كنز وهي بتفتح باب الفيلا: إيه يا جماعة، لقيتوا تاليا؟!

نور ببكاء: روح بتقول إنها مع صحابها.

كنز وهي بتحضنها: إن شاء الله هتيجي.

عمر: طب أنا هروح أدور عليها، وأنت اتصل باللواء عمران لو يقدر يساعدنا في حاجة.

جاسم: أنا هاجي معاك طبعًا!

نوح بجدية: خدوني معاكم.

جاسم شاف الخوف الحقيقي في عين نوح على أخته تاليا.

جاسم: طيب يلا.

كنز: طب تحبوا أجي معاكم؟

جاسم بخنقة: لا.. مش هحب تيجي معانا.

كنز فهمت إن جاسم متضايق منها بسبب إنها كانت موجودة مع مالك.

كنز: يوووه.. روح.. هي ما قالتش رايحة فين؟!

روح: لا ما قالتش.

في عربية لونها أحمر راكنة في مكان ضلمة، راكبة تاليا في الكرسي اللي قدام ورافعة رجليها على التابلوه وبتشرب سجاير، وراكب على كرسي السواق ميمي صاحبتها، وراكب ورا ولد لابس نظارة نظر صاحبهم وبرضو بيشرب.

تاليا: كح.. كح.. أنا شكلي تقلت.

ميمي بضحك: هههه.. إن في عندك مواهب انحراف فظيعة!

تاليا: هههههههههه.

كريم صاحبهم: هي الساعة كام؟

ميمي: داخلة على 2 الفجر.

تاليا بخضة: إيه.. كح.. كح.. بابي.. روحيني بسرعة يا ميمي.

آدم وهو بيفتح باب الفيلا: اتفضلي يا ليلي.

ليلي داخلة ولابسة أسود: ما كانش ليه لزوم تصر في المقابر إني أجي أقعد معاك أنت وكنز.

آدم: لا طبعًا أنتِ ما ينفعش تقعدي لوحدك بعد كده.

ليلي بتعب: فين كنز؟ أنا هأسلم عليها وأروح بيتي.

آدم بيشدها: أنتِ اتجننتي؟ عايزة تروحي فين؟ ده بيتك.. وبعدين خايفة مني؟ مش عايزة تقعدي معايا لوحدك؟ أنتِ كنتي بتقعدي معايا لغاية الفجر وأنا اللي أوصلك.. إيه نسيتي؟ ده بيتك.. اطلعي الأوضة وغيري وأنا هأطلب أكل.. (بصراخ) يلاااا!

ليلي خافت منه وهو بيزعق وافتكرت لما شافته وهو بيضرب ريناد.. خافت وطلعت تجري على الأوضة تعيط.

مالك دخل بيته وهو بيغني، ودخل أوضته قلع التيشيرت وسمع الباب بيتفتح، لف وكانت أمه.

مالك بملل: على فكرة الباب معمول علشان نخبط عليه.. أنتِ ربيتيني كده.

فاطمة بسخرية: يعني هي تربيتي نفعت أوي.. كنت معاها.

مالك بخبث وهو بيدخل حمام أوضته: هي مين؟

فاطمة وهي داخلة وراه: كنز.. كنز يا مالك.

مالك بينشف وشه: أمم.. آه كنت معاها.

فاطمة: حاسة إنك عايز تأذيها.

مالك: حاسة مش متأكدة.

فاطمة: مالك أنا مسافرة للجمعية الخيرية اللي في المنصورة وهأقعد هناك يومين.. عايزة أرجع أشوفك بخير مش ميت من جاسم الوردي.

مالك: تروحي وترجعي بالسلامة.

نور فتحت باب الفيلا وبتخرج منها وهي بتلبس الاسكارف وقلقانة وكلهم وراها.

كنز: يا نور اصبري.. هتدوري عليها فين؟

نور بدموع: في أي حتة.. المهم أعرف بنتي فين.

ملك: يا نور.. يا نور ما إحنا كلمنا جاسم وقال لسه ما لقاهاش.

نور ببكاء: مش هأقعد وبنتي بعيد عني.. مش هأقدر.

روح بدموع: أهي يا نور.

نور وقفت بصدمة وكلهم مصدومين منها وهي نازلة من عربية وبتعمل باي لأصحابها، وشافوا ميمي اللي لابسة جيب جلد وتوب جلد وجسمها باين وعليه تاتو كتير وشعرها قصير وهي صابغاه أصفر في أسود وعاملة بريسنج في مناخيرها وشكلها غريب خالص.

تاليا: مامي.. أنتم واقفين بره ليه؟!

نور بدموع: ادخلي قدامي واطلعي على أوضتك.

تاليا: مامي اسمـ..

نور بصراخ: بأقولك تدخلي جوه.

مالك قاعد في أوضته وعمل سيرش على اسم كنز الوردي وظهرت أخبار كتير جدًا وصور ليها مع جاسم في مؤتمرات كتير ومعلومات عنها زي سنها وكده.

مالك: أمم.. خلينا نشوف.

شاهد سندريلا مصر.. ابنة الطبيب ورجل الأعمال جاسم الوردي تظهر بفستان ساحر في حفلة تكريم الطبيب جاسم الوردي.. والشعب يطلق عليها (سندريلا مصر).

مالك: أمم.. سندريلا فعلًا.

جاسم بغضب: هي فين؟

نور: اهدي يا جاسم هي في أوضتها.

جاسم: اهدي إزاي والهانم جاية في أنصاص الليالي مع رقاصة... تاليا!

جاسم زق الباب وتاليا اتنفضت من على السرير لأنها أول مرة تشوفه غضبان كده.

جاسم بياخد نفسه: بره.. كلكم بره.

نور: بالراحة عليها يا جاسم.

جاسم: اطلعي بره يا نور.

كلهم خرجوا وجاسم بدأ ياخد نفسه ويقرب منها بالراحة وهي خايفة.

جاسم بابتسامة صفرا: توتي!

آدم: تك.. تك..

آدم فتح الباب بس ما لقاش ليلي في الأوضة، فتح باب الحمام ورمى الأكل من إيده.

آدم بصدمة: ليلي!!!

كلهم قاعدين في الريسبشن وبيحكوا لشادي إيه اللي حصل ومستنيين جاسم ينزل.

كنز: بس وهو لسه ما نزلش.

شادي: أستغفر الله العظيم.. كل شوية مشاكل كده.

نور بخوف: أنا خايفة يعملها حاجة.

حور: أكيد لا جاسم بيقدر يتحكم في غضبه.

شادي: وأنتِ كنتي فين يا كنز؟

كنز بتوتر: ها..

جاسم نزل وكلهم سكتوا وكان غضبان جدًا وكان متجه للمكتب بتاعه من غير ما يبص لحد.

جاسم وهو داخل المكتب: كنز... تعالي هنا.

كنز بخوف: ح.. حاضر.

كنز دخلت ولقت جاسم قاعد متعصب وبيشرب سيجارة وده أكبر دليل إنه متضايق لأنه ما بيشربش غير لما بيكون في قمة غضبه.

جاسم: كنتي مع مالك ليه؟!

جاسم: كنتي مع مالك ليه؟!

كنز خدت نفس: هو طلب يتكلم معايا وأنا..

جاسم: تعالي اقعدي.

كنز قعدت وهو طفى السيجارة.

جاسم: الولد ده اسمه مالك إيه؟!

كنز باستغراب: مالك رأفت.

جاسم: يوسف.. اسمه مالك يوسف رأفت.. صح؟

كنز: صح.

جاسم: يوسف ده عمل إيه فيا قبل ما يعمل في نور.

كنز:

جاسم: كنز... أنا عارف إنك عاقلة وبتحافظي على نفسك.. أنتِ حاجة غالية أوي.. وأنا عارف إنك هتحافظي عليها.. بلاش مالك يا كنز.

كنز: هفكر في كلامك يا جسومي.. جود نايت.

جاسم: جود نايت.

***

آدم: ليلى فوقي.

ليلى كان مغمى عليها وواقعة في الحمام.. آدم شالها وحطها على السرير والكلب بتاعه وراه وبدأ يفوقها.

آدم وهو بيرش برفان: فوقي يا ليلى.

ليلى: اممم.. آدم.

آدم: حمد لله على السلامة يا لولي.. أنا جمبك أهو.

ليلى: أنا عايزة أنام.

آدم وهو بيطفي النور: حاضر يا ليلى هننام.

ليلى كانت دايخة ومش مركزة وهو نام جمبها علشان يطمنها وأول ما نامت قام من جمبها راح أوضته علشان مينفعش شغل الروايات وكده وتصحى تلاقي نفسها في حضنه.

***

كلهم طلعوا يناموا.. وفي أوضة نور وجاسم، كان قاعد على السرير ونور على التسريحة بتسرح شعرها.

جاسم: نونو.

نور: عيوني.

جاسم: عايز أحكيلك حاجة.

نور وهي بتسرح: سمعاك.

جاسم: يوسف عنده ابن.

نور الفرشة وقعت من إيديها وراحت قعدت جمب جاسم بسرعة.

نور بخوف: إزاي.. هو الولد ده.. ممكن.. يعني.. يأذينا.. لو.. ولادي.. وأنت.. لا يا جاسم مش هستحمل أي حاجة تحصلك.

جاسم كان هيقولها كمان على كنز أنها بتقابله بس لما شافها كده محبش يحكي.

جاسم وهو بيحضنها: اهدي مفيش حاجة هتحصل لحد.

***

كنز قاعدة قدام المراية اللي في أوضتها وبترطب بشرتها قبل ما تنام ولابسة بيجامة وبتفكر في كلام جاسم والموبايل بتاعها رن راحت على السرير وردت.

كنز: ألو.

مالك: ألو يا كنز.

كنز: مين معايا؟!

مالك: أنا مالك يا مدلعة.

كنز: اممم عايز إيه بقى؟

مالك: مش هتسألي جبت رقمك منين.

كنز: سؤال غبي واللي يسأله أغبى.. أكيد دورت ورايا وعرفت... ولا عايز تقولي بقى واحد زيي سهل يجيب رقمك نينينيني.

مالك بيضحك: يخربيتك قفشتيني.

كنز: عايز إيه بقى؟

مالك: عندي بكرة حفلة على الساعة تسعة.

كنز: طيب ربنا يوفقك.

مالك: يا بنتي هو أنا رايح أمتحن.. بقولك حفلة.

كنز: أيوه أعملك إيه يعني أطبع التذاكر ولا إيه.

مالك: أقصد يا غبية تيجي معايا.

كنز: هه.. واثق إني هاجي يعني.

مالك: طبعًا ولد شيك وجامد جمودة لازم تيجي.. ألو.. ألو.

***

كنز: فاكرني هاجي.. مش هروح طبعًا.

After 10 minutes..

كنز واقفة قدام الدولاب وبتحاول تلاقي حاجة تروح بيها.

***

نوح بيشرب مايه من التلاجة وبيقفل الباب بتاعها لقى روح واقفة.

روح بدموع: نوح.

نوح ببرود: مش عايز أتكلم.

روح ببكاء: أرجوك اسمعني.. أنا خلاص مش هوافق أسافر معاهم.

نوح بفرحة مداريها: الموضوع يخصك.

روح وهي بتمسك دراعه: لا أنا وأنت واحد.. الموضوع يخصني أنا وأنت.

نوح: أنتِ بعتيني لما قولتي هسافر معاهم.. إيه بتجربي زعلي.

روح ببكاء: لا.. عمري ما أبيعك يا نوح.. أنا.. أنا بحبك.

نوح غمض عيونه وشدها لحضنه وهي بتعيط.

***

عمر: يا بت اسمعي.

حور وهي بتجري منه: أنت متخلف.. عايز تخلف تاني دلوقتي.

عمر: طب إيه اللي مزعلك بس.. قفشتك.

حور: هههه.. يا عمر.

***

ملك خارجة من حمام أوضتها لقت شادي بيتكلم في الفون.

شادي: أنا مش هبيع صاحبي.. افهمي.

ملك: بتكلم مين؟!